#haydovchilarga_eslatma

➖ Oʻquv muddati yakunida “A” toifadagi mototransport vositasini boshqarish huquqiga ega boʻlish uchun 16 yoshga;

➖ “B” va (yoki) “C” toifadagi avtotransport vositalarini boshqarish huquqiga ega boʻlish uchun 18 yoshga;

➖ “D” toifadagi avtotransport vositalarini, tramvay va trolleybuslarni boshqarish huquqiga ega boʻlish uchun 21 yoshga toʻlgan shaxslarga imtihonlar topshirishga ruxsat etiladi.

Asos: Vazirlar Mahkamasining 2018-yil 31-maydagi 408-son qarori bilan tasdilangan Nizom

👉 @biznestaxi1064

#Haydovchilarga_eslatma

🔦 "Tashqi yoritish asboblaridan foydalanish tartibi"

🌌 Qorongʻi vaqtda va yetarlicha koʻrinmaydigan sharoitda, shuningdek yoʻlning yoritilganligidan qat'iy nazar, tunnellarda harakatlanayotgan transport vositalarida quyidagi yoritish asboblari yoqilgan boʻlishi kerak:

✅ barcha mexanik transport vositalari va mopedlarda — uzoqni yoki yaqinni yorituvchi chiroqlar;

✅ velosipedlarda — chiroqlar;

✅ tirkamalarda va shatakka olingan mexanik transport vositalarida gabarit chiroqlari.

✅ Qorongʻi vaqtda yoʻlning yoritilmagan qismida, shuningdek yetarlicha koʻrinmaydigan sharoitda toʻxtagan yoki toʻxtab turgan transport vositasida gabarit chiroqlari yoqilgan boʻlishi kerak.

✅ Yetarlicha koʻrinmaydigan sharoitda gabarit chiroqlariga qoʻshimcha ravishda yaqinni yorituvchi chiroqlar, tumanga qarshi chiroqlar va tumanga qarshi orqa chiroqlar yoqilishi mumkin.

📌 Asos: Yoʻl harakati QOIDALARI

👉 @biznestaxi1064

#Haydovchilarga_eslatma

Quyidagi shaxslarga xavfsizlik kamarini taqmaslikka ruxsat beriladi:

👉 avtomobilning orqa oʻrindigʻidagi 12 yoshgacha boʻlgan bolalar;

👉 transport vositasini oʻquvchi boshqarayotgan vaqtda avtomototransport vositasini yoki shahar elektr transportini boshqarishni oʻrgatuvchi amaliy mashgʻulotlar instruktori;

👉 homilador ayollar, salomatligi xavfsizlik kamari taqish imkonini bermaydigan bemor yoʻlovchilar;

👉 orqaga harakatni amalga oshirayotgan haydovchilar;

👉 aholi punktlarida harakatlanishda — yoʻnalishli taksi haydovchilari, taksining orqa oʻrindigʻidagi yoʻlovchilar;

👉 aholi punktlarida tashqi qismiga maxsus rangli grafik chizmalar chizilgan transport vositalari haydovchilari va yoʻlovchilari.

👉 @biznestaxi1064