لنص الليل ..دخلت لگيتها مفتحة عيونها ..
گلتلها .صح النوم يحلو .
اني هم مانعسانه اجيت اشوفج ..
باوعت الماما نايمه .
طلعت موبايلي . وطلعت صور زواجهم وصور دبي ..
گعدت اتصفح واراويها ..
الصور الي بيها صگر اتأخر يله ادورهن ..
حسيتها تغمض وتفتح وعيونها يدمعن ..
گلتلها اشتاقيتيله مو ..
هو هم اشتاق ..
وكل يوم يجي يريد يشوفج واخواني ميخلوه .
يخافون عليج تضوجين ..
بس هو تعذب وماخله طريقه ماحاول بيها .
يمكن الصوج بيكم اثنينكم ..
لان ماتفاهمتوا . ولا تنازلتوا ..
دخلتوا الناس بينكم ..
وتالي محد تضرر غيركم ..
انتي هاي حالتج ..
وهو باقي يركض من مكان المكان حتى يشوفج ..
انطوا لرواحتكم فرصه رفيف ..
لاتخلون الناس تتدخل بينكم .
عندج حجي گومي واجهي احجي عليه عيطي .
ابنكم. بحاجتكم ..
وطلع اقوى منكم .
حافظي ع زوجج . لو فعلا يريد يتزوج . هاي صارلج شگد تاركته جان تزوج.
بس هو يحبج ومايشوف غيرج .
اخواني يخافون عليج ومتصورين هو السبب بلي صارلج .
وهو تايه ومايعرف شلون يشوفج ..
محد يگدر يحل هذي الشغله غيرج .
انتي بيدج تصحين وتوگفين ع رجلج ..
گومي خيتي گومي ..
#بقلمي_الكاتبة_شمس
.............................................
حسيتها اخذت نفس قوي ورجعت . عبالك دا تتنهد .
شلون واحد من يبجي وياخذ نفس قوي ..
بدت تبين ملامح البجي بوجهها .
تريد تصرخ وتبجي بس ماتگدر ..


بست راسها وگلتلها ماقصدي ااذيج بس ردت اوضحلج موقف صگر . خاف عبالج عايفج ومايسأل .
بلعكس هو حاله مايفرق عنج .
بست راسها وگلتلها ارتاحي ..

غطيتها . بس هي مثل الي تون گامت .
جان ونينها تعبير عن الي بداخلها ..

رحت انام . گال احمد وين جنتي .
گتله ع الي صار ..
احمد ..
كو اخاف تنتكس ..
رحيق .. بعد هو دكتور واعرف . ودا احس كلامه صحيح .
لان گامت تون وتشهگ .
وهي كانت مثل الميته قبل ..

ردت انام .. گامت تبجي جنه .
گمت شربتها گلاص حليب ونيمتها مرات تجوع ..

رجعت نمت . وفزيت الصبح مخنوگه .
گمت اصلي .
شفت ماما طلعت ..
گالت يمه همزين گعدتي .
هاي اختج بس تون الليل كله وماادري شبيها .
خاف شي يوجعها ..

گلتلها لاتختفين گلبها الي يوجعها ..
روحي نامي كم ساعه وناخذها للعلاج الفيزيائي بعد ..17

صليت ودعيتلها ورجعت نمت ..
گعدت الصبح سوينا ريوگ وتريگنا .
شكلت المغذي الرفيف ..
جبت حليب دااشربها بالسرنجه .
مااتحملته بسرعه استفرغت ..
مسحتها وبدلت ملابسها ..
ومسحت وجهها وايديها وجسمها بالكلينكس الرطب ..5

خليتلها بوطرة ام الريحة ..
ماگدرت اخليلها عطر او معطر . جسمها متحسس من النوم ..
بس صارت ريحتها تخبل مثل الطفل ..7

رحت سويت الرامي ريوگ .
گال اني راح اروح باجر دوامي ..
كمل ريوگ وطلع . وجانت هاي فرصتي ..
احمد طلع للدوام ..
واني وماما شلنا رفيف خليتها بالكرسي .
اصلا وزنها خفيف حيل ..
ولبستها شالها ..

مرينا على بيت خالوا اهل احمد يمنا انطيتهم جنه لان مااگدر اخذها وياي للمستشفى اخاف تتمرض ..

بعدها رحنا للمستشفى.
سوولها علاج . وكانت تون يمكن تتأذى .

خابرت دكتور فارس وسولفتله ..
گال جيد . اذا هي هم تريده بس كانت تتصور تركها .
لهذا دا تعبر عن اشتياقها بهيج طريقه ..

حاولي تتصلين بزوجها ..
وتخبريه بوضعها ..
واذا يگدر يجي قبل الجلسه الجايه لهنا .
وجوده مهم بالعلاج ..

گتله صار دكتور..
خليت ماما مشغوله برفيف .
واتصلت ع صگر . همزين كان رقمه عندي ..
اتصلت شگد بس كان مغلق ..
حاولت ماكو ..
اوووف هسا هذا شلون اوصله ..

رجعت الماما واخذنا رفيف ورجعنا للبيت .
بالطريق . نزلت يم مطعم مال سمك اخذنا سمك واشتريت خبز حار وطرشي ..

لان وصلنا قريب الظهر ..
حظرت السفرة وجهزتها . طبخت شويه تمن احمر يحبوه وي السمك وهم علمود جنه متاكل سمك ..
بس اني كل شويه اتصل بصگر بلكي يرد ..
والگاه مغلق ..
#بقلمي_شمس
............ ..،.....................
صگر..
التمت الناس علينا .. واني عبالك جنت احلم .
شلون افترت السيارة شلون طلعت عايش ماادري .
راسي ينزف .
والناس تگلي لاتتحرك خاف اكو نزيف براسك ..
ايدي مااگدر احرگها تأذيني ..
گمت اگوم واوگع اريد اشوف صاحب السياره الي ضربتها شصار بي .

گلتلهم منو بالسياره هناك . اكو واحد تأذه .
گالوا رجال ومره .
الرجال زين بس المره متأذيه ..

اهل الرحم اخذونا للمستشفى..
احس راسي يريد يطگ من. الوجع .
عود الناس لافين راسي بوصله .
والدم يري على وجهي ..
دخلونا الطوارئ .
خيطوا راسي .
وجبروا ايدي ..
واخذوني للمفراز ..
وبعدين دخلوني تحت المراقبه خاف بيه شي .

طلعت موبايلي من جيبي .
باوعت همزين مابي شي .
خابرت مسلم وگتله ..

شويه والمستشفى انگلبت ..
ابوي تخبل من شافني ويبوس براسي .
ولك بويه طيب وكون مابيك شي ..
واني اجيبها الك لو اعرف اگلب الدنيا على راسهم ..

گتله يابه مو وكت هذا الحجي . روحوا شوف الجماعه الي ضربتهم .
يگولون عندهم مرة تأذت ..

راح ابوي وعمامي الهم ..
واني نمت منطيني مهدأ ..

صحيت بالليل .. احس وجهي مورم ..
گلتله مسلم اخذني للحمام .
جاب عربانه واخذني ..
من رجعنا .
شفت زلم هواي مگلوبه يم الردهه الثانيه .
وابوي يحجي ويفرفح ..

گتله شكو ومنو ذوله ..
مسلم . تعال للغرفه واسولفلك .
اخذني ونيمني .
گال ذوله ااهل الجماعه الضربتهم .
المرة حالتها خطرة .
ويردون يگاومون .
المخطط طلع عليك ..
صگر .. الله يشافيها .. شسويت اني .. اخ يابه جنت
بلا وعي اسوق وماادري وين اروح .
بس مو وكتها هاي السالفه ابد.

گتله وين مبايلي .
گال انطفى شحن وخليته بجيبي ..
گتله رحمه لهلك انطيني خلي اشوف وجهي .
احسه مورم ..
مسلم .. اي لاتشوفه احسن .
صاير نفاخة ومرسوم عليها خرايط ..

صگر .. ولك خوش لگيتها سالفه . وتضحك عليه ..

دخل ابوي ضايج .
گال . مسلم .. انت وكم واحد تبقون هنا .
ذوله يهددون ويتوعدون .
وراحوا اشتكوا . واخاف يسون شي الصگر .
تتناوبون عليه ..

باوعلي .. وگال ليش هيج وليدي لو صاير بيك شي شريد اگول .
وهاي المره بالانعاش وخاف تموت ونبتلي ..

صگر .. شكبرها المره ..
مسلم . جبيرة وبيها كل الامراض . بس تموت يذبوها براسك .
صگر .. حتى لو جبيرة ومريضه اسمها روح . وام .
وحقهم كلشي يسوون.
الشيخ .. ان شاء الله تنحل. دير بالك على صحتك انت .
وخاف تجي الشرطه تاخذ اقوالك .
لاتذب التهمه على روحك ولا تكول امشي سريع .
گول ماانتبهت شلون طلعوا گبالي وانضربت سيارتهم وانت صدگ مامتعمد قابل بيدك الي صار ..

للصبح اجة شرطي وگف بالباب خاف اشرد ..
واجة ضابط. اخذ اقوالي وگتله مامنتبه ومااتذكر شلون طلعوا گبالي .
گال بس المخطط عليك .
گتله .. ماادري وحاليا اني بوضع مااگدر احجي بي .
گالوا سلامتك وطلعوا ..

بقيت كم يوم بالمستشفى .
ورادوا يوقفوني بس حالتي ماتسمح ..
بعدها المحامي مالتي طلعني بكفاله ..

طلعت للبيت وگابلتني امي بالبواجي ..
وحرگت دمي . بحجيها .
مارديت عليها .
بس گلتلها اي حجايه اروح اگعد عند منى ..
سكتت ماحجت ..

گلتلها هيلين مبايلي جابه مسلم . شحنتوه .
هيلين .. اي خويه هسا اجيبه ..

راحت جابته واجت ..
فتحته ..
واجن عماتي وخالاتي يسلمن..
ودور زينب اجت جانت عند امها . بس امها مااجت عود زعلانه .
اخواتي التمن. وفاطمه اختي هم اجت هاي متزوجه بالديوانيه اخذها ابن شيخ صديق ابوي ..

بدن ينحب يمي تگول متت ..
گلتلهن اريد انام . طلعن .
فتحت الموبايل ..
شفت مكالمات من رقم شكد .
ورساله . فتحتها .
كاتبه . صگر اني رحيق اخت رفيف ضروري تخابرني ..
تخبلت من شفتها گمت وگعدت على حيلي ..

صارلها يومين من دازة الرساله ..
خابرتها بسرعه ..
گالت الو هلو صگر شلونك ..
هلا اخيتي بشريني رفيف شلونها ووينها ..
رفيف مو زينه ومحتاجتك . وكم يوم اتصل عليك ماكو
رقمج ماعندي . شگد دورته اتذكر مرة خابرتج رفيف مني بس مااعرفه ياهو منهن .
واني سويت حادث وجهازي مغلق ماادري .
سلامتك . خو مابيك شي .
لانعمه زين . طمنيني ع الغاليه ماصدگت من شفتها اخذت روحي وياها الله لاينطي كلمن فرقنا ..
مو وكت هذا الحجي صگر .تگدر تجي البغداد
اجي لو اعرف ازحف .بس انطيني العنوان
اي هسا ادزه الك . بس مو للبيت .
جا وين
عيادة دكتور . نريدك تجي لهناك باجر العصر موعدها
وهو الدكتور يفهمك ويگلك ع حالة رفيف ..
اي دزيه وباجر غبشه اني اروح البغداد ..

ماصدگت راح اشوف مريتي باجر ..
واخيرا كتبتلي اشوفها يالهي ..
الله يساعد يعقوب شلون تحمل سنين يله شاف يوسف .
شو اني كم شهر واحس راح الصبر مني ..

گلت الابوي راح اروح البغداد باجر عندي شغله مهمه .
ماقبل . بس اني اصريت ومن شافني معاند .
گال جا اخذ مسلم وياك .
خاف يصير شي .

