23 ታሕሳስ
ወርሓዊ ባዓል ቅዱስ ጊዮርጊስ ኣብ ኩሉ ዕለም ዝለኹም ኩሉኹም ቅዱስ ጊዮርጊስ ብቃልኪዳኑ ይሓልኹም
ፈጣን ተራዳኣነት ናይ ቅዱስ ጊዮርጊስ ሊቀ ሰማእታት ምስኩላትና ይኹን
ኦ ፍጡነ ረድኤት እምሩጸተ ነፋስ ወኣውሎ ለዘይጼውዓከ በተወክሎ፥ጊዮርጊስ ቅረብ ለምሕረት ወለተሣህሎ፥ተወከፍ ወትረ ጸሎትነ ወቃለ ጽራሕነ ኩሎ፥ እስመ ልበ ኣምላክ ርህሩህ በሃቤከ ሃሎ።
ዝተቀደሰን ዝተባረኸን ማዓልቲ ይግበረልና
ታሕሳስ 23
††† እንቋዕ ናብ ቅዱሳን ቆርኔሌዎስ ሐዋርያዊን ኣብድዩ ነብይን ዓመታዊ ናይ ዕረፍቲ በዓል ብሰላም ኣብጸሓኩም፤ ኣብጸሓና። †††
††† በስመ አብ ወወልድ ወመንፈስ ቅዱስ አሐዱ አምላክ አሜን! †††
††† ቅዱስ ቆርኔሌዎስ †††
††† ሎሚ እንምልከቶ ናይዚ ቅዱስ ዜና ሕይወት መብዛሕትኡ ዝተወሰደ ካብ ግብረ ሐዋርያት ምዕራፍ 10 እዩ:: ኣብ ቤተ ክርስቲያን ናይ ሐዲስ ኪዳን ታሪክ ወሳኒ ካብ ዝበሃሉ ዕዮታት ናይዚ ቅዱስ ኣሚኑ ምጥማቅ ስለ ዝኾነ ኣብ ዓቢ ቅዱስ መጽሐፍ ብስፍሓት ተመዝጊቡ እዩ::
ምንም እኳ ካብኡ ኣቀዲሙ ኢትዮዽያዊ ባኮስ ከምዝኣመነን ከም ዝተጠመቀን እንተተፈልጠ (ሐዋ. 8:26) ቅዱስ ቆርኔሌዎስ ካብ ወገን ኣሕዛብ ኣሚኑ ናብ ሐዋርያት ዝተሓወሰ ናይ መጀመሪያ ሰብ እዩ:: ጥንተ ነገሩኸ ከመይ እዩ እንተበልና:-
መንግሥቲ ሮም ኣብ ትሕቲ ቄሣራውያን ኣብ ሚኢቲ ክ/ዘመን ንዓለም ይገዝእ ነበረ:: በቢ ኣህጉር ድማ ክሳብ ሹሞት ዓዲ ተሾይሞም ግብሪ ንቄሣር ይእክቡ: ነቶም ህዝቢ ድማ ናብ ቄሣር የግዝኡ ነበሩ::
ካብ ማእከል እዚኣቶም ዝኮነ ድማ ሓደ ቆርኔሌዎስ ኣብ ቂሣርያ ዘፍልስጥኤም (ካልእ ቂሣርያ ስለዘላ እዩ) ሓለቃ ሚኢቲ (ሃቤ ምዕት): ናይ ሠራዊት መራሒ (ሊቀ ሐራ) ኮይኑ ተሸይሙ ነበረ:: ናይ ሠራዊቱ ስም ድማ "ኢጣሊቄ" ይብልዎ::
ቆርኔሌዎስ ንእግዚአብሔር ኣይፈልጥን:: ከም ኣረሚ (ግሪካውያን) ኣምላኺ ከዋክብቲ ደኣ ነበረ እንበር:: ግን ወላ ኡካ ከምኡ እንተኾነ ጸላኢ ክፋእ: ርህራሄ ዘብዝሕ: ምጽዋት ዘዘውትርን በሐቲት (ብምርምር) ዝነብር ሰብ ነበረ::
ስለዚ በታ ሰሙን ክርስቶስ ኢየሱስ መድኃኒና ናይ ምድሓን ሥርሑ ፈጺሙ: ኣበው ሐዋርያት ንትምሕርተ ወንጌል ከም በቅሎ ይቀላጠፉ ነበሩ:: ሽዩም (ሓለቃ) ስለ ዝኾነ ቆርኔሌዎስ ናይ ሐዋርያት ዜና ቀልጢፉ እዩ ዝበጽሖ::
ቅዱሳን ብስም ክርስቶስ ንድውያን ከምዝፍውሱ: ንሙውታን ከምዘተንስኡ: ብኃይሊ መንፈስ ቅዱስ ድማ ብዙሓት ምልክታት (ተኣምራት) ከምዝገብሩ ሰሚዑ ተገረመ:: ንሱ ዘምልኾ ዙሐል (ናይ ኮከብ ስም እዩ) ኣቅሚ ዘይብሉ ፍጡር ምዃኑ ተረድአ እሞ ጽርግፍ ኣቢሉ ገደፎ::
