Gapning ahvolini qaranglar🤦‍♂️

Sal soddaroq, ommaviy, zamonaviyroq gap tuzsa boʻlardi-ku.

@birgap

Ekranda 9,5 bet matn va oʻqituvchining asabi. Nega qogʻozga qaytish xato?

Attestatsiyadagi matnlar hajmi A4 formatda 9,5 betgacha yetibdi. Buni kompyuter monitorida oʻqish har qanday oʻqituvchining koʻzi va asabini jiddiy sinovdan oʻtkazishi turgan gap. Shu sabab koʻpchilik imtihonlarni yana qogʻoz shakliga qaytarishni yoki matnlarni qisqartirishni talab qilyapti. Ularning xavotiri oʻrinli.

Ammo matn bilan ishlovchi mutaxassis sifatida aytaman: xalqaro imtihonlarda ham katta hajmli matnlar beriladi, bu – normal holat. Demak, yechim matnni qaychilashda yoki orqaga – qogʻozga qaytishda emas. Asl muammo testning texnik tashkil etilishida.

Nega qogʻozga qaytish xato?

Qogʻoz tarqatildimi, xavfsizlik kamayadi, tashvish esa ortadi. Endi shpargalka, testning tarqalib ketishi va inson omili kabi muammolar bilan mashgʻul boʻlish kerak. IELTS, SAT va TOEFL kabi katta imtihonlar toʻliq kompyuterda oʻtyapti.

Xoʻsh, xalqaro testlar koʻz toliqishi va katta matn muammosini qanday yechgan? Bizga nima yetishmayapti?

⏳ 1. Vaqt mantiqan uzaytirilishi shart

Ekrandan oʻqish qogʻozdan oʻqishga nisbatan 10–20% sekinroq kechadi. IELTSda 1 ta oʻrtacha matn va 13 ta savolga aniq 20 daqiqa beriladi. Bizda ham ekrandan oʻqish tezligi ilmiy hisoblab chiqilishi zarur.

💻 2. Dastur interfeysi qulay boʻlishi kerak

Ekranni boʻlish: chapda matn, oʻngda savollar tursin. Talabgor savolni oʻqiyotganda matnni qidirib qiynalmaydi.

Belgilash: matndagi muhim joylarni sichqoncha bilan sariq rangga boʻyash funksiyasi kerak. Bu kognitiv yukni kamaytiradi va miya maʼlumotni ushlab turishga qiynalmaydi.

Shrift: matnni bemalol kattalashtirib-kichraytirish tugmasi boʻlishi kerak.

🖥 3. Sifatsiz monitorlar – azob-uqubat

Dastur zoʻr boʻlgan taqdirda ham, monitor eskirgan, ekrani miltillaydigan va sifatsiz boʻlsa, shuncha harakat befoyda – koʻz tez charchaydi, talabgorning diqqati boʻlinib, natijasiga jiddiy ta'sir qiladi.

Toʻgʻri, muammolar boʻlishi ehtimoli yoʻq emas. Lekin tadorigi koʻrilsa, ularni bemalol hal qilish mumkin. Qogʻozga qaytishni talab qilib, orqaga qadam tashlamaslik kerak. Ammo test tashkilotchilari ham “matnni ekranga tiqdik, boʻldi” qabilida ish tutmasligi zarur. Platforma qulay boʻlishi, sifatli texnika ishlatilishi va adolatli vaqt belgilanishi kerak. Imtihon oʻqituvchining asabini emas, bilimini sinasin!

✈️ Fikrlar masʼullarga yetib borishi uchun postni ulashing!

@oriftolib | Boshqa sahifalarimiz

Vazirlik o‘qituvchilar malaka toifasi sertifikati muddatini o‘zboshimchalik bilan qisqartirib qo‘ydimi?

Maktabgacha va maktab ta’limi vazirligi pedagoglar attestatsiyasi bilan bog‘liq yana bir muammoni keltirib chiqardi. Vazirlik tomonidan hali muddati tugamagan malaka toifa sertifikatlarining amal qilish muddati kutilmaganda, hech qanday ogohlantirishlarsiz o‘zgartirib qo‘yilgan.

Buning ortidan hali muddati kelmagan pedagoglar ham navbatdan tashqari attestatsiya uchun to'lovlarni amalga oshirib, ariza topshirishga majbur bo'lgan.

Ularning mazkur arizalari esa hech qanday sabablarsiz, qayta tahrirlanib, majburiyga o‘tkazib qo‘yilgan. Amalga oshirgan to‘lovlar ham o'qituvchilarga qaytarilmagan.