ثاني يوم من الصبح طلعت البغداد ..
وگلبي ملهوف الشوفتها ..
شلون راح اتحمل شوفتها بهيج منظر ..
الصوره الي شوفتها الي سوزان لسا ببالي ..

كل ساعه واگله مسلم استعجل ..
مسلم .. شبيك صگر ناوي تدعمنا ماتشوف شگد جاي امشي ..
صگر .. اح لو ماايدي مكسوره . جان اني الي اسوق ..
مسلم .. راسك مضبر وايدك مكسوره ووجهك مزورگ وبعدك تريد تسوق ..
صگر . دمشي بلا صوت .. وكت خلاني احتاج احد ..
#بقلمي_الكاتبه_شمس
..........................................
دخلنا بغداد تقريبا الظهر .
احس ريحة بغداد بيها ريحة رفيف .
اشم بهواها واگول ااااه يابغداد شلون انطاج گلبج .
حاظنه حبيبتي كل هاي الايام ومفرقتها عني ..

مسلم .. هسا وين نروح ..
صگر .. خلينا نتغدا بمطعم بالكاظميه .
ومناك اخذني الابو الجوادين . اريد افرغ همي يمه ..
رحنا تغدينا ومناك طلعنا للامام ..
دخلت الحظرته .. وعيوني غرغرت بالدموع ..
گتله ياالهي . هسا اني بحضرت اوليائك ..
احبابك ذوله وماترفض طلبهم ..

بجاهم. عندك برد الگلوب ورجع مرتي الي وشافيها .
انحرمت منها هواي وانحرمت مني .
وانت اعلم بگلوبنا ..
وانت يامولاي ولزمت بشباكه ..
اريد رفيف منكم.. اشفعلي عند رب السموات ورجع عافية مرتي واحفظ ابني ورجعهم الي .
نذر عليه اذبح ذبيحة واوزعها بثوابك للفقرة .
واجيب مرتي واجيك اتشكر منك .
گعدت بالگاع وراسي ع الشباك سانده .
وجانت ناس هواي تزور .
بس الي يشوف حالتي مايضايقني يعوفني ويمشي
اجه رجال جبير بالعمر مخلي غترة على راسه ..
طبطب على كتفي وگال ..
مقضيه حاجتك ان شاء الله.
ودموعك وتوسلك ماتروح بلاش ..
گتله رحم الله والديك حجي ..
الله يسمع من حلگك ..

اجه مسلم گال يله گوم كافي .
رحت صليت بالحظره .
وگعدنا شويه ع البروده
مسلم نام لان تعبان ويسوق .
بس اني گعدت قريت الزيارة ودعاء .
باوعت الساعتي .
گالت رحيق لازم اروح قبل الموعد .
گعدت مسلم ومشينا ..

رحنا للسيارة عدلت روحي جنت لابس بنطرون وتشيرت
ربع ردن لان مااگدر البس قميص لو دشداشه
ايدي مجبره .
خليت عطر .
ومسلم يگلي لو سابح بي مو احسن ..
گتله .. ولك راح اشوف مرتي تعرف شنو تلتقي بحبيبتك بعد الفراگ ..
مسلم .. ايباه والله شوقتني .. شلون اجيب اختك عندكم كم يوم زعلانه ووبعدين التقي بيها ..
صگر .. دمشي لا افلش وجهك . مو صوجك صوج الي يحجي وياك ..

وصلنا للعيادة .
گتله مسلم انت روح وين متريد . واني من اگلك تعال اخذني .
مسلم . اي جا اروح اشتري شو شنو للجهال يتلگوني .

راح مسلم واني صعدت ..
گلت للسكرتيره الدكتور منتضرني بس .
گليله زوج رفيف ..

تعجبت من عرفت دكتور نفسي .. معقوله رفيف هيج حالتها .
دخلت ورحب بيه . بس متت من شفته شاب وحليو ..
الصراحة غرت ..
گال . حمدا لله ع السلامة ..
صگر .. الله يسلمك . حادث سياره بس عدت الحمد لله .
فارس .. يعني اگدر اسميكم ضحايا الحب ..
صگر .. نعم مافهمت .
فارس .. اسف اذا تماديت . بس عملي يتطلب اكون صريح وياك وجريئ .
من شفت رفيف .وعرفت انتو مختلفين . اتهمتك بمرضها
بس من شفت حالتك مااعتقد تفرق عنها بس انت جسديا وهي نفسيا .
صگر .. اي فعلا ضحايا الحب . واني عانيت هواي ويمكن لان رجال واتحمل واگدر اصبر . مامبين عليه .
المهم دكتور انت طلبت تشوفني .
فارس . اي صحيح. رفيف حالتها صعبه ويمكن اصعب من اي حاله مرت بيه .
وسوينا تجربه عليها وبمساعده اختها ..
وشفنا جابت نتيجه وگدرت تبدي ردة فعلا بعد ماكانت شبه اسف ع اللفظ . شبه ميته .
صافنه ومتتحرك ولاتححي ولاتتجاوب حتى بنضراتها .
بس من شافتك بالصور تغيرت .
لهذا اريد اعرف ردة فعلها من تشوفك يمي هنا .
مو بأي مكان . حتى خاف تنهار او يصير بيها شي ..

صگر.. واني منتظر هاي اللحظه .
فارس . زين لعد انت ابقى يم السكرتيره .بس حاول متخليها تشوفك .
وهي موعدها قرب .
بين مااخذ حاله واكمل اتفرغ الكم ..
تشكرته ونزلت .
رحت شربت جكارة برة .
وعيني ع الساعه صارت شطولها ..
نص ساعه ..
وشفت رحيق بسيارتها .
نزلت وراحت فتحت الجنطه .
طلعت كرسي متحرك .
اني اراقب من بعيد ..
ودور هي وامها تعاونن ونزلها گعدنا بالكرسي ..
جان بودي اروح احضنها واشيلها بين ايديه ..
رجليه رادت تاخذني الها .
بس تذكرت كلام الدكتور من گال خاف تنهار.
ابتعدت عنهم ودخلت محل .
وگمت اراقبهم الى ان دخلوا .
هاي مو رفيف اتسانه ثانيه ..
شسويت اني بيها .
شلون راح اخلي عيني بعينها .
شگللها وشلون ابرر ..

انتبهت ابو المحل يباوع .
اعتذرت منه وطلعت .
صعدت للعيادة بالگوه .
رحت يم السكرتيره .
شفت رحيق طلعت من غرفه الدكتور
شافتني وسلمت .
گالت هاي شصاير بيك حمد لله ع سلامتك .
اوووف منكم اثنينكم راسكم يابس تالي وين وصلتوا .
گلتلها . كلشي مااريد بس تطيب . اعوضها عن كل الي شافته .
من شفتها لسا اموت الف موته ..
شويه وطلع الدكتور .
صاح صگر تعال .
امها جانت بالمغاسل .
شافتني انصدمت .
رحت للدكتور .
گال تفضل ..
دخلت ومخلي ايدي على گلبي والدعاء مافارگ لساني .
شفتها نزلت دموعي وابتسمتلها ..
#بقلمي_الكاتبة_شمس
يتبع...........

البارت الثامن عشر والاخييييير ///
#درب_العشگ🔥
#بقلمي_الكاتبة_شمس+

والتقينا بعد غيبة ..
بعد الم وقهر ودموع ومرض ..
شفت ضحكاتي ودمعاتي يتسابقن ..
كل من حاير بموقف وبالغزل يتنافسن ..
اني صافن وهي بذهول ..
هو هذا العشگته اشو ملامحة تغيرن ..
اني اشواگي تجمعن..
واحس هواي اتأخرت ..
اريد احجي اريد احظن اريد اطلع شوگ گلبي ومعرفت ..
لان من شفت ضايع حسنها .. اتخربطت وتبهذلت ..
گمت ادور عيوني عنها . واسوي روحي ماشفت ..
هي ماگدرت تعاتب بس دمعات عيونها الجرت ..
وجنها تگلي مو مهم نحجي ونعاتب ..
المهم التقينا وبعد هالغيبه ارجعت...... بقلمي .......1

من شافتني بقت تون بصوت ودموعها جرت ..
قرفصت يمها وابجي وياها ..
ها يروحي هذا كله الصار بيج بسبب صگر ..
يروحلج صگر وعشيرته فدوه يبعد روحي ..
هي زادت بالبجي وگامت تشهگ .
والله من يوم العفتيني ماشفت الراحة ولاالنوم ..
اني بلياج مااسوة شي ..
ارجعيلي مريتي مالي غيرج ولاتصدگين بيوم تجي وحده بمكانج .. انتي ماخذه عقلي وگلبي وماافرط بيج لو يموتوني ..
كل الي سمعتيه والي وصلج خطأ.
اعذريني يروحي المفروض من البدايه افهمج واحجي .
صوجي لان سكتت واستهانيت بالسالفه ..
بس ماادري هيج الامور راح توصل ..
لاتخلين الناس تفرقنا .
كافي فراگ . تشتتنا وتعبنه . ارجعيلي رفيف واوعدج كل الي ترديه اسويه ..
احلفج بأبنج ارجعيلي وصيري اقوى من قبل ولاتخلين المرض يهزمج .
لاتفكرين بصگر . صگر ملكج الج ومايشوف غيرج بعينه .

احجي وطلعت كل الي بگلبي .
وهي تشهگ وتبجي .
نسيت الدكتور الوگف ونسيت روحي من شفتها ..
باوعت الدكتور ماهو .
مااعرف شوكت طلع ..
تقربت حضنتها ..
بوست عيونها وخدودها وشفايفها وشامتها ..
كل جزء بوجهها بسته .
وهي مغمضه . حسيته هدأت من حضنتها .
عبالك تگلي لاتعوفني خليني بحضنك .
جان ودي احضنها بأثنين ايديه ..

گلتلها سامحتيني حبيبتي ..
نزلت دموعها وهزت راسها ..
وكانت هاي اول ردة فعل منها حسب مااعرفت من رحيق دخلت رحيق وشافتنا بعيج من منظر هي وامها .
گامن يبجن ..

رحيق .. اووووف من عنادكم . حطمتوا حياتكم وحبكم وضيعتوا فرحتكم علمود شي مايسوه ..

گلتلها اني الغلطان وشتگولون عليه حقكم .
بس خاله لاتحرموني منها ماعندي غيرها ..

ام رافد .. يمه اني من شفت بنتي رجعت تضحك وتتحسن هاي بالدنيا شعندي غير سعادتها ..

رحيق .. خلي نشوف الدكتور شيگول ونطلع ..

سألنا الدكتور . گال اهم شي نفسيتها .. اذا مرتاحة تتحسن وبأسرع وقت .
بس انتوا ابعدوها عن التوتر .
واي شي يصير اتصلوا عليه او جيبوها ..

باوع الرفيف .. گالها خو من البدايه وگولي اريد زوجي .
ليش قلقتي الي يحبوج
هي ابتسمت ..

اخذها وطلعنا . گلتلهم اني عندي قضيه ومااگدر اطول وباجر محكمه ..
لاتگولون الرفيف .. بس گلولها ابوه مريض وراح يشوفه
رحيق .. ع الاقل بات اليوم وارجع باجر من الصبح .
خطيه متشوفها شلون فرحت من شافتك ..

گلتلها هاي هي ..
خابرت مسلم گتله نبات هنا الليله ..
گال همزين گتلي انت بات عند انسابتك واني اشوفلي فندق ..
صگر .. مو ياخذك الواهس وتلعب بكيفك . ترى اگول المنى واخليك يصير حالك اكثر مني .
مسلم .. لامروتك . والله مااسوي بس اباوع هم حرام واحد يباوع ..2

اخذت رفيف واخواتها ورحنا البيت اختها ..
زوج اختها حباب رحب بيه ومال احسبوا البيت بيتكم ..

