‏-
لو هو على دربي أدلّه ، ومامن خلاف
‏مير البلا يا فهد دربه ، ومامن دليل!

‏الله يجمّل مواقفنا . . لا جينا خفاف
‏وان كان ضعنا عساهم يحفظون الجميل
-

-
من قلة الحيلة و من ضيعة السُبل
وش عاد أقول من التجارب وأخلي؟

أحيان أقول الله على عيشة الخبل
اللي ما يعقل غير .. لا جاء يصلي
-

-

لا صرت ما تعرف شلون تقاتل
جنّب عن الوعد وحروبه جنّب!

في دربنا الطالات .. وأنته شاتل
شتلة رخمةٍ فاللزوم .. يذنّب!

وان كبرت القالة و جتك مخاتل
عوّدت .. منها بالصياح تطنّب!

-

-
تكبر الدنيا بقلبك و تفكيرك
كل ما تِبعد عن الزاهد الديّن

واحدٍ ماهي بـ همّه مشاويرك
همّه ليا مات بكرة وش يعيّن؟
-

-
المصور
مثل الشاعر
نقطة الشبه والالتقاء بينهما ( الإلتقاطة الذكية ) .

.
.
‏من تبع دنياه تعميه و تعوقه
‏لين يصبح ما علاه ولا علاها

‏الأخو يجفاه والشايب يبوقه
‏والقبيلة كلها يلعن ثواها !!
.
.

‏-
يا ربّ هب لي فرحة لباقي العمر
‏حزني كبير و همي أكبر يا ربي

‏عبدك وظني فيك ما يلحقه جمر
‏لو من ضلوعي قلت يا نار شبّي!
-

-

‏"من قدم إلي السبت يبشر بالأحد"
‏والناس يحكمها الغلا و ظروفها

‏ماني على شيخة .. ولا ريّس بلد
‏حتّاني أحكم شرهتي و أطوفها

-

‏-
بعد الغياب الموثق .. طالت سنينه
‏ما عدت أنا العاشق اللي عنك متصبّر

‏الشوق خلا حبيبك .. لو تشوفينه
‏واقف على بابكم مشتاق و مغبّر!
-

‏.

‏يالله إنك تلطف بحالي و ترحم ضعفي
‏لا مرضت ولا تساوى لي رفيقٍ باخص

‏.

-

لا تهملني .. وتستعجل غيابك
ولا تسلمني فديتك للحسايف

ذكريات الحب والعطر وكتابك
لا تحسب انها من صغار الكلايف

-

-

‏من كثر صدمات الزمان الحزينة
‏ما عاد في الواحد تحمّل .. زيادة

‏فلا تلومـونـه .. ليا غـضّ عـينه
‏واستمسكت مشاعره بالسعادة
-

-
يا صاحبٍ ما حفظت الود وقت البعاد
‏ما اقسى من الطعنة ألا كف من جابها

‏وش جاك مني؟ بجاه اللي رفع هالشداد
‏أنشدك .. وأنا عزيز .. و نفسي أدرابها

‏لو كان غيرك.. رزق ربي فجوج البلاد
‏ماني بـ محتار في الضيقة ولا أسبابها

‏وأنت تعرفني وتعرف نظرتي في العباد
‏وتعرف شرهاتي ، ولا تحسب حسابها !!

وتعرف وش قلت ميد أهل الخطا والعناد
من قال روحي تروح إن راحوا أحبابها ؟
-

مراسيلها .