قناة للثقافة والادب
https://t.me/hanizbar87

ماتتْ من هولِ الرَزايا والأذىٰ ماتتْ
من طشتِ البلايا والأسىٰ ناحت
ألا يا والدي ماذا جرىٰ صاحتْ
——-
هذا آخر لقاء اليجمع الغالين
رقيه بالخرابه وراس ابوها حسين
ويفرگهم بعد لحظات صوت البين
تعاين راس ابوها وهيّه ثلث اسنين
تحكيْ عنْ شمرِ الخَنا لـٰكِنَها تَبكي
مِنْ سَوطْ الرَزايا والسِبىٰ تَشكي
ألا يا أبتي زَينَبكُم راحتْ
———-
بعْتاب الحبايب ينطق الإحساس
وتتسارع النبضه وتسكن الأنفاس
جسمك وين يابويه شعجب بس راس
يدري بحالتك عمي الگمر عباس
آهي هل يدري بِنا ماذا جرىٰ آهي
لقد شابت نياط القلبِ واللهِ
علاماتِ الردىٰ والموتُ قد بانتْ
———

أحچيلك عذابي وغربتي والويل
واسولفلك عطش نار وسياط وخيل
اركض عالرمال وباسمك الترتيل
ودورتك وذر من چل عليّه الليل
جُرحي مِنْ سوطِ العِدىٰ في كربلا جُرحي
وفي الظَلماءِ أحبو وأرىٰ الرُمحِ
وروحي في ثرىٰ ذاكَ العرىٰ ذابتْ
———-
دورتك لگيتك بس وذر وسهام
وعلى ارمال الصحاري امطشره الاحلام
ياجرح الاتركه ويا جرح يلتام
على صدرك اجفوني معوّدات اتنام
قلبي فوقَ صدرِكَ المكسورِ ياقلبي
إني لا أرىٰ ياوالدي دَربي
روحي مُهجَتي يا عمتي نادتْ
————-
احچيلك يغالي والك اشكي الحال
بناتك عالهزل وامربّطه بحبال
وخواتك شخّصوهن والشماته ارجال
والاصعب بعد كلمات ما تنگال
كلاّ رّباتُ الخُدورِ بالسبىٰ كلاّ
والرأسُ على رأسِ القتلىٰ صلّىٰ
رُؤوسٌ مِن أذىٰ الصحراءِ قد شابتْ
———-
وشحچيلك لمن طبينه للديوان
للحانات وسفه ويدخل القرآن
نگعد بالخرايب ترضه عالتربان
وتتستر باديها خلافك النسوان
مَوتي مالي لاأرىٰ يا أبتي مَوتي
فوقَ الرأسُ قد صار البُكا صَوتي
لحظاتُ اللقاء الأُخرَوي حانتْ
_______
علي صابر السراي
نسألكم الدعاء

الملا حسين الخادم | درب السفر | الشاعر علي صابر السراي
https://youtube.com/watch?v=uF90Df9pqxc&feature=share

العروة الوثقى انهدم بنيانها
والسمه لبست سواد احزانها
مظلوم ياابو الزهره
مظلوم ياابو الزهره
......................................
لبست اكتار السمه لون المصاب
وتبجي سورة هل أتى وأم الكتاب
ومن ملائكة العرش جاء الخطاب
الجنان استقبلت سلطانها
مظلوم ياابو الزهره
مظلوم ياابو الزهره
....................................
الزهره مفجوعه وتناغيها الدموع
يم علي تنحب واديها اعله الضلوع
وخيم  الليل  وطفت  كل  الشموع
والمدينه  ونت  بحيطانها
مظلوم ياابو الزهره
مظلوم ياابو الزهره
...................................
حيدر احتار بدفن طه الحبيب
وبيت وحي الله انسمع منه النحيب
ومنبع الدين الألهي اصبح سليب
وفوك الاعواد ارتقت ذئبانها
مظلوم ياابو الزهره
مظلوم ياابو الزهره
................................
ينحب المسجد بقه وتبجي الصلاة
وينحب  القرآن  ويه  النافلاة
وخيمت  عالأبتسامه  النايبات
والفرائض ترتجف أركانها
مظلوم ياابو الزهره
مظلوم ياابو الزهره
..................................
عالخلافه المو أهل صارو سباق
عافو الحق وبده يعم  الشقاق
وحرفو قول النبي أهل النفاق
الناس عميه وضيعت  أيمانها
مظلوم ياابو الزهره
مظلوم ياابو الزهره
..................................
علي صابر السراي
نسألكم الدعاء

