#Профессор_изоҳ_беради

🔺Ўзбекистон суверен республика, ҳуқуқий ижтимоий дунёвий демократик давлат. Конституцияга киритилиши кутилаётган бу ўзгариш қандай маънони англатади?

🎙Тошкент давлат юридик университети профессори Омонулла Муҳаммаджонов бу ҳақда тушунча берди.


https://t.me/bonguz1

Шарль Севилла, юридик стенографнинг хотираларидан - 3!

Прокурор : Биринчи никоҳингиз нима сабабдан якун топган ?
Гувоҳ : Ўлим сабабли якун топган...
Прокурор : Ким ўлган ?
Гувоҳ : Ўзингиз нима деб ўйлайсиз ?

Француз тилидан Дониёр Рўзметов таржимаси.


https://t.me/bonguz1

Расмий хабар

Бугундан бошлаб мамлакатимизда "Twitter", "WeChat" ва "Вконтакте" ижтимоий тармоқларидан тўсиқларсиз фойдаланиш имконияти тўлиқ тикланмоқда. "TikTok" платформаси билан музокаралар давом этмоқда, натижалари юзасидан қўшимча хабар берилади. Блокировкалар ривожланишга фақат зарар келтиради.

—
Официальное сообщение

С сегодняшнего дня на территории нашей страны полностью возобновляется беспрепятственный доступ к социальным сетям "Twitter", "WeChat" и "Вконтакте". Продолжаются переговоры с платформой "TikTok", об их итогах будет сообщено дополнительно. Блокировки только вредят развитию.

https://t.me/bonguz1

#Иқтибос Владимир Норов, Ўзбекистон ташқи ишлар вазири в.б.:
— Ўзбекистон учун Боку-Тбилиси-Карс темир йўлининг транзит салоҳиятидан фойдаланиш муҳим аҳамиятга эга. Бугун биз "Хитой-Қирғизистон-Ўзбекистон" темир йўл қурилиши лойиҳаси устида фаол иш олиб бормоқдамиз. Ушбу темир йўл коридорини Транс-Кавказ йўлаги билан боғлаш мамлакатларимиз ўртасида ягона транспорт тармоғини яратади ва Хитойдан Европага савдо географиясини кенгайтиради. Шунинг учун Ўзбекистон Осиёдан Европага энг қисқа қуруқлик йўлини таъминлайдиган Зангезур коридорини тиклашдан манфаатдор.


https://t.me/bonguz1

#диққат

❗️Мустақиллик байрамида ўзбекистонликлар кетма-кет 4 кун дам олади

Мустақиллик байрами муносабати билан ўзбекистонликлар 4 кун кетма-кет дам олади:

2022 йил 1 сентябрь - пайшанба (ишланмайдиган байрам куни);

2022 йил 2 сентябрь - жума (қўшимча ишланмайдиган кун - иш ҳафтаси туридан қатъи назар);

2022 йил 3 сентябрь - шанба (қўшимча ишланмайдиган кун - олти кунлик иш ҳафтаси бўлган ходимлар учун);

2022 йил 4 сентябрь - якшанба (тақвим бўйича дам олиш куни).

#eshitdingizmi

Тест синовида иштирок этиш учун “Абитуриент рухсатномаси”ни бериш 4-августдан бошланади.

Олийгоҳларга ўқишга кириш учун узоқ кутилган имтихонлар мавсуми бошланяпти.


https://t.me/bonguz1

Ўзбекистонни карта туризми рўйхатига қўшмаслик керак

Агар қайсидир туроператор халқаро карталар олиш учун кузда Ўзбекистон энг қулай мамлакат деб айтаётган бўлса. қаттиқ адашади ёки алдаётган бўлади. Ҳатто бу ҳақда Кремль пропагандасининг жарчиси ТАСС ёзаётган бўлса ҳам.

Пропагандага ишониб, Виза ё Мастер кард очиш учун Ўзбекистонга келадиган релокант лақабли мигрантлар яхшигина сюрпризларга дуч келишади. Энди баҳордагидек ишончнома асосида карта очиш йўқ, ё битта одамга олтмишталаб карта очиш бўлмайди, бугун келдим, эртага қайтишга билетим бор, мақсадим фақат карта дегувчилар чучварани хом санашади. Энди карта очиш учун норезидентлар Ўзбекистонда халқаро карта очишнинг иқтисодий маъносини асослашлари керак, улар картадан нима учун фойдаланишади? Даволаниш учунми, ўқиш учунми, ишлаш учунми? Картага қаерда пул тушади? Қанақа валютада? Бу пуллар қандай утилизация қилинади? Ҳаммасини кўрсатиш керак бўлади.

