"አሚን ለበጎነት" የረመዳን አስቤዛ ድጋፍ በድሬዳዋ ከተማ ተከናወነ!

አቢሲንያ ባንክ ከወለድ ነፃ የባንክ አገልግሎቱን በሚሰጥበት አቢሲንያ አሚን በኩል እየተከናወነ የሚገኘው የረመዳን አስቤዛ ድጋፍ፤ እሁድ የካቲት 29/2018 በድሬዳዋ ከተማ ተከናወነ።
የድሬዳዋ ከተማ አስተዳደር ከንቲባ ክቡር ከድር ጁሐር፣ የአስተዳደሩ የብልፅግና ጽ/ቤት ኃላፊ ክቡር ኢብራሒም ዩሱፍ እና የአቢሲንያ ባንክ ድሬዳዋ ዲስትሪክት ዳይሬክተር፣ የአቢሲንያ አሚን የሥራ ኃላፊዎች እና የብራንድ አምባሳደሩ በተገኙበት የተካሄደው የረመዳን አስቤዛ ድጋፍ ተግባር፤ ከሸይኽ በክሪ ሰበሎ ፋውንዴሽን ጋር በመቀናጀት የተከናወነ ነው።

አቢሲንያ አሚን ለወገን ድጋፍ ማድረጉንና ማኅበራዊ ኃላፊነቱን መወጣቱን በማድነቅ ምስጋናቸውን ያቀረቡት ክቡር ከንቲባው፤ የባንኩ ወገንን የማገዝ ተግባር የመሰል ተቋማት ቀዳሚ ኃላፊነት መሆኑን በማውሳት ለወደፊቱም ማኅበረሰብ አቀፍ ሥራዎች ላይ ያለው የባንኩ ተሳትፎ ተጠናክሮ እንዲቀጥል መልዕክታቸውን አስተላልፈዋል።
አቢሲንያ አሚን በወርሐ ረመዳን እየከወነው የሚገኘው የበጎነት ተግባር በርካታ ወገኖችን ተጠቃሚ ማድረጉን የገለጹት የድሬዳዋ ዲስትሪክት ዳይሬክተር አቶ ሙሉጌታ በቀለ፤ የባንካችን አንድ እሴት የሆነው ማኅበራዊ ኃላፊነትን የመወጣት ተግባር በተለያዩ ከተሞችና ተቋማት መቀጠሉን ገልጸው፤ በድሬዳዋ ከተማ ከሁሉም ቀበሌዎች ለተውጣጡ አቅመ ደካማ ወገኖቻችን የተደረገው መሰረታዊ የአስቤዛ ድጋፍ ተጠናክሮ እንደሚቀጥል ገልፀዋል።

#AbyssiniaAmeen #IFB #bankofabyssinia #አቢሲኒያአሚን #Banking #BanksinEthiopia #AddisAbaba #Ethiopia #የሁሉም_ምርጫ #አቢሲንያአሚን

አቢሲንያ ባንክ ከወለድ ነፃ የባንክ አገልግሎቱን በሚሰጥበት አቢሲንያ አሚን በኩል፤ በያዝነው የረመዳን ወር እየከወናቸው የሚገኙ የበጎነት ተግባራት ቀጥለዋል።

"አሚን ለበጎነት" በሚል መሪ ሐሳብ በተለያዩ ከተሞችና ተቋማት እየተደረገ የሚገኘው የአቢሲንያ አሚን ከወለድ ነፃ የባንክ አገልግሎት የረመዳን አስቤዛ የማድረስ ተግባር፤ በትላንትናው ዕለት በአንጋፋው አወሊያ ትምህርት ቤት ተከናውኗል። የአቢሲንያ አሚን የሸሪዓ አማካሪ ቦርድ ሰብሳቢ፣ ከፍተኛ የሥራ ኃላፊዎችና የአቢሲንያ አሚን የብራንድ አምባሳደሩ በተገኙበት የተከናወነው የአስቤዛ ስጦታ፤ በኑሯቸው አቅመ ደካማ ለሆኑ አረጋዊያን፣ ለወላጅ አጥ ህፃናትና ጧሪ ለሌላቸው እናቶች የተበረከተ ነበር።

የረመዳን ወርን ምክንያት በማድረግ እየተከናወነ የሚገኘውን ወገንን የማገዝና ማኅበራዊ ኃላፊነትን የመወጣት ተግባር በማድነቅ፤ የባንኩን የድጋፍና እገዛ ሥራዎች ያመሰገኑት የአወሊያ እርዳታና ልማት ድርጅት ዋና ሥራ አስኪያጅ ሐጅ ሰዒድ አስማረ፤ አቢሲንያ አሚን ከረመዳን አስቤዛ ድጋፍ በተጨማሪ በትምህርታቸው የላቀ ውጤት ለሚያስመዘግቡ ተማሪዎች "በአሚን ስኩል አዋርድ" የሚሸልመው ማበረታቻና ለውጤታማ መምህራን የሚሰጠው የማትጊያ ሽልማት ሰፊ ትርጉም የሚሰጠው ተግባር መሆኑን አውስተዋል። "አሚን ለበጎነት" በሚል መሪ ሐሳብ ከተለያዩ ተቋማት ጋር በመቀናጀት እየተተገበረ የሚገኘው የባንካችን የረመዳን እንቅስቃሴ በቀጣዮቹ ቀናትም እንደሚቀጥል በባንኩ ከፍተኛ የሥራ ኃላፊዎች በመድረኩ ተጠቅሷል።


