🫴 Bozorning makro koʻrinishi.

Asosiy fokus 2-apreldan kuchga kiradigan Trampning "oʻzaro bojlari"ga qaratilgan. U yaqinda ushbu bojlarini "moslashuvchan" boʻlishini aytdi lekin hali aniq harakatlar qanaqa boʻlishiga aniqlik kiritilmagan.

19-martdagi FOMC'da FED raisi J. Pauell bojlar inflyatsiyaga jiddiy bosim oʻtkazishini va bundan keyingi harakati stavkani tushirishga shoshilmasdan ularning ta'sirini kuzatishini aytdi.

Aprel oyida bojlar toʻliq kuchga kirsa inflyatsiya yana oshishi mumkin. Bu agar mehnat bozori zaiflashmasa va YaIM oʻsishi sekinlashib inqiroz alomatlari kuzatilmasa FED'ning "qattiq" siyosati uzoq davom etishini anglatadi. Bu esa investorlarning risk aktivlar (aksiya, kriptovalyutalar)dan chekinishiga sabab boʻlishi mumkin. Inflyatsiyani kunlik onlayn bu yerda kuzatish mumkin.

Bitkoin va kriptovalyutalar uchun toʻsatdan chiqib qolishi mumkin boʻlgan ijobiy yangiliklar: AQSh shtatlarining "Bitkoin Strategik Zaxira" qonun loyihasi tasdiqlanib ularga BTC zaxira qilishga ruxsat berilishi. Shuningdek Senator Lummis tomonidan AQSh Kongressiga qayta kiritilgan eng muhim "Bitcoin ACT" qonun loyihasi tasdiqlanishi. Unda AQSh hukumatiga byudjet-neytral yoʻllar orqali 5 yil davomida har yili 200 ming jami 1 mln BTC zaxira qilishiga ruxsat beriladi va jamgʻarilgan BTC kamida 20 yil sotilmasligi qonun bilan kafolatlanadi.

Kanal | Chat | Music