Бейнеу ауданы әкімінің сайлау қорытындылары жарияланды.

2023 жылғы 5 қарашада Маңғыстау облысы Бейнеу ауданы әкімінің сайлауы өтті.
⠀
Сайлаушылар тізіміне 40134 азамат енгізілді. Дауыс беруге - 11624 сайлаушы, оның ішінде есептен шығару куәліктері бойынша - 2, дауыс беруге арналған үй-жайлардан тыс – 93 қатысты.
⠀
Кандидаттардың жалпы саны - 3.
⠀
Бейнеу ауданы әкімінің сайлауының мынадай қорытындылары белгіленді:
⠀
Сали Нұртас Төребекұлы үшін сайлаушылардың 2178 дауысы берілді,
⠀
Хайруллин Есет Меңдібайұлы үшін сайлаушылардың 213 дауысы берілді,
⠀
Шалбаев Рахымжан Ысқақұлы үшін сайлаушылардың 8556 дауысы берілді,
⠀
«Бәріне қарсымын» белгісі бар бюллетеньдер саны - 202.
⠀
Сайлау қорытындыларымен Бейнеу ауданының әкімі болып Шалбаев Рахымжан Ысқақұлы сайланды, 1976 жылы туған, Маңғыстау облысы Бейнеу ауданы әкімінің орынбасары, Бейнеу ауданында тұрады.

⚡Сүйінші, қазақ елі! Халық саны 20 миллионға жетті.

Бүгін Тоқаев осындай мәлімдеме жасап, отандастарымызды құттықтады.

«Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді, – деп жазды Қасым-Жомарт Тоқаев Х парақшасына.

Мектеп және колледждерде сабақ онлайн форматында өтеді


Маңғыстау облысында ауа-райының қолайсыздығына байланысты мектеп пен колледждерде
11 желтоқсан күнгі сабақ онлайн форматында өтеді.

Маңғыстау облысының білім басқармасына сілтеме жасап.

Білім беру мекемелерінің басшыларына тиісті тапсырмалар берілді.

Мектепке дейінгі ұйымдар күнделікті режимде жұмыс істейді. Өзгерістер қосымша хабарланатын болады, делінген басқарма таратқан ақпаратта.

Айта кетейік, 11 желтоқсанда Маңғыстау облысының батысында, оңтүстігінде, солтүстік-шығысында, көктайғақ, жаяу бұрқасын күтіледі. Солтүстік-шығыстан, шығыстан жел соғады, облыстың батысында, оңтүстігінде, солтүстік-шығысында 15-20 м/с күтіледі.

Маңғыстауда 20 жастағы жігіт 5-сынып оқушысымен кездеспек болған.

Маңғыстау облысы, Батыр ауылының 20 жастағы тұрғынын полицейлер ұстады. Ол 5-сынып оқушысына сексуалдық сипаттағы сөздер жазып, кездесуге шақырған. Бұл туралы Bugin.kz тілшісі ASTANA арнасына сілтеме жасап хабарлайды.
⠀
Бұл деректі бесінші сынып оқушысының анасы айтты. Ол қызының WhatsApp арқылы біреуге үнемі хат жазып тұрғанын байқаған. Әйел қыздың телефонына қараса, көптеген әдепсіз хабарламаларды көрген. Бір жас жігіт қызына киімсіз және басқа да көптеген ұятсыз суреттерді жіберуін өтінген.
⠀
Қыздың анасы бір айла қолданды. Ол қызының атынан бейтаныс жігітпен хат алыса бастады. Анасы қызының атынан "ата-анам үйден кетіп қалды" деген желеумен жігітті кездесуге шақырады. Кездесуге келген жас жігітті телефонына түсіріп алып, полиция шақырған.

Қазіргі уақытта полицейлер 19 жастағы жігітті ұстады. Аталған дерек Қылмыстық кодекстің 124-бабы 1-бөлігімен (Кәмелетке толмағандардың жыныстық тиіспеушілігіне қарсы қылмыс) Мұнайлы ауданы сотқа дейінгі тергеп-тексерудің бірыңғай тізілімі ПБ-да тіркелді.

Полицейлердің ақпараты бойынша, қазір тергеу жүріп жатыр, басқа ақпарат тергеу мүддесіне орай жария етуге жатпайды.  

Видео: Lada.kz

Маңғыстауда соғды қызғалдағын жұлғандарға қылмыстық іс қозғалады

Маңғыстауда Қызыл кітапқа енген соғды қызғалдағы гүлдеп жатыр. Егер өңірге келушілер мен тұрғындар соғды қызғалдағын жұлса, қылмыстық іс қозғалады. Бұл туралы Облыстық табиғи ресурстар және табиғат пайдалануды реттеу басқармасы ескертеді, - деп хабарлайды mangystaumedia.kz сайты.

Соғды қызғалдағы - биіктігі 10-25 сантиметр болатын көпжылдық өсімдіктің түрі. Тұқымы жұмыртқа тәрізді, қалыңдығы 0,7-1,5 сантиметр, қара, қоңыр, қатты, ішкі жағы түкті қабықты болады.

Соғды көктемнің ортасында наурыздан сәуірге қараған уақытта гүлдей бастайды. Қызылқұм, Қарақұм және Маңғыстаудың құмды аймақтарында немесе сирек, сазды, шөлейтті жерлерде өседі.

Соғды қызғалдағы – Қазақстанның қызыл кітабына енген, сирек кездесетін гүл.

❓ Биыл мектепте соңғы қоңырау бола ма

Биыл оқу жылы 34 аптаға созылып, 25 мамырда аяқталады.

Бірқатар облыстардағы су тасқыны жағдайына байланысты және соңғы күн сенбіге келіп тұрғандықтан, оқушыларға сынып сағаты өткізіледі. Онда сынып жетекшілері оқушылармен бірге өткен жылды қорытындылайды.

11 (12) сынып түлектеріне аттестаттарды тапсыру және арнайы "Алтын белгі" төсбелгілерімен марапаттау 12-15 маусым аралығында барлық мектеп емтихандары аяқталғаннан кейін өтеді.

⚡️Тоқаев Маңғыстау облысының әкімі Нұрлан Ноғаевты лауазымынан босатты

Ол бұл қызметті 2021 жылдың 7 қыркүйегінен бастап атқарған еді.

Бейнеуде жаңа субұрқақ салынып жатыр.

Аудан әкімі Рахымжан Шалбаев аудан орталығында салынбақ жаңа субұрқақтың құрылыс жұмыстарымен танысты. Және де игі бастамаға сәттілік тіледі.

Субұрқақтың жалпы көлемі 970 м2 құрайды. “Тәуелсіздік” алаңында орналасқан…

Нұрдәулет Қилыбай – Маңғыстау облысының жаңа әкімі
⠀
Ол «Өзенмұнайгаз» АҚ бұрынғы бас директоры қызметін атқарды.
⠀
Нұрдәулет Игілікұлы Қилыбай 1978 жылы Маңғыстау облысы Бейнеу ауданында дүниеге келген.

Бейнеуде бюджет қаржысын жымқырған колледж директоры сотталды.

Маңғыстау облысы Бейнеу гуманитарлық колледжінің директоры бюджеттің ірі көлемдегі ақшасын иемденді деген айыппен сотталды. Сотта оның 2022 жылғы желтоқсан және 2023 жылғы тамыз айлары аралығында қызметкерлерге сыйақы беру туралы бұйрықтар шығарғаны анықталды. Бұл туралы Stan.kz ақпарат агенттігі хабарлайды.