Revit koordinatalari

To'gri koordinatsiya uchun bilish kerak bo’lgan Revit elementlari

1. Ichki boshlang'ich nuqta (Internal Origin)
Revit modelining yashirin boshlang'ich nuqtasi.
Revit bundan hisob-kitoblar uchun asosiy tayanch sifatida foydalanadi.
Uni Revitda siljitib bo'lmaydi. U o'zgarmas qat'iy nuqta.
Xulosa: Buni bilish shart emas, hisobga olib qo'ysangiz bo'ldi.

2. Loyiha tayanch nuqtasi (Project Base Point - PBP)
Loyiha darajasidagi koordinatalar uchun ishlatiladi.
Binoning loyihaga nisbatan joylashuvini aniqlashga yordam beradi. Koordinatsiya uchun muhim.
Asosan arxitektorlar va BIM jamoalari tomonidan modellashtirish jarayonida foydalaniladi.
Xulosa: Binolarni va dissiplinalar orasida fayllarni to'g'ri shaylashi uchun MUHIM.

3. Geodezik nuqta (Survey Point - SP)
Geodeziya/muhandislik ma'lumotlaridan olingan haqiqiy dunyo (real) koordinatalari uchun ishlatiladi.
Binoni qurilish maydonchasi (sayt) koordinatalari bilan to'g'ri joylashtirishga yordam beradi.
CAD, muhandislik yoki GIS ma'lumotlarini bog'lashda (link qilishda) muhim ahamiyatga ega.
Xulosa: Absolut o'tmetkalarni to'g'ri chiqarish va binolarni genplanda to'g'ri joylashuvi uchun MUHIM.

Oddiy misol:
🏠 Binoning uchastka (genplan) dagi joylashuvi → Loyiha tayanch nuqtasi. (Loyihani joylashtirish tayanchi)
🌍 Yerdagi haqiqiy joylashuvi (geodezik ma'lumot) → Geodezik nuqta. (Real dunyodagi joylashuvi)
⚙️ Revitning ichki hisoblash nuqtasi → Ichki boshlang'ich nuqta. (Revitning yashirin asosiy nuqtasi)

Telegram | YouTube
#bim, #bimmanagement, #bimcoordination, #coordinators, #basepoint, #surveypoint

Revitda parametrlar turlari

1. Tizim (System) parametrlari

Bu parametrlar Revitning "DNK"siga yozilgan bo'lib, ular dastur o'rnatilgandayoq mavjud bo'ladi. Ular modelning bazaviy fizikasini va identifikatsiyasini ta'minlaydi.

Xususiyatlari: Autodesk tomonidan kiritilgan; ularni o'chirib, nomini o'zgartirib yoki   tahrirlab bo'lmaydi, biz faqat ruxsat etilgan qiymatlarni o'zgartirishimiz mumkin xolos.

Misol:  Bunday parametrga masalan devorning qancha maydonni egallashi (Maydon/Yuza) yoki uni Hajmi Revit tomonidan avtomatik hisoblanadi. Yoki loyihada xatolik yuz bersa, dastur bizga xato bor elementning ID raqamini beradi (Element ID). Biz bu ID bilan aynan qaysi elementda muammo borligini topishimiz mumkin. Shuningdek, elementning qaysi qavatga tegishliligi (Daraja/Qavat Nomi) va uning yong'inga chidamliligi (Yong'inga chidamlilik darajasi) kabilar asosiy tizim parametrlariga kiradi.

2. Oila (Family) parametrlari
Bu parametrlar faqat bitta turdagi elementning (masalan, faqat bitta stul yoki eshikning) ichki xususiyatlarini belgilaydi.

Xususiyatlari: Faqatgina .rfa (family) fayl ichida yaratiladi; ob'ektning geometriyasi, materiali va qanday harakatlanishini (masalan, ochiq-yopiq holati) boshqaradi; faqatgina o'sha oila ichida ishlaydi va to'g'ridan-to'g'ri loyiha spetsifikatsiyalariga chiqmaydi.

Misol: Loyiha uchun maxsus stol modelini yaratish kerak. Bu stolning uzunligini yoki balandligini o'zgartirish uchun Stol Uzunligi va Stol Balandligi degan parametrlarni kiritamiz. Shuningdek, stolning materiali yog'och yoki metalldan ekanligini belgilovchi Stol Materiali parametri qo'shiladi. Bu parametrlar faqat shu oilani boshqarish uchungina xizmat qiladi.

3. Loyiha (Project) parametrlari
Loyiha parametrlari modeldagi bir nechta turli toifalarga (kategoriyalarga) bir vaqtning o'zida umumiy xususiyat berish uchun ishlatiladi.

