#ሪዝቅ

አላህ ፍጡራኑን ከፈለገ በሰበብ ይረዝቃል፣ ያለሰበብም መረዘቅ ይችላል። ከሰበብ ተቃራኒም ኾኖ ይረዝቃል፣ ምንም በማይቻልበት ሁኔታዎች ውስጥም ይረዝቃል።

እርሱ (አላህ) ጥራት የተገባውና  ራዚቅ ነው ♥

የለገሰን ሐብት፣ ዕውቀት፣ አምልኮ፣ ውበት፣ ወዘተ የርሱ ሪዝቅ ሲኾኑ እነዚህ ነገሮች በራሳቸው ዋና ነገሮች አይደሉም ሰበቦች ቢኾኑ እንጂ! ሰበብ ላይ መኩራራት ሺርክ (ማጋራት) ነው። ገንዘቤ ያድነኛል፣ አምልኮዬ ነው ነጻ የሚያወጣኝ፣ ዕውቀቴ፣ ዝናዬ ማለት አላህን የሚያስረሱ ናቸው። እነዚህ ሰበቦች ላይ መቆየት ግን በራሱ የታዘዝንበት ጉዳይ ስለኾኑ ዋጂብ (ግዴታ) ናቸው። ሰበቦችን ከማድረስ መዘናጋት ወይም መተው ደግሞ ወንጀል ነው። ሰበብ ለማድረስ ስንታገል ካለመኮፈስ ጋር እንዲሁም ከእኛ ውጭ ያለውን ታሳቢ ከማድረግ ጋር እንዲኾን ይመከራል። አላህ ለፈለገው ባርያው የፈለገውን አይነት ሪዝቅ (ኢማን፣ ሐብት፣ ዝና፣ ...) ሊሰጥ ስለሚችል ሁሌም ልብ ሌሎችን ከመመለከት ራሷን እንድትመለከት ብቻ መጣር ያስፈልጋል።

የተባረከ ሪዝቅ የምናገኝበት ጁምዓ ይኹንልና ♥

اللهم صلِّ على سَيِّدنا مُحَمَّدٍ النبي الأمي وعلى آله وصحبه وسلم تسليما، صلاة دائمة بدوامك، باقية ببقائك، لامنتهى لها دون عرشك💚

ዐይንህ ሲደርቅ በቁርአን አርሰው፣
ወገብህ ሲገር በሱጁድ አለስልሰው፣
ቀልብህ ሲደርቅ በሞት አስታውሰው።
.
ከቁርአን ጋር ያረጀች ዐይን አቤት ማማሯ!
ከቁርአን ጋር የኖረች ዐይን አቤት ብርሃኗ!
በቁርአን የተኳለች ቅንድብ አቤት ዉበቷ!
.
https://t.me/MuhammedSeidAbx

#ሪዝቅ_ሰፊ_ነው

በሲሳይ (ሪዝቅ) የተደራጀ እምነት መያዝ ከተውሒድ ግንዛቤዎች መካከል አንዱ ነው። በርካቶቻችን በሚታዩ ቁሳዊ ነገሮች በተለይም በገንዘብ ላይ ብቻ የሚታይ ሲሳይ ላይ እናተኩራለን።  ኢማሙ ሸዕራዊ (ቀደሰላሁ ሲረሁ) ስለሪዝቅ ሲመክሩ የተሟላ ሪዝቅ ማለት የልጆች መስተካከል ነው፣ አስፈላጊ የሚባለው ደግሞ የጤንነት ሪዝቅ ነው ዝቅተኛው ሪዝቅ የገንዘብ ነው። በማለት የሪዝቅ እሳቤን እንድናሰፋው ይጠቁማሉ።

አንዳንዴ የምታወራው ነገር የሚገባው ጓደኛ ማግኘት ትልቅ ሪዝቅህ ነው፣ በኪስህ ብር ሞልቶ በቁስ ሀብት ተንበሻብሸህ ሰው ይጠርብህ ይኾናል ስታገኘው የምትደሰትበት ሰውም ማግኘት ሪዝቅህ ነው። የምትደሰትበት ሥራህ፣ የሚያዝናኑህ ልጆችህ፣ ሕይወትን የምታቀልልህ ባለቤትህ ሪዝቆች ናቸው። መስጂድ የመቀመጥ ዕድልህ፣ ለብቻህ የመዝናናት፣ የማንበብና በመንገድ ላይ እየተራመድክ የምታገኘው አየርህ ኹሉ የአላህ ጸጋና ሪዝቅ ናቸው። ምን የርሱ ያልኾነ አልለ። የሚያስቅ ብዙ ነገር እያለህ መሳቅ ሊከብድህ ይችላል፣ መተኛት ፈልገህ መኝታ ላይ ብትገኝም ዕንቅልፍ እምቢ ብሎህ ይኾናል። ብዙ የሚያስለቅስ ገጠመኝ ይኖርሀል ግና ማልቀስ ተስኖሀል ከእነዚህ ነገሮች መጠበቅ በራሱ ከአላህ ጸጋዎች ናቸው።

« እነሆ እርሱም አስሳቀ፣አስለቀሰም።» አልነጅም፤43

ሳቃችን ከርሱ የተሰጠን ጸጋ ነው፣ ለቅሶኣችንም ከርሱ የተሰጠን ሪዝቅ ነው። እንባ ከስንት ውስጣዊ ንዳድ ያድናል?! እንባ የደረቀበት ሰው ንዳዱ በምን ይበርዳል። ፈገግታ ሲሰለብ የሰው ልጅ በምን ሀይል ያገኛል። አላህ ጥልቅና ደቂቅ በኾኑ ጉዳዮች ላይ ሳይቀር ፍጡራኑን በእዝነቱ የሚያካብ አምላክ ነው። የሰው ልጅ ከላዩ ላይ ያለውን ዝንብ እንኳን ለማባረር ከጌታ የእዝነት እርዳታ ፈላጊ ነው። ያሉንን ጸጋዎችና ሪዝቆች እንዳንመለከት የሚያደርገው እርጉሙ ሰይጣንና የገዛ ነፍስያችን ነው።

አላህ ያለንን ያሳየና ♥

አላህ ይህን ባርነት ያስረዳን ♥


Best kerim 💚

ኢላሂ!
የማይወድቅ ዱዐ ስጠን።
ሁኔታችንን አስተካክል።
ልጆቻችንን አብጅልን።
ያማረ አደብ ስጠን።
በረካ ስጠን።
ቀልባችንን አርጥብልን።
ጭንቀታችንን ገላግለን።
ጉዳያችንን አግራልን።
በሽተኞችን አሽርልን።
ለሟቾቻችን እዘን።
ወንጀላችንን ማርልን።
ነውራችንን ሽፍንልን።
መከራን አቅልልልን።
ከፈተና ጠብቀን።
አሚን!

እንደምትለው ቆይተህ፣ እጅግ ዘግይተህ፣ ጊዜህን ወስደህ፣ ስሜትህን አስክነህ፣ ነፍስህን አረጋግተህ መመለስ አስበህ ይሆናል።…
ግን በሌላ በኩል ስታየው…
ነገሩ ከባድ ነው!
ባቡሩ ቆሞ አይጠብቅህም። ጥድፊያው አንተ እስክትባንን አይታገስም። ዐይንህን ጨፍነህ ከመክፈት በላይ የፈጠነ ነው። ጎንበስ ብለህ ቀና በምትልበት ቅፅበት ሁሉንም እንዳልነበር ሆኖ ታገኘው ይሆናል። አቅጣጫህን ስተህ ያቋረጥከውን ረዥም መንገድ መመለስም ቀላል አይሆንም! አንተን የሚጠብቅ ጉዞ የለም! አንተ ባትኖርም እየተሄደ ነው!

"ብትሸሹም ሌሎችን ሕዝቦች ይለውጣል፡፡ ከዚያም (ባለመታዘዝ) ብጤዎቻችሁ አይኾኑም፡፡" ሱረቱ ሙሐመድ፥ 38

سورة الكهف ❤️ قراءتها نور ورحمة وبركة ❤️ ابداع الشيخ البلوشي ❤️ قمة الروعة من أمتع ماتسمع في حياتك كلها❤️ الهدوء والسكينة ❤️ وراحة القلب والنفس وعلاج كل أمراض العصر ❤️ ممتعة جداا ❤️❤️❤️❤️❤️❤️

اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد، ❤️

1-ትክክል የሆነ ነገርን የሚነግርህ የውስጥ ድምጸት ከአላህ ነው ፤

2-ክብራችንን ያስጠበቀልን ማፈግፈግ ሁሉ ድፍረት ነው፤

3-ብቻህን ተቀምጠህ ብታስተነትን በዉስጥህ የማታውቀውን ሌላ ሰው ታገኛለህ፤

4-የመጀመሪያ የሰው ልጅ ዉድቀቱ ሶላቱን መተው ነው፤

5-የምትወደው ነገር እንድዘወትርልህ ከፈለክ አታውራ፤

6- ከቀልብ በሽታወች አደገኛው መጥፎ ትውስታ ነው፤

7-ቢምሉልህ እንኳ ራስህን በነርሱ ላይ አትጣል፤

8-ለማሳመን ብለህ ብዙ የምትደክምበት ቦታ ሁሉ ያንተ አይደለምና ቶሎ ልቀቅ

9-ሁሌ የሚስምልህ ሰው አይወድህም

10-በሰው ውድቀት አትደሰት፤ በሁለታችሁ መካከል ያለው ልዩነት የአላህ እዝነት ብቻ ነው፤ የርሱ እዝነት ከተነሳ ትወድቃለህ።

ዱኒያ ላይ መከራ ያየንባቸዉን አስቸጋሪ ቀናትን አጋጣሚዎችን እንረሳ ይሆና፣ እንሻገራቸው ዘንድ ያገዙንን ሰዎች መርሳት ግን ዉለታ ቢስነት ነው።

