2026-yil barchaga qutli kelsin! Omad, baxt va sogʻlik tark etmasin.

@birgap

Bu degani oʻqituvchilar oyligi hozir 5 000 000 boʻlsa, 2030-yilga borib 10 000 000 boʻladi.

Birdan 2 barobar oshirilmaydi.

Lekin shunday ketsa 2030-yildagi 10 million hozirgi 5 milliondan unchalik ham koʻp farq qilmaydi.

Manba

@birgap

Oʻzim uchun taʼtilni yakunladim. Bugundan ishga shoʻngʻiyapman.

Mana bu chaqiruvning labbayini boshlaganman. Bitta kitobni tugatdim kecha.

@birgap

Davlat boshqaruv mafkurasi taʼlim mafkurasini ham belgilab beradi. Sababi oddiy, ommaviy taʼlimning asosiy buyurtmachisi – davlat.

Yaʼni agar tuzum demokratik boʻlsa, fuqarolar oʻz jamiyatini boshqara olishi uchun fikr, gʻoya egalariga muhtojlik sezadi va bunday odamlarni tayyorlashni taʼlimning boʻyniga qoʻyadi.

Agar tuzum yakkahokimlikka asoslansa, taʼlim fikr yetakchilarini yetishtirishni toʻxtatadi yoki cheklangan miqdorda, cheklangan doiralardagina tayyorlaydi. Toʻgʻri-da, nuqul savol beraveradiganlar qaysi monarxga yoqardi.

@birgap

Qadriyat ustoz uchun birinchi oʻrinda turadi. Ammo ana oʻshanday notoʻgʻri qadriyatli ustozlar ham boʻladi.

Insholar tanlovida, ommalashtirishda hakam boʻlib, koʻrganman.

Ustozjonlar, bunday boʻlmanglar. Bolalarni toʻgʻri tarbiya qiling.

@birgap

Mana bu chorlovga tadqiqotchi, tvitterda beton boʻyicha mutaxassis Dilshod aka ham qoʻshilibdi. Ana endi uch kishi boʻldik.

Tvitterda bizni bir odam deb oʻylaydiganlar, aka-uka deydiganlar koʻp.

Kecha va bugun Farid Zakariyoning "Erkin taʼlim himoyasida" degan kitobni oʻqib tugatdim.

@birgap

Xabaringiz bor, oʻqituvchilar attestatsiyasiga ham oʻqish savodxonligi (oʻqib tushunish) boʻyicha testlar kiritilyapti. Endi savollarning 10 tasi aynan shu koʻnikmadan boʻlishi koʻrsatilgan spetsifikatsiyani hamma koʻrgandir.

Oʻqish savodxonligi nima ekani, u qanday baholanishi haqida chuqurroq oʻrgangan odam sifatida aytaman, qoʻrqmang, ozroq mashq qilish bilan testlarni oson yechish mumkin. Buni tajribalarim davomida koʻp kuzatganman.

PISA testlarida oʻzbekistonlik oʻquvchilarning oʻqish savodxonligidan yomon baho olishiga tajriba kamligi ham taʼsir qilgani aniq. Masalan, PISAda tushgan deyilgan testlarni (PISA oʻzi tarqatgan) men 8-sinf oʻquvchilarimga berganimda juda oson ekanini aytishgan va deyarli xato qilishmagan edi. Chunki biz ular bilan 10-15 ta matn ustida ishlab, testlar yechib koʻrgan edik.

@birgap

Mana shu testni yechib koʻringlar. Kalitlarini keyinroq tashlayman.

Javoblarini izohlarga emas, oʻzingizning yondaftaringizga yozing.

Testni boshqalarga ham ulashib qoʻyavering. Ular ham yechib koʻrsin.

@birgap

Kanal izohlarida turli gʻalati "odamlar" yozaverganidan zerikib, izoh yozish uchun mendan ruxsat soʻrashni yoqib qoʻygandim. Keyin esimdan chiqibdi. Hozirgina qoʻshilmoqchi boʻlganlarni tasdiqlab yubordim. Endi tez-tez qarab turaman shu joyiga. Uzr.

@birgap

Mana kalitlari. Solishtirib koʻrishingiz mumkin.

@birgap

Kitob oʻqishimda eng katta yordamchim – Ashrafim.