Ҳа шу кунгача мавжуд туйнуклар ва эътиборсизликдан фойдаланиб карта очиб олган норезидентлар ҳам қаттиқ хурсанд бўлмасликлари керак. Энди мониторинг ва назорат бошқача бўлади.

Ўрмонга ниҳоят ўрмон қоровули келди.

Ўзбекистонни карта туризми рўйхатига қўшмаслик керак

Агар қайсидир туроператор халқаро карталар олиш учун кузда Ўзбекистон энг қулай мамлакат деб айтаётган бўлса. қаттиқ адашади ёки алдаётган бўлади. Ҳатто бу ҳақда Кремль пропагандасининг жарчиси ТАСС ёзаётган бўлса ҳам.

Пропагандага ишониб, Виза ё Мастер кард очиш учун Ўзбекистонга келадиган релокант лақабли мигрантлар яхшигина сюрпризларга дуч келишади. Энди баҳордагидек ишончнома асосида карта очиш йўқ, ё битта одамга олтмишталаб карта очиш бўлмайди, бугун келдим, эртага қайтишга билетим бор, мақсадим фақат карта дегувчилар чучварани хом санашади. Энди карта очиш учун норезидентлар Ўзбекистонда халқаро карта очишнинг иқтисодий маъносини асослашлари керак, улар картадан нима учун фойдаланишади? Даволаниш учунми, ўқиш учунми, ишлаш учунми? Картага қаерда пул тушади? Қанақа валютада? Бу пуллар қандай утилизация қилинади? Ҳаммасини кўрсатиш керак бўлади.

Ҳа шу кунгача мавжуд туйнуклар ва эътиборсизликдан фойдаланиб карта очиб олган норезидентлар ҳам қаттиқ хурсанд бўлмасликлари керак. Энди мониторинг ва назорат бошқача бўлади.

Ўрмонга ниҳоят ўрмон қоровули келди.


https://t.me/bonguz1

#ибрат

Фотиҳ Султон Меҳмет Хон болалигида жуда шўх, тўполончи бир ўқувчи эди. Дарс вақтида қилган тўполонлари билан устози Оқшамсиддинни жаҳлини чиқарар эди. Устози унга танбеҳ берса, дарҳол: "Мен подшоҳнинг ўғлиман, ҳеч нарса қилолмайсан", дейишдан ҳам тоймасди.

Сўнгра бу ҳақида устози Оқшамсиддин отаси Мурот Иккинчига маълум қилади, Отаси эса унга пичирлар бир режасини айтади.

Эртаси куни Меҳмет дарсда яна тўполонини бошлайди. Устозининг танбеҳига одатдагидек, отаси билан таҳдид жавобини беради. Айни шу пайт тўсатдан эшик очилиб, подшоҳ ичкарига киради. Бу ҳолатдан ғазабланган Оқшамсиддин подшоҳга қараб бақиради. Бир тарсаки уриб дейди: "Ҳеч ким дарс вақтида ичкарига бундай тарзда кириши мумкин эмас". Изн сўраб кириши лозимлигини айтиб, ташқарига ҳайдайди.

Подшоҳ маҳжуб шаклда бўйнини эгиб, узр сўрайди ва ташқарига чиқади. Бу ҳодиса қаршисида Меҳметнинг тили калимага келмай, нима қилишини билмай қолади. Ишонгани - подшоҳ отаси кўз ўнгида тарсаки еган эди. Меҳметнинг ички дунёси ағдар-тўнтар бўлганди.

Бир оздан сўнг эшик тақиллайди, ва подшоҳ ҳижолатли ҳолатда ичкарига узр сўраб киради. Режа ажойиб шаклда амалга ошган эди. Ўша кундан сўнг, Меҳмет асло ярамаслик қилмади.

P.S.: Устозга шундай ҳурмат қилишни ўргатишгани учун Меҳмет келажакда буюк фотиҳ бўлди. Биз эса болаларимиз кўз олдида устозларини беҳурмат қилаётганимиз учун улар кетмонга даста ҳам бўлишолмаяпти...


https://t.me/bonguz1

Бизда хакер бўлиш шарт эмас. Амалдор бўлсанг бўлди. Суғориш тизимини баҳона қилиб 14,5 млрд сўм ухлатишибди.
-
Не нужно быть хакером чтоб грабить. Достаточно быть чиновником.


https://t.me/bonguz1

Нонни нархи 2800га кўтарилгани муносабати билан жуда хам зўр чиққан сухбат. Солиқ вакили ва тадбиркор орасида.