ABX

አላህን አብዝተን ብናመልከው እንኳን ሐቁን አላሟላንም፤ ብዙ ብናወድሰው የችሮታዉን ኢምንት አልደረስንበትም፡፡ ዘወትር ደግ ብንሠራ ሁሌም አሁንም ኃጢኣታችን ብዙ ነው፡፡ ከምሉእነታች ጉድለታችን አያሌ ነው፡፡

ቀን በተለወጠ ቁጥር ኃጢኣታችን ብዙ ነው ብለው ኢስቲግፋር እያደረጉ የሚነሱ ሰዎች አትራፊዎች ናቸው፡፡
ፃድቅ ነን፣ ፍፁም ነን፣ እንከን የለብንም ያሉት ግን ከስረዋል፡፡
ቀጥ ብለው የቆሙ የመሠላቸው ብዙዎች ወድቀዋል፡፡

አላህ ሆይ! በየቀኑ ወዳንተ መመለስን፣ መንቃትን፣ ከዝንጋቴ መባነንን ስጠኝ፡፡

ሶባሐል ኸይር!

https://t.me/MuhammedSeidAbx

ሌላ ለየት ያለና ትልቅ ስኬት ብቻ አትፈልጉ ። ተስፋ ሳንቆርጥ የዱንያን መከራዎች ተጋፍጠን እዚህ መድረሳችን ራሱ አንድ ስኬት ነው።

ወዳጄ ዱንያ ቀላል አገር አይደለችም ።

https://t.me/MuhammedSeidAbx

በመጨረሻም ...
ያሸማቀቁንን፣ ያሳፈሩንን፣ ያዋረዱንን፣ የተዉንን፣ የተጠራጠሩንን፣ የሰደቡንን፣ የናቁንን ... ሁሉ የምናመሰግንበት ጊዜ ይመጣል ።

ምክንያቱም እነኚህ ሁሉ ቀና ለማለታችንና ለመጠንከራችን ምክንያት ሆነዋል።

ሶባሐል ኸይር ወዳጆች

https://t.me/MuhammedSeidAbx

እውነተኞቹ ድሆች
~~~~~
ውዱ ገንዘባቸው ልብሳቸው፣ ርካሹ ደግሞ ሥነምግባራቸው የሆኑ ብዙ ሰዎች አሉ። ጥሩ ይለብሳሉ፣ ጥሩ ይሸታሉ ፣ ጥሩ ይመገባሉ። ትልቁ ዓላማቸው ገንዘብ ነው። ሌሎችንም በገንዘብ ይገመግማሉ። ገንዘብ አይተው ሰው ይርቃሉ፣ ይቀርባሉ። በርግጥም እነርሱ አሳዛኝ ድሆች ናቸው። ገንዘብ ብቻ ነው ያላቸው። ልንመቀኛቸው ሳይሆን ልናዝንላቸው ነው የሚገባው። እውነተኞቹ ችግረኞች እነሱ ናቸው።


https://t.me/MuhammedSeidAbx

እስልምና "በሰይፍ" እንደተስፋፋ ነበር የማምነው! የኔ መንገድ ሚንበር ቲቪ
https://youtube.com/watch?v=ayWwbm_mp-E&si=ec9Y9toVfMUl0Jzj


ቁርኣን የኛን እውነተኛ ፍላጎት፣ጥረት፣ጽናት'ና ጊዜን ብቻ ነው ከኛ ሚፈልገው!
ይህ ወንድማችን ቁርኣንን በ18 ቀን ዉስጥ ነው ያኸተመው ።

የተቀመጥኩበት የዛፍ ቅርንጫፍ ከተሰበረ ፣ የያዝኩት ገመድ ከተበጠሰ በቃ ምንም ተስፋ የለኝም አትበል። ራስህን ሙሉ በሙሉ ጥለህ ሰዉን አትደገፍ። ቅርንጫፉ ቢሰበር ከአላህ በታች በክንፍህ ተማመን። ገመዱ ቢበጠስ አሁንም አላህን አጥብቀህ ያዝ።
የምትጠብቀው ሥራ፣ የምታልመው ትዳር፣ የምትጓጓለት መልካም ዜና ጫፍ ደርሶ ቢሰናከል እንዳትሰበር ካሁኑ ጠንከር !!።
ዱንያ በድንገተኛ ትዕይንቶች የተሞላች ናትና ለሁሉም ዓይነት ሁነት መዘጋጀት መልካም ነው።

መሳአል ኸይር

https://t.me/MuhammedSeidAbx

ፀሐይ በምሥራቅ መውጣቷን ቀጥላለች፡፡ በምዕራብ እስክትወጣ ድረስ እኛም በአላህ ላይ ባለን መልካም ተስፋ ቀጥለናል፡፡
ኢንሻአላህ ቀጥሎ የሚመጣው ነገር መልካም ይሆናል።


                Abx