Teacher Azam taxallusi bilan videoblog yuritadigan shaxsning oʻqituvchi haqidagi fikrlari.

@birgap

Quyidagi manzilda oʻquvchilarimga ayrim imlo qoidalarini qanday oʻrgatganim haqida yozdim.

Oʻquvchilarim qoidalarni formulaga aylantira olishgan.

Matnni oʻqish uchun yoʻnaltma:

https://shokiryuldash.medium.com/o%CA%BBquvchilarimga-ayrim-imlo-qoidalarini-qanday-o%CA%BBrgatdim-d7634f34b330

@birgap

Маддоҳ тайёрлаб берамиз!

Нега бунақамиз а? Қайтага ҳокимга муаммомизни айтишимиз керак эмасми? Балки у айнан муаммоларни ўрганишга келаётгандир?

Қачонгача "фаровон ва бахтли фуқаро" ролини ўйнарканмиз а?

@tentakminds

Toʻgʻrisi, hech qachon bunaqa post yozmasdim, lekin shu safar bu qoidamni buzdim.

Oʻzim guvoh boʻlganim uchun.

Operatsiyaga 32 million kerak ekan.

https://telegra.ph/Ehson-vaqti-11-02

Qisqa qilib aytsam, Qarshiga kuyov boʻladigan boʻldim.

Hammaga baxt nasib etsin!

@birgap

Chet ellik mutaxassislarning koʻpchiligini yoqtirmayman

Bir necha yildan beri Oʻzbekiston tomonidan chaqirilgan oʻnlab xalqaro ekspertlar bilan ishlashga toʻgʻri keldi. Koʻplab yaxshi ekspertlar bor ekanini rad etmagan holda aytamanki, chet elliklarning juda koʻpchiligi Oʻzbekistonda yaxshi mutaxassislar yoʻq deb oʻylaydi. Mavzuning juda-juda elementar, bakalavr darajasidan ham quyiroq qismlarini tushuntirishadi.

Toʻgʻri, mavzuni bir boshidan tushuntirmoqchidir deb oʻylashingiz mumkin, lekin tinglovchilari kim ekanini, ularda qanday bilimlar borligini bilmay turib maʼruza qiladigan odamni yaxshi mutaxassis deya olmayman. Bundan tashqari oʻsha boshidan nariga ham oʻtmaydi, chuqurlashmaydi. Mavzu haqida gapiradi, xolos.

Shuning uchun chet ellik ekspert dars oʻtarkan, desa ensam qotadigan boʻlgan. Oʻzim bilgan narsalarni eshitgani borishim kerak ekan-da deb qoʻyaman.

Bu gaplarni yozishimdan maqsad, chet elda Oʻzbekistonning imidji juda yomon, donor tashkilotlar bizni oʻta yomon ahvolda deb bilishadi. Uchinchi dunyo davlatlaridan biri sanaydi. Afrikaning eng chekka hududlari uchun tayyorlagan maʼruzalarini gapirishadi (oʻxshatish qilish uchun aytyapman).

Shunaqa payti, “hey, nima bizni saviyasiz, omi deb oʻylayapsanmi, yigʻishtir karamshoʻrvangni, tuzukroq narsalardan gapir” degim keladi-yu, andisha qilaman. Anchagina mablagʻ evaziga kelgan axir.

Oldin ham aytgan edim, oʻzimizda potensial yuqori, lekin bizda sharoit yoʻq. Agar bizga oʻsha ekspertlarga toʻlanadigan darajada haq toʻlashsa, ularning davlatidagi sharoitlarni yaratib berishsa, oʻzimiz qila olamiz oʻsha ishlarni. Tizimda gap koʻp.

@birgap

Ya'ni oʻz darajangdagi odamdan oʻzingning darajangdan past ma'ruza eshitishni yoqtirmayman.

Yana ham yomoni - xoʻrozqand chet elniki desa yotvolib yalaydigan hukumat.

@birgap

Ishonasizlarmi, yoʻqmi, Oʻzbekistonda bir mutaxassis bir kishining oyligiga ikki kishining ishini qiladi (kamida ikki kishi, ba'zan uch kishi).

Tan olamizmi, yoʻqmi, kambagʻal davlatmiz. Ilm esa qimmat narsa.

@birgap

Oʻzim bilan boʻlgan voqea

XTVga boshlangʻich sinflarda baholashni oʻzgartirish, tizimlashtirish, obyektivlashtirish haqida gʻoya bilan bordim (XTVning oʻzi soʻragan edi, baholashni oʻzgartirish kerak deb).

