.
.
ياصاحبي.. ما فـ الحقيقة مشاريه
واللي فـ قلبي.. دايماً في قصيدي

مادمت تجهل فـ القصيد ومعانيه
و حبالك أطول منّها ساعد ايدي

ماني بـ قايل لك قصيدة.. ومافيه
ولا عاد تنشدني عن آخر جديدي

شعري ما أقوله .. غير للي حواليه
لو مايجون ألا .. ليا " عاد عيدي "
.
.

و.. أمّا أنـا شاعر .. ليا جاء مجاله
بـطعـونه الخضرا .. يـواعدك قدام

مانيب .. لا سالي .. ولانيب داله
عن غـيـبة الغالي وعن غدر الأيـام

اللي .. شراه الخاطر براس ماله
وأنهيت مشواري و ختّمت الأحلام

وحبّيته .. بـ طيب ورجولـة وأصالة
وعظّمته .. بـ فكري وهمّي والأقلام

وآخر ما قاله : ودي انك ( بداله )
وآخر ما قلته : ودي الليلة .. أنااااام !!

بدر عايض

يالله تعافيني .. و ترزقني ثبات
فـ ظروفي الصعبة والأيام السمر

أمس مودّع ..واليوم مودّع ..وبكره مودّع!

-مصادفة من شأنها أن تُبكي الجماد.

_
في رحيلك مابقى فالعُمر طمعة
لا ترجاني م أصير انسان سلبي!

كل كلمة تنثر من العين.. دمعة
وكل خطوة كنها من فوق قلبي!
_

-
يعوضك اللي ليا من جاك منه العوض
خلا عيونك .. تغيّر " نوع دمعاتها "

اهم حاجة لا يدري عايض ولا عوض
والله وكيلك على الحاجة ومقضاتها
_

..

حكمني حياي وخوف لا أطيح فالمنقود
وجيه ٍ مايملاها الحياء .. من يحيّيها ؟

..
ياصاحبي طالبك .. لا ينبعث لي
من قلبك الطيّب مشاريه وعتاب

لو كان "كل اللي يحبون" .. مثلي
كان الشوارع راحت زهور وأحباب
..

عاشق ومتمني ..

خاص:

لو كان علمك هذا ماهوب علم ٍمريح
يابو مشاري علومك غانمة .. كلها

الله كريم .. و لعلّه يفزع و نستريح
فالعِقدة اللي ماغيره .. قادر يحلّها

وش في يدى الآدمي لو هو يقوم ويطيح؟
غير الصبر والدعاوي .. كان ما ملّها

عزالله النفس تعبانة .. وقلبي جريح
ولا عاد باقي سوى دمعاتي أهلّها !!

_
بعض الأوادم رفقتـه توجع الراس
لا فعل ٍ يسرك .. ولا علم ٍ يفـيـد
دايم مشاريهه مثل شربة الكاس
ويجيب في نفسه وفي ربعه العيد
يصبر عليه اللي مافي قلبه احساس
وأنـا مع الإحساس .. عندي مواعيـد
_

تعلم جيدًا متى ترحل؟
فالرحيل أحياناً يمنحك وسام الشجاعة
ويزيدك شرفاً و رفعة ..

- عندما يأتي الأفضل
- عندما يوشك دورك على الانتهاء
- عندما تتعطل لديك خاصية الإضافة
- عندما تشعر أنك لم تعد مناسباً للزمان والمكان
- عندما تكون صورتك جميلة
- عندما تكون عظيمًا ..
ارحل!

ارحل قبل أن يشوب عملك
شوائب الدهر والبقاء .

* بدر عايض
"كانت رسالة إلى أحدهم"

يقول جبران خليل : ‏
النقاشات بين المُحبين ينهزم فيها الأكثر حُباً و ليس الأضعف حجة !
.
.
قلت :
ليس انهزامًا إنما هو ( تنازل ) .

كنت في غربة واشتقت لأمور كثيرة
منها اجتماعاتي مع من أحِبّ .
فـ قلت :


الجَمعة اللي تعجب العين
وجدي عليها ( 10 مرات )

أزعجت أصاحيب و موالين
في وقت ٍ قريّب.. ولو فات!

مافـات ذكــره يا مساكين
عـن بالي ، وبال الخسارات

يـوم الجمايل بـعضـها دين!
ويـعـيـنني رب السـمـاوات

وأفرح ، ولا أفكر فـ (بعدين)
عـوايـد ٍ فـيـنـا ، ولا جات

نـكـرم ونـعـدل بـيـن دارين
نـصـرف دنانـيـر و ريـالات

لا كـرّمـوا مِـنّـا الـعـزيزين
نـذوق طـعـم الإنـتـصارات


-والقصيدة أطول من ذلك .

وش يهمني في نظرة العبد يامعبود؟
لو يحبني .. ماهوب مِدخلني الجنّة
:
توجهت لك بذنوبي وخاطري ملهود
أبي عفوك ورحمتك والفضل والمنّة
.

.
محتاج للراحة .. و لأفراح الأعياد
ومحتاج لإحساسي و سجّة خيالي

و"الأربعة" ما تجيني غير بـ جهاد
لكن جايز تجي مع ( صوت غالي )
.