Buning ortidan ayrim o'qituvchilarga malaka toifasi uchun qo‘shimcha haq to‘lash to‘xtatilishi ham mumkin.

Batafsil — https://xalqtaliminfo.uz/post/1535

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

Pedagoglarning malaka toifasi sertifikatlari amal qilish muddati bo‘yicha RASMIY MUNOSABAT: pedagoglar huquqlari kafolatlangan

Ijtimoiy tarmoqlarda pedagoglarning malaka toifa sertifikatlarining amal qilish muddati qisqartirilgani haqida ma’lumotlar tarqalmoqda. Mazkur holat yuzasidan quyidagilarni ma’lum qilamiz:

Vazirlar Mahkamasining 2021-yil 17-sentabrdagi 572-son qarori bilan tasdiqlangan Nizomga muvofiq, pedagog kadrlar har besh yilda bir marta navbatdagi majburiy attestatsiyadan o‘tkaziladi.

2021-yilgacha bo‘lgan davrda pedagoglarga attestatsiya natijalariga ko‘ra malaka toifalarini tasdiqlovchi sertifikatlar qog‘oz shaklida hududiy boshqarmalar tomonidan rasmiylashtirilgan va pedagoglarga topshirilgan.

Mazkur sertifikatlar respublika bo‘ylab turli sanalarda berilganligi sababli, ularning besh yillik amal qilish muddatining tugashi 2026-yilning turli oylariga to‘g‘ri keladi.

Ma’lumki, bahorgi attestatsiya jarayoni odatda yanvar–iyun oylarida o‘tkaziladi va natijalarga ko‘ra yangi sertifikatlar iyun oyida beriladi.

Shu bois, 2021-yilning iyul–avgust oylarida sertifikat olgan ayrim pedagoglar sertifikatlarining amal qilish muddati yangi o‘quv yili boshlanishidan oldin yakuniga yetadi.

Pedagoglarga malaka toifasi sertifikatlari muddatlarida uzilish yuzaga kelishining oldini olish maqsadida, sertifikat muddati yangi o‘quv yili boshlanguniga qadar tugaydigan pedagoglarga bahorgi attestatsiyada majburiy attestatsiya turi bo‘yicha, hech qanday to‘lov undirilmagan holda qatnashish imkoniyati mavjud.

Bunda pedagoglar kuzgi attestatsiyani kutmasdan, bahorgi attestatsiya jarayonlarida ishtirok etishlari mumkin.

Ta’kidlash joizki, malaka toifasi sertifikatlarining amal qilish muddati bo‘yicha hech qanday qisqartirish yoki o‘zboshimchalik bilan o‘zgartirish amalga oshirilmagan.

Pedagoglarning amaldagi sertifikatlari muddati yakuniga yetmaguniga qadar malaka toifasi (lavozimi) tushirilmaydi va amaldagi toifa bo‘yicha haq to‘lanishi davom etadi.

Attestatsiya uchun savollar tuzuvchi markazdan ajoyib qadam. Ular nihoyat tarix fanidagi xato savolga ball berish boʻyicha xulosaga kelishibdi.

Bu juda katta burilish desa ham boʻladi. Tarixchilar, adashmasam, salkam bir yil kurashdi.

@birgap

Haligi, yandeks reklamari chiqmay qoʻyganini sezyapsizlarmi?

@birgap

📚 Oʻzbek tiliga oid eng kerakli kitob va lugʻatlar

Oʻquvchi, abituriyent, oʻqituvchi, bloger, kopirayter, jurnalist, matbuot kotibi, davlat xizmatchisi, xullas, matnga ishi tushadigan har qanday kishiga zarur boʻlgan 26 ta kitob, qoʻllanma va lugʻatni bitta joyga toʻpladim.

Oʻzbek tilini rivojlantirish jamgʻarmasi saytiga joylangan ushbu manbalarni oʻzingizga kerakli boʻlimdan bemalol yuklab oling:

✍️ Umumiy tilshunoslik va imlo lugʻatlari
▫️ Oʻzbek tili frazeologik lugʻati
▫️ Oʻzbek tili sinonimlarining izohli lugʻati
▫️ Oʻzbek tili sinonimlarining katta izohli lugʻati (2 jild)
▫️ Oʻzbek tilining katta imlo lugʻati
▫️ Oʻzbek tilining oʻquv imlo lugʻati
▫️ Oʻzbek tilining orfoepik lugʻati
▫️ Oʻzbek xalq soʻzlari
▫️ Ózbekshe-qaraqalpaqsha sózlik

