Endi ikkala topshiriqni (bir darslikdagi va men taklif qilgan) istang 4K boʻyicha, istang Blum boʻyicha, istang boshqa pedagogik qarash boʻyicha solishtirib koʻring.

Xulosa oʻzingizdan.

P. S. bir darslik bu qaysi darslik ekanini tushundingiz, menimcha.

@birgap

Oʻqituvchilar oʻrtasidagi "Zakovat" turniri Toshkent shahar bosqichi oʻz nihoyasiga yetdi.

Dastlabki 3 oʻrinni olgan jamoalar keyingi - final bosqichiga yoʻl olishdi.

1. Jahon iqtisodiyoti va diplomatiyasi universiteti 25 ochko

2. Toshkent Kimyo xalqaro universiteti 24 ochko

3. Sodiq School 23 ochko (oʻzi 24 boʻlishi kerak edi)

Oʻtgan yili ham saralashda 3-oʻrin bilan shahardan yagona maktab sifatida chiqqan edik. Bu safar ham shunday boʻldi.

Finalga chiqqan boshqa jamoalarni qutlayman va finalda koʻrishguncha deyman.

@birgap

Bir oʻqituvchi sifatida alifbo “islohoti”ga munosabatim

Ha, Saʼdulla aka aytganday bu hech qanaqasiga islohot emas. Muammolarning bir qisminigina yechyapmiz xolos.

Birinchidan, “x” va “h” harflarini birlashtirib, yagona “h” harfini kiritish taklifi qanday asoslar bilan rad etildi? Buni qilib boʻlmasligiga qanday ilmiy asoslar bor oʻzi? Oʻzbek xalqi bu ikki tovushni aniq farqlashiga oid biror tadqiqot bormi?

Ikkinchidan, alifbodagi oʻzgarishlar texnik imkoniyatlarini yaxshilash maqsadida qilinayotgani aytilgan edi. Tutuq belgisini muomalada saqlab qolish, lekin alifbodan chiqarib tashlash yoki ham alifbodan, ham muomaladan chiqarib tashlash borasidagi fikrlar qanday ilmiy asoslar bilan rad etildi? Oʻzi tutuq belgili nechta soʻzimiz bor? Talaffuzda bizga tutuq belgisi kerakmi oʻzi?

Xullas, alifbodagi bu oʻzgarishlar toʻliq emaski, qachondir yana kimdir buni toʻgʻrilashga kirishishi hech gap emas.

@birgap

Xushnud Xudoyberdiyev yangi alifboga sekin-asta oʻtamiz debdi. Demak, yaqin yillarda amalda 3 ta alifbomiz boʻladi:

1. Kirill yozuviga asoslangan oʻzbek alifbosi
2. Lotin yozuviga asoslangan oʻzbek alifbosi
3. Lotin yozuviga asoslangan Yangi Oʻzbekiston alifbosi

Mazzzami?

@birgap

Qiziq, mana shu yerda birinchi rasm oʻrnida nima soʻz boʻlishi mumkin?

Mavzuni hisobga olsak, soʻz tarkibida M harfi boʻlishi kerak.

Sizlar nima deysizlar?

@birgap

Maktabimiz (Sodiq School)da yangi loyiha ishga tushdi

Maktab oʻquvchilari (xodimlari ham) "Soʻzchi" loyihasi orqali tilimizni yanada yaxshiroq oʻrganishlari mumkin.

Har kuni maxsus ajratilgan joyga soʻznoma ilinadi. Unda koʻp adashtiriladigan birliklarni farqlash, tilimiz etimologiyasi, paremiologiyasi, soʻz boyligiga oid maʼlumotlar boʻladi.

Shu munosabat bilan kanalimda ham #soʻzchi va #soʻznoma heshteglari paydo boʻldi. Maktabga ilingan soʻznomalar shu heshteg ostiga birlashadi.

@birgap

Endi savol:

hushiga kelmoq
xushiga kelmoq

Qaysi biri toʻgʻri?

@birgap

Bu savol oʻzi biroz "fitnakor" edi. Oʻzbek "h" va "x" ni koʻrganda ikkisidan birini tanlashga kirishib ketadi.

Komila burniga tutilgan spirtdan hushiga keldi (oʻziga keldi).

Komil ancha oʻzgargan, darsda ham xushiga kelgan (oʻziga yoqqan, maʼqul boʻlgan) ishni qilib oʻtiradi.

@birgap

Senatorlar "Pedagog maqomi toʻgʻrisida"gi qonun bilan odamni xafa qilib turganda, oʻquvchilarim meni "Eng zukko ustoz" nominatsiyasiga loyiq koʻrishibdi.

Boshimizga toj ham kiyidirshdi.

Juda xursandman.

@birgap

Barcha oʻqituvchi va murabbiylarni bayram bilan qutlayman!

Shogirdlar kamolini koʻrish nasib etsin.

@birgap

“Muallimni eng quyi tabaqadan Singapurdagi eng yuqori martabaga koʻtardim. Men Singapurda moʻjiza yaratmadim. Davlatdagi “moʻjiza”larni qilgan insonlar – muallimlardir."

© Li Kuan Yu

Hamma qahramonlar ham qahramonlik kiyimida boʻlavermaydilar. Millatga taʼlim va tarbiya berishdek sharafli mehnatingiz uchun tashakkurlar bildirib, chin qalbimdan qutlayman.

