‏اهل الحسد لا غاضهم طيّب الراس
‏عجزوا به وسبوه من دون سبه .

‏يارب ياللي رحمتك تشمل وسترك راس مال
‏عفوك وغفرانك ولطف منك يارب الملا

‏انا مجاهد نفسي الإماره اللي لا تزال
‏تذنب واخاف انها مع الايام تاخذها حلا

‏نار الفتن قامت تواقد فالدقاق وفالجلال
‏وجهلو عواريف الرجال اللي ماكانو بـ جهلا

‏يالله دخيلك من حرام يمحق بركة الحلال
‏ومن منة الانذال والحاجه لاجل شرب وكلا

‏مايوجع زحول الرجال اللي يضدون الرجال
‏إلا الفقر لا ردهم لـ الهاويه بعد العلا

‏تجبرهم العازه على الصده وحب الانعزال
‏من موقف التقصير في واجب معارف وزملا

‏الوقت متغير وحتى الناس جا فيها هبال
‏متغيرين وكل شي شان يا داافع البلا

‏اللي من اول كنت اعده فالمواقف راس مال
‏ماعاد اعده راس مال ولاهو بـ مثل اولا

‏حتى الهبوب اللي تزيح الضيق لاجت من شمال
‏صارت تجيب الضيق معها من شمال ومن الى

‏وريمية الوادي ذعرها الصوت واخذتها الليال
‏من جوف صدرٍ ذيرت من مرتعه ريم الفلا

‏مدري خذاها الطيش من بعد القصايد والدلال
‏ولا تبي تقفي وتختبر المحبه والغلا

‏خلتني ابدع في مجال الفقد لا جاله مجال
‏واقاول المشراف والدربيل وفجوج الخلا

‏امر مدهال اللقى واقرى مراسيل الوصال
‏واعزم انساها ولا عزمت جددت الولا

‏ودي بعد طول البطى مره تعاود الاتصال
‏وتسمع قصيدة ،، ياحبيب الروح ،، قلبي ماسلا

‏وان شدة رحال الجفى لـ البعد شديت الرحال
‏و ودعتها اللي ماتضيع وداعته جل وعلا.

يقول الشاعر تركي الميزاني :

‏للصمت في بعض المواقف مهابه
‏وللهرج في بعض المجالس مناقيد.

‏حيل الله أقوى مابقى في يدي شيّ
‏مافيه حل ٍ في يدي . . ما ذخرته

‏حاولت .. لكن المحاصيل هيّ هيّ
‏الطير طار ولا بقي . . الا شجرته

‏وقفّت أشوف شويّ وأغمّض شويّ
‏واللي أنكسر في خاطري ما جبرته

‏لين الحقت شمسي على بارد الفيّ
‏وشفت أن كل اللي جمعته خسرته.

‏صاير لي وقت فيني من العالم نفور
‏واجتماع الناس معاد احبه وهتويه

‏سر صدري له حمايه وله كلمة مرور
‏برمجت نقالت الهرج ماتقدر عليه

‏ماقدر يفتح لـ صمتي من ادراجه عبور
‏الا مستثنى مكانه ،، ونّصٌ ،، ومايليه

‏حرر سكوتي سؤال وسطر بين السطور
‏فيه ليه وكلمتين وعلامه بعد ( ليه ؟ )

‏ان قدرت احذف همومي ورى سبع البحور
‏ماقدرت اخفي الملامح عن عيون النبيه

‏يارفيقي وانت تعرف ماني راعي غرور
‏ليه تزعلني وانا صدري الي فيه فيه

‏كان منت بـ داري اني بـ معرفتك فخور
‏سود الله وجه ضنك على مايحتويه

‏لا تعاتبني على الصده وقل الظهور
‏ولا تناقشني على شي مابيه وتبيه

‏يستلذون الغياب ويعافون الحضور
‏كل ذو عقل مفكر وذو راي وجيه

‏ادري انك منصح وكل زور فيه شور
‏وتدري اني لا ابسط كفوف ولا اعبد وجيه

‏مغنيتني عزة النفس عن كل معثور
‏وعن مكان مايليق بـ مقامي يوم اجيه

‏لا اعتلى صوت النفاق وصدح صوت الفجور
‏وبتدا ضحك المنافق وتطبيل السفيه

‏صد قلبي صدة الطيب الي مايبور
‏لين بار الوقت في سعيه وبارو ذويه

‏ومكتفي عن مجلس مهرج ونقال زور
‏برفقت اهل العرف والراي والعرض النزيه.

‏الصدور اللي وفاها ملاجي للرفيق
‏ضيقوها اللي على كل عوجا يقلطون

‏عزتي للقلب الابيض وللوجه الطليق
‏لا حداه الله على عالمٍ ما يستحون.

دعواتكم لأهلنا في غزه 🇵🇸.

السلام عليكم ورحمة الله

عيدكم مبارك وكل عام وانتم بخير يارفاق
وتقبل الله منا ومنكم صالح الاعمال ❤️🫡.

‏الناس من دون الكرامه حذايا
‏مرضاة حوا صيد ونفوسنا صيد

‏لو اعتبرها من كبار العطايا
‏عرضتها مقدم خشوم البواريد.

اللَّهُــمَّ صـَلِّ وَسَـــلِّمْ علـى نَبِيِّنَٰــٰـٰـــــــا مُحمَّدﷺ ♥️🍂.

ارِح قلبك🤍.

الّي سمع يونس وهو في بطن حوت
‏ما هو بناسيني وأنا أشمَّ الهواء.

‏إن شئت غامر ترى بعض المغامر سداد
‏ الحاجه اللي تبي .. ماهي بجمـع وكسر

‏أضربّها عرض غيب ، وعاد الأقـدار عـاد
‏ مايقطـع الفـرجـه ، الا كل قلـبٍ جسِـر

‏والله كفيـلٍ على رزقـك .. ورزق العـبـاد
‏اللي لك بتاخذه ، واللي مايكتب عسِـر.

‏اعقد العزم لاضاقت عليك الحلول
‏يفتح الله عليك ويبدل الحال حال

‏ساعة الصبر تفتح محكمات القفول
‏وساعة الضيق تفرج والليالي طوال.

‏من يماشيني على الطيب يبشر بسعده
‏يعتبر روحي بروحه ولو راحت فدى

‏ومن يماشيني بعكسه فيلزم مقعده
‏والله انه لانزل من صعود ولا بدى

‏لا عملت الطيب فاللي يعرفه يشهده
‏و الردي تعمل به الطيب ويعود ردى

‏وكل من سويت به علم طيب وجحده
‏كم جميل حط في غير موضعه وغدى.

لو توالت عليك من الزمان الهزايم
‏لا يموت الطموح ولا تكلّ العزيمه.