..
ياصاحبي طالبك .. لا ينبعث لي
من قلبك الطيّب مشاريه وعتاب

لو كان "كل اللي يحبون" .. مثلي
كان الشوارع راحت زهور وأحباب
..

عاشق ومتمني ..

خاص:

لو كان علمك هذا ماهوب علم ٍمريح
يابو مشاري علومك غانمة .. كلها

الله كريم .. و لعلّه يفزع و نستريح
فالعِقدة اللي ماغيره .. قادر يحلّها

وش في يدى الآدمي لو هو يقوم ويطيح؟
غير الصبر والدعاوي .. كان ما ملّها

عزالله النفس تعبانة .. وقلبي جريح
ولا عاد باقي سوى دمعاتي أهلّها !!

_
بعض الأوادم رفقتـه توجع الراس
لا فعل ٍ يسرك .. ولا علم ٍ يفـيـد
دايم مشاريهه مثل شربة الكاس
ويجيب في نفسه وفي ربعه العيد
يصبر عليه اللي مافي قلبه احساس
وأنـا مع الإحساس .. عندي مواعيـد
_

تعلم جيدًا متى ترحل؟
فالرحيل أحياناً يمنحك وسام الشجاعة
ويزيدك شرفاً و رفعة ..

- عندما يأتي الأفضل
- عندما يوشك دورك على الانتهاء
- عندما تتعطل لديك خاصية الإضافة
- عندما تشعر أنك لم تعد مناسباً للزمان والمكان
- عندما تكون صورتك جميلة
- عندما تكون عظيمًا ..
ارحل!

ارحل قبل أن يشوب عملك
شوائب الدهر والبقاء .

* بدر عايض
"كانت رسالة إلى أحدهم"

يقول جبران خليل : ‏
النقاشات بين المُحبين ينهزم فيها الأكثر حُباً و ليس الأضعف حجة !
.
.
قلت :
ليس انهزامًا إنما هو ( تنازل ) .

كنت في غربة واشتقت لأمور كثيرة
منها اجتماعاتي مع من أحِبّ .
فـ قلت :


الجَمعة اللي تعجب العين
وجدي عليها ( 10 مرات )

أزعجت أصاحيب و موالين
في وقت ٍ قريّب.. ولو فات!

مافـات ذكــره يا مساكين
عـن بالي ، وبال الخسارات

يـوم الجمايل بـعضـها دين!
ويـعـيـنني رب السـمـاوات

وأفرح ، ولا أفكر فـ (بعدين)
عـوايـد ٍ فـيـنـا ، ولا جات

نـكـرم ونـعـدل بـيـن دارين
نـصـرف دنانـيـر و ريـالات

لا كـرّمـوا مِـنّـا الـعـزيزين
نـذوق طـعـم الإنـتـصارات


-والقصيدة أطول من ذلك .

وش يهمني في نظرة العبد يامعبود؟
لو يحبني .. ماهوب مِدخلني الجنّة
:
توجهت لك بذنوبي وخاطري ملهود
أبي عفوك ورحمتك والفضل والمنّة
.

.
محتاج للراحة .. و لأفراح الأعياد
ومحتاج لإحساسي و سجّة خيالي

و"الأربعة" ما تجيني غير بـ جهاد
لكن جايز تجي مع ( صوت غالي )
.

..

لا انت أخوي ولا ولد عمي و خالي
لجل أحطك دايمًا معي في الصورة

والصحيب الوافي.. اللي على بالي
جابته ( شهب الليالي ) و مشكورة

..

يا صاحبي .. يا حبيبي سابقًا .. يا عناي
وشلونك؟ و كيف وضعك؟ عقب خلّيتني

جيت ( أشكر ظنوني ) ،
وماني بـ رايح و جاي

قول الحقيقة ..
وقول انك ما حبّيتني !!
.
..🥀

‏( 1 )
حنينك ما يجيبك ،
يوم واحد ..
لو تبيه اليوم ؟

يا غاية رغبتي ،
ليت المشاعر مُلك شاعرها ..

‏( 2 )
رحلت
و ما توقعتك
كذا ترحل ، و كنْك (تشوم)!

قصيرة سالفتك..
و مشيتك عجلة..
و ذاكرها ..!!

🥀_

كني اللي شيّبت فيه السنين .. وكني
واحد" دوب الزمان يقالبَه بصدوفه

ولو أعيش العمر كله عاشق ومتمني
أفضل من أعيش شايل فالضمير :
حسوفة !
..

.
.‏
كل يـوم ترسل لي أبيات وتبي ردها
‏واقول تبشر .. وهذا ردها جاك جاك
‏
‏لو ماهي بشغلتي .. لكن أنا قدها
‏واليوم مالي مزاج و روح عني وراك!
.
.

‏.
ترا المجنون لو يمشي مع الصاحي
‏لعل الله هدى المجنون ، ماتدرون

‏ومن يمحى المحاسن جعله الماحي
‏يسوي نفسه الفاهم ، وهو ملعون!
.

" أنا عرفت بدر ،
لا تعطيه مواقف سخيفة .. يجيب العيد!
عطه مواقف كايدة .. يبدّع لك "


القائل : أحد أبناء العمومة
تعليقي : وهو صادز (:

.
‏لا جيته ولا جاني ومبطي" عنه
‏وأحفظ له التقدير .. وأعزّ شانه
‏والكلمة اللي قالها ماهي بـ منه
‏من واحدٍ خابره ( ماهو تكانه )
.