👉@rashidtojiboev👈

Usta koʻrmagan shogird har maqomga yoʻrgʻalar

Siz ushbu maqol aslida boshqacha boʻlgani, hozirgi, biz biladigan (yoki taxmin qiladigan) ma'nosidan anchayin oʻzgacha boʻlganini bilarmidingiz? Menimcha, bu yerda keltirilgan shakl va mazmun hozir biz biladiganimizdan koʻra mantiqli.

Maqolani toʻliq oʻqish

@birgap

#soʻzchi #soʻznoma

"Soʻzchi" loyihasidan navbatdagi soʻz.

Bu soʻzning boshqa tillardagi tarjimasini biladiganlar boʻlsa, yozib ketishi mumkin.

@birgap

Darsliklarni takomillashtirish bo‘yicha takliflaringizni yuborishingiz mumkin!

Endi darsliklar bo‘yicha takliflaringizni Telegram bot orqali yuborishingiz mumkin.

Bu boradagi murojaatlaringizni @trm_darslik_bot manziliga yuborishingizni so‘raymiz.

Har bir murojaat Ta’limni rivojlantirish respublika ilmiy-metodik markazi mutaxassislari va darsliklar mualliflari tomonidan o‘rganib chiqiladi va darsliklarni takomillashtirishda foydalaniladi.

Sizning fikringiz biz uchun muhim!

———————————

Вы можете присылать свои предложения по улучшению учебников!

Теперь вы можете отправлять свои предложения по учебникам по Telegram-боту.

Ваши обращения по этому вопросу просим присылать по адресу @trm_darslik_bot.

Каждое обращение будет изучено специалистами Республиканского научно-методического центра развития образования и авторами учебников и будут использованы для улучшения учебников.

Ваше мнение важно для нас!

Trm.uz|TelegramI Facebook|Instagram|YouTube|Twitter

Kecha xonaga kirsam, xattaxtada mana shunaqa yozuvni koʻrdim.

Oʻquvchilarga sanani yil.kun.oy shaklida yozish kerakligini takrorlayverdim. Har dars eslatib qoʻyaverdim. Nihoyat koʻnikishibdi.

Eslatma: oʻzbek tilida yozilganda sana quyidagicha boʻladi:

2023.6.10. / 2023.06.10

2023-yil 6-oktyabr

@birgap

Soʻnggi vaqtlarda Maktabgacha va maktab ta’limi vazirligi oʻzining tarkibiy qismi boʻlgan Respublika ta’lim markaziga qarshi zimdan (ochiqchasiga emas, albatta) hujum boshlagani haqida eshityapman. Bu men uchun juda ham ayanchli xabar. Oʻzi yangi joriy etilgan boshlangʻich sinf darsliklaridagi oʻnlab kulgili kamchiliklarning bosh sababi ham ular Respublika ta’lim markazi metodistlari nigohidan hech yoʻq bir qur oʻtkazilmagani, deb oʻylayman. Oxirgi bir yilda vazirlik RTMga asrandi farzanddek qarayotgani sezilardi.

Hozir vazirlikda yigʻilgan jamoa anglashi kerakki, Maktabgacha va maktab ta’limi vazirligining eng katta ustuni Respublika ta’lim markazidir. Ushbu markaz fanlar mazmunini belgilash va bu mazmunni yetkazishning metodlarini joriy qilish bilan shugʻullanuvchi tashkilot hisoblanadi. Uning nazorati ostida chiqarilgan darsliklarda bu qadar ayanchli xatolar yoʻq edi (hech kim ular kamchiliksiz demaydi). Koʻryapmanki, darsliklar metodikasi borasida soʻz ketganda ham RTM dunyoning hech bir mamlakatidan qolishmaydi.

Shu oʻrinda, ENDI 4K boʻyicha oʻqitamiz deganlar RTM nazoratida MOʻD asosida tayyorlangan darsliklarni koʻrsin. ENDI deyishga uyalishsa boʻlardi, chunki RTM buni allaqachon ta'limga olib kirib boʻlgan (oʻsha 4K deb maqtalgan darsliklarning aksar mavzularida 4Kdan asar ham yoʻq, buni isbotlab berishim ham mumkin.)

Shunday ekan, vazirlikning RTMga hujum uyushtirishi uning eng katta ahmoqligi boʻladi. Kimga ziyon – oʻquvchilarga. Kimlardir oʻz shaxsiy juni bilan davlat junini ajrata olmayotgani kasriga qoladi ular. RTMga hujum qilish bilan vazirlik oʻzi oʻtirgan shoxni arralayapti xolos.

@birgap

🥇O‘qituvchilar o‘rtasidagi “Zakovat” turniri respublika bosqichining 1-o‘rin sohibi - “Sodiq school” nodavlat ta’lim muassasasi!!!

Telegram I Facebook I Instagram I YouTube I TikTok

Hozirgina bir YouTube loyihasi doirasida oʻzbek tili haqida suhbatni yakunladik.

Soʻz oʻzlashtirish, oʻzbek tiliga hurmat haqida koʻp gapirdik, muhokama qildik. Chiqqanimizdan keyin suhbatdoshlardan biri eltib qoʻyishni taklif qildi, men yoʻq, shu yerdagi BOLNITSADA ishim bor dedim. Bu soʻzni beixtiyor ishlatdim. Xohlamadim, ammo tilimdan shu chiqdi. Yozganda hecham bu soʻzni ishlatmayman. Ogʻzaki nutqimda ishlataman. Sababiga taxminlarim bor, bu haqida keyinroq, hozir mavzu hammamiz oʻzimizni isloh qilishimiz kerakligi haqida. Tilni qadriyat darajasiga olib chiqishimiz kerakligi haqida.

@birgap