Туғиш онанинг соғлиғига зарар бўлса…

Савол: Ассалому алайкум. Менинг 2 фарзандим бор. Каттаси туғма фалаж. Ҳали ўтирмайди ҳам. Кичкинам энди 6 ойлик бўлади. Бугун яна ҳомиладорлигимни билдим. 3 йил ичида икки марта жарроҳлик йўли билан фарзандларимни дунёга келтирдим. Шифокор соғлигим кўтара олмаслигини маълум қилиб, ҳомилани туширишни тавсия қилса, унинг айтганини қилсам, тўғри бўладими? Илтимос, маслаҳат беринг, олдиндан раҳмат.

Жавоб:
Ва алайкум ассалом. Уламолар ҳомила 40 кунлик бўлиб, то жон киргунича уни тушириш мумкинлигига фатво беришган. Шунингдек, тақволи моҳир шифокор туғиш онанинг соғлиғига зарар етказишини таъкидласа, ҳомилани тушириш мумкин. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

@BintuSodiq

Талаба бўлмоқчилар диққатига!

Янги аср университети давр талабидаги замонавий таълим йўналишларини таклиф этади

Бизга мурожаат қилинг ва 20дан ортиқ таълим йўналишлари ичидан ўзингизга маъқул келганига ҳужжат топширинг. Олий таълим муассасасида таҳсил олинг ва ўқишни якунлаб диплом олинг.

Ҳа айтганча, ўқишни битиргач, ишга жойлашиш имконияти ҳам бўлади. Чунки GRAND TA'LIM НТМнинг республикамиз бўйлаб 18 та филиали, пойтахтдаги GRAND TA'LIM мактаби ва YANGI ASR UNIVERSITETIда иқтидорли, аълочи битирувчиларга муносиб иш ҳамиша топилади.

Батафсил маълумот ва ариза топшириш ушбу ҳаволада: https://yangiasr.uz/uz/?id=bnts

YANGI ASR UNIVERSITETI - янги имкониятлар эшиги

Реклама

Энг гўзал суратдир олима қизлар

Кўрсатувнинг навбатдаги сони премьерасини ЭРТАГА 29 июнь шанба, соат 21:00 да "YouTube"даги саҳифамизда кўришингиз мумкин.

«Мен ҳам олима бўламан»

@BintuSodiq

Бойларда камбағалларнинг ҳақи бор

Бугун садақа берувчи ва бермайдиган тоифалар ажралиб қолгандек гўё. Орамизда ҳатто шундай кишилар борки, уларга садақа бериш ҳақида гап очсанг, «Нега ўзим қийналиб ишлаб топган молни бировга беришим керак?! Ундан кўра ишласин», дея ажабланишади. Орзу-ҳавас йўлида ҳатто исроф бўладиган даражада сарфлашади, аммо эҳсонга келганда бир тийин бўлса ҳам чиқаришдан безиллашади. Аслида мусулмон одам бойларда камбағалларнинг ҳақи борлигини яхши билиши, буни ҳеч қачон унутмаслиги керак.

«Гўзал ўрнак» китобидан

@BintuSodiq

Чўчқанинг миясидан олинган суюқлик қўшилган дорини ичиш жоизми?

Савол: Ассалому алайкум, Одинахон Муҳаммад Юсуф. Бошлаган хайрли ишингиздан Аллоҳ рози бўлсин. Саволим шундан иборатки, «церебролизин» дори воситаси таркибига чўчқанинг миясидан олинадиган суюқлик кўшилар экан. У суюқлик ўз аслини йўқотадими? Шу ҳақда маълумот берсангиз, илтимос. Олдиндан раҳмат. Аллоҳ рози бўлсин.

Жавоб:
Ва алайкум ассалом. Уламолар тўнғиз тўнғизлик хусусиятини йўқотса, жоиз, деб фатво беришган. Энди айнан сиз айтган дорида шу жараён ҳосил бўлганми, йўқми, уни дори-дармон мутахассисларидан сўраб билиш керак. Агар ушбу жараён ҳосил бўлмаган тақдирда ҳам, ишончли табиблар «Бундан бошқа даво йўқ», дейишса, унинг жоизлигида ҳеч шубҳа йўқ. Қолаверса, ундан укол қилишда фойдаланиш ишни енгиллаштиради. Ейиш ҳаром. Суртиш ёки укол қилиш эмас. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

@BintuSodiq

Эр ўзини ҳам, аҳлини ҳам сатр қилсин

Аллоҳ субҳанаҳу ва таоло айтади: «Сизларга авратингизни тўсадиган либос ва зийнат либосини нозил қилдик» (Аъроф сураси, 26-оят).
Эр ҳалол билан ўзини ҳам, аҳлини ҳам ҳаромдан тўссин. Ўзини ҳам, аҳлини ҳам сатр қилсин. Оилавий сирларни фош қилмасин. Бу сирлар хоҳ эр-хотинлик алоқси бўлсин, хоҳ ўзаро муносабатдаги сирлар бўлсин, хоҳ эр-хотин орасида пайдо бўлиб турадиган муаммолар бўлсин, барибир. Токи мазкур сирлар танишу нотаниш кишилар оғзида чайналадиган сақичга айланмасин.

«Қизларжон» китобидан

@BintuSodiq

Тарбияда 101 қадам

1-ҚАДАМ

Тарбия она қорнида бошланади. Она инсоннинг энг биринчи мураббийсидир.

#101qadam
@BintuSodiq

Мусулмон тартибли, билимли, тадбирли бўлиши керак

Мусулмон одам ақлли бўлиши билан бирга, тартибли, билимли, тадбирли бўлиши лозим. Шунда у динининг ривожига кўпроқ ҳисса қўшади, бошқа мўмин-мусулмонларга фойдаси тегади.

Одинахон Муҳаммад Содиқ

@BintuSodiq

Телефонни мақтаниш учун сотиб олманг

Шайх Муҳаммад Содиқ Муҳаммад Юсуф раҳимаҳуллоҳ

https://youtu.be/rG3PHMHykVU
@BintuSodiq