..

الجاهل مكبّر عنه .. عقلي
وليا كبر عقلي .. كبر راسي

لو كان يجمع لي ويفرق لي
لا يمكن أرفع ساسه لساسي

..

من قال روحي تروح ان راحوا أحبابها ؟

مراسيلها .

الله أكبر لا ركبنا و عدينا الحدود .

حيث يكون البسطاء والغرباء .. تجدوني.

-

الحب و الشكر و التقدير و العرفان
للـعزوة اللي تـنـومسني هقاويها
أحيان أجيها بـ عذر لـ غيبتي وأحيان
لا جيتها . . كني اللي داايم يجيها

-

‏كيف أرجع شكلي الأول علي؟
‏يوم مافي قلبي الا الإرتياح

‏أشهد أن فراق خلي يا هلي
‏ما ترك بي حاجةٍ فيها صلاح

‏قلت له والكبد تطبخ و تغلي
‏لا تهملني .. و هملني و راح!

-
لا انت أخوي ولا ولد عمي و خالي
لجل أحطك دايمًا معي في الصورة


والصحيب الوافي.. اللي على بالي
جابته ( شهب الليالي ) و مشكورة
-

‏..

أغلا من يجيني على الخاص والعام
‏يا مرحبا .. باللي دياره بعيدة

‏عزيتني .. وأنا بحالة ( حزن تام )
‏وأضحكت سني فوق قبر الفقيدة

..

‏-

مطلوب واحد يمتلك خبرة إعلام
‏متفرّغ و ما عنده ألا سنابه

‏يمسك حسابات التواصل وأنا أنام
‏ويديرها ، والنشر مفتوح بابه

‏وأسلّمه ديواني ( دروب الأحلام )
‏و يشوف دربه و يتغانم شبابه

‏مع راتبٍ شهري و مع واجب كرام
‏وان كان جاني شي بحسب حسابه


-
للراغبين (:

‏.

‏أشوف الشعر ياخذ من الطبع والأخلاق
‏تبي تعرف اللي فيه هَـنـّه مـن بيوته

‏قصيدة بلا معنى يحيّرك .. ما تنطاق
‏وشاعر يسولف ودك تقوم و تشوته

‏.

‏"أنا شخص مريض بالرقة وبالصدق، وأخاف العلاقات الزائدة، وأخاف -أحيانا- من المعجبين ومن المتابعين، بل أبتعد ما أمكن عن الإحتكاك بهم. البعض يعتقد أنني مغرور، أو قاسي أو متكبر، لكنني أبسط مما يتصوّرون، سوى أنني لا أريد أن أفقد متعة وجودي حياً بسبب أنّي ( شاعر ) ."

‏- عبدالعظيم فنجان

‏أرشيف :

‏تقولون والا ما تقولون .. يا الأجواد
‏ترا الشاعر المبدع تبي تاصل أبياته

‏ولاهوب في حاجة (دعاية ولا نشاد)
‏كثر ماهو بحاجة مساحة لـ كلماته

-

لو كان جاني من زماني بهاذيل
خلوني أنسى واسلموا من عدوّي

أبا أتوجّد .. كلّ ما طرّف الليل
وأبا أتغزّل .. كلّ ما زان جوي

مالي ومال شفوف بعض الرياجيل
ما شاقها برقي ولا خيال نوّي!

حتى تجي في رِبعة البنّ والهيل
وآخذ تواضعها و تاخذ علوّي

همي يراودني و حلمي ورى سهيل
وشفّي على شفّ الضعيف .. متقوّي

اللي تحس أنه لحق ( غزوة الفيل )
خطرٍ تشوفه في المفارش يطوّي!

-

تحيا الجديّة ..