2-sinfning birinchi yarmida oʻzini maktab direktori sifatida tasavvur qilgan oʻquvchilar endi 2-sinfning 2-yarmida Xalq ta'limi vaziriga xat yozishadi.

Xat tarkibi yuqoridagi rasmda keltirilgan.

Oʻquvchida Xalq ta'limi vaziri kim? U nima ish qiladi? kabi savollar tugʻilishi mumkin. Oʻqituvchilar esa buni erinmay tushuntirib berishlari maqsadga muvofiq. Zero oʻquvchilar yoshlikdanoq davlatda ma'lum sohalarning rivoji, faoliyati uchun javobgar shaxs borligini, oʻsha shaxs sohadagi hamma narsaga mas'ul boʻlishini anglab yetsinlar.

Birgina mana shu topshiriq bilan oʻquvchiga xat yozishni, gʻoyasini yozma bayon qilishni hamda yuqoridagi ijtimoiy bilimni oʻrgatish mumkin.

Oʻquvchilarimiz haqqini talab qila oladigan, fikrini samarali ifodalay oladigan boʻlsin!

Ustozlar, oʻquvchilaringiz yozgan xatlarni toʻplab Xalq ta'limi vaziriga yuborsangiz boʻladi☺️

Kanalga ulanish: @birgap

Tanlov uchun kelgan maqolalarni saralab ulgurmadim. Afsusdaman, lekin ertalabgacha natijalarini eʼlon qilishga harakat qilaman.

Kanalga ulanish: @birgap

Turmush qurgan sinfdosh yoki kursdoshlar uchun.

Bir-biriga oshiq sinfdosh, kursdoshlar ham koʻrib qoʻysin.

Kanalga ulanish: @birgap

Assalomu alaykum! Maqolalar tanlovini eʼlon qilgan edim. Unda gʻoliblar aniqlanishi hamda pul mukofotlarini olishlari kerak edi.

Men tanlovni qayta eʼlon qilishga qaror qildim.

Garchi bu qarorga kelish oson boʻlmagan esada, shunday qilishga majburman.

Menga yuborilgan maqolalarning birortasini tanlov shartlariga mos deb ayta olmayman. Hech birida shartlar bajarilmagan. Hozir birorta yaxshisini tanlab mana deb oʻrin berib yuborsam boʻlardi. Afsuski, bunga vijdon yoʻl qoʻymadi. Keyin oʻsha gʻolib boʻlgan odam butun umr oʻz ishini toʻgʻri deb oʻylab yurishi mumkin. Men shundan choʻchiyman.

Bundan tashqari, ikkita yoʻnalishga umuman maqola kelmagan.

Xullas, bir necha soatdan keyin tanlovni qayta eʼlon qilaman. Mukofot ham oʻzgaradi, tabiiy.

Qatnashuvchilar meni toʻgʻri tushunadi hamda kelasi safar xatolarga yoʻl qoʻyishdan tiyilishadi deb oʻylayman.

Kanalga ulanish: @birgap

Bugundan boshlab oʻquv-seminarlari boshlandi

Mana erta tong Toshkent markazidan Chimyon togʻlari tomon yoʻlga chiqdik. Biz 200ga yaqin odammiz - Respublika taʼlim markazi xodimlari, darslik mualliflari, seminar trenerlari, viloyat fan metodistlari hamda oʻqituvchilar.

Maqsadimiz oʻzgargan darsliklar asosida darslarni tashkil etish boʻyicha bilim ulashish. Viloyatdan kelganlar oʻz hududiga bizning gaplarimizni yetkazadi.

Oʻquv-seminari 13 - 15-yanvar kunlari boʻlib oʻtadi. Bugun birinchi kun edi. Ertadan jiddiy mavzular boshlanadi.

Men Ona tili va oʻqish savodxonligi fanidan trenerman.

Alloh xayrli qilsin!

Kanalga ulanish: @birgap

DIQQAT! Oʻquv-seminarini jonli tinglamoqchimisiz?

Siz ham uyingizdan turib Toshkent viloyatidagi oʻquv-seminarida qatnashishingiz mumkin. Men sizlar bunga loyiqsizlar deb oʻylayman.

Ertaga, 14-yanvar kuni seminar qatnashchilariga bir nechata mavzuda dars oʻtaman (qanaqa seminar ekanini yuroqidagi bildirgida yozdim). Oʻsha darslarni sizlar ham eshitib koʻrishingiz mumkin. Buni ta'minlash uchun men kanalimda ovozli chat ochaman oʻsha ovozli chatga kirib tinglashingiz yoki yozib olingan ovozni eshitib koʻrishingiz mumkin boʻladi.