رادت رحيق تدخل رفيف للغرفه .
گلتلها اني جاي وياج .
گالت اريد ابدللها ..
گلتلها غير مرتي شبيج .
رفيف ماشالت عيونها عني ..
اختها تبدللها واباوع الجسمها بس عظم ماعدا بطنها شويه بارزه ..
لبستها تراك .
انتبهت الشعرها مگصوص . انقهرت بس مابينت ..
شلناها اني ورحيق وخليناها ع السرير .
لان اني ايد وحده واخاف اذيها ..

طلعت رحيق .
نزعت حذائي . وتمددت يمها وحظنتها ..
خليت راسها على ايدي .
بقيت العب بشعرها .
وابوس بخدودها واهمسلها احبج .
ادري بيها تغار .
ابتسمت وسحبت راسها .
صايرة تخجل .
گلتلها اريد اسمع صوتج يروحي اشتاقيت الصوتج ..
باوعتلي وضحكت .
ورجعت غفت بحظني واني هم تعبان غفينا سوه ..
بس هالمره تختلف ..
صدگ نمت واحس التعب كله راح مني ..

لليل اجت رحيق جايبه صينيه العشا ..
گالت مادام وعت على نفسها وتفتح حلگها ..
گعدها تاكل شويه .
بلكي ترد عافيتها وهذا الطفل خطيه شنو ذنبه .
مسويتلها شوربه وكباب شوي ومقبلات ..

گعدتها رفيف حبيبتي . گومي اتعشي وياي ..
هي فزت وصاحت بصوت عالي صگرررر ..
يمكن حلمانه ..
گلتلها اني هنا يمج حبيبتي شبيج ..
ردت روحها من شافتني وگالت عبالي عفتني ..
ضحكت گلتلها من اروح فدوه الهذا الصوت شگد اشتاقيت اسمعه ..

رحيق وامها اجن يرگضن .. وگامن يبجن ..
گلتلهن شوفن مرتي شلون تحبني .
ماكو رجال بالدنيا تحبه مرته هيج ..

رحيق .. بهاي صدگ . رادت تموت على فراگك .
صگر .. وهسا راح تاكل وترجع تسمن لان تدري بيه مااحب الضعيفات .
وحتى ابنه يكبر ويقوى ..

رفعنا ضهرها بالمخدات .
وگمت اوكلها شوربه .
ولان معدتها فارغه .
ماگدرت تاكل هواي ..

شربتها عصير .. وكلما تعطش انطيها سوائل الليل كله گاعد وياها .
گلتلها حبيبتي من الصبح ارجع اني . ابوي مريض كلش وبس يصير زين اجي اخذج .
وعندج علاج . اريد اجي اشوفج تمشين على رجليج .
گالت بس موتتأخر . كان صوتها خافت من تحجي لان فترة طويله داخله بصدمه وماتحجي ..
#بقلمي_الكاتبة_شمس
...................................................
اجاني مسلم الفجر ورجعنا للبصرة ..
بالطريق خابرني ابوي ..
-انت وين .
-جايين بالطريق
-المره ماتت .
-لا ياالهي الى رحمة الله .. استغفر الله ياربي سامحني ياالهي .
ضجت حيل والطريق كله استغفر ..
وصلنا بدلت بسرعه ورحنا للمحكمه ..
لگيت ابوي وعمامي والمحامي ..
وابوي يصفگ ايد بإيد ..


اجه القاضي ودخلنا . ولد المرحومه سووها هوسه وامنا راحت بسببك والا نخليك تختخ بالسجون ..

دخلنا للقاضي .. وجنت مامتوقع يحكم عليه بالسجن على ذمة التحقيق ..
بقى بالي يم رفيف .. اذا عرفت شيصير بيها .
ليش هيج حظي ..
ماصدگت رجعت الحظني .
هسا القدر لعب لعبته مرة ثانيه وبعدها عني ..

اخذوني للسجن . عمامي وابوي انخبصوا ..
گلتلهم شبيكم زعطوط وخايفين عليه .
مايصير الا الي الله كاتبه .
صحت مسلم على جههة .
گتله هاك موبايلي . وخابر على رحيق اخت رفيف هاي كلها تحاول تطلع اي عذر الرفيف ولاتگلها انسجنت .
علمته ع الرمز .
وگتله شيصير تجي تگلي ..

دزيت رساله قبل ماانطيه الرساله ..
💬حبيبتي شلون صرتي اذا تحبيني صدگ اكلي واخذي علاجاتج وخلي بالج على ابنه .
اني بس يتحسن ابوي اجيج ..

دخلت للسجن . واحس الدنيا عوجه وياي ..
راح مسلم جابلي ملابس وفراش ومخده وجرجف ..
وصابونه وكلشي عبالك رايح الفندق مو للسجن .
هاي سوالف ابوي اعرفهن ..

ابوي اخذ ناس وشيوخ وراح لاهل المرة وگاللهم احنه حاظرين الكل طلباتكم .
والي تردوه يصير ..
وهذا قضاء وقدر .. وهذا يومها والحادث سبب ومامتعمد
هو .
خلونا نحلها بيناتنا احسن ..

بقوا يساومون وعبالك المرة جانت معيشتهم وراحت وانگطعت العيشه ..
امهم بعدهي مانشف گبرها وهي بيها قلب وضغط وسكر ومن ماتت ذبوا البلاوي كلها عليه ..

طلبوا عشرين مليون ..
الشيوخ اعترضوا وزعلوا ورادوا يگومون من مضيفهم .
وگالوا . ابنه رجال والسجن للزلم ..
واذا طلبنا تقاريرها من المستشفى..
وعرف القاضي امكم بيها كل هذي الامراض .
وماتت بسببهن مو بسبب الحادث .
الحادث بس استعجل موتها ..
راح يخفف الحكم وسنه زمان ويطلع ..
عاد من شافوا تهديد من ابوي وافقوا على 15 مليون
وراحوا تنازلوا ..
حكموا عليه كم شهر حق عام .. مع وقف التنفيذ وطلبوا كفاله ..
دفعتها وطلعت ..
عشر ايام بقيت بالسجن متخبل على مرتي ومشتاق اشوفها ..

طلعت للبيت سبحت وزينت .وردت اطلع گال ابوي وين .
ذابج طليان ومسوي غدا والناس مگلوبه وانت تريد تطلع
بقيت ورى الغدا بس اريد الناس تخف .
خابرت رفيف ..
رفعته ..
هلا يروحي . سمعتها تبجي . صگر انت وين
رفيف .. عود هسا اريد اجيج البغداد ..
رفيف .. اني بالبصرة سمعت مسجون صدگ.
صگر .. طلعت يروحي ماكو شي وهسا اجيج .
ركبت سيارتي ورحت .

دگيت الباب طلعوا الحمايه گبالي ..
رامي .. اسمع مو عبالك قابلين برجعتها الك . بس لان مريضه وهي طلبت مانگدر نحجي بس تطيب .
نگعد ونسولف ..
صگر . تدلل الي تريده يصير .. اذا خلصت اريد اشوف مرتي ..

رافد .. رامي كافي مو وكتها .. تفضل صگر ..

دخلت وشفتها اجت من باب المطبخ تمشي بهدوء ..
مثل طفل هستوه يتعلم المشي ..

وصلت يمها بستها براسها . هي بسرعه حضنتني گدام اخوانها استحيت .
همه دخلوا للاستقبال قبلي ..
واني لزمتها وامشي . گلتلها شلون صرتي ..
رفيف .. اني زينه بشوفتك انت شلون صارت ايدك ..
صگر .. تروح كل آلامي من اشوف ضحكتج ..

گعدنا يم اهلها ..
گلتلهم من رخصتكم .. اني اريد ارجع مرتي ..
الي صار سوء تفاهم وكبر وتحول الى مشكله اذتنا كلنا .
وبعدتني عن مرتي .
وصارت هواي حوادث بينا بسبب هذا الامر ..
اني لا هسا ولا قبل ولامستقبلا ..
افكر بوحده غير رفيف ..
واخطاء غيري مو لازم اتحملها اني ورفيف ..
خلونا نفتح صفحة جديده ونعيش حياتنا وخاصه عدنا طفل بالطريق جاي ..

رامي .. رفيف ماترجع وي اهلك ..
رافد .. شوف صگر .. اختي تأذت عندكم وتمرضت واحنه الي تدمرنا من شفناها بهيج وضع ..
وحلفت ماترجعلك بعد ..
بس من شفتها طابت بشوفتك . وهاويه ترجعلك .
مانگدر نوگف بطريقها ..
بس اذا تحبها وتريد راحتها ..
تستقرون بيت وحدكم ..
تعرف رفيف شلون جانت عايشه .
وهذا الوضع مايعجب اهلك .
ولاراح يگدرون يتعايشون وياها ولاهي تگدر تتعايش وياهم .
طباعها غير طباعهم ..
لاتعتبرها شرط او تهديد ..
بس احنه نريد سعاده اختنا .
واذا تفكر بيها سعادتكم هم .
تبتعدون عن المشاكل .
وتصيرون اعزاز . ومن ترحون كلها تستقبلكم وتمرحب بيكم ..
احسن من المشاكل الي راح تنكد حياتكم ..

صگر .. باوعت الرفيف مدنگة وماتگدر تحجي . واعرفها ماراح تگول شي فوگ كلمه اخوانها .. لان تحبهم وتحترمهم .. واني هم قدرت موقفها ..

گلتلهم .. باوع خويه .. اني الابن الوحيد الشيخ عشيره .
والعيون كلها عليه . ومااريد انذم والناس تاكل وجهي وتگول عاف ابوه وراح ..

سعادة مرتي من سعادتي . وبودي استقر وحدي بس مااريد اطلع بزعل ..
خلوني امهد الامر للشيخ . واحجي وياه بطريقتي واشوف بيت واجهز روحي يله ..

رافد .. لا طبعا مانريدك تزعل وي اهلك بس حاول تحجي وي الشيخ . وحتى اذا تشوفون مشتمل حتى .
وقريب عليهم حتى الطرفين يرضون .
واذا ماعندك .
اني ورامي نساعدكم ..

صگر .. أفه عليك ياخوي . الحمد لله عندي خير من الله
بس مثل ماگلتلكم انطوني مهله احجي وي الشيخ .
ورفيف راح تبقى هنا الى تصير زينه وتدخل على بيتها كامل مكمل ..
ضحكت وباستني .

رامي .. نحن هنا بالعجل بعتينا .. لو من لگه احبابه نسى اصحابه ..
گامت حضنت اخوانها وباستهم ..
واني هم گمت سلمت عليهم واخذت من خاطرهم وبست راس ام رافد .
وتصافينا ..

رفيف .. اخواني خلونا وحدنا گتله حبيبي عدنا موعد للدكتوره العصر متاخذنا .
صگر .. اگلج ويعرفون الطفل شنو .
گتله اي بالرابع هسا يعني يعرفوه .
#بقلمي_الكاتبه_شمس
................................................... ..
رحنا العصر للدكتوره .. شافت وضعي گالت الطفل ضعيف وخامل . وراح انطيج مقويات اله ..
گلتلها دكتوره شنو جنسه . گالت ولد ..

ضحكت . هو كلشي من الله نعمه بس ردت اول طفل ولد حتى يشيل اسمه ..21

طلعت من الدكتورة . گالتله راح يجينا ولد حبيبي ..
ضحك .. ومايعرف شيسوي .
اخذنا اني وماما اشترالنا عشا سفري..
واخذ الاهلة هم كباب ومشاوي من المطعم الاهله .
واخذ بقلاوه .. من الفرحة مايعرف شيسوي ..
خابر الاخته گالها لاتسوو عشا اني اجيب وياي عندي مفاجأة الكم25
وصلنا للبيت ورجع الاهله .. گتله حبيبي دير بالك ع نفسك وع كيفك بالطريق ..

صگر .. وصلت للبيت . نزلت الاكل .والبقلاوه .
گلتلهن تعالن عاونني ..