ምንም እኳ ሽዩም ሓለቃ ሠራዊት እንተኾነ ዘወትር ብመዓልትን ብለይትን ክጸውምን ክጽልይን ጀመረ:: ጸሎቱ ድማ "ሓቀኛ ኣምላክ ተገለጽ" ነበረ:: ጾምን ጸሎትን ብዘይ ምጽዋት ቁም ነገር ስለ ዘይሰርሑ ንቤቱ ቤተ-ጥሙያት: ቤተ-ነዳያን ገበሮ::
እዚ ተፈትዊ ጾም: ጸሎትን ምጽዋትን ድማ ብዘይ ከልካሊ ናብ ሰማያት: ናብ ቅድመ እግዚአብሔር በጽሐ:: ምንም ኣሕዛባዊ (ኢ-ጥሙቅ) ወላ እንተኾነ ጎይታ ግን ንቅዱስ መልኣኹ ለኣኸሉ::
ሓደ መዓልቲ ከም ልማዱ ክጽሊ እንከሎ ኣከባቢ ሰዓት ትሽዓተ (በሠርክ) መልኣክ ብሩህ ልብሲ ተጐናጺፉ ተገልጸሉ:: "ኦ ቆርኔሌዎስ! ጸሎትካን ምጽዋትካን ናብ እግዚአብሔር በጸሓልካ:: እግዚአብሔር ድማ ዘከረካ" በሎ::
"ሕጂ ድማ መታን ክትድሕን ኣብ ቤት ሰፋዪ ስምዖን: ኣብ ሃገረ ኢዮዼ: ዼጥሮስ ዝብልዎ ስምዖን ስለ ዘሎ ንዕኡ ጸውዓዮ:: ንሱ እትድሕነሉ ክነግረካ እዩ" ኢልዎ: ብስራቱ ድማ ነጊርዎ ተሰወረ:: ሽዑ ድማ ካብ ራዕዩ ተንሲኡ እናኣድነቀ ንኣወዳት ጸዊዑ ናብ ኢዮዼ ልኣኾም::
በታ ዕለት ድማ ናይ ሐዋርያት ሓለቃ ቅዱስ ዼጥሮስ ኣብ ቤት ስምዖን ሰፋዪ ከሎ መታን ክጽሊ ናብቲ ደርቢ (ፎቅ) ደየበ:: ኣብኡ ድማ ኣብ ጸሎት እንከሎ ተዶሞ መጾ:: ግሩም ራዕይ ድማ ተመልከተ:: "ሞጣሕት ስፍሕት" ይብላ:: ካብ ሰማይ ኣብ 4ተ መዐዝን ዝተተሓዘት መጋረጃ: ኣብ ውሽጣ ናይ እንስሳታት: ናይ ኣራዊት: ናይ ኣዕዋፍ ስእሊ ተሳኢልዋ ክትወርድ ተመልከተ::
ሓንቲ ኢድ ድማ ናብ (ሓሰማ) እናኣመልከተት "ተንስእ ኦ ዼጥሮስ ኅርድ ዘንተ ወብላእ . . . - ኦ ዼጥሮስ! ተንስእ: እዚ ድማ ሓሪድካ ብላዕ" ምስ በለቶ:: ንሱ ግን "ግሙራ ኢቦአ ርኩስ ውስተ አፉየ-ዝረኸሰ ነገር ናብ ኣፈይ ኣትዩ ኣይፈልጥን" ኢሉ መለሰ::
መሊሱ ድማ "ዘእግዚአብሔር አንጽሐ አንተ ኢታስተራኩስ- እግዚአብሔር ዘንጽሆ ንስኻ ኣይተርክሶ" ምስ በሎ:: እዚ ራዕይ ድማ 3 ግዜ ክደጋገም ተመልከተ:: ሽዑ ንሽዑ ድማ እታ መጋረጃ ናብ ላዕሊ ተመልሰት::
ናይቲ ራዕዩ ምሥጢር ንግዜኡ እግዚአብሔር ካብ ዝፈጠሮ "ርኹስ" ዝበሃል ከምዘየለ የሕትት:: ንፍጻሜኡ ግን እታ ሞጣሕት ናይ ወንጌል (ናይ ክርስትና) ከምኡ ውን ናይ እመ ብርሃን ድንግል ማርያም ምሳሌ እያ::