Xususiyatlari: .rvt (loyiha) fayli ichida yaratiladi; o'zingiz xohlagan kategoriyalarga (masalan, ham devorga, ham eshikka) biriktirish mumkin; jadval (spetsifikatsiya) qilish va filtrlash uchun juda qulay; faqat o'sha loyiha doirasida qolaniladi.

Misol: Aytaylik, biz butun boshli binoni turli bosqichlarda quryapmiz. Biz "Qurilish Bosqichi" degan parametr yaratib, uni barcha elementlarga qo'llaymiz. Keyin jadvallarda 1-bosqich materiallarini alohida, 2-bosqich materiallarini alohida filtrlab olishimiz mumkin.

4. Ulashilgan (Shared) parametrlar
Bu BIM standartlashtirishning eng muhim qismi! Agar bir xil ma'lumot turli loyihalarda, oilalarda va eng muhimi chizmada (Marka/Tag sifatida) kerak bo'lsa, albatta shu turdan foydalaniladi.

Xususiyatlari: Revitdan tashqarida, alohida .txt faylida saqlanadi; turli loyihalar va jamoalar o'rtasida bir xil standartni ushlab turishni ta'minlaydi; maxsus markalar yaratish imkonini beradi.

Misol: Tasavvur qiling, bizga nasos uskunasining ishlab chiqaruvchisi va nasosni boshqa parametrlari haqida ma'lumot ham spetsifikatsiyada (jadvalda), ham chizmadagi yozuvda (Tag) ko'rinishi kerak. Oddiy loyiha parametri buni eplay olmaydi. Biz Shared Parameters faylimizga Ishlab Chiqaruvchi parametrini kiritamiz va bu parametrlarni loyihaga ko’shsak biz bu oilagi parametrlani qiymatini spetsifikatisha yoki ma’lim bir annotatsiga chiqara olamiz. Bu usul orqali O'zbekiston yoki xalqaro standartlardagi (masalan, ADSK parametrlari, OmniClass) ma'lumotlarni modelga standartlashtirilgan holda kiritishimiz mumkin bo’ladi.

5. Global parametrlar
Bu parametrlar ma'lum bir elementga emas, balki butun loyihaning qoidalariga bog'lanadi. Ular o'zaro munosabatlarni boshqaruvchi ko'rinmas iplarga o'xshaydi.

Xususiyatlari: Butun loyiha doirasida ishlaydi; elementning o'ziga emas, o'lchamlarga yoki qoidalarga biriktiriladi; munosabatlarni (masalan, ikkita narsaning doimiy masofasini) boshqaradi.

Misol: Katta sex binosi loyihalanmoqda va ustunlar doimiy ravishda ma'lum oraliqda turishi kerak. Biz Ustunlar Oralig'i degan global parametr yaratamiz va barcha ustunlar o'lchamini unga bog'laymiz. Agar loyihachi bitta o'zgarish bilan shu global parametrni 6 metrdan 8 metrga o'zgartirsa, butun binodagi ustunlar masofasi avtomatik ravishda 8 metrga moslashadi. Shuningdek, barcha derazalar bir xil balandlikda turishi uchun Deraza Tokchasi Balandligi global parametri juda qo'l keladi.
Ko'pincha "Global parametr" va "Shared (Umumiy) parametr"ni foydalanuvchilar adashtirishadi. Shared parametrlar chizmalarga markirovka (Tag) qo'yish va spetsifikatsiyalarga (Schedules) ma'lumot chiqarish uchun ishlatiladi. Global parametrlar esa asosan loyiha ichidagi geometriya, o'lchamlar va ko'rinishlarni boshqarish, ya'ni modelni "aqlli" qilish (parametric modeling) uchun kerak.

Telegram | YouTube
#bim, #bimmanagement, #bimcoordination, #coordinators, #parameters, #sharedparameter

Revit parametrlari

Batafsil kanaldagi oldingi postlarda!

Telegram | YouTube
#bim, #bimmanagement, #bimcoordination, #coordinators, #parameters, #sharedparameter

Kolliziyalarni qanday bartaraf etasizlar?

Kolliziyalar haqida bilsalarin kerak a?
BIM texnologiyasining asosiy strategik maqsadlaridan biri sifatida ularni bartaraf etish jarayonining muhimligini hamham bilsalarin kerak, a?

Lekin, bu onasini emsin to'qnashuvlar ko'p bo'lsachi?

Hali ham berilgan hisobotdan ID ni ko'chirib, to'qnash bo'lgan obyektni qidirishga vaqt ketkazayapsizmi?