سمعت ابوي يحجي .. ولك صگير متنا من الجوع . وين لسا ..
گتله يابه هاي جيتي من الدكتوره اخذن رفيف .
بيها ولد طلع ..
ابوي ضحك هههههههه واخيرا اجه الشيخ الصغير .
گام وفتح ايده . حضني وگال ..
الله يكثر نسلك ويعلي شانك ان شاء الله.
امي گامت تبجي ..
الله عوضنا بمكان اسد ..
حضنتني هم واخواتي انگلب البيت مناحة ..
زينب اجت باركتلي .
وگالت بارك الرفيف بمكاني ..

گلتلها وليش ماتختبرنها انتن ..
دگيت عليها وگلتلها البنات يردن يسلمن عليج .
وحبيبتي بروح حلوه .
حجت وياهن وضحك وسوالف .

الشيخ .. بويه مريتك زينه صارت .
صگر .. ان شاء الله احسن .
الشيخ .. وشناوي ترجعها تبقى عند اهلها .
صگر .. يابه هو اريد احجي وياك بهذا الموضوع ..
اني اريد اگعد وحدي ..

امي لطمت ع صدرها .. ياااا وتعوف ابوك ودارك
الشيخ . خلينا نفهم ..
صگر .. يابه اني تعبت ومرتي تعبت من ورى عمتي وسوالفها .
وشوف عينك صار شهرين يمكن اني بمكان وهي بمكان
تعذبنا وهي تمرضت وصلت الموت .
وشوفتك صورتها شلون صايره ..

امي .. واذا رجعت هنا شيصير قابل ناكلها . عمتك وماتطب البيت بعد من وراها ..

صگر .. ها بويه شفت هذا الي گتلك عليه . راح يبقى المنابز والحجي نفسه .
اني اشوف بيت هنا يمكم قريب .
ومااعوفكم كل يوم يمكم . بس خلوني اعيش حياتي من رجعنا من دبي لسا ماشايف الراحه ..

الشيخ .. هاهي الي تشوفه بس بشرط .
البيت يمنا هنا بالمنطقه . والطفل اذا جابت كل يوم تجيبه الي مو تبعدوه عني ..

صگر .. هههههه هاي بسيطه بعد گمت بست راس ابوي بس امي شكلها ماراضيه .
بستها وبست راسها وگلتلها انتي الخير والبركه بس عن المشاكل ماتكيفين انسعد ..

سكتت ماحجت .
خابرت رفيف وگلتلها فرحت ..
ثاني يوم بديت ادور على بيت .
سألت المكاتب كلها .
لگيت بيتين قريبات على اهلي ..
واحد جبير بس بنائة مو كلش زين .
وواحد صغير مساحته 200 بس حلو ومرتب .
وبنيانه حديث ..
بس واجهة البيت يرادلها صبغ .
دزيت صوره الرفيف عجبها .
اتفقت وي ابو المكتب وتكاتبت وي صاحب البيت .
وطلعت عمال صبغوا الواجهه .
والباب مال الشارع .
البيت نضيف من الداخل وگاعة گرانيت. والمطبخ كله سيراميك وحار وبارد ..
الله سهلها علينا بسرعة بسرعه ..6

جبت اخواتي نضفن البيت ونقلت غرفتي وغراضي ..
عندي مكتبه صغيره فوگ بيت اهلي وبيها كتبي مال قانون .
نقلتهن وسويتلهن مكان ورتبتهن .
رحت شفت طباخ وكاونتر وميز مال طعام . اني ماافهم بهاي السوالف .
ادز صور الرفيف وهي تختار .
الى رتبت البيت كله .
جان الجو حار صيف .
مااشتريت فراشات . بس الستاير اشترتهن رفيف من يمها .
اخذت سبالت للبيت .
وطلعت واحد يركبهن .اخواتي ماتركني وحتى زينب .
شهرين احنه نرتب بالبيت ونسوي يله خلصنا .
طلع يخبل .
ناقصه بس مرتي تدخلها ..

عزمت اهلي يجونا . بيوم الي جبت رفيف .
لگيت ابوي محضر خروف . ذبحة بعتبه الباب وجوه رجليها .
باست اديه وباس راسها .
گالها طبت الخير ان شاء الله.
ابريلنا الذمة واستري ماشفتي منا .

فرحت الكلامه واني اشوف الدمعه بعينه ..
الحمد لله الي خلاني اشوف هذا اليوم .
سعادتي بأبني وبصگر الي ممصدگ عنده ولد ..
كل ساعه يباوعله واذا بجه يخبص الجوه .
ولان مريض يخاف عليه ..

بعد الاربعين اخذته الطبيب ببغداد وبدينا وياه بعلاج .
وحاليا عمر اسد سنه .. واحنه لسا مستمرين نراجع بي ومساكتين عنه .
دعواتكم الابني ربي يشافيه ويعافيه ويخليه الي .
هذي قصتي بدرب العشگ الي مشيته .
صحيح اخذني الطرق متعرجه . بس بالاخير گدرت اتخطى كلشي وتستقيم خطواتي ..
اتمنى استفاديتوا منها وعجبتكم ..
واشكر كاتبتنا الي عاشت ويانا لحظاتنا اثناء سردها للقصه ..
لاتنسوني بالدعاء العائلتي وابني وربي يحفظكم جميعا تحياتي الكم ..
النهاية... ..
الكاتبة شمس😍

رفيف .. لا عمو مبريه الذمه انتو اهلي ..
دخلت اني گاعده .. دخلت رفيف باست راسها وسلمت عليها .
عاد اني شويه صارت زينه وگالتلها ع الخير الولد والبيت تشوفون على عينه السعاده .2

اجن اخواتي سلمن عليها . وبعدين زينب واكفه وراهن ومتوترة . شافتها رفيف ..
گالتلها شلونج زنوبه .
عاد زينب ضحكت وحضنتها ..
وطبعا من ذاك اليوم هن صديقات كلش.
زينب . سامحيني رفيف كله بسببي .
رفيف .. مالج ذنب انتي انسي وخلينا بالحاظر .
ضحكنا وتغدينا سويه .
اخواتي طابخات وجايبات الگدور .
اني ردت اجيب من المطعم بس ماقبلن ..
وبيومها اكلنا بماعين سفري ههههه .
لان جهزت البيت كله وناسي اشتري ماعين وخواشيك .
وذني السوالف .1

خو اخواتي تجمعن ع الگدر وياكلن . ارتاحيت من شفت لمتنا وضحكتنا. الله لايدخل دخيل بيناتنا ..

بعد ماطلعوا اهلي ..
اخذت مرتي الحظني وطلعت شوگ الاشهر الي راحت .
شميتها وبستها وسويت كل الي بنفسي ..
گلتلها حبيبتي اريد لحم لحم ماكو بس عضام .
ضحكت هي وگالت .. الناس ميته ع الرشاقه وانت تگول لحم .
صگر .. ايباه ليش هو اكو احلى واطيب من اللحم يسوي واهس للمص ..
رفيف .. صگر شنو هاي صاير كلش ..
صگر .. اكلج مشتاق وخليني براحتي ..لاتمنعيني ..33

رفيف .. راد يتقرب . ابني گام يدفر .. ههههه گال اااااه ياربي حتى وي ابني ماگعد حظنا .
اذا هذا ببطنج هيج يسوي من يجي شلون ..

بيومها تونسنا وكان احلى يوم . صدگ اللقاء بعد الفراق اله طعم ثاني ..
والله ليجيب فراق ان شاء الله..
(الكاتبة شمس)84

اني رجعت الدوامي .. بعد ما صگر مسويلي اجازة ع ضوء تقاريري ..
وجان صگر كل يوم يوصلني للدوام ويرجع ياخذني.
حياتي مستقرة وحلوه وياه .
وعلاقتي بأهله صارت احسن ..
اروحلهم كم ساعه بالليل ونرجع مااطول.
خالتي مو هالگد تگعد ويانا .
بس ابقى يم البنات بغرفه زينب سوالف وضحك .

حملي تعبني وصرت بطه مثل ميسميني صگر .
بس بطني حيل صغيره .

اشتريت غرفه الابني وجهزتها من كلشي .
اهلي اجونا وجابو هدايه للبيت .
رافد جاب تخم للصالة .
ورامي جاب مجمده لان كانت بس ثلاجه عدنا .
وماما جابت مايكروف بالاضافه لشغلات نواعم طقم مواعين وگدور وگلاصات وهيج شي ..
فرحوني حيل ..

من صرت بشهر السابع رحت راجعت الدكتورة ..
واخذتلي سونار .
شفتها طولت بالفحص . گلتلها دكتورة شكو الطفل بي شي ..
گالت انتظري .
كملت گالت گومي ..
گمت واني گلبي مقبوض .
گالت باعي ماما .
طفلج صغير . وبالاضافه اني شاكه يمكن يطلع بكليه وحده ..
هي گالت هيج واني وگعت ..
مااتحملت الخبر .
مو كافي كلشي يمشي عكس وياي ..
ياربي شنو هذا الابتلاء الي مايخلص ..

شفت ماما يمي وتبجي عليه . عبالها راح يصير بيه مثل قبل ..
گلتلها ماما ابني ماما ..

ماما .. الحمد لله ياربي الحمد لله تحجي تحجي مابيها شي .
دكتوره بنتي مرت بفترة صعبه .
وجانت مريضه وفقدت مدة طويله عادي اصيح زوجها يمها
گالت صيحي ..
صاحته ماما واني دموعي تنزل ..
گال ها حبيبتي خير شكو .
لزمر ايده وابجي .
صگر ابني صگر .
هو غمض عينه وگال شبي .
گتله عنده كليه وحده .وضعيف خاف ميعيش ..

الدكتوره .. ماما لاتخافين . جائز عنده ضمور بالكلى . وهواي عايشين بكليه وحده .
والطب هسا تطور وعلاج اكو گولوا يالله لويش هالتشائم

صگر .. والنعم بالله الي كاتبه الله يصير ..

اخذنا العلاج وطلعنا . واني متكيه ع صگر واحس رجلي ماتعيني ..

گطعت الادويه بهالفترة كلها . بس المقويات اخذها .
گمت اخذ فيتامين .
سويت كلشي حتى ابني تصير عنده قوه ويطلع بالسلامه
اووووف ياحبيبي اني السبب بعدك بگد العدسه وشيلتك همومي ..
دخل صگر .. لاتگولين هيج .هذا قدر الله .
وانتي مالج سبب واني اعرفه راح يطلع قوي .
الي صبر وهو بلااكل وشرب ببطنج هذا قوي لو مو قوي
ثاني يوم رجعت البيتنا . واخذلي صگر اجازه حتى ارتاح .
طبعا هذا المدير لو ميعرف صگر جان فصلني من زمان1
بقيت اكل اطلع اشياء ع اليوتيوب واسويها .
اكلات تنطي مناعه للطفل .
شنو اقراه اسويه واشربه او اكله حتى لو مااگدر
من غير الفيتامينات ..

وصار يوم ولادتي ..
جنت خايفه ومتوترة وماگدرت اولد طبيعي ..
شگد حاولوا وياي وفوگاها ضغطي ارتفع اضطروا يسوولي .. عمليه ..

طلعت من البنگ اهذي بأبني اني حتى مالحگت اسميه لان جنت خايفه اسميه ومااتهنى بي ..
اگله صگر ابنا عايش يگلي والله عايش .
وكل ساعه احلفه .
الم بطني موتني .
نطوني مهدئ ونمت .
الى ان صحيت .
شفت امي مخليته بحضنها .
گلتلها ها ماما زين .

ماما .. مبروك حبيبتي يتربى بعزكم . وج طلع بس يعيط گلب المستشفى علينا ..

اجه الشيخ وخالة ام اسد .
باركولي ..
واخذة يأذن بأذنه .. وسموه ع اسم اسد ..
ماحجيت ولااعترضت ..
لان هو اول حفيد عنده ومن حقه يسميه .
وبعدين الاهم سلامة ابني مو المهم الاسم ..
ويارب يطلع صدگ اسد ويعيش براحة وسعاده ..