أشتكيلك وانته محبوب السمه
ضلت  خلافك  غريبه  فاطمه
............................................
أشتكيلك  وانته  للباري  حبيب
بويه من بعدك عشت ويه النحيب
بكلبي جرحك يكبر وماله طبيب
والغريب اليشعر بجرح الغريب
يكلك كليبي الجرح من يلجمه
ضلت  خلافك  غريبه  فاطمه
......................................
ويه الأبو المفكود بي لذه العتاب
والدفن محبوبه محبوبه التراب
الدنيا من بعدك معاناة وعذاب
شنسه منك وانته نازل بالكتاب
بكل فرض يقرالك بعيني الدمه
ضلت  خلافك  غريبه  فاطمه
.............................
الميت  الينكطع ذكره  هذا  مات
وانه حتى انساك كون انسه الصلاة
بويه  أحجيلك  عذاب  ونايبات
يا حياتي ومن رحت خذت الحياة
تصيح بجروحي وراك اللايمه
ضلت  خلافك  غريبه  فاطمه
..................................
بويه ياذيهم اصحابك من انوح
ومنعو الدمعه وتراتيل الجروح
من المدينه طلعوني بلايه روح
وكطعو الشجره وانه بجفني قروح
ومن رحيلك عيني صاباها العمه
ضلت  خلافك  غريبه  فاطمه
.....................................
طفو بعمري المواقد والشموع
واليسليني علي وطعم  الدموع
بويه شحجيلك على ثكل الجذوع
راسي ماينشال مهشومه الضلوع
بعيني جفين الحقود ملاطمه
ضلت خلافك غريبه فاطمه
................................
أدري يابو الزهره ياذيك الكلام
بحبل  مجتوف  ويجرونه  الأمام
ومردو وليده مرد  ولد  الحرام
وهوه  مهظوم  ويعاين  للحسام
صاحت الويلاه صوت الخاتمه
ضلت  خلافك  غريبه  فاطمه
........................................
علي صابر السراي
نسألكم الدعاء

رحت لكن خذت روحي حبيبي
وعفتني بغربتي ونوحي حبيبي
جرح احساسي .. شيب راسي
وفگدك قاسي .. شيب راسي
——-
سجن المؤمن الدنيا الدنيّه..
وغريب ايعيشها النفسه أبيّه
والحامل رساله الأحمديه..
يكسروله الضلع مثل الزچيه
خمس اسنين انه عمري يويلي
والسمّك كسر ظهري    يويلي
فگد انفاسي .. شيب راسي
وفگدك قاسي .. شيب راسي
——
هاي الدنيه ابد مابيها راحه..
وأليم الواقع وصعبه الصراحه
انه المهدي العشت ويّه المناحه..
مثل طير القطا الكسرو جناحه
هجر يوسف مثل هجرك يبويه
أيوب  ويمل  صبرك    يبويه
لا ماناسي .. شيب راسي
فكدك قاسي .. شيب راسي
————
بمحيطات الحزن روحي سفينه..
يعتها الروج چن عتة اسكينه
من عتها الشمر واهيه حزينه..
وحگ طف كربله وعطر المدينه
مصابك واشعمل بيه  مصايب
وحگ كل عثره لرقيه  مصايب
ابّحرك راسي .. شيب راسي
فگدك قاسي .. شيب راسي
——
انته العسكري وعسكر مصابك..
عليّه وگلبي مايحمل غيابك
عشرينات يابويه بشبابك..
وصرت مرتع حزن من گد عذابك
بس سبعه ويه عشرينك  يغالي
وطاحن عالثره اسنينك   يغالي
موادع ناسي .. شيب راسي
فگدك قاسي .. شيب راسي
——-
رحت وابدنيا الموادع عفتني..
خمس اجروح عمري ماشفتني
زغيّر والمصايب شيبتني..
ومصيبة كربله وزينب عمتني
اعيش بحسرتي راحل  هظيمه..
ويسر زينب وابوفاضل هظيمه
هدّم ساسي.. شيب راسي
فگدك قاسي .. شيب راسي
———
على الماي اليسوع بدينه يمشي..
وعلى احزاني مشيت وبيدي نعشي
فگد احبابي اخذ من عندي كلشي..
وصرت گوه افتح من احزاني رمشي
مزمور   الحزن   يقره     بلساني
وسِفْر عمري خلص عبره بلساني
الهم مقياسي .. شيب راسي
فكدك قاسي .. شيب راسي
______
علي صابر السراي
نسألكم الدعاء

