اللهم اشفِ من طال بهم الدواء.

يا حياة اللي حياته .. شوفتك تمليها
من غلاك و حبّك اسمع ويش أقول فـ بيتي :

أنت قربك ( عافية ) مكرمني الله فيها
ماني بـ مجنون لجل أفرّط بـ عافيتي !!

ماهي طايره !

‏رسمت لك في خيالي ( لوحة .. وصالك ) ،
‏مـا بـاقـي إلا تـجي و تحط ( تلـويـنك ) !

شكرًا لـ ثقتكم🌹

عادت الذكرى تساقي مشاريه الهنوف
يا عذابي من جروحي و يا موت سْعَدي

بين تقليب المواجع و ترتيب الحروف
ضاعت أحلامي والأيام ماغير تعدي

ذكريات و شوق ما زال و دموع و حسوف
من زمان موادعٍ حط عقلي في يدي

يوم قفت بالملذات و عيوني تشوف
سلّمتني للمعاناة والحظ الردي

ماقدرت أستاذن الوصل وأشوف الظروف!
في رحاب احساسها العذب كل ليل أغدي

كن ماهي فـ الهوى من طرف كبد العيوف
وكن ماهي فـ الوصل بنت ذاك الأجودي

ٓ
أعلم اني أسير في طريقٍ طويل
طويل جداً .. بعيد النهاية،
قد تكثُر فيه المشاق .
لكنّي على يقين و دراية،
بأن كؤوس النجاح لا تنبغي
لأفواه النفاق !

الموت لو ياخذ من كبار وصغار
الفقد ماهو من صغار المواجع !

‏﴿وآتاكم من كلِّ ما سألتموه﴾
(والله على كلِّ شيء قدير)
‏ من كلِّ ، على كلِّ!
‏لم يستثنِ شيئا!

‏كيف تقنط؟

يهتز قلبي في الأماكن الممتلئة بالذكريات .

صباح الخير .. وبعد
الى كل من يقرأ هذه الرسالة ،
فليدعو لوالدي ومرضى المسلمين بالشفاء
العاجل وتمام الصحة والعافية .. يارب🌷

مراسيلها .

تشتاق لي في غيبتي كل ما غِبت
وان جيتها تشكي من الشوق خنّاق

الظاهر ليا غبت .. في ليلة السبت
يوم الأحد بتموت من كثر الأشواق!

شكرًا لمن صممها .

سأحل الليلة ضيفًا في برنامج " امسياتنا "
على اذاعة دولة الكويت ( 89.5 FM ) .
الساعة 10 مساءًا .
أسعد بمتابعتكم

ماداني اسمع ذي " شاعر و رجال "
لو قالها اللي يـوخـذ بما يقوله

جاها من اللي ما يعَدّون سلّال
و صارت تقال لكل من هز طوله !

والشعر لو صلّح لي أحوال وأحوال
ماهو ( كتاب الله و سنة رسوله ) ..

من اللقاء .. مقطع من قصيدة : أنتي ( جديدة )

انتي .. !!

انتي الأعمال وانتي موعدي وسجلّي
وانتي ابرك فرصة مواجه معاك آجدها
وانتي الأوقات وانتي راحتي .. ياخلّي
وانتي المعروف وانتي نعمتي واحمدها
وانتي أجمل مشكلة فالحب وانتي حَلّي
وانتي أعظم تجربة .. لو أقدر؟ أجددها
وانتي العـز الحقيقي دون حاجـة ذلّي
وانتي شـويّـاك يسوى عالم بـ واجدها
وانتي الأحلام .. وانتي في نهاري ظـلّي
وانتي اللي عن هواي الموت لو أنشدها !
وانتي الـآمـال .. في ترحالي وفي حِـلّي
وانتي حظوظي ولا يخفاك ويش أسعدها ؟
وانتي الأشـعـار .. وانتي فكري المتجلّي
وانتي اللي من هذاك اليوم وانا اقصدها
وانتي حضوري .. ليامنّي حضَرت بـ كلّي
وانتي غيابي .. و غيباتي عليك أسندها
وانتي المنجاة وانتي قدري المتعلّي
وانتي اللي حصّلت نفسي وانا فاقدها
وانتي الحب المُحبّب للسعادة ياللي
حبّبتني في الحياة و مسّكتني يدها ..

بدر عايض

سهر صبّاحي !

المساء هذا مساك و مسا خيرك
يا ممسّيني بـ شـوفـتـك وأفراحي

مرحبا يا حبّي وشوف تـقـديـرك
كيف خلّا ضيقتي في يدى الماحي

ما تـزيـد هـمـومـي ألا معـاذيرك
لابغـيـت ألـقـاك وأضـمّد جْراحي

بس أبعرف فـ اللقى لعنبو غيرك
ليه تِخلفني ليا جيت لك صاحي ؟

كل ما أجيـتـك وأنا ضاميً بـيـرك
رحت أدوّر في مخاسيري أربـاحي

بالعـيـون تديـرني كني صغـيـرك
لو تلحّ عيـونـك .. أضيّع إلحاحي

والله ان زينك من أوّلك لـ أخيرك
يستحق أسهر معه ، سهر صبّاحي

شخص عزيز علي .. أخبرني
أنه ذاهب الى مكة للعمرة .
رديت عليه وقلت :

خير ماقـرّرت .. يـانِعم الزيـارة
والسلامة معك هي والله لزومي

هذي اللي لا جهـاد ولا خسارة
وأتمنى أزورها لو شـبـه يومي ..

راحة المسلم ومـقـداره وداره
مـكـة وجنّب قناعاتي ولـومي

يقبل الله عمرتك مير الشطاره
عندي لياجيتها في شهر صومي

ثم طلبت الله عروسين وعماره
كا مثال ولا تحَسبه من همومي

(: