Жазушы - шебер. Қанат Әбілқайыр образдарды, оқиғаларды өте жақсы суреттеген. Романды оқыған соң, бірден ғаламторды парақтап, 2006 жылы 14-шілдеде болған Шаңырақ оқиғасына байланысты ақпараттарды парақтадым. Романды бір деммен бастан аяқ оқып, артынша-ақ шындықпен салыстырып, қарап отырғанда, жазушының оқырманға ұсынған сипаттауларымен сәйкестігіне таң болдым.

Айтпақшы... Бұл роман - роман емес, жазылған кино. Логлайны да мықты. Парақтап отырып, бір оқиғадан келесі оқиғаға еніп, бір кадрден келесі кадрге өтіп отырасыз. Әрі сюжет өз ауанында қалып, жылжып отырады.

Ал соңында... мен жыладым. Романның тілі ауыр емес. Романдағы шындық - ауыр... Әрі бұл "Шаңырақ оқиғасы" - жай ғана бетін жылы жауып қоя салған, тіпті қазір көп адам бңлмейтін, "ұмытылған" халықтың зары... Қаңтар ше?.. 2006 жылғы оқиға осылай болса, және оны тек 18 жылдан соң, осылай ашық жазсақ, кешегі "Қаңтар оқиғасы" жайлы қашан жазамыз?..💔

"Ағыраптағы аты жоқ адам" #неоқыдым

Мен бүгін тағы бір кітапты оқып аяқтадым. Қызығы авторының тегі - Әбілқайыр. Кешегі Қанат Әбілқайыр емес, ол кісіге дым қатысы жоқ Қанағат Әбілқайыр.

Кітаптың атауы - "Қайыршының миллиардер досы". Иә, банально. Атауы оқырман ретінде мені тартқан жоқ. Мұқабасының да түсі сәбізтүстес яки бір арнаның атына ұқсайтын түс екен. (Оранжевый) Кітапты сыйға Нұртас ағадан (Тұрғанбек) алғам.. Үйде біраз жатты. Кішірек болған соң, бір мәрте қалаға ала шығып, бетін де ашпап едім... Бүгін аштым да, бас алмай оқыдым.

Қызық хикаяттар әрі әр әңгімесінде өзіндік ащы кекесін мен халықтың зары мен запыраны төгіліп жатыр. 2018 жылы жазылып, 2020 жылы жарыққа шыққан екен. Ішіндегі саяси оқиғалардың астары ауыр. Бай мен кедей, қараша мен билік... Иә, саясат. Бірақ бұл қазіргі халықтың хәлі. Әр әңгіме сайын түрлі иллюстрация да бар екен... Бір ауыр теңеулер, оралымдар жоқ. Бірақ тілі жұтаң да емес. Бір ертегі сияқты оқылатын хикаялар... Қысқасы, ұнады. #неоқыдым