بأيام القدر طبرو ولينه  
وليل الفاجعه خيَّم عليَنه
طاح الشال الاسلام      واحنه صرنه أيتام
والكون انطفه بطيحة عليِنه  
وليل الفاجعه خيَّم عليَنه
______
بليلة اتسعطعش ويلي     من شهر رمضان الازهَر
بأول اليالي العظيمه        والقدُر بيهن تقدَّر
بوسط محرابه وسجوده  اوويه صوت الله أكبر
وسفه ياحيف وهظيمه    انطبر راس الوالي حيدر
بأعظم ليالي هالشهر    دين الله عالهامه انطبر
وجن ضهر الاسلام انكسر وضحك سن ابليس وابشَر
نصّين نجسَم والينه راسه
وطاحت عالأرض كل القداسه
طاح بسجدته الدين      لمّن طاح ابو حسين
واحنه اعله الأرض وياه هوينه 
وليل الفاجعه خيَّم عليَنه
______
امسمَّم الملعون سيفه وانتشَر بالغالي سَمّه
وكَلب زينب نار تسعَر  ويل حسره وآه هَمّه
اتقبّل الوالد الغالي      مَرّه والأُخره تشمهّ
بكَلب الاسلام وكيانه   صوّب الشيطان سهمه
صوت المواجع يعتلي   وغيم الحزن ماينجلي
وابروسنه طبرة علي   ويجري من كل عين دَمّه
مايبطل دمعنه اللي ايتجاره
خسرانه الأرض أكبر خساره
صوت الهم يويلاه        طبرو رحمة الله
عله الغالي علي من دم بجينه  
وليل الفاجعه خيَّم عليَنه
______
اتلث ليالي من المصيبه    والعدل كَطعو كلامه
اتلث ليالي الويل يفتَر    ومحَّد ايمر عاليتامه
الكوفه ماطلعت شمسها   وليل مايكشف ظلامه
والحقد كشَّر انيابه       والسِلِم طبرو سلامه
غَرثه البطون وخاويه    وتبجي اليتامه امتانيه
حيف اووسف عالتاليه  بجي اتصير الأبتسامه
منهو اليعرف احوال الرعيّه 
من كون انطبر حامي الحميه   
وبوكت الصلاوات       طبرو راس الآيات
من دمع الجره وهمنه ارتوينه
وليل الفاجعه خيَّم عليَنه
______
الواحد وعشرين ليله     أشد واعظم كل مصيبه
البيها محبوب الجلاله      يرتحل عَنّه لحبيبه
ليلة المن عدها صارت      زينب اتنادي غريبه
ليله مايطلع كَمرها    امعسعسه وخَنكَه وكئيبه
ليلة هظم سيد الرُسل   للباري حيدر يرتحِل  
وحتّه العدِل ماظَل عَدِل  وصارت الفرحه سليبه
كلنه بطيحة الغالي انفجعنه
وبدنيا الظلُم من بعده ضِعنه
بالهم يفطر الصوم    وظل شهر الله مفطوم
وليالي القدر ظلّت حزينه
وليل الفاجعه خيَّم عليَنه
_______
شهر رمضان المُعظَّم       هاي أيامه الأخيره
العيد يجبل عله الوادم   واحنه محنتنه جبيره
بيمن اتعيد اليتامى        بلا علي الدنيا زغيره
علي هو العيد وجهه     وكَلبه للأيتام ديره
لاتلفي ياعيد الفطر      او والدنا حيدر بالكَبر
لانضحك ولا نبتشر      واحنا قصّتنه خطيره
ياعام اليجي ايامه سعيده
وايام الفرح صارت بعيده 
لو حَل عيد الافطار       بينه ايسعّر النار
بلا خيمة علي الغالي صفينه
وليل الفاجعه خيَّم عليَنه
________
علي صابر السراي
نسألكم الدعاء

يا أمامي يا أمام الجعفرية
يا أمامي  صادق العترة الرضية
يا أمامي   يافقيه آل الزجيه
______
يا أمام بكلبي وابعقلي تبعته
بمغريات الكون حبه وحاشى بعته
سر ألهي بكلبي من زغري حفظته
نور كاشف للدجى بعيوني شفته
أعتقادي  صادقي وما احيد عنه
أعتقادي  حبه أي والله جنه
أعتقادي   والمناهل كوثريه
______
ياابو حجه البالغة وعمق الدلالة
يادليل الحاير بدرب الظلالة
ويامذل اهل البدع واهل الجهالة
اختارك الجبار سبحانه وتعالى
أنتمائي  جعفري وكلبي حسيني
أنتمائي  لحد كطع الودجيني
أنتمائي  للسلالة الفاطمية
_____
ياكمر عالي وزهر من آل طالب
يابدر ياابن الهواشم والغوالب
اتسيدت كل المفاخر والمناقب
أنته مصدر معرفة كل المذاهب
واليتبعك   يعني شيعي وكربلائي
واليتبعك   نهجه عالي وعقلائي
واليتبعك   تبع نهج الهاشمية
______
بين اميه وبني العباس الخيانه
ومن عمق صدرك نبع سر الديانه
شلت دين المصطفى الصادق أمانه
ونهجك اصبح ياابن حيدر مبتغانه
والحقيقة   أشرقت بيك الشريعه
والحقيقة   بمنهجك صارت منيعه
والحقيقة   أنته سر الأحمديه
___
ابين كوفة جدك او عطر المدينه
تنتقل وابروحك القصة الحزينة
بكربلاء حسين من كطعو وتينه
وابوفاضل عالنهر كطعو يمينه
بالمآسي  وجبدتك مردوها بالسم
بالمآسي   وانته مجروح لمحرم
بالمآسي   لزينب الراحت سبيه
_______
علي صابر السراي
نسألكم الدعاء

بسم الله الرحمن الرحيم
برنامج محرم الحرام ١٤٤٥ هجري