بعد ماطلعنا من المستشفى ..
ذبح ذبيحه عمو الاسد ..
واجه خله جوه راسي خمس اوراق .
گال انتي جبتيلي الي يشيل اسمي من بعدي تستاهلين اكثر ام اسد ..

أكتملت الروايه ،إن شا الله تنال إعجابكم ، شكراً لوجودكم في القناة 🌸 فدوة اشتركوا بالارشيف @bn_kck #غير_مبري_الذمة_الي_ينشر_بدون_علم_الادارة

قصــه جـديـدة 🌷💥🍒 (#انت_ملجئي🔥)

#صلو_على_نبي_الله_محمد_وال_محمد_اذكرو_الله
#قراءة_ممتعة🍒💥

نايمه وحسيت دفره بخاصرتي 😔كومي سويلي ريوك خالتج نايمه
كمت والدمعه بعيني ماصدك هذا ابويه الي جان يطلع حتى بدون ميطلع صوت حتى محد منه يكعد
كمت سويت ريوك وزينب نظفت البيت
لساعه ١٢ يلا كملنه والغده ع النار
كعدت مرت ابويه جان تكول اريد ريوك تعبانه مابيه
اسوي شي
كمت سويت اله ريوك عرفت اذا رفضت راح تحجي لابويه
ومحد يخلصني منه
اعرفكم عن نفسي اسمي احلام عمري ١٨ سنه مواصفاتي طويله  حنطاويه عيوني سود شعري طويل كلمن يشوفني ينبهر بجمالي 😊  وعندي اختي زينب عمره ٢٣ ماعدنه اخ
امي اتوفت وبقينه بس اني واختي
ابويه جان يموت علينه لان ماعنده غيرنه من امي اتوفت
ازوج وحده ظالمه كلبت كل احواله
بعد فتره من زاج ابويه حملت مرته وهنا صار التعب والقهر اكثر
بيوم اجه ابويه صاح تعالو عندي حجي وياكم جينه اني واختي ومرت ابويه كعدنه
مرت ابويه ...خير ابو زينب
ابو زينب...اليوم ابو وليد جاني للمحل وحجه وياي يريد
يجي يخطب زينب لابنه وليد
بسمه...اي هاي الساعه المباركه نريد نفرح بيهن
احلام...بكلبي تريدين تخلصين مو تفرحين
ابو زينب....زينب حظري نفسج راح ارجعلهم خبر باجر يجون
زينب...بابا مو بعد وكت
ابو زينب...بلا حجي زايد على شنو بعد وكت تردين اظلين كاعده على كلبي اريد ازوجن وارتاح
احلام...بقينه ساكتين اني وزينب والدمعه بعيونه صعدنه لغرفتنه
زينب ...احلام كلبي مامرتاح وخايفه لا هم هذول الناس مثل اهلج
احلام...ويجوز العكس يمكن الله يعوضج بيهن اتفائلي بالخير
زينب...خايفه مو بيدي
احلام...الله كريم مرت ايام وصارت الخطبه وجان الولد مبين زين واهله هم ماعرف اذا بس مظاهر @iq_gril
بس زينب من شافته ارتاحت فرحت اله وادعي ربي يريحه وفرحانه اله لان راح تخلص من الجحيم
خلصو كلشي وحددو يوم العرس الخميس
واني كلبي نار ودموعي مانشفت زينب جانت بمكان امي
بالبيت تشيل عني ودافعلي بكلشي حتى اذا اني اغلط
تكول اني مو احلام
المهم صار العرس راحت زينب وراحت روحي وظحكتي وياها
نظفت البيت كله وصعدت فوك بقيت ابجي الحد ماغفيت
بسمه....احلااااااااام احلااااااااام
احلام.....هااااا هااا خاله جيت
بسمه....وعمه لازم مفكره نفسج هم عروس دنيا ظهر
سويلي ريوك تدرين حامل والحركه مو زينه على اخوج
وخلي الحم ع النار
احلام...ياربي صبرني وريحني اشتغل وبالي يم زينب شدسوي هسه مرتاحه لا
لازم اخلي ابويه يشتري الي موبايل اطمن بيه على زينب
اجه الظهر ابويه وصبيت الغده وكعدنه ع السفره
احلام...بابا اريد موبايل اخابر بيه على زينب عفيه اشتريلي
ابو زينب...هسه مو وكته
بسمه...اي انوب موبايل
احلام...عفيه بابا والله حتى صرصر
ابو زينب...ميخالف العصر من اروح اجيبلج
احلام ...طرت من الفرح ماصدك شوكت يجي العصر
ويجي الموبايل واخابر زينب
العصر اجه ابويه وجايب موبايل وراسن اخذت رقم زينب
من ابويه وخابرته
احلام...طمنيني عنج زينب
زينب...الحمدالله عيوني والله مرتاحه والكل يحبني
بس بالي يمج
احلام ...لا حياتي اني زينه والله
ابو زينب.....احلااااام
احلام... زينب اروح هسه ابويه يصيح بعدين اخابرج
نزلت اركض هاا بابا
ابو زينب ...يلا اتحظري بيت عمج عدهم عزيمه ودزو علينه
احلام....حاظر هسه
صعدت لبست بسرعه ونزلت رحنه لبيت عمي
هوسه عمي متنصب شيخ ومسوي عزيمه
غيرت ملابسي رحت اساعد البنات
دخلت وحده عليهم عمره بحدود ٣٥ سنه مرتبه كلش
وديت اله مي وهيه طول الوقت عينه عليه
وكل شويه تسألني شي شكد عمري واذا مزوجه
عرفتني عن نفسه اسمه دلال وعده بس بنات ثنين
وبعد ميصير عدها اطفال لان شايله الرحم لان مريضه
كلتلي احلام اذا اجي اخطبج تقبلين
احلااام ...شنو المن .راسن جرتني من ايدي وخرت البرده مال شباك المطبخ
واشرت الي على واحد بالحوش عمره يطلع ٣٨ ٤٠ سنه
طويل وظخم اسمر مانتبهت عليه زين
كتلها منو هذا
دلال....هذا زوجي
احلام...شنووو...

يتبع.....

احلام...شنووو زوجج
دلال ...اي زوجي شكو بيه
احلام....لا اعذريني ماكدر
دلال ...ليش شنو السبب
احلام..اول شي مزوج وعنده اطفال وكد ابويه شلون اقبل
دلال...اني قابله والله ادللج وهوه مو صغير عمره ٣٨ سنه
احلام...لا والله اعذريني صعب اكدر
دلال...والله حبيتج واريدج اله انتي
احلام...وزوجج ليش يقبل يزوج
دلال...اول شي جان رافض بس اني قنعته لان هم رجال ومن حقه يفكر بولد يشيل اسمه واني من كد حبي اله
اريد ازوجه والله محد يصدكني بس اني كانو اريد ازوج
اخويه وافرح بيه مو زوجي
احلام...والله اني بعدني صغيره واتمنى تغيرين تفكيرج
لان ماكو مرت اب زينه هذا حال البشر
حتى اذا اني صرت مرت اب يمكن هم اصير ظالمه
دلال...لا مصيرين بس اقبلي
احلام...ربي يهديج وتغيرين تفكيرج
دلال....راح ابقه وراج الحد ماتقنعين
احلام .....هههه الله كريم كمت اشتغل وي البنات
وبنت عمي اسراء تخزر بيه شتريد منج دلال😏
احلام.....تريد تخطبني
اسراء....عشتو المن شعده
احلام...مادري مشيت وعفته ليش حظي اعوج ويه الكل ماعرف
دخل ابن عمي مزوج وعنده بنيه هواي رادني بس اني بد ماطقته كزوج وحاول وياي لحد مامل اهله ضغطو عليه وزوج و الي عرفته يصير صديق
زوج دلال كلش
دا اغسل اماعين دخل كلي احلام بلا زحمه بس جاي بسرعه
جان تجي دلال تركض
دلال...اكلك محمد اريد اخطب احلام لحمزه شتكول
محمد...لا دلال عوفي زواج حمزه ترى تندمين
دلال...لا اني اريد ازوجه
محمد...الي دسويه غلط
احلام...اباوع على محمد وجه انكلب اخذ الجاي وطلع
وره شويه وكف يمي كلي ضيعتج مره ثانيه مره مستحيل
احلام...ادري شبيه حظي وين اكو واحد مزوج الله يدزه عليه
تعبت رحت على مرت ابويه
يلا خاله خلي نروح الساعه صارت ١١
بسمه....صبري خلي ادك على ابوج
طلعنه ابويه وزوج دلال واكفين ع الباب بسرعه صعدت بالسياره
بسمه...احلام دلال شعده وياج
احلام...شعده والله ماكو شي
بسمه...يا ماكو شي ساعه وانتن تشاورن
ابو زينب...احلام شنو هل كلام
احلام...والله مامسويه شي حجي عادي
بسمه...اي نشوف
احلام..رجعنه للبيت واني ميته تعب رأسن نمت
كعدت على صوت موبايلي يدك باوعت ع الساعه ٩
عزززه هسه بسمه تفظحني باوعت المتصل دلال يمعوده وكتج نزلت بسرعه
ابويه كاعد وبسمه بصفه
ابو زينب..صح النوم
احلام...والله بابا من التعب راحت عليه نومه
بسمه...جذابه الف مره صحتج بطني توجعني اله خابرت
ابوج رجع من الشغل
احلام...والله ماسمعت
ابو زينب...تعالي وياي
احلام...وين بدون ميحجي جرني من شعري واخذني للمطبخ بسببج جان ابني مات
راح خله السجينه ع الطباخ لا بابا فدوه والله توبه بعد ماعيده
ولا كانو يسمعني بابا اني مو صغيره حتى تعاقبني
ابو زينب...لا صغيره وراح اربيج من جديد
احلام...اباوع ع السجينه صارت حمره
جاله جر ايده ورفع ردني وخله السجين على زندي احس روحي طلعت صرخت بكل صوتي وراسن خله ايده على حلكي وبسمه واكفه بالباب وتظحك
جرني للهول
ابو زينب...من اليوم هنا تنامين صعده فوك ماكو
احلام...بس هزيت راسي ودموعي تنزل بدون صوت
بقيت ايام على هذا وضعي حتى علاج محد جاب الي
ودلال يوميه تتصل واني مجاوب
بيوم دزتلي رساله ضروري تجاوبين
خابرته هلو دلال اعذريني عندي ظروف والله
دلال...احلام مافكرتي بالموضوع
احلام...تدرين ماصار عندي مجال افكر بعدين اني كتلج ماقبل
واني دا احجي ويه دلال دخلت بسمه
بقت واكفه وتسمع واني ماعرف شجاوب بس اكول اي
اجت وكفت يمي جرت الموبايل مني
ودلال...تكول صدكيني بس اقبلي راح اعتبرج بنتي او اختي والله
بسمه سدته بوجه شنو هل كلام احلام وليش من سالتج كلتي ماكو شي
احلام....لان اني ماريده
بسمه...خير ان شاء الله اني اصرف
احلام...شنو يعني ظحكت وطلعت ياربي بس لا تريد توافق كمت صبيت عشه وغسلت الماعين
بسمه...احلام بدلي نروح نتعلل على بيت عمج
بدلت ورحنه من طبيت لكيت دلال كدامي ياربي هسه شيخلصني انوب الصدمني بسمه راحت كعدت يمه
واني بقيت ويه البنات
دلال...احلام تعالي شويه
احلام...جيت
دلال....ترى والله بالي يمج صدكيني ماراح تخسرين
احلام..والله اني احبج وانتي ماتستاهلين اجيج ضره
دلال...احسن مايجي غيرج اني اريدج انتي
شوفي اني راح اجي احجي ويه اهلج ونطيت خبر لمرت ابوج
احلام...شنو ليش دلال مو كتلج اني بعدني صغيره
دلال...وحمزه بعده صغير
احلام...شنو صغير رحمه لهلج
دلال...حتى اذا مارتاحيتي اطلعي بيت وحدج
احلام...مو قصة بيت وحد
بس والله صعبه وابد مو راهمه
بكلبي ليش هيج حظي تالي اخذ واحد شايب
وساعه اكول يلا همه بس يردون ولد عل اقل اعيش مرتاحه
حرت وين الصح والغلطة

