Сотиш учун олинган машинадан закот бераманми?

Савол: Ассалому алайкум. Закот берилиши учун мол кўпайиб туриши керак, деб эшитгандим. Мен машина олди-сотдиси билан шуғулланаман. Олти ой илгари сотиш учун янги машина олганман, уни ҳозир минмаймиз. Шу машинадан ҳам закот бераманми? Унинг қиймати кўпаймайди. Олдиндан жавобингиз учун катта раҳмат.

Жавоб:
Ва алайкум ассалом. Машина сотиш ниятида олингани учун тижорат моли ҳисобланади. Тижорат молининг қиймати кўтарилса ҳам, тушиб кетса ҳам, фарқи йўқ. Ундан закот бериш вожиб бўлади. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq

Самимий жилмайиш – улуғ фазилат

Динимиз ҳимматли бўлишга буюрар экан, буни тор доирада тушунмаслигимиз, фақат садақа-эҳсон борасидаги буйруқ деб ўйламаслигимиз керак. Аслида бирон ишни чин дилдан бажариш, талаб этилганидан-да аъло даражада адо этишга уриниш ҳам ҳимматлиликка киради. Бу ҳатто гўзал табассум қилишда ҳам намоён бўлади. Самимий жилмайиш ва одамлар қалбига қувонч олиб кириш улуғ фазилат саналади.

Одинахон Муҳаммад Содиқ

@BintuSodiq

Нима учун Каъбага оқ мато ўралади?

Кисва, яъни каъбапўш –  Каъбанинг устига ташланадиган, уни ўраб турадиган махсус ёпинчиқдир. Кисва ипакдан тўқилиб, пахтали мато (астар) билан қопланган бўлади, унга олтин толалар билан шаҳодат калималари, Қуръони Карим оятлари ёзилади. Каъба учун ҳар йили янги кисва тайёрланади. Ҳаж кунларидан олдин Каъба оқ мато билан ўралади. Бунинг ҳеч бир шаръий асоси йўқ, Саудия қироллигининг удуми, холос. Арафа куни эса Каъбага ёпилган кисва олиниб, ўрнига янги кисва ёпилади. Аввалги кисва бўлакларга бўлиниб, мусулмон давлатларидан келган мўътабар меҳмонларга тарқатилади.

@BintuSodiq

Жума — фазилатли кун

Набийга салавот айтиш қалбга шифо бўлувчи ва аламларни кетказувчи малҳамдир.

(صَلَّىٰ ٱللَّٰهُ عَلَيْهِ وَسَلَّمَ)

Соллаллоҳу алайҳи васаллам!

#Juma
@BintuSodiq

Тарозидан урадиганларнинг ҳоли не кечаркин!

Бир солиҳ одам ўлим тўшагида ётиб қолган биродарини зиёрат қилиш учун кириб, унга «Лаа илааҳа иллаллоҳ» калимасини эслатди. Биродари: «Буни айтолмаяпман! Чунки тилимни тарозининг тоши босиб турибди», деди. Шунда солиҳ одам: «Тарозидан урармидингиз?!» деб сўрган эди, «Йўқ, Аллоҳга қасам, ҳеч қачон тарозидан урмаганман, лекин тарозимни текширтириб турмасдим», деб жавоб берди.
Тарозиси тўғри тортяптими, йўқми – шуни текширтириб турмаган инсоннинг аҳволи шу бўлса, тарозидан бемалол уриб қоладиганларнинг ҳоли не кечаркин?

«Гўзал ўрнак» китобидан

@BintuSodiq

Яна бир бидъат

Савол: Ассалому алайкум, Устоз! Ўтган йили уйимизга булғор қалампири деб экканимиз аччиқ қалампир экан. Бувамлар: «Энди яна 7 йил экишинг керак», деяптилар. Бу бидъат эмасми? Ахир ҳар иш Аллоҳдан-ку! Нима қилай? Жавоб учун олдиндан раҳмат!

Жавоб:
Ва алайкум ассалом. Албатта, бу бидъат. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq