Kanalimdagi barcha oʻqituvchilarni bayram bilan qutlayman!

Alloh ilm ulashishdan charchatmasin! Shu bilan birga, oilangizga halovat bersin!

@birgap

7-sinf. Ona tili

"Qutb yulduzi" mavzusining oʻqituvchi kitobi (oʻqituvchi uchun qaydlar).

Ushbu faylni oʻquvchilar koʻrmasin, ba'zi oʻrinlarda javoblar berilgan boʻlishi mumkin.

1-nazorat ishi yuzasidan kelgan savollarga javoblar.

1-qism.

Savol: nazorat ishida berilgan “Sigir va Zagʻcha” matni darslikda yoʻq. Darslikda oʻtilmagan mavzudan nazorat ishi olish gʻalati emasmi?

Javob:
1. Nazorat ishida darslikda oʻtilmagan mavzu tanlanmagan, aksincha, oʻtilgan mavzulardan chetga chiqilmagan.

2. Tilga olingan “Sigir va Zagʻcha” matni darslikda yoʻq, lekin u mavzu emas, matn. Nazorat ishlarida darslikda ishlatilgan matnlardan foydalanilmaydi. Begona matn beriladi, lekin savollarning koʻnikmasi darslikda berilgan koʻnikmalar bilan ayni boʻladi.

Ona tili va oʻqish savodxonligidan 2-sinf 1-nazorat ishida “Sigir va Zagʻcha” matni asosida tuzilgan savollarning koʻnikmasi quyidagicha:

1. Sigir birovning pichanini yeb qoʻygani uchun zagʻcha uni choʻqiydi?
Koʻnikma: matnda ochiq aytilgan maʼlumotni tushunish

2. Sigir qora boʻlgani uchun uning orqasi ogʻrimaydi?
Koʻnikma: matnda ochiq aytilgan maʼlumotni tushunish

3. Tullash jarayoni nima?
Koʻnikma: bir necha gaplar asosida umumiy xulosa chiqarish

4. Sigir zagʻchani haydasa nima boʻladi?
Koʻnikma: maʼlumotlarni tahlil qilish va ularga baho berish

Shuni alohida ta'kidlash kerakki, oʻquvchilar 1-nazorat ishiga qadar bu koʻnikmalarga oid savollar bilan bir necha marta yuzlashishgan.

Koʻnikmalar nomidan vahima qilmanglar. Bular shunaqa qoʻrqinchli tuyulgani bilan aslida oson koʻnikmalar. Undan tashqari, bular yozma javob beradigan emas, variantlar ichidan bittasini tanlaydigan savollar.

Koʻplab oʻquvchilar qiynalganining sababi esa bunday imtihon shaklining begonaligidir. Natijalardan qoʻrquvga tushmaslik kerak.

@birgap

Imtihonlar natijasi yomon boʻlishining sabablaridan bir test formati (testning shakli, savollar qurilishi, javoblar berilishi)ning test topshiruvchi uchun begona ekanligidir.

Buni yaqinda oʻtkazilgan Ona tilidan birinchi nazorat ishlari ham koʻrsatib berdi.

Ushbu xulosani maktab va DTM aloqasini tushuntirish uchun ham ishlatish mumkin. Yaʼni biz maktabda oʻquvchilarni DTM testlarida tushadigan test formatiga tayyorlab bormaymiz. Nazorat ishlarimiz butkul boshqacha. Bu esa oʻquvchilarning DTM dovonidan oʻta olmasligiga sabab boʻlayotgani ehtimoli yuqori.

Bu asosiy faktor demoqchi emasman, lekin koʻplab faktorlar ichida buning ham oʻz oʻrni bor.

Repetitorlar esa oʻquvchiga maʼlumotlarni yetkazishdan tashqari DTM test formatiga ham toʻliq tayyorlab boradi, savol berish usullari bilan tanishtiradi, variantlar ichida xatolarini chiqarib yuborishni oʻrgatadi.

Xullas, shunaqa nazariyam bor.

@birgap

3-sinf “Ona tili va o'qish savodxonligi” darsligidagi (41-sahifa) “Jajji pingvin Loloning sarguzashtlari” multfilmini tomosha qiling" topshirig‘i uchun video manba

@birgap

Foydali havolalar

7-sinf.