14-yanvarda kunning birinchi qismini nazariy bilimlarni mustahkamlashga ikkinchi yarmini amaliyotga bagʻishlashga harakat qilaman.

Audiodarsni jonli tinglash uchun havola👇
https://t.me/birgap?livestream=b794e157d24ceff866

Kanalga ulanish: @birgap

Seminar davomida, "3-sinf darsligida flamingo haqida maʼlumot hamda uning rasmi bor. Bu qush Oʻzbekistonda bormi?", - degan savol yangragandi.

Quyidagi havolalar orqali oʻtib ular haqida maʼlumotga ega boʻlishingiz mumkin.


10 yillik diydor: flamingolar Qoraqalpogʻistonga qaytdi👇

https://kun.uz/uz/news/2017/04/12/10-jillik-dijdor-flamingolar-korakalpogistonga-kajtdi

Falmingo Qoraqalpogʻistonga nega uchib keladi?👇

https://kun.uz/uz/news/2018/01/30/flamingo-korakalpogistonga-nega-ucib-keladi

Flamingo nima uchun pushti rangda?👇

https://kun.uz/uz/news/2019/01/29/flamingo-nima-uchun-pushti-rangda-ular-oqarib-ketmasligi-uchun-hayvonot-boglarida-nima-bilan-oziqlantiriladi

Kanalga ulanish: @birgap

Mana 13 - 15-yanvar kunlari Chimyon togʻlari bagʻrida boʻlib oʻtgan oʻquv-seminari nihoyasiga yetdi. Uyga eson-omon kelib oldik.

Oʻsha uch kun davomida qayta-qayta eshitgan, har safar eshitganimda ichimni it tirnagan soʻz haqida bir-ikki ogʻiz gapirib qoʻymasan boʻlmaydi.

"oddiy oʻqituvchi". Bu soʻz hammaning tilidan qayta-qayta yangradi. Oʻqituvchilarning oʻzi ham bizday "oddiy oʻqituvchilarga" deb bot-bot aytishdi.

Oʻqituvchi bu insonning hayot kinosidagi muhim obrazlardan biri. Har bir muyilish-u qayrilishda uning hissasi boʻladi. Uning birgina harakati bolani yo lider qiladi yo qul. Juda koʻp narsa bogʻliq boʻlgan kasb nomi oldiga oddiy soʻzini qoʻshish qanchalik toʻgʻri?

Aziz oʻqituvchi! Siz qachondan boshlab oddiy "maqom"ga tushib qoldingiz? Qachon sizni buyuklikdan oddiylikka itarib yuborishdi? Siz emasmi meni "Prezident oʻgʻlim-da bu" deb maqtagan, menga motivatsiya bergan? Siz emasmi men yutuqqa erishganimda koʻziga yosh olgan? Bugun nimagaki erishgan boʻlsam sizning ham hissangiz bor-ku!

Bilaman, orangizda buyuklik toʻniga ravo koʻrilmaydiganlari ham bor. Ularni safdan chiqarish aynan sizning yelkangizda ekanini his qiling. Ularni tarbiyalash ham sizning zimmangizda.

Ustingizdagi oddiy deb atalgan libosni yechish vaqti kelmadimikin? Nimalarga qodir ekaningizni hoziroq isbotlash vaqti kelmadimikin?

P.S.: yana ba'zilarning "oooddiy" deb "o"ni choʻzib aytishiga oʻlaymi😡

Kanalga ulanish: @birgap

Yuragingni kuydirgan
Sevgi – qizilcho‘g‘ ekan.
Yashnar ekan uf tortsang.
Puf deganda yo‘q ekan.

Azob chekkin, ataylab
Qo‘lingdan suv ichmayman.
Ko‘ylagimning tugmasi
Botmasin, deb quchmayman.

Iqbol Mirzo

She'rni toʻliq biladiganlar bormi? Bu she'rni 7-sinfligimda oʻz tugʻilgan kunimga sovgʻa sifatida sotib olgan kitobdan yodalagan edim. Haliyam esimda... Nimagadir bir oʻqishda yoqqan, ikki oʻqishda yodlab olganman.

Kanalga ulanish: @birgap

​​📣 Maqolalar tanlovi!

Tanlov 3 asosiy va bir bonus yoʻnalishda oʻtkaziladi:

1. Oʻqib tushunish koʻnikmalarini rivojlantirish haqidagi eng yaxshi maqola.

2. Yozma nutq koʻnikmalarini rivojlantirish haqidagi eng yaxshi maqola.

3. Lingvistik bilimni kontekstda oʻqitish haqidagi eng yaxshi maqola.

BONUS. Olmoshning mustaqil soʻz emasligini/ekanligini hamda taqlid soʻzning mustaqil soʻz turkumi ekanligi/emasligini isbotlab bergan eng yaxshi ilmiy maqola.