رجعت للبيت واني فايره وخايفه من مرت ابويه
كالت يومين ونرجعلكم خبر
ابويه ماعترض والي سمعته محمد رايدني بس صايره مشاكل ويه مرته وماكدر يجي
كطعو مهر وكلشي صار بسرعه حتى خطوبه ماكو بس جابو الذهب والرجال ابد ماشفته
يوم الحنه اجت اختي وبقت يمنه من الصبح راحت وياي
لصالون شعري عفته مفتوح وخليت تاج حلو ونازك
ابد ماحب المكياج كتلهم اريد شي بسيط
بس الكل انبهر بجمالي
الدمعه مانشفت من عيني ابويه باعني امي ماكو
احس بنكسار اخذ واحد مزوج وبكد ابويه الناس حجت اشكال ليش بنيه بعمر الورد هيج انطوها
رجعنه للبيت عماتي وبنات عمامي البيت هوسه الكل موجود الجهال صاحو اجت الزفه واني كلبي عصرني @iq_gril
حتى نفسي تلعب احسه زواج مصلحه اهلي يردون يخلصون وهذول يردون ولد يارب صبرني
دخلو واني مارفعت راسي
ولا باوعت عليه
اخذوني وطلعو اخوه يسوق ومرته كاعده يمه واني وياه وره
وصلنه البيت الكل محتفل وكانو مزوجين واحد اعزب والكل فرحان بس اني مخنوكه @iq_gril
اباوع على دلال الدمعه بعينه وراسمه ضحكه كوه على وجه
اجت امه يمي باستني نورتي بيتج يمه ماشاءالله كمر محظوظ وليدي بيج
تسلمين خاله
ام حمزه ... يلا زفو لغرفتهم كافي تعبو
احلام...احس وجع بكلبي مو طبيعي مو هذا الشي الي جنت احلم بيه وحمزه حتى ماريد اشوفه ولا اريد انفرد وياه شلون يقبل بوحده كد بنته
زفونه للغرفه وكل اطرافي ترجف
حمزه...نورتي بيتج
احلام...مشكور
حمزه....ليش ترجفين
احلام...لا مابيه شي
ان شاء الله ماقصر وياج وهذا بيتج
احلام... ان شاء الله وكول بكلبي كلشي مصالح
اتقرب مني باسني و........واني ماطايقته واريده بس يبعد مني باسني من راسي
احلام....هاا هاهيه مو
حمزه....شنووو
احلام.....حمزه انت تريد ولد وزوجتني واني اهلي جبروني
حمزه...شهل كلام ترى دا احسج مو طبيعيه بس كلت
ميخالف خجلانه
احلام.....هذا الواقع اني لو ما جبر اهلي ماقبل وانت
لو ما الولد هم ماتزوج ف ياريت تبقى بعيد عني
الحد ما اجيبلك ولد وبعدين الله كريم
حمزه....وحده وحده شدا تحجين لعد ليش قبلتي
ليش مارفضتي
احلام ....طلعت زندي تشوف هذا حالي اذا ماسمع كلامهم
حمزه.....هذاااااا منو مسوي بيج هيج منووو
احلام....مو مهم منو كلشي صار واضح مو
حمزه....لااااااااا انتي شجاي تخربطين ...

يتبع.....

حمزه....لااااااااا انتي شجاي تخربطين
ضربت الباب وطلعت لا ابد مو طبيعيه
شغلت السياره وطلعت بعد الشمس ماطالعه
.......اني حمزه عمري ٣٨ سنة شكلي اسمر عيوني سود
طويل جسمي مرتب يعني مبين اصغر من عمري
ازوجت عن حب تعبت يلا كدرت اخذ الي احبه
بس الله مارزقني بولد وابد ماجان عندي مشكله
دلال بقت تلح عليه تريد ازوج واني جنت رافض
حتى طاري الزواج ماريده احب دلال وهذا جان كافيني
الحد فد يوم معزومين يم صديق الي وبليل واكف اني والرجال
ع الباب طلعت بنيه سبحان الله الي خلقه ماكدرت اشيل
عيوني عنه
استغفر الله شبيه اني
رجعت للبيت
ودلال كلتلي لكيت الك بنيه حلوه وصغيره
كتلها منو كالت
بنت ابو زينب
هنا ابد ماكدرت ارفض كلتلي دلال هاا شتكول
كتلها مو صغيره كالت لا تراهمك
كتلها هيه يمكن ترفض كلتلي لا حتى شكله فرحت بيك
شنوو فرحت
كلتلي اي وشافتك وماكالت شي
انت خليه عليه واني ارهمه بقيت مصدوم راسن كمت
نمت معقوله قبلت بيه وهيه حلوه وصغيره معقوله
عجبته مثل ماعجبتني بقيت افكر بيه
ماعرف يمكن حبيته من اول نضره الوحيده الي قبلت ازوجه
بس هيه ليش تعامله وياي مو علساس هيه موافقه وفرحانه دخت حيل
دك جهازي 📞 باوعت احلام
رديت بسرعه
احلام...جيب ريوك لان راح اكلهم راح يجيب ريوك
حمزه...اخذت نفس ماشي
احلام...شبيه هذا مو على بعضه وكأنو اني كايله شي غلط
اترتبت جان يدك الباب
فوتي دلال
دلال...صباح الخير يحلوه لعد حمزه وين
احلام...راح يجيب ريوك
دلال....يبوو وماكو غيره يجيب ريوك
احلام....مادري
دلال...يلا خلي نطلع وسلمي على عمتي كاعده تنتضرج
احلام...والله استحي اطلع
دلال...لا حبيبه كلهم اهلج
احلام...منو بالبيت يعني انتو شكد
دلال...حمزه اكبر وأحد وبس هوه مزوج وعنده خوان ثنين @iq_gril
وبنيه مزوجه
احلام...هاا زين يلا لعد خلي نطلع
طلعنه صبحت على عمتي وكعدت ردت اكوم اساعد
دلال بالريوك ماخلتني
ام حمزه...شلونج يمه ان شاء الله مرتاحه
احلام...الحمدالله خاله
ام حمزه....والله يبنتي ماكو مثل حمزه دام هوه موجود لا تخافين من شي
احلام...ان شاء الله خاله ماقصر ويه احد منكم اني هواي شفت ظلم وان شاء الله انتو اهلي
ام حمزه...يمه وخلي بالج من غيرة النسوان
احلام...خاله لا تحجين هيج دلال تحبني
ام حمزه...واني ماكلت شي بس الغيره تعمي العيون
ف ديري بالج ياعيني والله اني حبيتج مثل بنتي
احسج فطيره
احلام....هههههه خاله فطيره
ام حمزه.....يعني على نيتج
حمزه...السلام عليكم ليش ماكو احد بعدهم نايمين
ام حمزه....يايمه خطيه تعبو البارحه خليهم نايمين
حمزه...اروح اكعدهم
ام حمزه....شبيه رجلج ظايج
احلام...ماكو شي والله ماعرف
يلا خاله اروح اساعد دلال خطيه صبينه الريوك
والكل اجمع ع السفره اخوان حمزه بقو يشاقون على
راح تصير حرب بينه اني ودلال على حمزه وهيج
فلاح....خلي نشوف منو الي تفوز بكلب حمزه
احلام....اني ما يهمني غير استقر ودلال اله حق بكلشي
هيه ام البيت
اشو حمزه خزرني وكام
حمزه...الحمدالله اني شبعت تعالي احلام عندي كلام وياج
احلام...رحت وراه ياستار
حمزه...شنو هل كلام
احلام...اي طبعآ دلال هيه احق بكلشي اني البارحه جيت
حمزه ....لا مو صحيح انتي هم مرتي
احلام...بقيت ساكته ماعرف شصرف
حمزه...اتقربت يمه شبيج احلام كليلي شنو مشكتلج
احلام....ماعرف منو يصيح بعدين نحجي وطلعت اركض
ماعرف ماريده يتقرب مني مادري كلبي مخنوك حيل
حمزه...من سكتت ماكدرت على نفسي اتقربت منه وجيت
اكله والله انتي ملكتي الكلب والروح شبيج وياي يابنت الناس
احلام ...رحت عل المطبخ دلال عوفي المواعين اني اغسلهن
دلال ...لا حبيبتي اني اغسلهن
احلام...لا والله اني احب اغسلهن غسلت المواعين
اجه خطار زلم وراح حمزه كعد يمهم
وانوب اجن نسوان بدلت ورحت كعدت يمهن
دلال سوت الغده هوسه للظهر يلا راح الخطار
اتغدينه وحمزه حتى مارفع عينه عليه احس دلال مراقبتنه
بنضراته تباوع عليه وعلى حمزه
كملنه الغده دلال راحت تغسل المواعين واني
دا اغسل الهول رفعت ثوبي شديته بالشال
دخل اخو حمزه علاء كلي اني راح اطلع اذا سأل عني
حمزه كوليله خابرني اثير علمود الشغل واذا صار عنده مجال خلي تiq_gril
باوعت وراي حمزه وعيونه احسه شرار
حمزه...تعالي احلام
احلام.. دخلت وكلت ياستار مشكله جديده
حمزه...شهل منضر الي شفته هاااا انتي صدك مو مؤدبه....

يتبع.....

احلام...شنو هاي شبيك انت
حمزه...شلون واكفه بهذا منضرج كدام اخويه
احلام...لا انت مو طبيعي طلعت وعفته دلال مشت من يم الباب معقوله جانت تسمع علينه
رحت عليه
احلام...دلال
دلال...هاا عيني
احلام...حمزه على طول هيج عصبي
دلال...لا مو دائمآ بس اذا يشوف شي مايعجبه
معليج هسه اروح احجي وياه
احلام...اشو هاي ماصدكت تروحله
ياربي وين انطي وجهي وين ماروح عذاب
فكرت اخلص من بسمه طلع حمزه
اجت أيه بنت حمزه صاحتني عمره ١٤ كالت تعاي نكعد بالحديقه كعدنه
أيه ...انتي دراسه
احلام...اي لثالث وطلعت
أيه...يعني تحبين الدراسه
احلام...اي حيل
أيه...راح اجيب كتبي واجي
احلام...يلا راحت جابت كتبه هيه كعدت تقرأ واني
ارسم كلش احب الرسم
احلام..اني تعبت راح اطب ارتاح دخلت جوه حمزه كاعد بالصاله ودلال كاعده يمه مادري شتحجي
ماهتميت طبيت للغرفه مددت ماريد انام راح تغيب الشمس
بقيت امدده ومغمضه عيوني حسيت نفس قريب مني
عرفت حمزه اتقرب واشتم شعري حسيت جسمي كزبر
كوه سيطرت على نفسي ومافتحت عيوني
حمزه...احلام احلام اكعدي اتعشي
احلام...بعد مني وعلساس ممسوي شي اي حمزه كعدت
رحنه اتعشينه واني كوه مفتحه
جان تكلي دلال احلام اذا نعسانه روحي نامي
رأسن جاوبت ام حمزه دلال بعده عروس وين تنام
وهذا ثاني يوم الهم وتغمزلي
بكلبي والله ماريده خليه الج رحت للغرفه رأسن مددت بس اريد انام وره شويه دخل حمزه
حمزه...اذا ازعجج انام بالكاع
احلام...لا ماتزعجني...خطيه اخليه ينام بالكاع اوو وعود ليش انقهر عليه ..
اجه مدد بس اني مطيته ظهري
حمزه..احلام
احلام...نعم
حمزه...ليش قبلتي تزوجيني دام هلكد ماطيقيني
احلام...كتلك مجبوره
حمزه...يعني تكرهيني
احلام...ماكتلك اكرهك بس انجبرت ازوج واحد مزوج وعنده اطفال
حمزه...والحل
احلام...خليه لربك واذا تريد من هسه روح لزوجتك
اني ماعندي اي مانع
حمزه...لازم اتخبلتي شلون اروح وانتي بعدج عروس
احلام...ههههه
حمزه...انتي ليش ابد ماعندج احترام من احجي شي
جدي لا تظحكين
احلام...ماشي تصبح على خير
حمزه...ماشي
احلام...ماهتميت نمت وعفته لا اريد احبه ولا اريد اتعلق بيه الحد ما الله يفرجه
حمزه...كل كلامه مثل السجين بكلبي معقوله لهل درجه
ماعده احساس بقيت كاعد وماجاني نوم
اباوعله مثل الملاك نايم شكول عليج دلال مو جنت مرتاح
صفنت يعني دلال كذبت عليه من كالت هيه فرحانه وموافقه اخ دلال اخ
بس اذا اروح احاسبه راح تعرف احلام مو سعيده وياي
فكره تجيبني وفكره توديني لحد ما نمت
احلام..كعدت باوعت حمزه نايم بقيت صافنه عليه ماعرف ليش كل ملامحه حلوه
حمزه...لازم عجبج شكلي واني نايم
احلام...عززه الفشله لا جنت افكر بشغله
حمزه...اتقربت منه يعني جنتي تفكرين بيه
احلام....لالا يلا اني اروح احظر الريوك
حمزه...جريته وبسته من خده هسه تكدرين تروحين
احلام...🙈🙈طلعت اركض والبسمه بوجهي
وطلعت دلال بوجهي
دلال...شبيج تظحكين ويه نفسج
احلام...لا والله ماكو شي رحت ساعدته بالريوك
بس احسه ظايجه خطيه يمكن زوجه بعيد عنه
صبينه الريوك كعدنه
اجه حمزه كعد كبالي يسوالف ويظحك بس ماشال عيونه عني الكل يظحك بس دلال تاكل بدون حتى ماترفع راسه
انقهرت عليه حيل وره الريوك هيه دا تغسل واني الم المواعين
احلام...دلال حياتي شبيج مو على بعضج
دلال...لا ماكو شي
احلام...لا والله اكو امشي نكعد بالحديقه نسولف
دلال...يلا امشي
احلام...دلال انتي مو كلتي اعتبرج اختي
يلا احجيلي شنو صاير
دلال...احلام انتي عروس لا تشغلين بالج بشي
احلام...اني اريد اشغل بالي
دلال...ماعرف شكلج والله احرجتيني
احلام...يلا اسمعج
دلال...تدرين اول مره انام بدون حمزه حتى من ازوجت ابد ما بايته يم اهلي