እታ እሪያ(ሓሰማ) ድማ ናይ ቅዱስ ቆርኔሌዎስ ምሳሌ ስለዝኾነት "ኣይትጸየፎ: ኣጥምቆ" ይብሎ ነበረ:: ቅዱስ ዼጥሮስ ስለዚ ነገር ከሰላስል ከሎ ቅዱስ ቆርኔሌዎስ ዝለኣኾም ኣወዳት መጽዮም ጸውዕዎ:: መንፈስ ቅዱስ "ምስኦም ኪድ" ስለ ዝበሎ ድማ ምስኦም ከደ::
ናብ ቆርኔሌዎስ ምስ በጽሐ ድማ 2ቲኦም ራዕዮም ተዘራረቡ:: ቆርኔሌዎስ ድማ ብግንባሩ ተደፊኡ ንሊቀ ሐዋርያት ሰገደሉ:: ቅዱስ ዼጥሮስ ግን ስለ ትሕትና "ኣይትስገደለይ" በሎ:: ድሕሪኡ ድማ ንኣፉ ከፊቱ ንዕኡን ንቤተሰቡን ካብ ቅዱስ ቃል መገቦም:: ኣጥሚቑ ድማ ኢዱ ምስ ጸዓነሎም ካብ ቅዱስ መንፈስ ተኻፈሉ::
ድሕሪ እዛ ዕለት ድማ ቅዱስ ቆርኔሌዎስ ሃብቱን: ንብረቱን: ሹመቱን ክብሩን ንዒቑ ንሐዋርያት ተከተሎም:: ንስብከተ ወንጌል ኣገልግሎት ድማ ሓንቲ በትሪ ጥራይ ሒዙ ናብ ምድረ ግብጺ ወረደ:: በዚ ድማ ንብዙሓት ናብ ክርስትና ስሒቡ: ንዓመታት ተጋዲሉ በዛ መዓልቲ ዓረፈ::
††† ቅዱስ አብድዩ ነቢይ †††
††† "አብድዩ" ማለት "ናይ እግዚአብሔር ኣገልጋሊ" ማለት እዩ:: ቁጽሩ ካብ 12ተ ደቂቀ ነቢያት ክኸውን ከሎ ናይ ቅዱስ ኤልያስ ዓቢ ወዲ መዝሙር እዩ:: ቅዱሳን ነቢያት ዮናስን ኤልሳዕን ድማ መሓዙቱ ነበሩ::
ቅዱስ ኣብድዩ ቅድመ ልደተ ክርስቶስ ኣብ ኣከባቢ 800 ዓመት ናይ ከሓዲ ንጉሥ መራሒ ኲናት ኮይኑ ብሓምሳ ሓለቓነት ኣገልገለ:: ግፍዐኛ ኤልዛቤል ንነቢያተ እሥራኤል ክትቀትል ከላ ነቶም 50 ኣብ ሓደ ባዓቲ ነቶም 50 ድማ ኣብ ካልእ ባዓቲ ጌሩ ኣትረፎም:: እቶም 900 ግን ተጨፍጨፉ::
ነቶም ዘትረፎም ድማ ክፉእ ዘመን ክሳብ ዝሓልፍ መገቦም:: ኣክኣብን ኤልዛቤልን ምስ ሞቱ ድማ ንቅዱስ ኤልያስ ተኸቲሉ ንሽሞቱ ገደፈ:: እግዚአብሔር ገሊጽሉ ድማ ትንቢት እናተዛረበን: ንህዝቢ ድማ እናገሰጸን ነበረ::
ኣብ ብሉይ ኪዳን ካብ ዘለዉ ናይ ትንቢት መጻሕፍቲ ድማ ብጣዕሚ ሓጺር ዝጸሓፈ እዚ ነቢይ እዩ:: ትንቢተ ኣብድዩ በዓል ሓደ ምዕራፍ ጥራይ እያ:: እዚ ቅዱስ በዛ መዓልቲ ዓሪፉ ወገናቱ ቀበርዎ::
††† አምላከ ነቢያት ወሐዋርያት ናይ በረኸትን ናይ ሰላምን ዘመን የምጻልና:: ካብ በረኸቶም ይኽፈለና::
††† ታሕሳስ 23 ዝኽበሩ ዓመታዊ ናይ ቅዱሳን በዓላት
1.ቅዱስ ቆርኔሌዎስ (ሐዋርያዊ ጻድቅ)
2.ቅዱስ አብድዩ ነቢይ
††† ወርኀዊ በዓላት
1.ልበ አምላክ ቅዱስ ዳዊት
2.ቅዱስ ጊዮርጊስ ሊቀ ሰማዕታት
3.ነቢየ ጽድቅ ቅዱስ ሰሎሞን (ንጉሠ እሥራኤል)
4.አባ ጢሞቴዎስ ገዳማዊ
5.ቅዱስ ዳንኤል ነቢይ
6.አባ ሳሙኤል
7.አባ ስምዖን
8.አባ ገብርኤል
†††