#AbyssiniaAmeen #IFB #bankofabyssinia #አቢሲኒያአሚን #Banking #BanksinEthiopia #AddisAbaba #Ethiopia #የሁሉም_ምርጫ #አቢሲንያአሚን

ታላቁ የረመዳን ወር የበጎነት ተግባራት ከመቼውም ጊዜ በላይ በጉልህ የሚስተዋሉበት ጊዜ እንደመሆኑ፣ ባንካችን እየከወነው የሚገኘው ከወገኖቻችን ጋር በአብሮነት የመቆምና የኢፍጣር አስቤዛ የማቅረብ ተግባር ዛሬም ተጠናክሮ ቀጥሏል።
ለበጎነት የተዘረጉት የአቢሲንያ አሚን እጆች እንደ ሁልጊዜውም በፆም ወቅት በቂ ማፍጠሪያ ማግኘት ለማይችሉና ለተቸገሩ ወገኖቹ በመድረስ ላይ የሚገኝ ሲሆን፣ በዚህም በደሴ ከተማ ከሚገኙ የተራድኦ ተቋማት ጋር በመቀናጀትና ድጋፍ በማድረግ ማኅበራዊ ኃላፊነቱን በመወጣት ላይ ይገኛል።

የበጎነት አሻራውን በማሳረፍም ከተቸገሩ ወገኖቹ ጎን እንደሚቆም አስመስክሯል።

አሚን ለበጎነት!

#AbyssiniaAmeen #IFB #bankofabyssinia #አቢሲኒያአሚን #Banking #BanksinEthiopia #AddisAbaba #Ethiopia #የሁሉም_ምርጫ #አቢሲንያአሚን

አቢሲንያ ባንክ ከወለድ ነጻ አገልግሎት በሚሰጥበት አቢሲንያ አሚን በኩል በሚከውነው ‘አሚን ለበጎነት’ የረመዳን ድጋፍ መርሐ ግብሩ፤ ለወንድም ኻሊድ ፋውንዴሽን የረመዳን አስቤዛ ድጋፍና የአንድ ሚሊዮን ብር ሥጦታ አበረከተ።

የአቢሲንያ አሚን ዳይሬክተሮች፣ የዲስትሪክት አመራሮችና የብራንድ አምባሳደሩ ማዕከሉ የሚሰጠውን አገልግሎት ተዟዙረው የጎበኙ ሲሆን፤ ፋውንዴሽኑ በርካታ ቁጥር ያላቸውን እናቶችና ህፃናት፣ እንደዚሁም ወጣቶችና አረጋዊያንን በአንድ ጥላ ሥር በማቀፍና ዘርፈ ብዙ ሸክማቸውን በማቅለል ንቁና ምርታማ ዜጎችን ለማፍራት በማዕከሉ የሚከናወኑ ተግባራትን አድንቀዋል።
በመርሐ ግብሩ የአጋርነት መልዕክታቸውን ያስተላለፉት የወለድ ነፃ ቢዝነስ ሰርቪስ ዳይሬክተሩ አቶ አበጋዝ ይማም፤ ወርሐ ረመዳንን ምክንያት በማድረግ በተለያዩ የሃሀራችን ከተሞች እየተከናወነ የሚገኘው የኢፍጣር አስቤዛና የገንዘብ ድጋፍ፤ የተራድኦ ተቋማቱ ለሚያከናውኑት የበጎነት ተግባር ተጨማሪ አቅም ለመፍጠር ያለመ መሆኑን በመድረኩ ገልጸዋል። "አሚን ለበጎነት" በሚል መሪ ሐሳብ በተለያዩ ዲስትሪክቶች በመከናወን ላይ የሚገኘው የባንካችን ማኅበራዊ ኃላፊነትን የመወጣት ተግባር፤ ሰፊ ቁጥር ያላቸውን ወገኖች ተጠቃሚ ማድረጉን ያወሱት ዳይሬክተሩ፤ በመጪዎቹ የረመዳን ቀሪ ቀናትም ይኸው ተግባር ተጠናክሮ እንደሚቀጥል አስታውቀዋል።
የአቢሲንያ አሚን የብራንድ አምባሳደር ሙሐመድ ፈረጅ፤ ባንኩ ማኅበራዊ ኃላፊነቱን ለመወጣት በትምህርት፣ በንፁህ የመጠጥ ውሃ አቅርቦትና የፈጠራ አቅም ያላቸው ወጣቶች ላይ እየሠራ እንደሚገኝ ተናግረዋል።

አሚን ለበጎነት!

#AbyssiniaAmeen #IFB #bankofabyssinia #አቢሲኒያአሚን #Banking #BanksinEthiopia #AddisAbaba #Ethiopia #የሁሉም_ምርጫ #አቢሲንያአሚን