Нонни тадбиркор 2700 сўмдан олиб 2800 сотиши керак экан. 2800 сўмдан чиқадиган 4% солиқ (112 сўм) бу харакатни тадбиркор учун зарарли қилиб қўяди.

Энг асосийси охирида - "ока, худо хохласа хаммаси яхши бўлади" дейди Акбар ака. Боримиз шу. 🙈



https://t.me/bonguz1

#кун_воқеаси

6 август - Халқаро шифокорлар куни


https://t.me/bonguz1

#долзарб

❗️Сув танқислиги туфайли Ўзбекистонда яқин йилларда мева етиштириш жиддий қисқариши мумкин

“Ўзбекистонда артезиан сувларининг захирасидан кўп фойдаланиш катта ташвиш уйғотмоқда, сабаби бунинг оқибатида ичимлик суви танқислиги юзага келиши хавфи мавжуд. Фермерларнинг ўзи қудуқлар оқими пасайиб бораётганини тан олмоқда, яқинда 7 та вилоятда ерости сувлари сатҳи 5 метрга пасайгани ҳақида хабар берилди”, – БМТ озиқ-овқат ва қишлоқ хўжалиги департаменти вакили.


https://t.me/bonguz1

Парламент ва Президент Админстрациясига таклиф: судьялар сонини ошириш керак.

Ўзбекистон бутун жаҳонда судьялар сони бўйича энг охирги ўринларда юрадиган аҳволи оғир мамлакатлардан бири ҳисобланади.

Суд тизимимизга оид муаммонинг асосий сабабларидан бири ҳам аҳоли сонига ва иш ҳажига нисбатан судьялар сони тасаввур қилиб бўлмайдиган даражада камлиги билан боғлиқ.

Айнан шунинг учун ҳам суд қарорлари жуда кўп ҳолатларда сифатсиз ёки нотўғри чиқмоқда. Ҳозир судьялар хотиржам иш кўролмайди ёки тўлиқ асосланган қарорлар ёза олмайди. Чунки, бунга имкон йўқ. Иш ҳажми ва тарафлар сони кўплигидан, биринчи ишнинг кетидан иккинчи ва учинчи ишлар тақалиб турган бўлади.

❗️Эътибор беринг, Ўзбекистонда ҳар 100.000 та аҳолига бор йўғи 3 нафар атрофидаги судья тўғри келади.

Хўш, бошқа мамлакатларда бу қандай, яъни бошқаларда аҳоли сонига нисбатан мавжуд судьялар сони нечта?

Демак, 100.000 аҳолига:
➖АҚШда – 11 нафар;
➖Италияда – 15 нафар;
➖Венгрияда – 29 нафар;
➖Россияда – 20 нафар;
➖Украинада – 19 нафар;
➖Польшада – 26 нафар;
➖Португалияда – 16 нафар;
➖Финландияда – 18 нафар;
➖Нидерландияда – 15 нафар;
➖Озарбайжонда – 5 нафар;
➖Қозоғистонда – 16 нафар;
➖Қирғизистонда – 7 нафар;
➖Тожикистонда – 5 нафар судья тўғри келади.

Аҳволни кўряпсизми, хатто Тожикистон ҳам аҳолига нисбатан судьялар сони бўйича биздан олдинда юради.

Мен доим ҳайрон қоламан, бошқа вазирликлар ва идораларга ҳар хил штат бирликлари у керакми ёки йўқми, берилаверади, ташаббус кўрсатилса ҳисоб. Лекин, нима учун айнан судларга келганда, қўшимча штатлар берилмайди, нима учун? Ахир, аҳолининг судлар билан боғлиқ муаммолари борган сари кўпайиб жиддийлашиб кетяптику.

Ўша гап, адолатга келганда тежамкорлик қилиш барибир яхшиликка олиб келмайди. Афсуски, бунинг оғирлиги барибир келиб, оддий ҳалқнинг елкасига тушаверади.

▪️Парламентга ва Президент Админстрациясига таклифимиз шуки:

➖Ўзбекистон судларидаги (хусусан, фуқаролик судлари) судьялар сонини бугунги кундаги аҳоли сони ва иш ҳажмига қараб жиддий даражада ошириш керак.

https://t.me/bonguz1

#даҳшат

❗️Ўзбекистон йўлларида жорий йилнинг дастлабки 6 ойида 97 нафар бола ҳалок бўлган

Йўлларда вазият талаб даражасида эмас!

Республика ҳудудида содир этилган йўл-транспорт ҳодисаларининг олдини олиш ишлари бугунги кун талаби даражасида ташкил этилмаган.