23 ታሕሳስ ዕረፍቱ ለዳዊት ንጉስ እስራኤል
በረኸትን ጸጋን ናይቲ ከም ልበይ ዝተባህለ ቅዱስ ዳዊት ምስኩላይና ህዝበ ክርስቲያን ይኹን ኣሜን!https://youtu.be/08SOKElfpu0

ናብ ቅዱስ ላሊበላ ትከዱ ኩላትኩም የሕዋት ካልኤይቲ መኪና ክንውስክ ሓደ 30 ሰባት ጎዲሎምና ስለዝኮኑ በብዘለና እዩ ክንሓትት ናይ ገንዘብ ሕጂ ኣብ ኢዶም ዘይምህላዎም ከየትረፎም ምስ ተመለሱ ክከፍሉ ስለዝክእሉ ደውሎም ይሕባሩ ስለዚ ንዘይፈልጠ ብዙሕ ሰብ ስለ ዘሎ ክንሕብር ኣለና ኣብ ከባቢና ዘሎ የሕዋትና እቲ ዕድል ክሳብ ሰዓት 5 ክፉት እዩ ሎሚ ሰንበት ማለት እዩ ደውሉ ሓብሩ ብሩክ ሰንበት ንኩልና።

ብማሕበር ኣቡነ ተክለሃይማኖት እምነ ክርስቶስ ሰምራ ዝገበር ዘሎ ሓገዝ ናብ ናይ ኣብነት ተማሃሮ የሕዋትና እንዳ ቀጸለ እዩ ኣብ ጉዕዞ ላሊበላ 4 ከረጺት ኾረንሾን በረበረ ሽኮር ሽሮ ተላኢኩ ናብ ኣብ ጎጃም ዘለዉ ሕጂ ድማ ናብ ኣብ ጎንደር ዘለዉ ሓገዝ ክግብር ስለዝኮነ ኩላትና ኤርትራውያን የሕዋት ነበርቲ ኣብ ከተማ ኣዲስ ኣበባ ካብታ ንበልዓ ጸጊብና ነትርፋ እሞ ንድርብያ ዘለና መግቢ እቲ ጥዕይ ነቂጹ ኢልና ንግሕፎ ብምእካብ ክተረኩቡና ካልእ ሓገዝ ክዳውንቲ መሳልን ዘለና ገንዘብን ካልእን ደዊልኩም በረከት ክትካፈሉ ምእንቲ ንዕድመኩም ኣለና ሰሰናዩ እግዚኣብሔር ንሃገርና ሰላሙ ይልእከና ሕጂ ኢድና ብምዝርጋሕ ቤተክርስቲያና ንሓልዋ ገዳማትና ድማ ንሓግዝ። ክንደውለሉ ንክእል ቴሌፎናት ኣብ ዘዘለኩሞ ክንህበኩም ንክእል ኢና ኣብ ላፍቶ መብራት 24 መጋነኛ ሳፋሪ ፊጋን ጆሞ ጎፋ ካልእ ሰፈር እንተ ኮነ ክንቅበለኩም ንክእል ኢና ንዝተሸገሩ ዝሓመሙ የሕዋትና ናይ ሕክምና መጻኢ ዝሰኣኑ ድማ ብዝተካእለ መጠን ኣቅምና እንዳ ኣዋጻእና ንድግፍ ኢና እሞ ኣብዚ ክሳተፍ ዘደሊ እዋን ደዊሉ ክሓተና ኣቅሙ ከበርክት ውን ይክእል እዩ እታ ግዜ ሓጻር እያ እሞ እዛ ሽግርን መከራን ተደጋጊፍና ብሓደ ንውጻኣያ 0952688043|0936417771። ተወሳኪ ሓበሬታ በዚ ንደውል 0983340375|0905689262