Tanlovda barcha qatnashishi mumkin.

👉 Maqolalarni @maqolaga_bot orqali yuborishingiz mumkin.

⌛️ Maqolalarni 20.02.2022 soat 23:59 gacha yuborish mumkin. Muddat qatʼiy.

🎉 Gʻoliblarni 23.02.2022. da, eʼlon qilaman.

Maqola oʻzbek tilida boʻlishi shart, unda annotatsiya (faqat oʻzbek tilida), kalit soʻzlar, foydalanilgan adabiyotlar roʻyxati qismlari boʻlishi shart. Foydalanilgan adabiyotlarning betlari ham koʻrsatilsin!

Maqola 3 betdan kam boʻlmasligi lozim. Iltimos, oʻzbek tilining buyuk til ekani, Navoiy unga qanday hissa qoʻshgani, bugungi kundagi eʼtibor, Prezidentning til haqida nimalar degani va shunga oʻxshash pafosli gaplar hamda suv maʼlumotlar bilan maqolani toʻldirmang.

Yoʻnalishlar nomi maqola mavzusi emas, mavzuni shu yoʻnalish doirasida istaganingizdek tanlashingiz mumkin.

Gʻoliblarga 300.000 soʻmdan pul mukofoti bor! Homiylar qoʻshilsa mablagʻ ortishi mumkin.

Kanalga ulanish: @birgap

🔹Milliy oʻquv dasturi asosida joriy yil uchun 3-sinf darsliklari yaratildi.

🔹Milliy oʻquv dasturi hamda shu asosda tayyorlangan darsliklarni tajriba sinovdan oʻtkazishga trenerlarni tayyorlash maqsadida Xalq taʼlimi vazirligi huzuridagi Respublika taʼlim markazi tomonidan Toshkent viloyatining Boʻstonliq tumanidagi “Yoshlar oromgohi” da oʻqituvchilar uchun 3 kunlik oʻquv-seminari tashkil etildi.

🔹Shuningdek seminarda darslik mualliflari tomonidan 2021-2022-oʻquv yilida 1-2 sinflar uchun yaratilgan yangi darsliklarni oʻqitish metodikasi yuzasidan mahorat darslari oʻtkazildi.

Kanalga obuna bo'lish:👇👇👇
Telegram | Facebook | Instagram | You Tube

Bir maktab xodimi (sinf rahbarining) ota-onalarga maktab taʼtili uchun jo‘natgan xati:

Hurmatli ota-onalar!

Farzandlaringiz taʼtil davomida uyda sizlarni ovora qilmasliklari uchun uylaringizda xuddi maktabdagidek qulaylik qiling-ki, ular maktabda qila oladigan hamma ishlarini uyda ham qila olsinlar. Masalan, botinkasi bilan devorlarni tepsin, uylaringizdagi stol-stullarni tirnab yaxshi ko‘rgan qizlarini ismlarini o‘yib yozsinlar, kirgan xonalarida chiroqlarni o‘chirmasdan chiqishsin, yegan-ichgan narsalarining po‘chog‘ini, qog‘ozini istagan joyiga tashlasinlar, hojatxonalarni istagandek ishlatishsin, uydagi hamma jihozlarga xohlagandek zarar yetkazishsin, baland ovozda g‘arib-g‘arib ovozlar chiqarib baqirishsin.

Farzandlaringiz bu ishlarni qilayotganda hech ham asabiylashmasdan, kulibgina kuzatib turing. Ayniqsa, ularni urush haqida o‘ylab ham ko‘rmang. Xudo ko‘rstamasin bolangizning psixologiyasi buzilishi mumkin. Bu ishlarga bir ikki bolangiz uchun 10-15 kun sabr qiling. Axir uyingizda maktabdagidek yuzlab bola emas-ku.

Asab tolalari juda ham muhim, asablaringizni avaylang! Bir buzilsa, qayta tiklanmaydi, buni bilasiz. Taʼtilingiz maroqli o‘tishini tilab qolaman.

Hurmat bilan sinf rahbari.

P.S.: bir guruhda oʻqib qoldim. Kulgili, lekin achchiq haqiqat. Hech qayerini oʻzgartirmadim.

Kanalga ulanish: @birgap

Soʻnggi yillarda ishlangan hind kinolarini koʻrmay qoʻyganman. Koʻrganlarim "My name is Khan", "Zero", "PK", "Super 30" va Yuqorida sizga ulashayotganim "Dear zindagi". Oʻzbekchaga "Hayot qadri" deya oʻgirishgan.

