‏( 1 )
حنينك ما يجيبك ،
يوم واحد ..
لو تبيه اليوم ؟

يا غاية رغبتي ،
ليت المشاعر مُلك شاعرها ..

‏( 2 )
رحلت
و ما توقعتك
كذا ترحل ، و كنْك (تشوم)!

قصيرة سالفتك..
و مشيتك عجلة..
و ذاكرها ..!!

🥀_

كني اللي شيّبت فيه السنين .. وكني
واحد" دوب الزمان يقالبَه بصدوفه

ولو أعيش العمر كله عاشق ومتمني
أفضل من أعيش شايل فالضمير :
حسوفة !
..

.
.‏
كل يـوم ترسل لي أبيات وتبي ردها
‏واقول تبشر .. وهذا ردها جاك جاك
‏
‏لو ماهي بشغلتي .. لكن أنا قدها
‏واليوم مالي مزاج و روح عني وراك!
.
.

‏.
ترا المجنون لو يمشي مع الصاحي
‏لعل الله هدى المجنون ، ماتدرون

‏ومن يمحى المحاسن جعله الماحي
‏يسوي نفسه الفاهم ، وهو ملعون!
.

" أنا عرفت بدر ،
لا تعطيه مواقف سخيفة .. يجيب العيد!
عطه مواقف كايدة .. يبدّع لك "


القائل : أحد أبناء العمومة
تعليقي : وهو صادز (:

.
‏لا جيته ولا جاني ومبطي" عنه
‏وأحفظ له التقدير .. وأعزّ شانه
‏والكلمة اللي قالها ماهي بـ منه
‏من واحدٍ خابره ( ماهو تكانه )
.

‏.
دام الرجُل طيّب و لازم صلاته
‏مالك ومال اللي مضى من حياته ؟!


‏وانته .. لو أنه ناشد" عنك عمّك
‏ما زوّجك غير ( الخلا ) من بناته ..!! (:
.

‏.
من خلقتي مانيب للطيب جحّاد
‏وأقدّر المعروف وأحشم رجاله

‏اللي تبيّن لي على روس الأشهاد
‏فالضيق، لو أرسل عليها رسالة
.

الحمدلله على ما أكرمنا به باكتمال دية عتق رقبة أقدم سجين في المملكة .

‏محد" مسكني وعلمني ياخوك الشعر
‏عانيت فـ بدايتي.. وانا الوحيد أكتبه

‏لاصار مالك سند في الشعر والا ظهر
‏فالله يعينك.. تغرف البحر ثم تشربه .

‏يا صاحبٍ ما حفظت الود وقت البعاد
‏ما اقسى من الطعنة ألا كف من جابها

‏وش جاك مني؟ بجاه اللي رفع هالشداد
‏أنشدك .. وأنا عزيز .. و نفسي أدرابها

‏لو كان غيرك .."رزق ربي فجوج البلاد"
‏ماني بـ محتار في الضيقة ولا أسبابها

‏وأنت تعرفني وتعرف نظرتي في العباد
‏وتعرف شرهاتي ، ولا تحسب حسابها !!

"في قلبي ما أتمنى ..
وفي قدرك ماهو خير"

‏يقول الأديب محمد الماغوط
‏"ما من موهبة تمر بلا عقاب!"
‏ويقول د. غازي القصيبي
‏"ما من موقف يمر بلا ثمن!"
‏ويقول الفقير إلى الله بدر عايض
‏"ما من واجب يمر بلا تصوير!"
-

‏.
سؤالك المطلوب .. والأوْلى
‏وان غاب عني يوم ، يا ويلك!

‏لاتقول لي (حولك مجي) أو لا ؟
‏قل بس مشتاق لْك وأجي لك (:
.

‏-

آآآخ يا فرقى غيابك والخبر بالحيل صادم
‏لا قدرت أسج عنه ولا عرفت أحسن ظنوني

‏وأنت ما مثلك حبيب ولا صديق ولا بنادم
‏كيف يا واحد سكنت عيوني .. تبكّي عيوني ؟

-

‏-
كاني ألحقت المقفين الحسوفة
‏ما يحق ليَ : الفخر و الإعتزازي

‏وابك أنا علمي ليا صمّل تشوفه
‏فيه طنخة عودي و قفلة حجازي
-

-

لا تهملني .. وتستعجل غيابك
ولا تسلمني فديتك للحسايف

ذكريات الحب والعطر وكتابك
لا تحسب انها من صغار الكلايف

-

‏رحلت وما توقعتك كذا ترحل وكنك تشوم!
‏قصيرة سالفتك ومشيَتك عجلة .. وذاكرها .

.
‏الإندفاع اللي بلا علم و سياسة
‏طيحة ٍ من عالي الرجم روّاسي!

‏والسوالف كانها كذب و بلاسة
‏جعلها تفدى طناختك يا راسي!
.

‏.
كل ما جيتك وانا ضامي" بيرك
‏رحت أدور في مخاسيري أرباحي

‏بالعيون تديرني كني .. صغيرك
‏لو تلحّ بـ عينك أضيّع إلحاحي

‏والله إن زينك من أولك لـ أخيرك
‏يستحق أسهر معه سهر صبّاحي
.