ናብ ኩሉ ንፈልጦ ክባጻሕ ሼር ኣይንሕመቅ

ጉዕዞ ገዳም ናብ ኣቡነ ዜና ማርቆስ ንዕለት 10-11 ተዳልዮ ኣሎ ክንከይድ ንደሊ ንደውል ሶኒን ሰሉስን ዓቢ ቃል ኪዳን ናይ ኣቦና ዝተውሃብሉ ዕለት ስለዝኮነ ከይሓልፈና ቀዲምና ንመዝግብ 0983340375 | 0905689262 ንካልእ ፈተውትና ድማ ንላከሎም ሰኣን ሓበሬታ ሰብ ይተርፍ ኣሎ ኣብ ካልእ ኢድና ይቅልጥፍ ኣብ ሰናይ ንገር ድማ ነዓና ጥራይ ይሓስብ ንፈተውትና ናብ ቤተ እግዚኣብሔር ምዕዳም እዩ እቲ ዝበለጸ እሞ ብቀላል ሼር ጽድቂ ኣብ ኢድና ከላ ከይንስእና ሕጂ ንስራሕ ንጽባሕ ዝተቅመና ኣብ ሰማያት ዓድና ዘእትወና።

ገዳም ኣቡነ ዜና ማርቆስ ምካድ ማለት ከይተነሳሕካ ኣይትመውትን ኢካ ዝብል ቃል ኪዳን ምስታፍ እዩ ካልእ ድማ ኣብ ጥምቀት ማየ ጸሎት ምጽባል ምሕጻብ ካብ ሓጥያትካ ምንጻሕ ኢየሩሳሌም ምጽባል እዩ እዚ ዕድል ከየምልጠና ንመዝገብ ቦታ ከይመልኣና።

+ቅዱሳን ነቢያት ቀንዲ15ቱ አበው ነቢያት: 4ቱ ዐበይት ነቢያት: 12ቱ ደቂቀ ነቢያትና ካልአን ነቢያት ተባሂሎምበ4 ይክፈሉ::

=>"15ቱ አበው ነቢያት" ማለት:-
*ቅዱስ አዳም ኣቦና
*ሴት
*ሔኖስ
*ቃይናን
*መላልኤል
*ያሬድ

*ኄኖክ
*ማቱሳላ
*ላሜሕ
*ኖኅ
*አብርሃም
*ይስሐቅ
*ያዕቆብ
*ሙሴና
*ሳሙኤል እዮም::

=>"4ቱ ዐበይት ነቢያት"
*ቅዱስ ኢሳይያስ ልዑለ ቃል
*ቅዱስ ኤርምያስ
*ቅዱስ ሕዝቅኤልና
*ቅዱስ ዳንኤል እዮም::