Бу ҳақида сенатнинг йигирма тўққизинчи ялпи мажлисида айтиб ўтилган.

Ички ишлар вазирининг 2022 йилнинг биринчи ярим йиллигида ҳуқуқбузарликларнинг олдини олиш ва уларнинг профилактикаси ҳолати тўғрисидаги ахборотида маълум қилинишича, шу йилнинг ўтган 6 ойида болалар билан боғлиқ 595 та йўл-транспорт ҳодисаси содир этилиб, уларда 529 нафар бола жароҳатланган, 97 нафари ҳалок бўлган.


https://t.me/bonguz1

Ўзбекистонлик шахматчилар эртага Ҳиндистон-2 жамоасига қарши дона суради (мезбон сифатида Ҳиндистон 3 та жамоа билан иштирок этяпти).

Вакилларимиз ҳозиргача фақатгина 2 марта дуранг қайд этишди ва қолган барча рақиблардан устун келишди. Дуранглардан бири Ҳиндистонга қарши эканлигини унутмаслик керак.

Арманистон мағлуб этилгач, вакилларимиз 1-ўринга кўтарилиб олишди. Қуйида улар шу кунгача кимлар билан қандай ўйнагани келтирилган:

1-кун
Ўзбекистон — Непал 4:0

2-кун
Ўзбекистон — Фарер ороллари 4:0

3-кун
Ўзбекистон — Словения 3:1

4-кун
Ўзбекистон — АҚШ 2:2

5-кун
Ўзбекистон — Словакия 4:0

6-кун
Ўзбекистон — Ҳиндистон 2:2

7-кун
Ўзбекистон — Перу 4:0

8-кун
Ўзбекистон — Германия 2,5:1,5

9-кун
Ўзбекистон — Арманистон 3:1.


https://t.me/bonguz1

#валюта

❗️Доллар курси 10 900 сўмдан пастлади

Марказий банк валюталарнинг сўмга нисбатан 8 августдаги қийматини эълон қилди. Унга кўра, долларнинг расмий курси сўмга -33,89 сўмга тушиб, 10 886,00 сўм этиб белгиланди.

https://t.me/bonguz1

#Диққат
❗️Тошкентнинг Чилонзор туманида ҳам соат 10:00 дан 17:00 гача газ таъминоти тўхтатилади.

https://t.me/bonguz1

Магнусвой Шахмат олимпиадасида порлаётган Ўзбекистон жамоаси ёнидан кетолмай қопти. Алишер Саъдуллаевнинг ёзишича, шахмат даҳоси ҳар 15 дақиқада бирров хабар олиб кетаркан. Нодирбек Абдусатторовдан нуқул енгилиб юрадиган норвегиялик гроссмейсетр учун асосан ёшларда ташкил топган жамоамиз жуда қизиқ чоғи. Бугун, Худо хоҳласа, ўзбек шахмат тарихига янги саҳифа ёзилиши мумкин...

https://t.me/bonguz1

Микротўловлар замонига хуш келибсиз

Шу пайтгача чет элда муқим яшашни ўйламагандим. Мана энди қарор қилганимда, аввалари менга сезилмаган ҳолатлар пайдо бўляпти. Масалан, микротўловларга мустабид ҳаёт тарзи. Бу дегани, Netflix, Spotify’дан тортиб, WSJ, NYT каби ахборотга пул тўлаш, бундан ташқари ҳар хил (аслида зарур эмас) кундалик тўловлар (Старбакс қаҳваси мисол) атрофингизни ўраб олади.

Куни кеча ўқиб қолдим: энди машина ўриндиқларини иситиш ҳам ойлик обунага айланибди. Иситиш тизимини қувватловчи дастурий таъминотга кетадиган харажат баҳонасида бу тўлов киритилган.

Ҳа, яшаш учун зарур бўлмаган, лекин тиқиштирилаётган микротўловлар кўпайиб кетяпти.


https://t.me/bonguz1

Нодирбек Гукешни "тиз чўктирди". У ҳинднинг мағлубиятсиз сериясига чек қўйди. Умумий ҳисоб 2:2. Жавоҳирнинг мағлубиятидан сўнг, Абдусаттровнинг ғалабаси Ўзбекистон терма жамоасини рейтингдаги етакчилигини сақлаб қолди. 5 ярим соат давом этган баҳсда вакилимиз даҳшатли ўйин кўрсатди.

Ўзбекистон 10 тур ўйнаб, мағлубиятга учрамаган ягона жамоа бўлиб турибди.



https://t.me/bonguz1