​6 январь, жума куни Қоҳира шаҳридаги шайхимиз Муҳаммад Содиқ Муҳаммад Юсуф номидаги марказда қизиқарли учрашув бўлиб ўтди. Бу учрашувда muslimaаt.uz сайти ва Binti Sodiq саҳифаси мутасаддиларидан бири Муҳайёхон Муҳаммад Юсуф ва Қоҳира шаҳрида таълим олаётган илмли опа-сингилларимиз меҳмон сифатида иштирок этдилар. Учрашув савол-жавоб тарзида бўлиб ўтди. Тадбирда марказ фаолияти, ютуқлари, камчиликлари хақида сўз юритилди. "Толибаларнинг бу учрашувдан мамнунликлари юз-кўзларидан билиниб турибди", дея эътироф этди нуроний онахон Роҳатой ая.
Ал-Азҳар толибаларидан бири, ўз тиловати билан юзлаб Қуръон шайдоларининг қалбидан жой олган Шахлохон устоза Қуръон ёдлаш услублари, устоз-шогирд муносабатлари ҳақида сўзлаб бердилар ва чиройли тиловатлари билан барчани хурсанд қилдилар. Учрашувда сўз олган ҳар бир толиба кўз ёшлари билан ўз соғинчи ва ташаккурларини устоза Одинахон Муҳаммад Содиқга еткизишларини сўраб қолдилар.

T.me/bintusodiq

Инна лиллаҳи ва инна илайҳи рожиъун!

Кеча тонгда Ғирён шаҳри муфтийси, Аллома, Шайх Муҳаммад Омир Робитий ҳазратларининг вафотлари ҳақидаги хабарни эшитдик. Бу зот Ҳазратимизнинг устозлари эдилар. У киши Ҳазратимизнинг фарзандларига ҳам устозлик қилган эдилар.
Шайх Робитийдан бизга унутилмас хотиралар қолган. Биз Устоз билан саодатли дамларни кечирганмиз.
Яна бир устун кетди..
Аллоҳим, Устозимизни Ўз раҳматинга олгин! Охиратлари обод қилгин! Қилган яхши амалларини ўзларига ҳамроҳ айлагин! Тарқатган манфаатли илмларини қиёмат қадар садақаи жория бўлишини насиб этгин!
Аҳиллари, фарзандлари, ёру биродарлари, биз шогирдларига сабру салвон бергин! Омин!

Одинахон Муҳаммад Содиқ

T.me/bintusodiq