Ushbu kino ijodkorlari bu tugʻilish va oʻlim orasidagi hayotda tanlov degan narsagina borligini, ana shu tanlov bizning huquqimiz ekanini aytmoqchidek goʻyo.

Tanlov qiladigan obrazning qiz bola ekani esa ta'sirni yanada kuchaytirgan.

Xullas, koʻrmagan boʻlsangiz koʻrishni "qattiq" tavsiya qilaman.

Tanlov qilishga haqqingiz borligini (bu dunyoda faqat shugina sizning qoʻlingizda aslida) unutmang!

Kanalga ulanish: @birgap

Toshkent viloyatida oʻquv-seminari boʻlganligi haqida bir necha marta yozgan edim. Respublikaning koʻplab boshlangʻich sinf oʻqituvchilari oʻsha oʻquv-seminardagi mavzular yuzasidan onlayn darslar oʻtib berishimni soʻrashdi.

Kanalimda ovozli chat qilib qoʻya qolish eng toʻgʻri yechim boʻladi deb oʻyladim.

Demak, ertaga (20.01.2022) soat 15-00da oʻquv-seminaridagi birinchi - Umumiy oʻrta ta’lim mazmunidagi oʻzgarishlar va Milliy oʻquv dasturi mazmun mohiyati mavzusida ma'ruza qilib beraman. Istaganlar qatnashishi mumkin.

Ma'ruzada ishtirok etish yoʻnaltmasi:

https://t.me/birgap?livestream

Kanalga ulanish: @birgap

Alisher Navoiy nomidagi Toshkent Davlat o'zbek tili va adabiyoti universiteti va talabalariga oid kanallar:

#chellenj

1.Universitet matbuot xizmati: @navoiy_uni_uz
2.O'FF rasmiy matbuot xizmati: @FILOLOGIYAMATBUOT
3.AMF rasmiy kanali: @Amaliy_filologiya_fakulteti
4. YoI kanali: @universitet_yoshlari
5. Yosh olimlar kanali: @yosholimlarjamiyati
6. Butun universitet tolibi ilmlarini jamlagan auditoriya: @fakultetFilologiya
6.Bir qator talabalarimiz tashkil qilgan ijodiy kanal: @bizyoshlarmiz


✍️Talabalarimizning shaxsiy (ijod,fikr) kanallari:

• Metodist,magistr Shokir Tursun kanali: @birgap

• Talaba,reportyor Mahliyo Ozodovna blogi: @Sinchalak_blog

• Filolog,bloger Katta oğa blogi: @BigBroBlog

• Jurnalist,shoir Abdulaziz Ahmedov kanali: @Ijoddardi

• Mobil dasturchi Sarvar Davronov kanali: @Tsuullapp

• Shoir, tarjimon Shohro'z Mo'minzoda kanali: @ShohruzMominzoda

• Zulfiya mukofoti sohibasi E'zoza Obidjonova blogi: @ezoza_obidjonova

• Zakovatchi Muhammadxo'ja Ahmedov blogi: @Muhammadkhodja

• Yosh kitobxon tanlovi g'olibasi Maftuna Umarova kanali: @yosh_kitobxon_kundaligi

• Tarjimon va shoir Shohrux Usmonov kanali: @sheriston

• Innovator, bo'lajak kompyuter lingvisti Mohiyaxon Uzoqova kanali: @komp_ling_uz

• Zulfiya mukofoti sohibasi, shoira Parizoda Ro'ziboyeva kanali: @parizodaruziboyeva

• Shoir, tarjimon Rahmat Bobojon ijod kanali: @Rahmat_Bobojon

🔥 Tolibi ilmlar uchun arzon narxdagi PDF, word, pptx axborotlar, kitoblar chop etish markazi: @iMaxPrintGroup

❗Barchasi universitetimiz va tolibi ilmlarimiz kanali. Ta'limga oid xabarlar, fikrlar, ijod mahsullari, ko'nikma va tajribalar jamlangan foydali kontent!

🚀 Bizning auditoriya: @fakultetFilologiya

Doʻstlar, koʻcha toʻla virus. Oʻzingizni ehtiyot qiling. Zarurat boʻlmasa, koʻchaga chiqmang. Oddiy gripp ham yaxshigina yiqitib qoʻyishi mumkin.

Imkoningiz boʻlsa jamoat transportlaridan foydalanmang, chunki ular kasallik tarqalishi uchun eng qulay joy.

Oʻzingizni ehtiyot qiling, siz bizga sogʻlom keraksiz!

Kanalga ulanish: @birgap