Uni koʻchaga sayrga olib chiqaman, u uxlaydi, men kitob eshitib aravacha yetaklayman.

@birgap

Endi haftada 2 kun emas, 3 kun dam olaman. Mana shu kunlarni dissertatsiyamga, pedagogika kurslarimga, oilamga va yangi loyihalarga sarflamoqchiman.

Bugun sizlarga yangiligim bor. Kechroq yozaman u haqida.

@birgap

Xullas, yangilik juda oddiy. Men endi matnli testlarni sotishni yoʻlga qoʻyyapman.

Avval aytganimdek, attestatsiyada oʻqish savodxonligi testlari ham berilishi kutilyapti. Kamida 10 ta savol tushadi. Bu degani siz yuqori natijaga erishish uchun bu testlarni yaxshi bajarishingiz kerak. Oʻqish savodxonligi koʻproq tajriba asosida oʻzlashadigan koʻnikma. Bunga faoliyatim davomida koʻp guvoh boʻlganman. Shunday ekan siz qancha koʻp matnli test yechsangiz, tajribangiz shuncha oshadi va attestatsiyada qiynalmaysiz.

Nega aynan mendan sotib olishingiz kerak?
1. Men oʻqish savodxonligi va uni baholash sohasida 5 yildan beri tadqiqot olib boraman.
2. Oʻqish savodxonligiga oid turli loyihalar ishtirokchisiman.
3. Oʻqish savodxonligi yuzasidan test tuzuvchilar tayyorlashda qatnashganman (BMBA uchun).
4. Oʻqish savodxonligi koʻnikmalari bilan chop etilgan ona tili fani darsliklari mualliflari qatorida borman.

Endi tariflarga kelsak:
1 ta matnli test – 4 000 soʻm
1 ta matnli test + kalit – 6 000 soʻm
1 ta matnli test + kalit + tahlil – 11 000 soʻm
Obuna (20 ta matnli test + kalit + tahlil) – 155 000
Obuna tarifi tanlanganda sizga kanal linki beriladi va kanalga har dushanba va payshanba kuni test joylanadi. 20 ta matnli test berib boʻlingach obunani yangilashingiz yoki bekor qilishingiz mumkin boʻladi.

Nima qilish kerak?
Shunchaki @readingwithsht_bot botiga murojaat qiling, toʻlovni amalga oshiring va testni oling. Hozir sotuvda "Yemagimiz xavfsizmi" ilmiy-ommabop matni asosida tuzilgan 11 ta savolli test bor. Har doim kanalimda va bot orqali sizga sotuvda bor testlar roʻyxatini eʼlon qilib turaman.

@birgap

Pedagogik mahorat yuzasidan attestatsiya uchun yangi spetsifikatsiya eʼlon qilinibdi. Oʻzgarishlar anchayin katta.

@birgap

Yangi spetsifikatsiya boʻyicha tuzilgan testlar.

Kalitlarini keyinroq ulashaman.

@birgap

Yangi spetsifikatsiyani koʻrib aytgan gapim:

Boshlagan kitobimni boshqatdan boshlashim kerak ekan-da😁

@birgap

Mana shunaqa qilib izohlari bilan tayyorlaganman testlarni. Oʻqish savodxonligi boʻyicha koʻnikmalaringizni mustahkamlash uchun juda foydali.

Batafsil maʼlumot olish uchun bu yerga bosing.

@birgap

Aka, qoʻshiling, xursand boʻlamiz.

Shartlar oddiy:
1. 2026-yil yakuniga qadar 100 ta kitob yoki 12.000 bet
(o‘qish yoki tinglash)
2. Kunlik minimum: 30 bet yoki 30 daqiqa
3. O‘qilgan kitoblar ro‘yxatini shaxsiy sahifada yuritish

Komil aka, siz ham qoʻshiling.

@birgap

"Factfulness" menga yoqmadi. Uslubi gʻalati ekan. Ham kitobning boshidanoq qolgan qismini tushunib qoldim. Oʻqishni toʻxtatdim.

Hozir "Lison ut-tayr"ning nasriy bayonini oʻqiyapman.

@birgap

Atamalarni oʻzbekchalashtirish boʻyicha yangi takliflar tayyorlanibdi. Undan 66 ta soʻz oʻrin olgan.

Atamalarni koʻrdingizmi? Nima deysizlar?


@birgap