احلام...خلص دلال لا تكملين فهمتج اليوم حمزه يبات يمج
دلال...لا بعدكم عرسان
احلام...خلص انسي أيه دا ترش الحديقه وكامت ترش بينه
دلال...ولج عوبه بارده
أيه...ما ما
احلام...لا عفيه نكعنه مي انوب اجه فلاح وهم رشته
ويركض وراه يريد يلزمه ونظحك وصارت هوسه
دخل حمزه الكل سكت بدون ميحجي دخل جوه
وصاح احلام الكل باوع عليه رحت ركض
فتحت الباب
حمزه..انتي ليش ميفيد وياج الكلام ليش ماتسمعين الكلام
احلام...والله أيه اني شعليه
حمزه...روحي شوفي نفسج وشوفي ملابسج لاطشه عليج
احلام...شبيك حمزه خوما صغيره اني مرتك وبنتك وياي
مو بس اني كافي هل تعامل وياي
حمزه...اي بس انتي ليش ماتفهمين اتقرب عليه فد مره
اغااااار عليج افهمي.....

يتبع.....

احلام..اي فهمت
حمزه..احلام اذا احجيلج تفهميني
احلام..تفضل
حمزه...أتمنى تفهمين شنو راح اكول تعاي اكعدي
شوفي احلام يمكن سمعتي شكد جانت دلال تلح عليه
حتى اتزوج بس اني ماقبلت وجنت رافض الفكره
بس بيوم العزيمه شفتج ومن حجتلي عنج دلال ماكدرت ارفض تفهمين شنو دا احجي
احلام...اي كمل
حمزه..يعني والله حتى لو عندي ١٠ ولد وشايفج هم اله
اخذج ف لا تكولين اني انجبرت عليج اني محد جبرني
اني كلبي حبج
واذا انتي مجبوره حقج اني مزوج وعندي اطفال وهواي اكبر منج من حقج ترفضين
وهسه اذا تكولين اني ماحبك وماريدك والله هسه اوديج
لبيت ابوج اذا مامرتاحه وياي
صدكيني ماتحمل اشوفج عايشه وياي بالكوه
هسه يا بنت الناس انتي قرري
احلام...كلامه دوخني واصلآ اني من البارحه ما راح من بالي ونوب من كال اوديج بيت ابوج اختنكت
حمزه...ها احلام وين صفنتي
احلام...اذا احجيلك هم تفهمني
حمزه...اي طبعآ
احلام...اني ابد ماقبلت بالزواج منك وكلت مستحيل اقبل بواحد مزوج وعنده اطفال
بس الكل ضغط عليه ومرت ابويه هددتني اذا ماقبل بيك
تبليني بسالفه واني خفت منه لان ابويه يصدكه
وقبلت بيك قبلت لان يمكن حسيتك ملجئ الي ماعندي حل ثاني
بس من البارحه اا
حمزه..كملي
احلام...من البارحه اني افكر بيك ومارحت من بالي
وبس اريد اشوفك حسيت بالامان وياك الي فقدته
ماعرف اذا هذا حب لان اني ممجربه
حمزه...اتقربت منه وبسته من راسه اي حبيبتي ان شاء الله هذا حب اوعدج ماراح اقصر وياج
احلام..حظني وحسيت نفسي ضعت بحظنه وحسيت احساس عمري ماحسيته نسيت العالم ونسيت وين اني ومنو اني نسيت كلشي
بعد ساعات اتذكرت دلال وشهكت
حمزه...شبيج حبي
احلام...عزه الساعه ٣ الفجر شلون نسيت دلال
حمزه..ليش شبيه دلال
احلام...مو كسرت خاطري وكلت اكلك اليوم تروح تنام يمه
خطيه
حمزه...انتي مجنونه اليوم ثالث يوم النه وين اروح واعوفج
احلام...اني قابله دلال حبابه وماتستاهل
حمزه...اسسسس وتعاي نامي
احلام...حظني حمزه ونام واني افكر بدلال خطيه بالله
شلون راح اشوفه كمت علي كيفي
فتحت الباب وطلعت
باوعت الباب مسدود مال دلال
خلي اروح اشوفه يمكن كاعده
فتحت الباب على كيفي باوعت لابسه ومحظره نفسه ومعطره الغرفه ونايمه
سديت الباب وطلعت حسيت لحظه كرهت نفسي
رجعت للغرفه وللصبح مانمت مقهوره على دلال
سبحت وبدلت وطلعت
رحت للمطبخ لكيت دلال تسوي جاي
احلام...دلال اني كلش اعتذر بس صدكيني الي صار مو بيدي
دلال....خلص احلام سدي الموضوع
احلام...فشلت مشت وعافتني واني رحت اصب الريوك
ودلال راحت على غرفته الكل كعد السفره بس دلال بغرفته
رحت اصيحه توني اريد ادخل سمعته تكول
اني ورطت نفسي شمدريني تطلع هيج عبالي زعطوطه العب بيه بكيفي بس اني اعلمه حسابه عسير
دكيت دخلت جان رأسن تخبي الموبايل
يلا دلال تعاي ننتضرج ع الريوك
دلال..اي جيت
احلام...طلعت واني دايخه يعني شنو قصده عليه
والله ماصدك دلال تكول عني هيج يمكن على غير احد
او اني سمعت كعدنه ناكل
جان ام حمزه تكول شجاكم البارحه حتى ع العشه ماجيتو
حمزه..وليش احد منكم صاحلنه
ام حمزه...اني ماخليتهم كلت من يردون همه ياكلون
حمزه..زين سويتي يمه
احلام...اني اباوع على دلال وهمه يحجون تاكل وتصك بسنونه
ياربي مو هيه الي عندت اله اني
الولد كلهم طلعو واني بالمطبخ اغسل اماعين كملت ورحت لغرفتي باوعت الباب مفتوح وصلت للباب
دلال طلعت من الغرفه
احلام..بقيت صافته بوجه جان تكول جيت رتبته خطيه
انتي بالمطبخ
احلام...تسلمين عيوني
دلال...يلا عيني رايحه محتاجه شي
احلام...وين ترحين
دلال اروح لهلي بليل ارجع
احلام...ها خوش..راحت دلال بقيت اني كملت شغل البيت محد اجه ع الغده بس اني والحجيه اتغدينه وأيه
الولد معزومين
رحت نمت شويه العصر سويت العشه
اتعشينه راح حمزه يجيب دلال واني احس روحي دايخه
رحت مدددت حسيت الباب انفتح باوعت شكل حمزه
ومو حمزه شكل يخوف ومخربط كمت اعيط واصيح
اطلع براااااااااااا....

يتبع.....