=>"12ቱ ደቂቀ ነቢያት"
*ቅዱስ ሆሴዕ
*አሞጽ
*ሚክያስ
*ዮናስ
*ናሆም
*አብድዩ
*ሶፎንያስ
*ሐጌ
*ኢዩኤል
*ዕንባቆም
*ዘካርያስና
*ሚልክያስ እዮም::

=>"ካልአን ነቢያት" ደግሞ:-
*እነ ኢያሱ
*ሶምሶን
*ዮፍታሔ
*ጌዴዎን
*ዳዊት
*ሰሎሞን
*ኤልያስና
*ኤልሳዕ ሌሎችም እዮም::

=>ነቢያት በከተማ ውን ይከፋፈሉ እዮም::
*ናይ ይሁዳ (ኢየሩሳሌም):
*ናይ ሰማርያ (እሥራኤል)ና

*ናይ ባቢሎን (በምርኮ ጊዜ) ተባሊሎም ይጽውዑ:: በዘመን አከፋፈል ከኣ:-
*ከአዳም እስከ ዮሴፍ (ናይ ዘመነ አበው ነቢያት):
*ከሊቀ ነቢያት ሙሴ እስከ ነቢዩ ሳሙኤል (ናይ ዘመነ መሳፍንት ነቢያት)

*ከቅዱስ ዳዊት እስከ ዘሩባቤል ዘለዉ (ናይ ዘመነ ነገሥት ነቢያት):
*ከዘሩባቤል ዕረፍት እስከ መጥምቁ ዮሐንስ ዘለዉ ድማ (ናይ ዘመነ ካህናት ነቢያት) ይበሃሉ።

በዓለ ዕረፍታ ናይ ቅድስተ ቅዱሳን ድንግል ማርያም ኣስተርእዩ 21 ጥሪ ምክንያት ብምግባር ዓቢ ናይ በረከትን ጸጋን ጉዕዞ ገዳም ናብ ግሸን ደብረ ከርቤ ናብ ናይ ጎይታናን ኣምላክናን መድኅኒናን ኢየሱስ ክርስቶስ ምእንቲ ሓጥያትና ኣብ መስቅል ዝሞተልና ክቡር መስቀሉ ዘለዎ ቦታ ብዘይ ምፍላጥን ብዘይምርዳእን ኣብ ቀረባና ከሎ ከይረኣናዮ ከይተሳለምናዮ ናብ ካልእ ንከይድ ኣለና እሞ ሕጂ ውን ግዜ ከለና ኩላትና ነዚ ንከታተል ጉዕዞ ተዳልዩልና ኣሎ ስለዚ ዘለና ግዜ ድማ ሓጺር እዩ ንምዝገባ እሞ ተቀዳዲምና ንመዝገብ ምብጋስ 19 ጥሪ ምምላስ 25 ጥሪ ንበጽሖም ንሳለሞም ክሳብ ሰለስተ ገዳማትን ካልኦት ታሪካውያን ቤተክርስቲያንን ማይ ውዑይ ጸበልን ዋጋ 1200 እዩ።

Solo Mehari:
ናይ ግሸን ደብረ ከርቤ ማርያም ገዳም ብከፊል ነዚ ይመስል ናብ ኣፍደግኣ ብሰላም ተብጽሓና

ሼር ናብ ኩሉ ፈትውትና ኣይንሕመቅ ስኣን ሓበሬታ ብዙሕ ሰብ እዩ ዝተርፍ እሞ ሓደራኩም ናብ ሰናይ ነገር ምጉስጓስ በረከት ኣለዋ ኣብዛ ዝከፍአት ህይወት።

Solo Mehari:
ናይ ግሸን ደብረ ከርቤ ማርያም ገዳም ብከፊል ነዚ ይመስል ናብ ኣፍደግኣ ብሰላም ተብጽሓና

ሼር ናብ ኩሉ ፈትውትና ኣይንሕመቅ ስኣን ሓበሬታ ብዙሕ ሰብ እዩ ዝተርፍ እሞ ሓደራኩም ናብ ሰናይ ነገር ምጉስጓስ በረከት ኣለዋ ኣብዛ ዝከፍአት ህይወት።

