🇺🇸🇮🇷 Tramp: Eron bilan kelishuv deyarli tayyor.

Tramp Eron bo‘yicha muzokaralar muvaffaqiyatli yakunlanish arafasida ekanini ma’lum qildi. Uning so‘zlariga ko‘ra, tomonlar “juda yaxshi kelishuv”ga erishgan va hujjatlarning yakuniy tafsilotlari ustida ish olib borilmoqda.

Uning aytishicha, qolgan masalalar yaqin kunlarda hal etilishi, kelishuv esa shu dam olish kunlari Yevropada imzolanishi mumkin.

Shuningdek, u bitim imzolangach, Hoʻmuz bo‘g‘ozi ochiq qolishiga ishonch bildirganini va bu masalani Isroil bosh vaziri bilan ham muhokama qilganini ta’kidladi. Ishonamizmi? 🧐

@bitcoinjon

🇺🇸🇮🇷 Tramp Eron bilan “Buyuk Kelishuv”ni e’lon qildi!

Trampning bayonoti:
1-post: “Eron Islom Respublikasi bilan Kelishuv tugallandi. Barchani tabriklayman! Hoʻrmuz bo‘g‘ozini to‘lovsiz ochishni va AQSh dengiz blokadasini darhol bekor qilishni to‘liq tasdiqlayman. Dunyo kemalari, motorlaringizni ishga tushiring! Neft oqsin!”
2-post: “Bu Buyuk Kelishuv butun mintaqaga Tinchlik va Xavfsizlik olib keladi. Ko‘p prezidentlar Eron bilan tinchlik o‘rnatishga urinib ko‘rdi, lekin muvaffaqiyatsiz bo‘ldi. Mintaqa rahbarlari birinchi marta haqiqiy tinchlikka yordam bera oladigan Prezidentni topdilar. Kelishuv imzolanganidan keyin (19-iyun) Hoʻrmuz bo‘g‘ozi ochiladi, minalar tozalanadi, neft ikki tomonga ham oqadi!”

Kelishuvning asosiy shartlari (turli manbalarga ko‘ra):
• 60 kunlik sulh (AQSh-Eron, shu jumladan Livanda) va muzokaralar davri.
• Hoʻrmuz bo‘g‘ozi darhol ochiladi (to‘lovsiz, neft oqimi tiklanadi).
AQSh dengiz blokadasi bekor qilinadi.
• Eronning muzlatilgan mablag‘laridan $12 mlrd oldindan chiqarilishi va yana $12 mlrd muzokaralar davomida.
• Neft sanksiyalari to‘xtatiladi.
• Yakuniy kelishuv 19-iyun kuni Shveysariyada imzolanishi kutilmoqda.
• Yadroviy dastur bo‘yicha muzokaralar keyingi 60 kun davomida, lekin Eron raketa dasturi va “qarshilik guruhlari”ni qo‘llab-quvvatlash mavzusi chiqarib tashlangan.
• AQSh Eron ishlariga aralashmaslik va kuch ishlatmaslik majburiyatini oladi. Eron NPT (Yadro qurolini tarqatmaslik) shartnomasiga sodiqligini tasdiqlaydi.

Eron tomoni (Mehr News va boshqalar) bu kelishuvni o‘z g‘alabasi deb ta’riflamoqda va qo‘shimcha $300 mlrd rekonstruksiya yordami haqida gapirmoqda. G‘arb manbalari esa bu “vaqtinchalik sulh” yoki MOU (Memorandum of Understanding) ekanligini ta’kidlamoqda. Tramp esa “haqiqiy tinchlik” deb atamoqda.

@bitcoinjon

📅 Haftaning asosiy voqealari (Kripto va fond bozorlar uchun muhim)

🔹 Dushanba (bugun) — G7 sammiti boshlanadi.
🔹 Seshanba — Yaponiya Markaziy banki (BOJ) yig‘ilishi. Foiz stavkasi 1% gacha oshirilishi va obligatsiyalar dasturi bo‘yicha yangi reja e’lon qilinishi kutilmoqda.
🔹 Chorshanba — FOMC yig‘ilishi. Stavkalar o‘zgarmasligi deyarli aniq, ammo bozor e’tibori Fed rahbari matbuot anjumaniga qaratiladi. Har qanday “yumshoq” signal risk aktivlar uchun ijobiy bo‘lishi mumkin.
🔹 Payshanba — Angliya Markaziy banki (BOE) yig‘ilishi. Stavka o‘zgarishi kutilmayapti.
🔹 Juma — AQSh va Eron o‘rtasidagi kelishuvni rasmiy imzolash marosimi rejalashtirilgan.

Bu hafta markaziy banklar haftasi. BOJ, Fed va BOE qarorlari hamda AQSh–Eron kelishuvi tafsilotlari global bozorlar, jumladan Bitkoin va kripto-aktivlarida yuqori volatillik keltirib chiqarishi mumkin.

@bitcoinjon

📅 Haftaning asosiy voqealari — Yakuniy natijalar

🔹 Dushanba — G7 sammiti bo‘lib o‘tdi. Asosiy e’tibor geosiyosiy vaziyat va global iqtisodiyotga qaratildi.

🔹 Seshanba — BOJ foiz stavkasini 1% gacha oshirdi. Bu Yaponiyada 1995-yildan beri eng yuqori stavka hisoblanadi.

🔹 Chorshanba — FOMC stavkani 3,50–3,75% diapazonida o‘zgartirmadi. Biroq Fed bayonoti kutilganidan qattiqroq chiqdi: ayrim amaldorlar yil oxirigacha stavka oshirilishini ham istisno qilmayapti.

🔹 Payshanba — BOE ham kutilganidek stavkani o‘zgartirmadi.

🔹 AQSh–Eron — Memorandum allaqachon imzolandi. 19-iyunga rejalashtirilgan rasmiy marosim bekor qilindi. Endi tomonlar yadroviy kelishuv va sanksiyalarni bosqichma-bosqich yumshatish ustida ishlaydi.

Bitkoin va kriptovalyutalar uchun asosiy signal — stavkalar pasayishi yaqin emas, lekin yangi geosiyosiy xavf ham sezilarli kamaydi.

@bitcoinjon