حمزه..اتقربت اششش حبيبتي شبيج
احلام...ابجي وأصبح ماريدك اطلع براا
حمزه...اشوف احلام ماعرف شبيه تصرخ دلاااااال يممممممه جو يمه واني طلعت برا
احلام..من طلع حمزه حسيت شويه الخنكه راحت دلال وعمتي يقرن آيات واني مغمضه عيوني وابجي
ام حمزه...يمه كلبي شبيج عين وماصلت على النبي
احلام...ليل والكل يمي بس حمزه من يدخل اصرخ
حمزه..من شفت احلام هيج جنيت وماعرف شسوي معقوله رجعت تكرهني
بس حتى لو تكرهني مو هيج تصرخ طلعت امي رحت
اركض عليه بشري يمه شبيه احلام
ام حمزه...والله يمه اكيد عين الظهر البنيه جانت مثل الورد
حمزه...شلون الحل نعوفه هيج
ام حمزه...لا هسه اقرأ عليه بلكي الله تصير زينه
حمزه..اي يمه بسرعه
ام حمزه...يمه احلام اكعدي اشربي هذا المي قريت عليه
احلام...شربت المي وعمتي تقرأ عليه حسيت براحه
ام حمزه...هاا يمه شلون صرتي
احلام...احسن ارتاحيت
دلال...اي ياربي ياعيني شجاج
ام حمزه...يلا دلال خلي نطلع خلي البنيه شويه ترتاح
حمزه...هاا يمه بشري
ام حمزه...الحمدالله وليدي صارت احسن ارتاحت شويه
حمزه..ماشي لعد خلي اروح اشوفه
دلال..لا يمعود عوفه ترتاح
حمزه...مارديت ورحت للغرفه رفعت راسه احلام واشوف الخوف بعيونه مني
..شبيج يانور عيوني
احلام...خليت راسي بين رجليه من اشوف حمزه اختنك
حمزه اطلع برا
حمزه...شبيج احلام معقوله بعدج تكرهيني
أحلام.. كوم اطلع برا لا والله اسوي بروحي شي
حمزه...اخذت نفس ماشي ماشي طلعت
دلال واكفه بالباب هااا ابو أيه بشر
حمزه...ماتريد حتى تشوفني ماعرف شبيه الصبح طلعت
هيه مثل الورده صحت والله راح اتخبل
دلال...اشش حبيبي الكل نايم كوم انت هم ارتاح شويه
حمزه...كمت ويه دلال للغرفه
دلال....حبيبي مشتاقتلك شلون انطاك كلبك هلكد تعوفني
حمزه...الخاطر ربج شسويلج البارحه ازوجت شلون اجي
يمج
دلال...اتقربت منه يعني مشتاقلي ومتكدر تجي وبسته
حمزه...احلام تره مو كت هل سوالف وخري عني لا اكوم اطلع بره شبيج اتخبلتي صديت بصفحه ونمت لا ابد
مو طبيعيه يعني متشوف حالنه
احلام...اركض واحد شكله يخوف يركض وراي ويكلي اله تشربين هذا الدم جان اصرخ حيل واكعد
من كعدت الكل فوك راسي من شفت حمزه انوب صرخت
اكثر
احلام...عمه وديني على اهلي عفيه وديني
ام حمزه...اي عيوني والله الصبح اوديج بس ارتاحي
أحلام...لا عفيه هسه
ام حمزه...الصبح ياروحي انتي
حمزه...واكف واشوف حال احلام احس اريد املخ نفسي
طلعت من البيت وماعرف وين اروح منين طلعتي يا احلام
ياربي اذا احلام ماتريدني ليش جبته الي
اريد اصرخ حيل مخنوك اول مره بحياتي هيج يصير
بيه صح حبيت دلال بس ابد ماتعذبت بحبه
يكولون الحب بدون عذاب مو حلو بس مو هيج
طلعت الشمس ورجعت للبيت
لكيت بس امي كاعده
ام حمزه...وينك ليش اخابر ومتجاوب اشيل همك لو هم مرتك
حمزه..كليلي يمه شلون صارت احلام
ام حمزه...والله يا يمه مدري اعرف شيخه حيل زينه راح اجيبه اله بعد شويه
حمزه...وشنو هاي الشيخه
ام حمزه...تعالج المس والعين وكلشي ناس من غير محافظات يجون عليه
حمزه.. لعد شمنتظره كومي اوديج عليه
ام حمزه... يمه بعد الناس نايمه شجاك
حمزه. ...يمه احبه والله احبه ومن تكول اخ احس الوجع بكلبي يمه ماكدر بدونه شلون تريد تروح وتعوفني
شلون تروح على اهله وهمه يعذبونه
ام حمزه...ادعيله يمه ان شاء الله تصير زينه وماتروح
والله جانت مثل الورد شجاها
حمزه...باوعت دلال واكفه بالباب تسمع كلامنه
ماطبين ليش واكفه بالباب
دلال...حمزه يعني اني نسيتني ماتحبني
حمزه..شهل كلام دلال شلون ماحبج
دلال...شوف حالك شلون صاير على احلام
حمزه...شبيج دلال انتي العاقله البنيه مريضه
دلال...والله مادري يحمزه
حمزه..يالله يمه كومي نجيب الشيخه
رحنه اني وامي جبنه الشيخه وجينه تطلع بعمر امي
احس النور بوجه الكلب يرتاحله
دخلت على احلام واني واكف بالباب امي ودلال وياها
ام حمزه...هاا يمه بشري شبيه بنيتي
الشيخه...حجيه بس انطيني مجال
احلام...دايخه وكلشي مشوش احس روحي كوه اشوف
والشيخه تقرأ
الشيخه ....لا حوله ولا قوة الا بالله يايمه يااااالله
ام حمزه...خوفتيني يمه شبيه البنيه
الشيخه ...يمه حمله ثكيل الله ينتقم منهم شمسوين بيه
ام حمزه...احجيلي ينطيج العافيه
الشيخه...خلي نطلع بره
حمزه...طلعو من الغرفه ورحت اركض عليهم الشيخه كعدت بشري حجيه

الشيخه...يمه عدكم عدو عدكم احد عينه على احلام البنيه مسويله سحر
ام حمزه...يمممممه
الشيخه ...اني قريت عليه وشويه ارتاحت
حمزه...والحل
الشيخه...لازم تلكون السحر
حمزه...وين نلكاه
الشيخه...اكيد موجود بالبيت وضروري تلكوه

ام حمزه...واذا ماكو شلون
الشيخه...لا شنووو ماكو موجود هوا
حمزه...الله كريم
الشيخه...يلا يمه كوم وصلني وان شاء الله باجر هم اجي
احلام....عمه عمه عمه وينج
ام حمزه...هاا عيوني يروح عمتج
احلام...مو كلتي الصبح اوديج والله بعد ماكدر مخنوكه
اريد اروح لهلي
ام حمزه...اي يمه بس خلي يرجع حمزه
احلام...لا لا كتلج اني ماريده والله اذا ماتوديني اكوم اروح وحدي
ام حمزه...لا يمه هسه اوديج بس خلي اروح البس عباتي
حمزه...واني راجع بالطريق الحجيه دكت عليه
هاا يمه خوما احلام بيه شي
ام حمزه...تصيح مخنوكه وتريد تروح لهله وتكول اذا ماتوديني اني اروح وحدي
حمزه...اي بس اصبري اني اجي اوديكم
ام حمزه...لا يمه والله بس تسمع طاريك تتخبل اني رايحه
اوديه
حمزه...ماشي روحو ...من امي حجت هل كلام وكأنو سجين بكلبي شلون ارجع عل البيت وهيه مو بيه
اخ حمزه تالي عمرك طفله من عمر بنتك هيج تسوي بيك
رجعت ع البيت فتحتلي الباب
دلال...نورت البيت عيوني ليش اتأخرت
حمزه...وين امي
دلال...راحت تودي احلام
حمزه..اختنكت حيل ياربي صبرني
دخلت للغرفه وكأنو مامصدك راحت فتحت الباب ماكو
اي احد بس عطره والله بعدني ماشفته ولا شبعت منه
ماحسيت غير الدموع ترست عيوني وهاي ثاني مره ابجي
مره من ابويه اتوفه وهسه علمود احلام
احلام..من طلعت من البيت حسيت روحي اكدر اتنفس
وصلنه دكينه الباب
طلعت بسمه...

يتبع....

قصة احلام ﴿ انت ملجئي ﴾ حقيقيه ❤️-


بارت 7 شاركو القصه مع اصدقائكم @bn_kck📍-

بسمه...يا هلا اتفضلو
ام حمزه...لا والله اني ماكدر لازم ارجع عندي شغل ديري بالج على احلام ترى وضعه حيل صعب
بسمه..يعني احلام جايه تبقى يمنه
ام حمزه...اي بس يومين بلكي تصير زينه
احلام...شكد ظجت بس شسوي وين اروح عمتي راحت
واني دخلت جوه
بسمه...لازم محد اتحملج وجيتي
احلام...والله خاله اني حيل تعبانه ياريت تسمعيني
بسمه...اي مو اني فندق
احلام..سكتت وصعدت فوك لغرفتي اوف لو بعدني مامزوجه لو باقيه ومن اذكر حمزه اختنك وماريد افكر بيه
بس اريد انام كانو صار سنه منايمه
مددت وغفيت ماحسيت غير ابويه يصيح عليه اكعدي ولج شجابج
احلام...قهري جابني والله بابا تعبانه
ابو زينب.. تردين تفظحيني البارحه ازوجتي وجايه زعلانه
احلام...لا والله بابا مو زعلانه بس تعبانه
ابو زينب..اذا احد سأل اكول جايه زياره الج يومين وترجعين لبيت زوجج
احلام..حاظر طلع ابويه واني كعدت ابجي اباوع على نفسي بالمريا وجهي مكلوب حتى نوم ماكدر انام
من انام بس اشوف كوابيس
حرت شسوي وين انطي وجهي مالي احد بهل دنيا
خابرت زينب حتى تجي كالت عدنه فاتحه من اقارب زوجي ماكدر حسيت حتى زينب متغيره مادري اني صرت
حساسه
حمزه...دايخ وماعرف شنو الحل رحت على امي يمه تالي شلون احلام تبقى يم اهله
ام حمزه...يا يمه الصبح راحت اصبر خلي ندور هذا السحر وين مخلينه انت دور بغرفتك واني ادور بالبيت
حمزه...ماشي يمه رحت للغرفه ماخليت مكان يعتب عليه
ماكو اتعصبت طلعت روحي واني ادور
ام حمزه...هااا يمه لكيت شي
حمزه...لالا يمه ماكو انتي لكيتي
ام حمزه...لا والله يا يمه ماكو دلال خطيه ماخلت مكان يعتب واني دورت ماكو
حمزه...يمه اخاف مو سحر اخاف احلام هيه متريدني
ام حمزه....لا والله ييمه سحر والشيخه اكدت على هل حجي
حمزه...اي وينه كليلي وينه
ام حمزه...اصبر يا يمه الله كريم
احلام...سبوع واني يم اهلي ونفس حالي بسمه على طالع والنازل تسمعني كلام انو اني اكذب مو مريضه اريد ابقى يمهم
بسمه...احلام ترى هاي سوالفج مو عليه مال مريضه ومدري شنو اليوم ترجعين لبيتج وغصب عنج
لا والله يصير شي ماراح يعجبج
احلام...اني ساكته مارديت
بسمه...يصير خير
احلام....نايمه وماحسيت غير واحد يجرني من شعري
فتحت ابويه لا بابا عوفني هاي شبيك
ابو زينب...تردين تبقين يمنه وتطلكين مو ولج اليوم
اذا مارجعتي موتج على ايدي
احلام..لو تموتني مارجع ماريد حمزه خوما كوه ماحبه
ابو زينب...الج مهله لليل فكري
حمزه...مر سبوع واحلام ماتقبل ترجع كرهت كلشي
بسرعه حبيته وبسرعه راحت مني لازم اروحله واحجي وياها حتى لو متريدني شغلت سيارتي وطلعت
وصلت دكيت الباب طلع ابوها
السلام عليكم شلونك ابو زينب
ابو زينب...هلا ابو أيه اتفضل
حمزه...اريد اشوف احلام بلكي اكدر اقعنه ترجع
ابو زينب...غصب عنه شنو تقنع
حمزه...لا ابو زينب ماحبيته منك البنيه مريضه
ابو زينب...روح اصعد شوفه ويصير خير
حمزه...صعدت واني مصدوم هذا شلون اب دكيت الباب
احلام...اتفضل
حمزه...دخلت بس من شافتني احلام انكلب وجه
احلام....اطلع بره انت شجابك
حمزه...اتقربت منه وهيه تبتعد احلام مشتاقلج والله
ولج اني زوجج شبيج
احلام.. واني ابجي اطلع والله ماريدك اطلع اطلع
حمزه...كلت يمكن اذا احظنه تحن عليه مارديتله اتقربت وحظنته حيل اششش ياعمري والله احبج
احلام...دفعته شبيك انت ماعندك احساس وصرخت حيل وخر عني جوي ابويه وبسمه
ابو زينب...اتوكل ابو أيه يومين اني اجيبه اني اصرف
حمزه...ماقبل تجبر احلام على شي
ابو زينب...يلا الله وياك خليه ترتاح
حمزه...طلعت واني مقهور معقوله بعد ماتريدني
احلام....ابويه ومرته طلعو وره حمزه واني دخلت للحمام
احس روحي دايخه واريد ارتاح وكفت جوه المي
اباوع شكل واحد اسود يلعب النفس واكف اكبالي
اصفي عيوني زين ماكو انوب اسمع كانو واحد يخرمش الباب اتخبلت طلعت بسرعه واني ابجي
انوب ابويه اجه يصيح احلام
هااا بابا
انتي ليش مارحتي ويه زوجج
احلام ...والله ماريده ليش محد يفهمني
بسمه..مو كتلك يمكن الست عدها حبيب
احلام...خافي الله شنو حبيب
ابو زينب....مو كتلج اتروحين ويه زوجج هاا يعني ماتسمعين كلامي اني اعرف شلون اصرف وياج
احلام...بس والله اشو ابويه جر الحزام وين مكان يوجعني يضرب
حمزه..رجعت للبيت واني فاير قهر اريد اشوف هذا السحر الاكشر وين طبيت للغرفه امي تصيح شبيك هيه ودلال
مارديت طبيت ماخليت مادورت هم ماكو تعبت مددت ع الجربايه واني عيني ع السكف انتبهت ع الثريه جبيره ونازله جوه معقوله مخليه بيه كمت وكفت
مديت ايدي رأسن اجه بيدي كلنس او منديل فتحته
بيه شعر ودنابيس ودم يلعب النفس طلعت اركض على امي يمه لكيته لكيته