Agar to'qnashuvlar ko'p bo'lsa, unda nima qilasiz? Har safar Id ko'chirasimi? Voy vooo, qiyinku...

Yechim quyidagi videoda.

#bim, #bimmanagement, #bimcoordination, #coordinators, #clashes

BIM ≠ Revit
Shu haqida quyida 👇

#BIM #Revit #Qurilish #Arxitektura #LoyihaBoshqaruvi #BIMtexnologiyalari #QurilishSanoati

BIM ≠ Revit

Revit modeliga ega bo'lish loyihaning BIM'da qilinganligini ANGLATMAYDI.

Ko'p aytaman, bu qurilish sohasidagi eng katta yanglishmovchiliklardan biridir.
Ko'p tashkilotlarda, ayniqsa "eng oldi" davlat tashkilotlarida g'urur bilan: "Biz BIM'da ishlayapmiz, chunki loyihalarimizni Revit'da qilamiz", deyishadi. Loyihani ko'rsangiz, Revit'dan AutoCAD kabi foydalanilgan bo'ladi, hamma o'z xohlagancha ishlagan bo'ladi. Ya'ni instrument o'zgargan, fikrlash o'zgarmagan. Natija olib kelayotgandan keyin buni noto'g'ri ham deb bo'lmaydi, lekin instrumentdan (shuni o'zbekcha tarjimasini hech ishlatgim kelmaydi-da 😄) bundan-da yaxshiroq va unumliroq foydalanish mumkin.

Endi sizlarni hayron qoldiraman: Revit — bu vosita, instrument. BIM esa — metodologiya, jarayon.

Revit'da ishlashning o'zi BIM'ning to'liq qiymatini ko'rsata olmaydi. Haqiqiy BIM'da quyidagilar bo'lishi kerak:
✅ BIM'ni amalga oshirish rejasi (BEP)
✅ Umumiy ma'lumotlar muhiti (CDE)
✅ Detallashtirish darajasi (LOD) talablari
✅ Mutaxassisliklar (bo'limlar) o'rtasidagi uzluksiz muvofiqlashtirish
✅ Loyihaning butun hayot sikli davomida ishonchli ma'lumotlarni boshqarish

Bu jarayonlarsiz tashkilotda 3D model bo'lishi mumkin — ammo BIM jarayoni bo'lmaydi. Model — bu natija. BIM esa loyiha natijalarini yaxshilash uchun odamlar, jarayonlar va ma'lumotlarni o'zaro bog'laydigan strategiyadir.
Qurilish sanoati o'zining raqamli transformatsiyasini davom ettirayotgan bir paytda, bu farqni anglash har qachongidan ham muhimroq hisoblanadi.

Sizningcha, BIM haqidagi eng katta yanglishmovchilik nima? Fikrlaringizni izohlarda yozib qoldiring.
#BIM #Revit #Qurilish #Arxitektura #LoyihaBoshqaruvi #BIMtexnologiyalari #QurilishSanoati

BIM-koordinatorsiz kolliziyalarni aniqlash va hal qilish mumkinmi?
Server qismi.
Batafsil maqolada pastda!

BIM-koordinatorsiz kolliziyalarni aniqlash va hal qilish mumkinmi?
Revit qismi.
Batafsil maqolada pastda!

BIM-koordinatorsiz kolliziyalarni aniqlash va hal qilish mumkinmi?

OLDIN
Har hafta koordinatsiya modelini qo'lda yig'ardim: har bir bo'limning eng so'nggi versiyasini yuklab olish, kimdir eski faylni qo'shib qo'ymaganiga ishonch hosil qilish, NWF faylini yangilash, Clash Detective'ni ishga tushirish, natijani kutish, ko'rib chiqish, bo'limlar bo'yicha ajratish, vazifalar yozish, javobgarlarni belgilash — xullas, yarim-bir kunlik zerikarli ish.

Navisworks'ning Batch Utility'sini ishlatib ko'rdim, lekin undan ham tezda zerikdim, baribir qoniqish hosil qilmayotgandim.
Keyin telegram guruhimizda modelchilarimiz kolliziyalar rasmini tashlab, bartaraf etishni so'rashgandi. Rasm orqali topish qiyin, "HTML formatda tashlanglar, ID'sini bilishlari kerak" dedim-u, "ee, ID ko'chirib o'tirish ham bosh og'rig'i-ku" deb o'ylab qoldim — va shu payt xayolimga ClashNavigator keldi.