ካብ ምኽርታት ማር ይስሓቅ
ካብ መበል 51 ስብከቱ ዝተወስደ

ꗺ ልቦና ዝጎደሎ ጻድቅ ሰብ መብራህቲ ኣብ ትሕቲ ጽሓይ እዩ።
ꗺ ጸሎት ናይ ጌጋተት ዝዝክር ሰብ ዘርኢ ኣብ ከውሒ እዩ
ꗺ ምሕረት ዘይብሉ ባሕታዊ ፍረ ዘይብላ ኦም እዩ።
ꗺ ካብ ቅንኢ ዝወጽእ ጸርፊ መርዛም ኩናት እዩ።
ꗺ ውዳሰ ብልሓተኛ ሰብ ሕቡእ መጻወድያ እዩ።
ꗺ ዓሻ መኻሪ ዕዉር ዋርድያ እዩ።
ꗺ ምስ ስሚዒት ኣልቦ ሰባት ኮፍ ምባል ልቢ ይሰብር።
ꗺ ምስ ለባም ሰብ ምዝርራብ ምቁር ውሓዚ እዩ።
ꗺ ለባም መኻሪ ናይ ተስፋ መንደቅ እዩ።
ꗺ ዓሻን ግዲ ኣልቦ ዓርኪ ናይ ዕንወት ሓብቲ እዩ።
ꗺ ካብ ለባም ሰብ ንዓሻ ጽን ክብል ምርኣይ፡ ሓዘንተኛታት ዝመልእዎ ገዛ ምርኣይ ይበልጽ።
ꗺ ምስ ቀናእ ሰብ ካብ ምንባር ምስ ኣራዊት ምንባር ይበልጽ።
ꗺ ካብ ምስ ዘይየመስግኑ ሰባት ምንባር ኣብ መቃብር ምንባር ይሓይሽ።
ꗺ ካብ ምስ ህሩፍን ገባትን ኮፍ ምባል ምስ ኣሞራታት ምቅማጥ ይበልጽ።
ꗺ ካብ ምስ ሃርጓፍ ሰብ ምዝራብ ምስ ሓሰማ ምዝራብ ይበልጽ፡ ካብ ኣፍ ሃርጓፍ መብልዒ ሓሰማ ስለዝሓይሽ።
ꗺ ካብ ኣብ መንጎ ትዕብተኛታት ምዃን ኣብ መንጎ ርኹሳት(ለምጻማት/leper) ሰባት ኮፍ ምባል ይበልጽ።
“ ካብ ክትኣስር ተኣሰር
ካብ ክትሰቅል ተሰቀል
ካብ ክትብድል ተበደል
ተጽረፍ እምበር ኣይትጻረፍ።”
ꗺ ርቡጽነት ዘይኮነስ ምቅሉልነት ይሃልኻ፡
ፍትሒ ዘይኮነስ ሠናይ ነገር ድኣ ሓዝ፡ ፍትሒ ንክርስትያናዊ ሕይወት ስለ ዘይምልከት። ኣብ ናይ ክርስቶስ ትምህርቲ እውን ኣይተጠቅሰን። ምስ ዝተሓጎሱ ተሓጎሱ፡ ምስ ዝነብዑ ንብዑ፡ እዚ ምልክት ናይ መገዲ ቅኑዕ ንጽህና ስለዝኾነ። ምስቶም ዝሓሙ ስቅያቶም ይሰምዓካ፡ ምስ ኃጥኣተኛታት ኣልቅሱ። ምስቶም ዝንስሑ ድማ ተሓጎሱ። ምስኩሉ ሰብ ሕውነታዊ ፍቕሪ ይኃልኻ። ኣብ ኣእምሮኹም ግና በይንኹም ኩኑ። ኣብ ስቃይ ኩሎም ሰባት ተኻፈልቲ ኩን ነብስኻ ግና ካብ ኩሎም ኣርሕቃ። ንዝኾነ ሰብ ኣይትጽረፍ፡ ኣይትውቀስ፡ ቃላ ብኽፍኣት ዝነብሩ ይኹኑ።
ዝወደቀ ሰብ ዲኖኻ ዘርግሕካ ሸፍኖ። ስሕተቱን ቅጽዓቱን ኣብ ክንድኡ ክትወስድ እኳ እንተ ዘይከኣልካ ብትዕግስቲ ሕፈረቱ ተኻፋሊ ኩን እምበር ኣይተዋርዶ።
