-

رجلٍ ما حصّل في زمانه شيّ
ألا .. مُعانـاتـه و كم بسمة

طوَته .. الأقدار العنيدة .. طيّ
ومعاركه ، ماهيب .. منحسمه

ممرورة ٍ كبده .. و وضعه سيّ
ويحنّ .. للأجواد و النسمة

وشاعر عشان انه ماهوب شويّ
توصل لك أبياته بدون ( اسمه )

-

.

يا محمود لو بيديني أجيك يوميًا
لكن جيةٍ من دون لازم ما تلزمني

مدام الأمور مسنعة معك .. حاليًا
أنا في رجا الله لين الأسباب تخدمني

علشان أشوف اللي لعب فيّ نفسيًا
من الزين فيه.. أفكر شلون يفهمني؟

عشقته جنونيًا . . و أعامله سلميًا
والأخلاق دايم عند الأحباب تحرمني

.

‏-
يا عبث روحي و يا سِرّ اختلافي
‏مع شعوب الأرض و نجوم المجرة

‏لو تحبين الشعر .. ماهوب كافي
‏ولو تحبين السكوت أموت حرة !
-

-
من قلة الحيلة و من ضيعة السُبل
وش عاد أقول من التجارب وأخلي؟

أحيان أقول الله على عيشة الخبل
اللي ما يعقل غير .. لا جاء يصلي
-

متى يتعافى المجتمع؟
_ عندما يترك آفة التدخل في الخصوصيّات .

‏-
لا تحكمون ألا .. بعد وقت تفكير
‏وطبوعكم هذي ترا ماهي طبوع

‏لا منكم اللي معي قضّى مشاوير
‏ولا منكم اللي معي صارَلْه موضوع

‏عشان أعيّنكم .. كذا يالمناعير ..
‏وأرخي لكم مني معاذير و سموع!
-

‏.
‏الشاعر ليس صحافي أو إعلامي حتى يغطي جميع الأحداث السياسية والاجتماعية من حوله و يكتب عنها .
‏.

‏-
لو هو على دربي أدلّه ، ومامن خلاف
‏مير البلا يا فهد دربه ، ومامن دليل!

‏الله يجمّل مواقفنا . . لا جينا خفاف
‏وان كان ضعنا عساهم يحفظون الجميل
-

-
من قلة الحيلة و من ضيعة السُبل
وش عاد أقول من التجارب وأخلي؟

أحيان أقول الله على عيشة الخبل
اللي ما يعقل غير .. لا جاء يصلي
-

-

لا صرت ما تعرف شلون تقاتل
جنّب عن الوعد وحروبه جنّب!

في دربنا الطالات .. وأنته شاتل
شتلة رخمةٍ فاللزوم .. يذنّب!

وان كبرت القالة و جتك مخاتل
عوّدت .. منها بالصياح تطنّب!

-

-
تكبر الدنيا بقلبك و تفكيرك
كل ما تِبعد عن الزاهد الديّن

واحدٍ ماهي بـ همّه مشاويرك
همّه ليا مات بكرة وش يعيّن؟
-

-
المصور
مثل الشاعر
نقطة الشبه والالتقاء بينهما ( الإلتقاطة الذكية ) .

.
.
‏من تبع دنياه تعميه و تعوقه
‏لين يصبح ما علاه ولا علاها

‏الأخو يجفاه والشايب يبوقه
‏والقبيلة كلها يلعن ثواها !!
.
.

‏-
يا ربّ هب لي فرحة لباقي العمر
‏حزني كبير و همي أكبر يا ربي

‏عبدك وظني فيك ما يلحقه جمر
‏لو من ضلوعي قلت يا نار شبّي!
-

-

‏"من قدم إلي السبت يبشر بالأحد"
‏والناس يحكمها الغلا و ظروفها

‏ماني على شيخة .. ولا ريّس بلد
‏حتّاني أحكم شرهتي و أطوفها

-

‏-
بعد الغياب الموثق .. طالت سنينه
‏ما عدت أنا العاشق اللي عنك متصبّر

‏الشوق خلا حبيبك .. لو تشوفينه
‏واقف على بابكم مشتاق و مغبّر!
-

‏.

‏يالله إنك تلطف بحالي و ترحم ضعفي
‏لا مرضت ولا تساوى لي رفيقٍ باخص

‏.