‏رحلت وما توقعتك كذا ترحل وكنك تشوم!
‏قصيرة سالفتك ومشيَتك عجلة .. وذاكرها .

.
‏الإندفاع اللي بلا علم و سياسة
‏طيحة ٍ من عالي الرجم روّاسي!

‏والسوالف كانها كذب و بلاسة
‏جعلها تفدى طناختك يا راسي!
.

‏.
كل ما جيتك وانا ضامي" بيرك
‏رحت أدور في مخاسيري أرباحي

‏بالعيون تديرني كني .. صغيرك
‏لو تلحّ بـ عينك أضيّع إلحاحي

‏والله إن زينك من أولك لـ أخيرك
‏يستحق أسهر معه سهر صبّاحي
.

..
لي صاحبً يالربع جاهل ومطفوق
وانا تعبت أزنّده .. بالنصايح

ان جيت له من باب الأخلاق والذوق
راح يتناوش .. بايكات الفضايح

العلم يا برقا وأبا العلم يا روق ؟
والعلم ياللي تكسبون المدايح ؟

خوفي لا يبلاني مع الناس بحقوق
لا صار هو دايم معي جاي/رايح!
..

‏-
يا نديمي خل عنك ( يصير و ما يصير )
‏وأخذ علمٍ من تجارب و روس مكفّيه..


‏لا ابتلاك الله و حبّيت بإحساس و ضمير
‏لا تسولف عن "كرامتك" وَهْي مقفّيه ..!!
-

‏-
م أقدر أنساك وأنسى عشرتك لو يوم
‏والله اللي ذبحني فيك .. وأحياني
‏َ
في محبتك أنا المعطى وأنا المحروم
‏ياحبيب ٍ .. صفيت لـ واحد ٍ ثاني!
-

-


مانيب داري عن اللي ما درى عني
لو هو من أحبابي الغالين وأصحابي

أنا و طاريه .. مثل الذيب والجني
من عقب ما كان مثل العطر بثيابي!


-

-

رجلٍ ما حصّل في زمانه شيّ
ألا .. مُعانـاتـه و كم بسمة

طوَته .. الأقدار العنيدة .. طيّ
ومعاركه ، ماهيب .. منحسمه

ممرورة ٍ كبده .. و وضعه سيّ
ويحنّ .. للأجواد و النسمة

وشاعر عشان انه ماهوب شويّ
توصل لك أبياته بدون ( اسمه )

-

.

يا محمود لو بيديني أجيك يوميًا
لكن جيةٍ من دون لازم ما تلزمني

مدام الأمور مسنعة معك .. حاليًا
أنا في رجا الله لين الأسباب تخدمني

علشان أشوف اللي لعب فيّ نفسيًا
من الزين فيه.. أفكر شلون يفهمني؟

عشقته جنونيًا . . و أعامله سلميًا
والأخلاق دايم عند الأحباب تحرمني

.

‏-
يا عبث روحي و يا سِرّ اختلافي
‏مع شعوب الأرض و نجوم المجرة

‏لو تحبين الشعر .. ماهوب كافي
‏ولو تحبين السكوت أموت حرة !
-

-
من قلة الحيلة و من ضيعة السُبل
وش عاد أقول من التجارب وأخلي؟

أحيان أقول الله على عيشة الخبل
اللي ما يعقل غير .. لا جاء يصلي
-

متى يتعافى المجتمع؟
_ عندما يترك آفة التدخل في الخصوصيّات .

‏-
لا تحكمون ألا .. بعد وقت تفكير
‏وطبوعكم هذي ترا ماهي طبوع

‏لا منكم اللي معي قضّى مشاوير
‏ولا منكم اللي معي صارَلْه موضوع

‏عشان أعيّنكم .. كذا يالمناعير ..
‏وأرخي لكم مني معاذير و سموع!
-

‏.
‏الشاعر ليس صحافي أو إعلامي حتى يغطي جميع الأحداث السياسية والاجتماعية من حوله و يكتب عنها .
‏.

‏-
لو هو على دربي أدلّه ، ومامن خلاف
‏مير البلا يا فهد دربه ، ومامن دليل!

‏الله يجمّل مواقفنا . . لا جينا خفاف
‏وان كان ضعنا عساهم يحفظون الجميل
-

-
من قلة الحيلة و من ضيعة السُبل
وش عاد أقول من التجارب وأخلي؟

أحيان أقول الله على عيشة الخبل
اللي ما يعقل غير .. لا جاء يصلي
-

-

لا صرت ما تعرف شلون تقاتل
جنّب عن الوعد وحروبه جنّب!

في دربنا الطالات .. وأنته شاتل
شتلة رخمةٍ فاللزوم .. يذنّب!

وان كبرت القالة و جتك مخاتل
عوّدت .. منها بالصياح تطنّب!

-