ንኸብድኻ ክትብል ምሰባት ኣይትስመር። ንኽብሪ ክትብል እውን ኣይትጽላእ። ኣብ ፍርዲ እውን ኣይትደሰት። ኣብ ልብኻ ኣርምሞ እኳ እንተ ዘይሃለወካ ብውሕዱ ኣፍካ ኣርምሞ ይሃልዎ።
ንሓሳብካ ቅኑዕ ትእዛዝ ክትህቦ እኳ እንተ ዘይካኣልካ ንስምዒትካ ግና ቅኑዕ ትእዛዝ ሃቦ።
ኣብ ኣካላትካ ብሕትውና እኳ እንተዘይብልካ፡ኣብ ሕልናኻ ግና ብሕትውና ይሃልኻ። ብኣካልካ ክትጽዕር/ክትሠርሕ እኳ እንተዘይካኣልካ፡ ሕልናኻ ግና ይወቀስ።
ደው ኢልካ ክትነቅሕ እንተ ዘይኪእልካ፡ ኣብ ወንበርካ ኮፍ ኢልካ ንቃሕ፡ እንተ ዘይኮነ ጎቦ ኮንካ ንቃሕ።
ክልተ መዓልቲ ብሓደ ግዜ ክትጸውም እንተ ዘይኪእልካ፡ ክሳብ ምሸት ጹም፡ ክሳብ ምሸት ሙጻም እንተ ስኢንካ ግና ብውሕዱ ካብ ህርፋን ተቆጠብ።
ኣብ ልብኻ ቅዱስ እንተ ዘይኮንካ ኣካልካ ቅዱስ ይኹን። ኣብ ልብኻ ሓዘን እንተዘይብልካ፡ ብውሕዱ ገጽካ ብሓዘን ሸፍኖ። መሓሪ እንተ ዘይኮንካ ኃጢኣተኛ ስለዝኾንካ ብውሕዱ ተዛረብ።
ገባሪ ሰላም እንተ ዘይኮንካ እኳ ምንጪ ጸገማትን ሽግርን ግና ኣይትኹን። ህርኩት እኳ እንተ ዘይኮንካ ሃካይ ምዃንካ ግና ሕልናኻ ይፍለጥ።
ዕዉት እኳ እንተዘይኮንካ ገዛእ ርእስኻ ኣብ ልዕሊ እቶም ዝተሣዕሩ ልዕል ኣይተብል። ንብጻዩ ዘቆናጽብን ዘቃልልን ሰብ ክተቁሞ እንተ ዘይከኣልካ ምስኡ ካብ ምሕባር ግና ተቆጠብ።
እዚ ፍለጥ። እሳት (ሓዊ) ካባኻ ከይዱ ንኻልኦት ሰባት እንተበሊዕዎም፡ እግዚአብሔር ነፍሳት እዞም ብእሳት ዝተቃጸላ ካብ ኢድካ ክደልየን እዩ። እቲ እሳት ካባኻ ዘይኮነስ ካብ ካልእ ሰብ ዝኸደ እንተኾነ፣ ኮይኑ ግና ንስኻ ምስኡ ተሓባቢርካን ኣብቲ ዝኾነ’ውን እንተ ተሓጉስካ፡ ኣብ ፍርዲ ግዜ ከም ተሓባባሪ ክትቁጸር ኢኻ።
ትሕትና ተፍቅር እንተዀንካ ሰላማዊ ኩን። ዋጋ ሰላም እንተ ሒዝካ ኩሉ ግዜ ሕጉስ ክትከውን ኢኻ። ወርቂ ዘይኮነስ ፍልጠት ድለ። ብኽዳን ዘይኮነስ ብለውሃት ንነፍስኻ ክደና። መንግሥቲ ዘይኮነ ሰላም ወንን።

ወስብሓት ለእግዚ አብሔር
ወለወላዲቱ ድንገል።
ወለወስቀሉ ክቡር።

ክፍለኢየሱስ