U yerdagi vallomatga esa, qarashlarim yoqmadi. Tushuntirishga, asoslashga urina boshlaganimda esa, "nechanchi yilsiz, necha yil maktabda ishlagansiz, qaysi universitetni bitirgansiz", deb soʻradi. Hozir buning nima ahamiyati bor desam, "ha, endiii, sizga oʻxshagan bitta aqllini deb ta'limning oyogʻini osmondan qilmaymiz-ku" javobini oldim. Laptopimni yuziga qaratib qoʻygandim, shart yopdim-da, boshqasiga qildira qolinglar deb chiqib ketdim.

Vazirlikdan chiqyapman-u, hammasini tashlab ketvorgim keldi, "oʻl-a, baholashning "B"sini ham tushunmaydigan, testologiyadan butkul xabarsiz bir vallomat seni haqorat qildi, shu kerakmidi senga" dedim oʻzimga. RTMga borib arizamni yozaman deb ham oʻyladim, lekin fikrimdan qaytdim. Tushunadiganroq, tushunmasa ham eshitib koʻradigan odam kelsa yana urinib koʻrarman deb qoʻydim.

@birgap

Kelinglar, fikrlashamiz.

Bu Qarshidagi Oʻzbek oilasi yodgorligi. Shu yodgorlikni sinchiklab kuzatib, oʻz munosabatingizni izohlarda yozib keting.

Ertaga men oʻz munosabatimni post qilib yozaman.

@birgap

Ushbu monumentni koʻrganimda quyidagilarni oʻyladim:

1. Ha, bu rostdan ham tipik oʻzbek oilasi boʻlibdi:
a) otaning qoʻli oʻgʻilning yelkasida, qizidan uzoq;

b) oʻgʻil zamonaviy kiyingan va oʻqiydi (oʻqimishli);

d) qizning qoʻlidagi qumgʻon (koʻza boʻlishi ham mumkin) uning roʻzgʻor ishlariga koʻmib qoʻyilgan xoʻjalik odami ekanini anglatadi.

Tipik oʻzbek oilasi shunaqa edi, hamma urgʻu oʻgʻilga qaratilardi. Hamma yaxshi narsalar unga edi, lekin hozir koʻp narsa oʻzgaryapti, qadriyatlar doim oʻzgarib, rivojlanib turishi bor gap. Monument ana shu oʻzgarishlarni oʻzida umuman aks ettirmagan.

2. Gʻoyaviy jihatdan juda boʻsh asar boʻlgan ekan. Odamlarga mafkuraviy ta’sir qila olmaydi. Bu turdagi yodgorlik mafkuraviy kuchga ega boʻlmasa, uning mavjud boʻlmagani yaxshi.

3. Nega oilada faqat oʻgʻil zamonga mos, nima butun kelajak shu oʻgʻildanmi, jamiyatning kelajagida ayol-qizlarning oʻrni yoʻqmi?

4. Umuman bu yodgorlik bilan nima demoqchi boʻlishgan oʻzi?

5. Qizning yuzidagi tabassummi? Yoʻq, alamga oʻxshash bir narsa, alamli tabassum. Ichingda darding lim, armonlarga toʻlib qolgansan, lekin jilmayishing kerak. Bu xuddi shunga oʻxshaydi.

Mana shu monumentni koʻrganimda Aziz Nesinning "Gʻaroyib bolalar" romanidagi sakkizta qiz koʻrgan va bir qizini oʻgʻil bola koʻrsatish uchun Hikmat deb ism qoʻygan, uni oʻgʻil bolacha kiyintirib yuradigan ota haqidagi parcha esimga tushib ketdi, bizda ham qanchalab Hikmatlar bor ekan-a...

P.S.: bu shunchaki mening oʻylarim, xolos. Shunchaki oʻylarim...

@birgap

Bu dunyoda psixolingvistika degan soha bor ekanidan xabardormisiz?

Biz universitetda oʻqiganimizda Ona tilini oʻzlashtirishning psixolingvistik asoslari fani oʻqitilgan. Oʻsha fan doirasida olgan bilimlarimiz bugun Ona tili oʻqitishda burilish qilishda (nokamtarlik boʻlsa ham aytaman shuni) mislsiz yordam bermoqda.

