"رمضانُ من بين الشهُورِ جَمالهُ
كَجمالِ يوسفَ في بَنِي يعْقُوبَا

من لم يشاهد ذا الجمالِ بحسِّهِ
سيكونُ في جُبِّ الهوى محجُوبا".

رمضان مبارك 🌙❤️.

" أهلاً بعودتك سيد الأزمان
‏يا مسرحَ الصلواتِ والقرآن "
اللهم اجعل رمضان شهراً جديداً
لأرواحنا يمحوا عنا ما مضى
ويُبلغنا عفوك والرضى.
‏كل عام وأنتم إلى الله أقرب 🌙 .
‏مبارك عليكم الشهر.

امي❤️:



انتي عظيمة قلبي و انتي نصيبه
‏و انتي لدربي نور و انتي عيوني

‏وانتي ملاذي من جروحاً عطيبه
‏و انتي سند وانتي اماني وعوني

‏و انتي علاجي يا دواه و طبيبه
‏وانتي جموع الفن وانتي فنوني

‏و انتي لروحي روح وانتي حبيبه
‏و انتي ثقه ما شككتبك ضنوني

يا و احداً غطا على الكل طيبه
‏من بين هالعالم خذا كل كوني

‏وانكان شفت القلب همً يصيبه
‏ما قل حبي لك و لا شان لوني

‏ ابقي معي من دون همً وريبه
‏لا يا بعد من راح عني و جوني
‏
‏انتي عظيمة قلبي و انتي نصيبه
‏و انتي لدربي نور و انتي عيوني.

يالله ياللي سترك استر من الليل ودجاه
‏ما على غراتنا الا انت يا جل و علا

‏انتقرب منك بصيام واحسان وصلاه
‏جعلها في خشيةٍ منك عن دفعة بلا.

‏حلالاه .. قبل الروح ، لا تبلغ الحلقوم
‏لو أعضاي تفنيها الليالي ! وهي ولما

‏تقوّى بـ نهج وسيرة الهادي المعصوم
‏لا سيرة جرير ، ولا زهير بن أبي سلمى

‏ياشين الحياة اللي مافيها صلاة وصوم
‏تغرّ البشر بـ الوجه الابيض وهي دلما

‏تورّي: من يسلّم لها . . قلبه المحروم
‏نهاية . . بصيص النور ، وبداية الظلما

‏ملذّات الانفس ، تقترب كل ليل ويوم
‏من اللي ضمايرهم ، من ذنوبهم بلما

‏ضمير البنادم . . لا تحلوى لذيذ النوم
‏من المستحيل إنك تصحيه لو بـ الما.

‏يامهموم لا تاقف بـ دوامة التعقيد
‏الايام تتعب من يبي عدل مايلها

‏ترى راحة الخاطر وسلواه بالتحديد
‏عبّال ماداجتها الكشوت وعوايلها

‏لا عينت لك قطاع فرجه ومنبع جيد
‏الارصاد لا تقعد تتابع رسايلها

‏احذف ضيقتك في سيل وادي ومرقب حيد
‏وتمثن الديار وشرّد الابيات ذيلها.

‏اخذت من تجربة الايام ( زبدة كلام)
‏اليا تحدتك ميلات الليالي تحد

‏اما تعلويت في الامجاد ذروة سنام
‏ولا توفيت والدنيا ما قرت لحد.

‏لاغدا ضعف النفوس أشدّ من ضعف المناعه
‏كثرو اللي في ظلال اصحاب لـ القاب الشهيره

‏يقدح الرجال من زنده وينفذ من ذراعه
‏اترك اللي عاش عمره يقتبس من نار غيره.

‏لاتكابر في الظروف ولا تجزّع
‏قالها اللي ماتجزّع لو يكابر

‏ولاتشكوى للعباد ولا تفزّع
‏المشاعر عابره والعمر عابر

‏لو ضلوعك من عنا صدرك تمزع
‏من ترجاي البشر ويش انت خابر

‏والعمّار محدده والرزق وزّع
‏من بطون الغيد لـ بطون المقابر.

‏الوقت غالي ثمن ، باهظ تكاليف
‏واقداره اللي ( تمرّ ) .. تمرّ عجله

‏يمكن يسرّك عدوّك في مواقيف
‏ويبور من كنت تستذبح من اجله

‏آصدّ عن كل رغبة .. صدّة مْعيف
‏وتصير روحي .. من الأيام ، وجله

‏يوم يْتشمّت ، على راع المعاريف
‏ضعيّفٍ . . ما يساوي ، ظفر رجله.

‏حب المغاتير مايرحم صخاف القلوب
‏وقلوبنا اللي ذبحها الحب وش ذنبها

‏من حبها ماقدرت اصد عنها واتوب
‏خذيت قلبي وعلقته على جنبها.

‏اثنين ماني بهضمهم من قديم
‏ومن طاح منهم ماحسبنا طيحته

‏اللي لاسولف كل حكيه فالحريم
‏واللي يصور ل للعرب ذبيحته.

‏بنتٍ تداعبني بـ قرص الاصابيع
‏ياليت قرصات الزمن ، قرص يدها.

‏تنطحت ليل ينقذ المشتحن مسراه
‏الى مل من شوفة هل المدن والصجه
‏َ
‏سريته وسبل طارف العين راهي ماه
‏وغدى لضلوع العوج من ونتي لجه
‏َ
‏احسب ان قلبي سج عن همه وطرياه
‏واثر عاده بسكة هل الغي متوجه
‏َ
‏لو يطيب راعى الفقد من جرحه وذكراه
‏والله مايطيب من الهواجيس والسجه ).

حنا كبرنا على المشروه والانتقاد
سمه تغافل تجاهل سمه اللي تبيه

حتى الرفيق السنافي والرفيق الحشاد
من خيب الظن منهم ماشرهنا عليه

يمرنا يعتذر عقب الزعل والعناد
ويروح من عندنا ماسمع شرهه وليه

ان قال كبوة جواد نقول كبوة جواد
وان قال طيحة جمل قلنا جمل ماعليه.

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته.

‏نجوم السماء سامرتها لين راح الليل
‏ولا فقت لين ان المواذين نادتني

‏سرى فكري البارح وانا بين حط وشيل
‏تقول اني اشيل الكواكب على متني

‏ظروف الليالي متعبه والزمان بخيل
‏تحديتها بعد انها ماتحدتني

‏انا نسل عودً فالمواقف يعدل الميل
‏ليا عاينت بعيونها زين شافتني.