🏢 Ish yuritish va rasmiy hujjatlar
▫️ Davlat tilida ish yuritish (lotin)
▫️ Mámleketlik tilida is júrgiziw (Qoraqalpoq tilida)

🔬 Maxsus sohalarga oid atamalar
▫️ Axborot texnologiyalari atamalarining izohli lugʻati
▫️ Bank-moliya terminlarining oʻzbek tilidagi izohli lugʻati
▫️ Diplomatik terminlar izohli lugʻati
▫️ Yuridik terminlarning ruscha-oʻzbekcha lugʻati
▫️ Tibbiy atamalar lugʻati
▫️ Oʻzbek harbiy terminologiyasi
▫️ Ijtimoiy-siyosiy terminlarning qisqacha izohli lugʻati
▫️ Xalqaro terminelementlarning izohli-illyustrativ lugʻati (lotin)

🎓 Tarix, adabiyot va toponimika
▫️ Alisher Navoiy ensiklopediyasi (4 jildlik)
▫️ Oʻzbek tili shakllanish va rivojlanish tarixi
▫️ Oʻzbek shevalari tadqiqotlari: konferensiya materiallari
▫️ Oʻzbek adabiyotini oʻqitish metodikasi
▫️ Oʻzbek tilini ikkinchi til sifatida oʻqitish metodikasi
▫️ Oʻzbekiston joy nomlari (2 jildlik)
▫️ Oʻzbekiston joy nomlarining izohli lugʻati
▫️ Soʻz xiyoboni (adiblar soʻz taʼrifida)

📌 Bu post qachondir albatta asqatadi. Yoʻqotib qoʻymaslik uchun saqlab oling va doʻstlaringizga ham yuboring!

@oriftolib | Boshqa sahifalarimiz

Koʻp kitobxonlarda uchraydigan holat: biror zo‘r kitobni tugatamiz-da, oradan vaqt o‘tib ichidagi eng muhim fikrlar, bizni hayajonga solgan iqtiboslar esdan chiqib ketadi. Yoki yil oxirida "o‘zi bu yil nechta kitob o‘qidim?" degan savolga aniq javob topolmaymiz.

Shu muammolarni hal qilish uchun asarlar.uz saytini ishga tushirganmiz. Asarlar.uz - sizning raqamli kitob javoningiz.

Hozir saytda nimalar qilsa bo‘ladi?

📖 Kitob kundaligi: O‘qib bo‘lgan kitoblaringizni ro‘yxat qiling va Mutolaa tarixingiz kuzatib boring.

⭐ Baho va taqriz: Kitob sizga yoqdimi yoki yo‘q? O‘z bahoingizni qo‘ying va fikringizni yozib qoldiring. Sizning taqrizingiz boshqalarni kitob tanlashida yordamchi bo'ladi.

💬 Iqtiboslar: Kitobdagi eng yoqqan gaplarni alohida saqlab qo‘ying va kitobxonlar bilan bo'lishing.

📊 Statistika: Eng qizig‘i — sayt sizga yil oxirida qancha o‘qiganingiz bo‘yicha shaxsiy statistika chiqarib beradi. O‘z natijalaringizni ko‘rib, tahlil qiling va yangi rejalar tuzing.

Sayt juda sodda va tushunarli. Maqsadimiz — kitobxonlar uchun foydali va qulay platforma qilish.

Kiring, ko‘ring va o‘z kundaligingizni yuritishni boshlang:
👉 asarlar.uz

@birgap

Bir savol bor:

Agar siz 70 foizlik ustamani qoʻlga kiritsangiz, shu vaqtda sizda Milliy sertifikat ham boʻlsa, shunda 120 foiz ustama olasizmi yo bittasini bermaydimi?

Amaliyotda qanday boʻlyapti shu?

@birgap

Niko Gashtakda

Esingizda boʻlsa, oʻtgan yili yozda Oxford kutubxonasida ishlaydigan Niko bilan tanishgan edim. Ular bilan bir necha soat Oʻzbek, Uygʻur, Chigʻatoy tillari, falsafa, siyosat, madaniyat va yana bir qancha mavzular boʻyicha gaplashgan edik.

Ular endi Otabek aka olib boradigan Gashtak podcastida mehmon boʻldilar.

Otabek aka bilan Gashtakda bir podcast mehmoni ham boʻlgan edim. Dunyoqarashi keng va ilmli inson. Shu sababdan, bu podcast sifati yuqori darajada.

Juda ajoyib. Albatta tomosha qiling!

https://youtu.be/ykbchtupA14?si=hY5vAVnqRyf6x3Al

Kimdir Claude sunʼiy idrokidan foydalanayotgan boʻlsa, bilib qoʻyganingiz yaxshi, Erondagi qizlar maktabiga berilgan zarba aynan mana shu sunʼiy idrok aybi bilan boʻlgan ekan.