Ushbu soha miya va til munosabatini oʻrganadi, til insonning miyasida qanday “harakatlanishi” haqida bilimlarni beradi. Ayni mana shu bilimlarning sizda boʻlishi hozirgi ona tili oʻqitishga joriy qilinayotgan yondashuvni tushunishga, oldingizdagi tumanning koʻtarilishiga yordami tegadi.

Oʻzbekistonda psixolingvistika va neyrolingvistika yoʻnalishida ilmiy ish qilgan birinchi tadqiqotchi, filologiya fanlari nomzodi, dotsent Iroda Azimova shu sohani oʻrgatish maqsadida onlayn kurslar tashkil qilmoqda. Aynan Iroda Azimovaning darslaridan keyingina til oʻqitish aslida qanday kechishi kerakligi, umuman til miyamizda qanday qayta ishlanishi, oʻrganilishi haqida tiniq tasavvurlarga ega boʻlganman.

Bundan tashqari Iroda Azimova (ustozim) MSc European Masters in Clinical Linguistics (Yevropa Ittifoqining Niderlandiya va Germaniya universitetlarida tashkil etilgan Klinik tilshunoslik boʻyicha qoʻshma magistraturasi bitiruvchisi), psixolingvistika, neyrolingvistika va til taʼlimi boʻyicha qator ilmiy maqolalar muallifi, Xalq taʼlimi aʼlochisi hisoblanadi.

Bilimni shu sohaning egasidan olish juda muhim, unday mutaxassis sizga soha haqida gapirib bermaydi, sohaning aniq maʼlumotlarini beradi, kerakli koʻnikmalarni shakllantiradi (oʻzimdan misol). Ishontirib aytamanki, mana shu kursni tamomlasangiz darsliklarda berilayotgan topshiriqlar ortidagi mazmunni, shunga oʻxshash topshiriqlar yaratishni oʻrganib olasiz.

Shuni alohida ta'kidlashim kerakki, mana shu ustozim boʻlmaganlarida hozirgi darajamning yarmiga ham chiqolmagan boʻlardim. Shuning uchun sizlarga ham kursda qatnashib koʻrishni tavsiya qilaman.

Kurs haqidagi toʻliq maʼlumotni quyidagi manzildan olishingiz mumkin:

https://t.me/psixolingvist/74

P.S.: Iroda Azimova yangi yondashuvdagi Ona tili oʻqish savodxonligi va Ona tili darsliklari mulliflaridan sanaladi.

@birgap

#yangi_darslik

🔆6-sinf Ona tili
📌2-chorak

Kanalga obuna bo'lish:👇👇👇
Telegram | Facebook | Instagram | You Tube | Twittter

#yangi_darslik

🔆7-sinf Ona tili
📌2-chorak

Kanalga obuna bo'lish:👇👇👇
Telegram | Facebook | Instagram | You Tube | Twittter

#yangi_darslik

🔆10-sinf Ona tili
📌2-chorak

Kanalga obuna bo'lish:👇👇👇
Telegram | Facebook | Instagram | You Tube | Twittter

10-sinf "Ona tili" darsligidagi ushbu savolning javobi quyidagicha:

Javob: 10-15 ta oila oʻgʻlonlari tishlagan non oʻsha xonadonda osigʻliq turardi

Izoh: Qashshoqlik hukm surgan deyildi. Hatto urushga otlangan oʻgʻlonga tishlatish uchun non ham topilmay qolardi. Qaysi oilada non topilsa, hamma shu nonni tishlagan va oʻsha non saqlanadigan xonadonga ayollar yigʻilishgan.

@birgap

📗7-sinf Ona tili "Kelajak kasblari" mavzusi uchun o'qituvchi kitobi (oʻqituvchi uchun qaydlar).

📌Ba'zi oʻrinlarda topshiriqlarning javobi berilgan boʻlishi mumkin. Shu sababga ko'ra, faylni o'quvchilar ko'rmasligi maqsadga muvofiq.

Kanalga obuna bo'lish:👇👇👇
Telegram | Facebook | Instagram | You Tube | Twittter

6-sinf Ona tili "Dehqon yurtni boqadi" mavzusi uchun o'qituvchi kitobi (oʻqituvchi uchun qaydlar).

Ba'zi oʻrinlarda topshiriqlarning javobi berilgan boʻlishi mumkin. Shu sababga ko'ra, faylni o'quvchilar ko'rmasligi maqsadga muvofiq.

@birgap