Муус устар 4-5 күннэригэр Дьокуускай куоракка П.А.Ойуунускай аатынан Саха академическэй тыйаатырын Алампа саалатыгар 29-с өрөспүүбүлүкэтээҕи «Синяя птица» оскуола тыйаатырдарын театральнай бэстибээлэ буолан ааста. Бу бэстибээли иилээн-саҕалаан ыытар СӨ театральнай деятеллэрин сойууһа. Салайааччы – Саргылана Саввична Адамова, сойуус салалтатын чилиэнэ. Быйылгы бэстибээлгэ Дьокуускай куораттан, Хаҥалас, Сунтаар, Бүлүү, Алдан, Чурапчы, Ньурба, Өймөкөөн, Амма уонна Мэҥэ Хаҥалас улуустарыттан театральнай кэлэктииптэр кыттыыны ыллылар. Ол иһигэр – Бөтүҥнээҕи Степан Левин аатынан норуот айымньытын киинин иһинэн үлэлиир "Төлөн" оҕо тыйаатыра Уйбаан Нуолур айымньытынан, Светлана Неустроева суруйуутугар «Салаат оҕото Чооруона» испиктээгинэн кытынна. Режиссер Марианна Кырбасова: «Бу эспэктээккэ Бөтүҥ орто оскуолатын 4-с кылааһын коллектива - 19 оҕо бары кытыннылар, оҕолор туох баар кыһамньыларын ууран туран турукка киирэн туран оруолларын чаҕылхайдык толордулар. Кылаас салайааччытыгар Марта Константинованаҕа, төрөппүттэргэ, С.Левин аатынан норуот айымньытын киинин салайааччытыгар Анна Федоровнаҕа уонна күүс-көмө буолбут үлэһиттэргэ махталбытын биллэрэбит».
Бэстибээл дьүүллүүр сүбэтигэр үлэлээтилэр:
Титигиров Александр Васильевич, СӨ искусствотын үтүөлээх деятелэ, Эдэр көрөөччү тыйаатырын кылаабынай режиссера, дьүүллүүр сүбэ бэрэссэдээтэлэ;
Маркова Мария Маркеловна, СӨ искусствотын үтүөлээх деятелэ, доцент, Арктикатааҕы судаарыстыбаннай култуура уонна искусство институтун педагога,
Кропотов Владимир Васильевич, СӨ култууратын туйгуна, А.С.Пушкин аатынан Нуучча тыйаатырын артыыһа,
Дегтярева Мария Петровна, П.А.Ойуунускай аатынан Саха академическэй тыйаатырын артыыһа,
Николаева Кюннэй Александровна, СӨ култууратын туйгуна, Олоҥхо тыйаатырын артыыһа.
Кыттыы түмүгүнэн, "Төлөн" оҕо тыйаатыр 24 кыттааччы-коллективтан Лауреат II степени, сүрүн оуролу - Чооруонаны толорбут Андрей Артемьев «Лучшая мужская роль» анал аатынан бэлиэтэнэн оҕолор, салайааччылар үөрүүлэрэ үксээтэ.
Оҕолор бары аан маҥнайгытын тыйаатыр эйгэтигэр уһуйуллан, улахан күрэхтэргэ, бэстибээллэргэ үрдүк ситиһиилэнэн кэлбиттэрин Бөтүҥ дьоно-сэргэтэ киэн туттунуулара буоллулар. Өссө даҕаны ситиһиилэр, кыайыылар-хотуулар кэлэ туруохтара диэн эрэнэбит.

Муус устар 1 күнүгэр Бөтүҥнээҕи С.Я. Левин аатынан норуот айымньытын киинигэр саха талааннаах ырыа айааччыта, норуот таптыыр ырыаһыта, тыа сирин уус-уран самодеятельноһын Бүтүн Арассыыйатааҕы бастакы көрүүтүн кыттыылааҕа Клавдия Онуфриева төрөөбүтэ 95 үбүлүөйдээх сылыгар анаан «Мин олоҕум кэрчиктэрэ» диэн ахтыы киэһэтэ ыытылынна.
Ахтыы киэһэтигэр Амма улууһун култуура уонна норуот айымньытын салалтатын салайааччыта Иван Иванов, Бөтүҥ нэһилиэгин дьаһалтатын баһылыгын солбуйааччы Алексей Стручков, СӨ култууратын үтүөлээх үлэһиттэрэ Ольга Судинова, Раиса Щадринова, Клавдия Никитична аймаҕа, кыраайы үөрэтээччи, Бөтүҥ нэһилиэгин бочуоттаах олохтооҕо Алексей Нестерев, Амма улууһугар ОДьКХ салаатын өр сыл салайбыт, СӨ үтүөлээх үлэһитэ, тыа хаһаайыстыбатын туйгуна, Амма улууһун, Бөтүҥ, Алтан, Сатаҕай, Абаҕа нэһилиэктэрин бочуоттаах олохтооҕо Анатолий Нестерев, РФ уопсай үөрэхтээһинин бочуоттаах үлэһитэ, СӨ үөрэҕин туйгуна, СӨ бочуоттаах бэтэрээнэ, Бөтүҥ нэһилиэгин бочуоттаах олохтооҕо Ольга Егорова уонна да атыттан кыттыыны ылан талааннаах мелодист туһунан ахтан-санаан аастылар.
Үбүлүөйү көрсө ыытыллыбыт хоһоон ааҕыытын, уруһуй күрэхтэрин, саҕа уонна былаат баайыытыгар күөн күрэс түмүгүн С.Я. Левин аатынан норуот айымньытын киинин дириэктэрэ Анна Яковлева билиһиннэрдэ, кыайыылаахтарга дипломнары, махтал уонна туоһу суруктары туттарда.
Тэрээһини Клавдия Онуфриева балта Агафья Онуфриева «Амма эбэм», Софья Иванова «Сайылыгым барахсан», Вера Жиркова «Толуу астаах туораҕым», Ольга Егорова «Дьол, үөрүү ырыата», ону сэргэ «Махтал» норуодунай үҥкүү ансаамбылын орто бөлөҕө, «Оллоон» норуот айымньытын көрдөрүүлээх ансаамбылын кыра бөлөҕө киэргэттилэр. Хоһоон ааҕыытын күөн күрэһин кыайыылаахтара «Мичээр» оҕо сайдар киинин улахан уонна бэлэмнэнии бөлөҕүн иитиллээччилэрэ хоһооннорун ааҕан иһитиннэрдилэр.
Ахтыы киэһэтин култуура киинин исписэлииһэ Светлана Неустроева иилээн-саҕалаан ыытта.

🎖️ 9 Мая — день, когда мы вспоминаем своих героев. Пусть они будут рядом с нами не только в сердце, но и в каждом символе Победы.

❓Что можно сделать?
— Празднично оформить портрет ветерана на сайте polkrf.ru
— Разместить его на заднем стекле автомобиля или на одежде
— Заменить аватар в соцсетях на портрет своего героя

Пусть вся страна увидит, кем мы гордимся. В этот День Победы наши герои снова в строю!

#БессмертныйПолк #9Мая #ДеньПобеды