ClashNavigatorni kanalda taqdimot qilgandim, Forma Design Collaboration'ni eslatishdi.
Tadaam, birdan xayolga keladi-yu — shunaqa qilsam bo'lmaydimi" deb, va "to'xta, biz ham xuddi Forma kabi, faqat mustaqil va bepul yechim qilsak bo'ladi-ku" dedim-da, ClashTracker'ga qo'l urdim.

HOZIR
Endi bir marta kerakli papkani ko'rsatish kifoya — qolgan hammasini ClashTracker o'zi bajaradi:
- har bir bo'limning WIP papkasidagi eng so'nggi modelini oladi va BIM-standart bo'yicha "Shared" papkaga joylashtiradi.
-rvt formatini nwc ga konvertatsiya qiladi
- kerakli papkada nwf fayl hosil qiladi va unga barcha nwc fayllarni ulaydi
- qidiruv to'plamlari (SearchSet) va clash testlarini import qiladi
- testlarni ishga tushiradi va har bir kolliziyaning skrinshotini oladi.
- natijani serverga jo'natishdan oldin, fayl nomidan loyiha, obyekt va bo'limni aniqlab, shu bo'limga mas'ul xodimlarni topadi va veb-dashboardga yuboradi.

Har bir kolliziya haqida batafsil ma'lumot serverga jo'natiladi — test nomi va elementlar juftligidan hosil qilingan xesh (hash) bilan birga. Shu tufayli konveyer qayta ishga tushirilganda bir xil kolliziyaning dublikati yaratilmaydi: ma'lumotlar bazasida qaysi kolliziya o'tgan haftadan qolgani, qaysi biri yangi ekani darhol ko'rinadi, o'zgargan bo'lsa esa statusi avtomatik yangilanadi.

Statuslar ham o'z hayoti bilan yashaydi: yangi, aktiv, kelishilgan, bartaraf etilgan — kim va qachon o'zgartirgani tarixi bilan bazaga yoziladi.
Bo'limlar uchun javobgar xodimlar Windows guruhlaridan avtomatik olinadi: BIM-standartda belgilangan Umumy Ma'lumotlar Muhiti (CDE) asosida tashkil etilgan WIP papkasida, qaysi papkaga qaysi guruh kirish huquqiga ega bo'lsa, ro'yxat o'shandan shakllanadi.
Masalan, WIP'dagi ARC papkasiga, Windows serverda faqat ARC guruhi kirishi mumkin qilinadi, bu bilan bir o'q bilan ikki quyon uriladi: ham papka faqat arxitektorlarga ko'rinadi, ham aynan shu arxitektorlar ro'yxatini aniqlashda ishlatiladi.
Shu ro'yxatdagi har bir ijrochiga, unga tegishli kolliziyalar bo'yicha Asana'da avtomatik vazifa yaratiladi — ya'ni har kim butun obyekt bo'yicha emas, faqat o'ziga tegishli qism bo'yicha topshiriq oladi.

Yakuniy bosqich esa — loyihachi navigatorni to'g'ridan-to'g'ri Revit ichida ochadi. Endi kolliziyalar faylini qo'lda qidirib yurish yoki bir joydan boshqasiga ko'chirib yurish shart emas.
"Serverdan yuklash" tugmasi orqali kerakli ma'lumot yuklanadi, loyihachi model bo'ylab kolliziyalar orasida harakatlanadi va ularning statusini o'zgartiradi. Status shu zahoti serverga qaytadi; kolliziyani bartaraf etib faylni saqlasa, ClashTracker keyingi tekshiruvda buni avtomatik aniqlab, statusni "bartaraf etildi"ga o'zgartiradi. Faqat bitta sharti bor: loyihachi ishlayotgan fayl BIM-standart asosida bo'lishi talab etiladi.

Xulosa
Shuni aytmoqchimanki: bu avtomatlashtirishni standartsiz amalga oshirib bo'lmas edi. Shuning uchun:
- Standartni joriy qiling.
- Standartlarni joriy qilish uchun xodimlaringizfa "qant" bering, faqat buyruqlar bilan standart joriy qilish qiyin, hodimlarga engillik berish kerak!
#BIM #Navisworks #Revit #Avtomatlashtirish #ClashDetection #Qurilish

P.S. E'tibor bersangiz, g'oyalar ko'pincha kimningdir kommenti, izohi va xabaridan keyin tug'iladi — ya'ni bu ham kimningdir bilan bo'lgan kommunikatsiya mahsuli. Shuni yaxshilashimiz kerak, ayniqsa o'zbek segmentida.
Yanada batafsil videoda ))

BIM-koordinatorsiz kolliziyalarni aniqlash va hal qilish mumkinmi?
ClashTrecker bilan iloji bor