‍ #مثنوی
#هرچی_گستی_کردی_دل
#سیف_چراغی
#بیسالکستانی

‍ ‍ در وصف شازایە زند(لطفعلی خان)

‍ شیر خط شکن شای سمن سووار
جوان رشید لطفعلی نازار
سووار وە غران پنجە وە رکاو
چوی روسم و رخش ملولیا وەی راو
وختی روی ماورد وە سپای ضحاک
شل و پل مکرد شیر دهن چاک
وە دو دس شمشیر مچرخان چپ راس
مرزان ار زمین شیر حق شناس
شای اژدر سووار رشید و رنگین
سووار سرپنجە حواز وە کول زین
دادم پی شمشیر رژتە وە خوینت
دادم پی قامت سووار وە زینت
ار بمنیاین وە دورانەوە
ایران سر ماورد وە جهانەوە
اربمنیاین وە تخت یارەوە
بخت آوخت ماورد وە پلارەوە
خلکان ای تخت و ای بخت بارەوە
گرمە آوختان وە بسیاروە
نە مەمن ژاریی وە خلک سووارەوە
نە مەمن سری وە سر دارەوە
شهە تل کورەل خاس شهسووارەوە
ار بولاک کتی هوم قتارەوە
شیرن شازایە ظولم بی حساوە
جرگم لچر بش دم سیخ کاواوە
بوری بایمو یک کر زمان بشکن
خوین ظالمان وە سر حک برشن

دادم بر ناورد پی یلان یل
ری هولە پیچ و منیج لنگ وشل
هر روژ مەنیشم هاور و دادمە
رنجم رنجە رو رنجی وە بادمە
شلم شکتم سیر ای زنگانی
چرمی سر و رویم هر وە جووانی
نە ری راسە نە، پام وە ری یا مای
«گیان ذرە ذرە هر ذرەی وە جای»
دل و گیان و روح هر سک اسیرە
هر کام وە یی تهر گیرودە گیرە

«اردرد دلەکم بواچن وە سنگ
سنگ سیا میو مگیلو وە رنگ»

یاران پر وشی مایە عزاوە
ری وە بی ری بی منزل سراوە
بیسا" پشو نیش پکر پریشان
نابیتە موشی ای سوز دل ریشان


#سیف_چراغی«بیسا»
🆔⬇️
@bisalakestani

اِ وختی بی عوض ساقی شراوم
رسی هر کی دائیر کاو و کلاوم
م لالێـز بِرِّیـا خومـخانە اَرمن...
خـودایا بو وژت برشن خـراوم

#سیف_چراغی«بیسا»

(۱۵)
بنوسِنْ اَرکِ سان سردم وە خط خوش

وه دونیا بی، نوبی دونیا وه ئو بش

بنوسن چی گِ تا دونیا وه دینا...

بِنی اَر هوم ترازی خوین سیاوش

#سیف_چراغی_بیسا

یاران شکتم ای گیان بیزارم

وینـەی خـزگینە طلسمِ مارم

مـدای دلـەکـم کس نمـذانی

هـرچـەم بنـە مـدی آزارم

#سیف_چراغی

فلـک داد و هزاران داد و بیداد

زدستِ جهل و بداندیش فریاد

بـدان در بندِ افـکار خـرابند

گریزان باشی از بد عمرت آباد


#سیف_چراغی_بیسا


🆔 @bisalakestani

#سخن_بزرگان

«نترس از دشمنی کاو آشکارا

بە تو یورش برد وقت مدارا

بترس از دوستی گیرد درآغوش

تـو را رنـدانە، پند آمـوز یـارا!»

صورت منظوم:

#سیف_چراغی_بیسا

«از دشمنی نترس که آشکارا بر تو حمله می‌کند،از دوستی بترس که تو را فریبکارانه در آغوش می‌کشد.»

#نلسون_ماندلا

بێ لف یار م بێ هۆم تای منی
چو مڵحمِ زحم نه سودای منی
نیشانەی منن دڵ آسای منی
هورەی اوستا اهورای منی
رێوار لوچـڕ یار لکستانی

ملولم پی دنگ هۆم قطارِ وێش
هۆم سنگر هۆم رزم شیر بی انێش
پریش احوالم آزردە دل رێش
شکتم ای دس گۆرگ نە پوس مێش
نمچو ای ور رێ وە آسانی

چو مانی نه فکر سودای یارەنی
هی یار، بخته یار شهسووارەنی
تلیفەی آوان سر وهارەنی
نمە ناز واران نو داوارەنی
جم جرخە جمن گؤڕکە میمانی

دل بتاتی کر وه دم ذکرەنی
گردون مگیلو وه روی فکرەنی
نیشانەی آزئو توژِ بکرەنی
تاشِ تێشییا بِکر ۆ مِکْرەنی
بونخشت بکیش ای دوس گیانی


چه گیروده چل چن نه سر وێیرد
وێیردن یاران نه وێیاری مرد
بوار دمێ نور ار چڕێنەل سرد
پی بڕییەسێ گؤلوم گیژِ درد
رێ منزل ساز کە بنوس نیشانی



س واتەی آشو یشتِ مهلانە
یشتِ مهر باجە یانەی ایمانە
ندای حقن گو رێ آسمانە
هر کس بزانو سفر آسانە
بشتو ای سۆروش یار آسمانی


#سیف_چراغی_بیسا

@bisalakestani

«رباعی:تا هر آی هر»

ار باین یِ پوشینە بکیمن ایِ ور

ای دوس بزان هر نمچین ای ویرْ سر

تا وختی گ سر زنییە سر وِر داریم

م هر یمە، تو هر یینە، تا هر آی هـر

#سیف_چراغی«بیسا»