اكو دكتورين الي بجامعة الي اني بيها
✅دكتورة بالمرحلة الاولى كلتلي انتَ حتصير اسم كلش قوي وحتنجح بمجالك وشكرا لأهلك الي ربوك على هل اسلوب والكلام والخ.....

❗واكو دكتور بالمرحلة الثانية راواني الويل وسوالي هل مرحله هلاك جان يكلي انتَ مراح تصير ٫ انتَ متعالي ٫ انتَ تحب الانا ٫ انتَ معاقب وكذا وكذا الخ.....

🤍الدكتورة الاولى صار كلامها بگلبي
والدكتور الثاني صار كلامه بعقلي

🤍الشي المشترك بينهم انو اثنينهم خلوني ابني اسمي واكون افضل شخص بمجالي

🤍والفرق مابينهم
الاول خله عندي طموح وراد يقويني اكثر
والثاني راد يحاول يحطمني او يدمرني

واثنينهم مموجودين وياي بمسيرتي بس الدكتورة لحد هسه كلامنه طيب٫ واذكرها بالخير وهيه هسه دشوف كلامي وحترد عليه٫ الله يذكرها بالخير د.فاطمة

والثاني من ينجاب اسمه بأي كعدة اشمئز ومرات ميشرفني ابقة بنفس الجمعة الي نذكر اسمه بيها

📌العبرة من هل قصة الصغيرة اكلك انو استمر ولتخلي اي شي يوكفك حتى لو كدامك الف شخص ولتاخذ الكلام السلبي اشتغل وخلي اثر بهل دنية سواء بمجالك او بغير شي ولتخلي شمعتك تطفة كلما تبرد اشعل نفسك كلنه عدنه شي بداخلنه بس مدنعرف شلون نطلعه ونبدع بي

🌱بسم الله الرحمن الرحيم 🌿

⚜️﴿وَأَن لَيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى﴾ [النجم: 39-41]

⚜️﴿فَمَن يَعْمَلْ مِثْقَالَ ذَرَّةٍ خَيْراً يَرَهُ * وَمَن يَعْمَلْ مِثْقَالَ ذَرَّةٍ شَرّاً يَرَهُ﴾ [الزلزال: 7-8]

⚜️﴿يُنَبَّؤُا الْإِنسَانُ يَوْمَئِذٍ بِمَا قَدَّمَ وَأَخَّرَ﴾ [القيامة: 13]
صدق الله العلي العظيم

🤍شكرا لله والنفسي ولأهلي ولشكو شخص وكف وياي سواء دكتور او طالب او صديق
وشكرا لعلي عدي وزيد عبد السلام لان جانو وياي بمسيرتي الي افتخر بيها
وشكرا لنَبُض الي اني جزء منها

🤍رسمياًاًاًاًاًاًاًاًاًاً مدرب دولي معتمد 🦁
حصولي على شهادة
(Training of Trainers) " TOT "
هي شهادة تدريب المدربين
الحمد لله والشكر دائما وابدا