Bundan tashqari, ushbu sunʼiy idrok Amerika va Isroil harbiylariga nishonlarni aniqlash, maʼlumotlar toʻplash borasida yordam berar ekan. Yaʼni hujumlarda bevosita ishtirok etarkan.

Batafsil yana yozaman.

@birgap

Xabaringiz bor, bu mavsumdan boshlab ona tili va adabiyot fani ustozlari attestatsiyasida oʻqib tushunish testlari ham tushadi. Bundan ikkita kichik matn beriladi. Ana shu ikkita matndan jami 10 ta savol tushadi.

Ana shularni hisobga olib, ona tili va adabiyot ustozlari uchun attestatsiya vaqti 90 daqiqa emas, 105 daqiqa etib belgilandi.

Attestatsiya jarayonlari aprobatsiyasi natijasida ikkita matnni oʻqish uchun oʻrtacha 15 daqiqa vaqt sarflangan (oʻqituvchilar qatnashgan). Ana shu 15 daqiqa qoʻshib berilmoqda. Bu juda yaxshi yangilik.

Oʻzi oʻqib tushunishning kirtilganini katta va ijobiy yangilik edi. Axir endi oʻqituvchilar faqatgina grammatika oʻqitmayapti. Oʻqib tushunish strategiyalarini oʻzlari qoʻllay olishlari ham kerak.

@birgap

Boshlangʻich taʼlim ham 120 daqiqa etib belgilanibdi. Avval qancha ekanini bilmayman.

@birgap

Ona tili va adabiyot fanidan attestatsiya spetsifikatsiyasi

Asosiy oʻzgarishlar:
1. Endi 10 ta savol oʻqib tushunishdan boʻladi (bitta ilmiy-ommabop matn, bitta badiiy matn)
2. Endi test ishlash uchun vaqt 90 daqiqa emas, 105 daqiqa.
3. Endi pedagogik mahoratdan fanning metodikasiga oid kitoblar ham kiritilgan (hamma fanga oʻz kitobi)

Pastroqda ona tili va adabiyot fani oʻqituvchilariga attestatsiyada pedagogik mahoratdan qaysi manbalar asosida test tuzilishi ham koʻrsatilgan.

@birgap

O’qituvchi uchun metodik yordam

5-sinf ona tili fanidan “Bolalar o’yinlari” bobi 7–12-darslar uchun mo’ljallangan.

Attestatsiyadagi yangi qoida sizni xavotirga solmasin! ⚠️

Ona tili va adabiyotdan attestatsiya spetsifikatsiyasi kechagina yangilandi. Eng katta o'zgarish – matn ustida ishlash (oʻqib tushunish). Koʻpchilik oʻqituvchilar aynan shu joyda qiynalishi sir emas.

Men uzoq vaqtdan beri oʻqib tushunishni baholash boʻyicha ishlayman. Darslar oʻtaman. Testlar tuzaman.

🔥 Pedagogik mahorat va kasb standarti kursimning Premium yoki Standart tarifiga qoʻshilsangiz:
Yangi spetsifikatsiya asosida shaxsan oʻzim tuzgan
4 ta ilmiy-ommabop matnli test;
2 ta badiiy matnli testni mutlaqo bepul qoʻlga kiritasiz.

Bu materiallar bozorda yoʻq, ularni faqat kurs aʼzolari oladi.

Kurs haqida batafsil bu yerdan oʻqishingiz mumkin:
KURS HAQIDA BATAFSIL MA'LUMOT

Kursga qoʻshilish uchun @Shokir_tursun akkauntiga yozsangiz boʻladi. Yordamchilarimiz sizga barcha maʼlumotni berishadi.

Mana bu ahmoqona ishni qarang-da endi.
https://kun.uz/91023363

Nega shunaqa hokimlarni sazoyi qilib, sharmanda qilib, hokimiyatdan haydashmas ekan-a?

Vazirligimiz esa, qoralash bilan ovora. Har holda koʻksiga medal taqmabdiyam.

Mana shunaqa payt vazir bosh vazirga chiqishi, hokimga joyini koʻrsatib qoʻyishi, buni qattiq PR qilishi kerak. Toki boshqalar qadamini oʻylab bossin, oʻqituvchiga bosim qilish sharmandalikka yetaklashini tushunsin.

Men Karmana tumani hokimining (oʻqituvchiga mana shunaqa tentaklik qilgan hammaning) ishdan haydalishi tarafdoriman. Siz-chi?

@birgap