#about

Koʻcha mashshoqlari

Men o’zimni uncha-muncha meloman deb hisoblayman, va qayerga borsam masalan, koʻcha ashulachilariga ham e’tibor (ba’zida choychaqa) beraman. UKda ularni juda koʻp koʻrdim.

Yuqoridagi videoda London, Liverpool va York shaharlaridagi mashshoqlarni koʻrishingiz mumkin. Bu yerda deyarli barcha joylarda ularning erkin ijrosiga yoʻl qoʻyib berilgan. Hatto Trafalgar maydonida ko’cha iqtidorlari ucbun maxsus dumaloq belgilar qoʻyilgan. Yuqoridagi videoda ahamiyat bersangiz, ushbu maydondagi mashshoq maxsus sariq doiracha ichida turibdi.

Shahar ruhi odamlar bilandir. Qayga bormang, agar maydonlardan jonli ashula eshitilib tursa, koʻngil qandaydir tinchlanadi, sokinlashasiz, hayot koʻzingizga boshqacha, unchalikam yomon emasdek koʻrinadi. Koʻcha mashshoqlari aynan oʻsha koʻrinmas ruhning bir qismi hisoblanadi. Bu ajoyib.

Xuddi kinolardagidek…

Ps: aytgancha, k-pop Yevropa va G’arbni zabt etib boʻlgan. Qizlarni raqsga tushurmoqchimisan, ularga APT ashulasini qoʻyib ber:)

@bagajsiz