Darslik birinchi chorak

Oʻqituvchilar uchun qaydlar (qoʻllanma):

"Ijtimoiy tarmoqlar" mavzusi
"Zamonamiz qahramonlari" mavzusi
"Turon yoʻlbarsi" mavzusi
"Qutb yulduzi" mavzusi

Audiomatnlar

@birgap

Foydali havolalar

6-sinf.

Darslik birinchi chorak

Oʻqituvchilar uchun qaydlar (qoʻllanma):

"Til - muloqot vositasi" mavzusi
"Qisqacha tarjimayi holim" mavzusi
"Shifoxona" mavzusi
"Global isish" mavzusi

Audiomatnlar

@birgap

Foydali havolalar

3-sinf.

Oʻqituvchilar uchun qoʻllanma

Ona tili va oʻqish savodxonligi darsligi 1-qism

Ona tili va oʻqish savodxonligi darsligi 2-qism

Audiomatnlar 1-qism uchun

@birgap

Malaka oshirish deganda koʻpchilik oʻqituvchilar maʼlum binoga borib oʻrganib kelish yoki onlayn biror kursda oʻqishni tushunadi. Aslida bunday emas. Malaka oshirishning turlari shunchalik koʻpki, siz har kuni malaka oshirishdan oʻtayotgan boʻlasiz. Siz bu harakatlaringizga malaka oshirish harakati sifatida qarashni boshlasangiz ularning samarasi ham ortadi deb oʻylayman.

Darsni rejalashtirish (Darsga tayyorgarlik koʻrish)

Xalq orasida “konspekt” deyishadi. Darsingizni qanday tashkil etishni reja qilarkansiz eng samarali usullar haqida oʻylaysiz, boshqalarning nimalar qilishini surishtirasiz. Mana shu vaziyat malaka oshirish hisobiga oʻtadi.

Dars tahlillarida qatnashish

Biror hamkasbingizning darsini tahlil qilar ekansiz, istaysizmi yoʻqmi undan nimanidir oʻrganasiz. Hech boʻlmaganda, nima qilmaslikni oʻrganasiz. Siz buni real dars jarayonida koʻrganingiz uchun xulosalaringiz ham ancha asosli boʻladi. Buni ham malaka oshirish deb atash mumkin.

Oʻzingizni kuzatish (bu yangi usul)

Masalan, 7-“A” sinfga oʻtgan darsingizni videoga yozib olasiz. Uyga borib videoni koʻrib qayerda nima xato qilganingiz, qaysi harakatingiz samara berganini tahlil qilasiz. Qarabsizki, 7-“B” sinfga shu mavzuni oʻtganingizda bu foyda beradi. “A” sinfga oʻtilgan darsdan koʻra “B” sinfga oʻtilgan dars samaraliroq chiqadi. Shunday qilib qaysidir mavzuni samarali oʻtish usulingizni “topib” olasiz. Keyingi yillarda ham shundan foydalanish mumkin boʻladi. Bu eng zoʻr malaka oshirish boʻlsa kerak.

@birgap

Zulfiya Rashidovani taniysiz-a?

Shu opam ona tili va adabiyot fanini oʻqitish yoʻnalishida onlayn kurs ochibdi. Yangi oʻqituvchilar, yangi yondashuvni oʻrganmoqchi boʻlganlar uchun zoʻr imkoniyat.

Kurs haqida maʼlumotlarni mana shu post va undan keyingi postlardan olishingiz mumkin:

https://t.me/suvaydo/1739

@birgap

6-7-sinflarda Ona tili fanidan 2-nazorat ishi ogʻzaki taqdimot tarzida oʻtkaziladi.

Taqdimot shartlari va baholash mezonlari tez orada e'lon qilinadi.

Unutmang, bu faqat tavsiya, xolos. Majbur ekanman degan tushuncha shakllanib qolmasin.

@birgap

Komil Allamjonov 1-2-sinflar uchun yangi darsliklar yaratilishini eʼlon qildi.
https://m.facebook.com/story.php?story_fbid=640176310806199&id=100044415070011

Bu jarayonda meni oʻylantirayotgan savollar:

1. Oʻtgan yili milliy oʻquv dasturi asosida 1-2-sinflar uchun darsliklar yaratildi. Milliy oʻquv dasturini va u asosidagi 1-2-sinf darsliklarini yaratish uchun davlat byudjetidan ham, xalqaro tashkilotlar mablagʻlaridan ham kattagina summa ajratildi (xususan, YUNISEF xalqaro ekspertlarni jalb qilish uchun mablagʻ sarfladi). Bu mablagʻlar havoga uchadimi?

2. Yana 1-2-sinflar uchun yangi darsliklar yaratish zarurati nima uchun tugʻildi? Oʻtgan yili yaratilib, maktablarga yetkazilgan, hozirda foydalanilayotgan darsliklarning samarasizligi boʻyicha biron ilmiy asoslangan tadqiqot oʻtkazildimi? Bu tadqiqot natijalari mavjudmi, ular bilan tanishish imkoni bormi?

3. Qaysi hujjatga asosan Prezident administratsiyasi, xususan, unda taʼlim masalalariga javobgar boʻlmagan Komil Allamjonov taʼlim mazmuni va darsliklar bilan shugʻullanmoqda? Unga bu vakolatni kim, qaysi hujjat asosida, qaysi qonuniy asosga koʻra bergan?

4. Miliy oʻquv dasturini va u asosda darsliklarni bosqichma bosqich joriy qilish vazifasini Respublika taʼlim markaziga yuklagan Prezident qarorlari bor. Oʻtgan yili yaratilib amaliyotga joriy qilingan 1-2-sinflar darsliklari ham shu qarorlar ijrosini taʼminlash maqsadida joriy qilingan edi. Bu qarorlar oʻz kuchini yoʻqotdimi, bekor qilindimi? Agar "ha" boʻlsa, nima asosda, agar "yoʻq" boʻlsa, administratsiyaning bu harakatlari bu qarorlarga qay darajada mos keladi?

5. Taʼlim oʻyinchoqmi, har safar yangi rahbar kelsa istagan ishini qiladigan?

Bu savollarimga konkret javoblar bera oladigan mutasaddi bormi?

Xullas, bir odamning harakatlari bilan 1-2-sinflar uchun yangi dastur va darslik yaratilishi haqidagi gaplar aylana boshladi. Bu menga unchalik yoqmadi. Hali hamma sinflar bitta yondashuv asosida yozib tugatmagan edik. Menimcha bu oʻzgarishlarga yana 4-5 yil bor edi. Lekin... afsuski, bu Oʻzbekiston.

Shuncha mehnatni chippakka chiqarib yana eski usullarni qaytarishmoqchimi, bilmadim. Hali ularning darsliklarini koʻrmadim, aytishlaricha, tayyor emish. Koʻrmagan boʻlsam ham eshitdim, koʻrgan bilganlar aytdi.

Odamning ishtiyoqini soʻndirish boʻyicha birinchi oʻrinda turadi bizni hukumat.

Darsliklar haqida tinmay valdirayotgan saroy blogerlari yuqorida Komil Jalilov bergan savollarni koʻtara oladimi? "Dux"i yetarmikin mana shu masalani koʻtarishga.

Oʻzi oʻzgartirilganiga 2 yil ham boʻlmagan darsliklarni yana qayta oʻzgartirish uchun pulni qayerdan olisharkin?

Vey, xullasda, odamni ishlagisi ham kelmay qoldi oʻzi.

@birgap

❗️«Bir yilgina foydalanilgan darslikni qaytadan yaratish uchun ilmiy asoslangan sabab kerak!» — Komil Jalilov

Maktab darsliklari mualliflaridan biri Komil Jalilov «Gazeta.uz» bilan suhbatda 1−2-sinf darsliklarini aprobatsiya qilinishiga munosabat bildirdi.

«Shunchaki kimgadir bu darsliklar yoqmagani yoki kimdir yangi darsliklar yaratishga ketadigan mablagʻlardan manfaatdor boʻlgani yoki kimdir tepada „yangi dastur va darsliklar yaratdim“ deb „ochko“ ishlashni xohlab qolgani uchungina darsliklarni yangilash davlat tizimining ishlamasligini koʻrsatadi, nazarimda. Keyingi safar tepada shaxslar oʻzgarsa, yana hammasi qaytadan boshlanadimi shunda?», — dedi u.

Batafsil: www.gazeta.uz/oz/2022/10/07/textbooks/?utm_source=push&utm_medium=telegram

Kanalga obuna bo`ling
👉 @gazetauz_ozb

Maqolani toʻliq oʻqing.

Yana 10 yildan keyin ham taʼlim bir qadam oldinga yurmagan boʻladi. Oʻshanda sabablarni tahlil qilish, sababchilarni eslay olish uchun ham maqolani toʻliq oʻqib qoʻying.

@birgap

Boʻlayotgan ishlarga jim qarab turish biz uchun ogʻir. Qoʻlimizdan kelmaydi. Shuning uchun ayrim mualliflar nomidan Komil Jalilov Prezident Administratsiyasi hamda Prezidentga murojaat yoʻlladi.

Shuni unutmaslik kerakki, mualliflar jamoasi hech qachon raqobat va ekspertizaga qarshi emas, ulardan qoʻrqmaydi. Bizni qiynayotgan masala, lobbistlar, taʼlimdan oʻz moddiy manfaatlari yoʻlida foydalanmoqchi boʻlganlar, mana men yangilik qildim deb Prezident oldida "ochko" olishni istaydiganlarning asossiz aralashuvlaridir.

Yana bir muhim narsani bilib qoʻyishingiz kerak, darsliklarning ekspertiza natijalari mualliflar jamoasiga umuman taqdim etilgani yoʻq. Ba’zi ekspertlarga esa yomon deb xulosa berasan degan bosimlar ham boʻlganini eshitdik. Bu esa oʻz-oʻzidan ekspertizaning haqqoniy ekaniga shubha uygʻotadi. Nega mualliflar bilan dialog qilinmayapti, nega hamma ekspertiza yeng ichida oʻtkazilyapti.

Oʻzbekiston Respublikasi Prezidentiga va Prezident Administratsiyasiga Prezident virtual qabulxonasi (portal) orqali yoʻllangan rasmiy murojaat. Umid qilamizki, portal ishlayapti va unga kelib tushayotgan murojaatlar jiddiy oʻrganiladi.

Murojaat matnini mana bu yerda toʻliq oʻqishingiz mumkin:

https://telegra.ph/Murojaat-matni-10-08

@birgap

Eyy, bu ishlarni hammasiga qoʻl siltab ketvorgisi kelyapti odamni.

Mayli, kim nima qilsa gunohi oʻziga. Men hech narsani anglamay turganlar, oʻqituvchilar va oʻquvchilarga achinaman, xolos.

Xay, endi shu paytgacha yangilangan darsliklar boʻyicha oʻz yordamimni berib tura qolaman. Umidim shu.

Videodan lavha: oʻzi xalqimizga biz qilayotgan oʻzgarishlar kerakmidi?

@birgap

#mana_grammatika

"Ona tili" darsliklarida grammatika yoʻq deydiganlar uchun (1-qism)

Koʻpchilik yangi yondashuvdagi “Ona tili” darsliklarida grammatika yoʻq deb jar solmoqda. Men ular bilan tortishmoqchi emasman. 7-sinf darsligidagi grammatik mashqlar va qoidalarni rasm koʻrinishida yigʻib chiqdim, shuni e’tiboringizga havola qilmoqchiman, xolos. Xulosani oʻzingizga qoldiraman.

Qoida emas, topshiriq koʻrinishidagi grammatika berilgan rasmlar ostiga qaysi grammatik koʻnikma uchun ekanini yozib qoldiraman.

Ushbu turkum maqolalarda matn yaratish, oʻqib tushunish, tinglab tushunish, soʻzlashga oid mashq va topshiriqlar kiritilmaydi. Hammasi grammatik koʻnikmani shakllantirish uchun ishlab chiqilgan mashq va topshiriqlardir.

Diqqat! Ushbu material darslikning 3 ta mavzusi doirasida toʻplangan. Ushbu maqola koʻp qismli boʻlib boshqa mavzulardan olingan suratlarni keyingi qismlarda koʻrishingiz mumkin boʻladi.

Maqolani toʻliq koʻrish uchun quyidagi yoʻnaltmaga bosing:

https://shokiryuldash.medium.com/ona-tili-darsliklarida-grammatika-yo%CA%BBq-deydiganlar-uchun-1-qism-880f8a5a6183

@birgap

Bugun Oʻzbekiston Respublikasi Prezidenti administratsiyasi rahbari oʻrinbosari Komil Allamjonov bilan shaxsan uchrashdik.

Biz murojaatda bergan savollarga javob berdi.

Endi ertaga finlar bilan birgalikda tayyorlangan darsliklarni koʻrsatishar ekan. Ularning mutaxassislari bilan uchrashuv boʻladi.

Agar taʼlim mazmuni borasidagi qarashlarimiz mos tushsa birgalikda ishlaymiz. Mos kelmasa, men shunchaki oʻynamay qoʻya qolaman.

@birgap