"ဗေဒါပျံ အံကိုခဲ ပန်းပန်လျက်ပဲ"

ယနေ့ ၂၀၂၄ခုနှစ်၊ ဇွန်လ ၁၉ရက်နေ့သည် အဓမ္မဖမ်းဆီးခံထားရတဲ့ လူထုခေါင်းဆောင် ဒေါ်အောင်ဆန်းစုကြည်၏ (၇၉)နှစ်ပြည့် မွေးနေ့ရက်မြတ်ပဲ ဖြစ်ပါတယ်ခင်ဗျာ။

သို့ဖြစ်ပါ၍ ကျွန်ုပ်တို့ အခြေခံပညာကျောင်းသားလူငယ်များအစည်းအရုံး(အကလ) မှ တော်လှန်သော ကျောင်းသား၊ လူငယ်ရဲဘော်များသည်လည်း ပန်းသပိတ်တွင်ပါဝင်ဆင်နွှဲခဲ့ပါသည်။

မွေးနေ့ရှင် လူထုခေါင်းဆောင် ဒေါ်အောင်ဆန်းစုကြည် အပါအဝင် မတရား အကြမ်းဖက် ဖမ်းဆီးခြင်းခံထားရသော နိုင်ငံရေးအကျဥ်းသားများအားလုံး မတရား ဖမ်းဆီးချုပ်နှောင်ခံရခြင်းမှ အမြန်ဆုံးလွတ်မြောက်ကြပါစေဟု ဆုတောင်းမေတ္တာပို့အပ်ပါသည်။

#အကလ_ဗဟို
#အခြေခံပညာကျောင်းသားလူငယ်များအစည်းအရုံး
#၁၉ဇွန်_ပန်းသပိတ်

လွန်ခဲ့သော နှစ် (၆၀)ခန့်က နွေရာသီအချိန်တစ်ခုမှာ ဦးနေဝင်းအစိုးရက အာဏာမတရားရယူသိမ်းဆည်းမှုဖြစ်ပွားခဲ့ပါသည်။ ထို့ကြောင့်ပင် ဇူလိုင်လ ၇ရက်နေ့ မိုးရာသီအချိန်တစ်ခုမှာကျောင်းသားလူငယ်ထုက ပညာရေးအခွင့်အလမ်းပိတ်ဆို့မှုနှင့် စစ်အစိုးရကိုမနှစ်သက်ကြောင်းသိသာစေရန် ငြိမ်းချမ်းစွာဆန္ဒထုတ်ဖော်ခဲ့ကြသည်။ ကျောင်းသားလူငယ်ထု၏ ငြိမ်းချမ်းစွာဆန္ဒထုတ်ဖော်မှုက စစ်အာဏာရှင်အစိုးရကို လက်နက်ကိုင်တိုက်ပွဲများထက် ပိုမိုထိခိုက်စေသောကြောင့်ထင်၏။ စစ်အာဏာရှင်အစိုးရသည် ငြိမ်းချမ်းစွာဆန္ဒထုတ်ဖော်နေသော လက်နက်မဲ့ကျောင်းသားလူငယ်ထုကို အာဏာရှင်တို့၏ မပြောင်းလဲသောပုံစံအတိုင်း ရက်စက်စွာ ပစ်ခတ်ဖြိုခွင်းခဲ့ကြသည်။ မိုးရာသီ၏မိုးရေများအကြားတွင် ကျွန်ုပ်တို့နောင်တော်ကျောင်းသားများ၏သွေးချွေးတွေဟာ ရောယှက်၊ ရောပြွမ်းလျှက် အချိန်ခဏအကြာမှာပဲ ဆေးကြောပြီးစီးခဲ့ပါသည်။ သို့သော်လည်း ကျွန်ုပ်တို့ရင်ထဲက နောင်တော်တို့ရဲ့ သွေး၊ ချွေးများကတော့ ယခုချိန်ထိ အက်စစ်ရည်များကဲ့သို့ ကျွန်ုပ်တို့ရဲ့ရင်ကို လှိုက်စားနေဆဲဖြစ်ပါသည်။ ကျွန်ုပ်တို့၏ရင်ထဲက အက်စစ်ရည်တွေကို ရှင်းပစ်နိုင်ဖို့ အာဏာရှင်မှန်သမျှနှင့် အာဏာရှင်စနစ်ဆိုးမှန်သမျှကိုတိုက်ထုတ်ရှင်းလင်းပစ်နိုင်မှ ဖြစ်လာနိုင်လိမ့်မည်ဟု ထင်မိပါသည်။ အက်စစ်ရည်များကို ကျွန်ုပ်တို့၏ရင်ထဲမှရှင်းထုတ်ပစ်နိုင်သည့်တိုင်အောင် ယခင်ကနှစ်ပေါင်းများစွာလှိုက်စားခံခဲ့ရသည့် ဒဏ်ရာတွေကို သေချာကုသဖို့ရန်အတွက် လိုအပ်နေသေးပေလိမ့်ဦးမည်။ နှစ်ပေါင်းများစွာက အနာဟောင်းအနာဆွေးများ၊ လတ်လတ်ဆတ်ဆတ်အနာသစ်များကို ကုသပျောက်ကင်းနိုင်မည့်နည်းကတော့ ယခင်က နာင်တော်ကျောင်းသားများမျှော်လင့်တောင့်တခဲ့ရသော ဖက်ဒရယ်ဒီမိုကရေစီနိုင်ငံသစ်တည်ထောင်နိုင်မှသာ ကုသနိုင်လိမ့်မည်ဟု ထင်မိပါသည်။ သို့အတွက်ကြောင့် ကျွန်ုပ်တို့နိုင်ငံသားအားလုံးသည် ယခုနွေဦးတော်လှန်ရေးကို ပါဝင်တိုက်ခိုက်တိုက်ပွဲဝင်ပြီး ကျွန်ုပ်တို့ရင်ထဲရှိ အက်စစ်တိုက်စားဒဏ်ရာများကို ကုသကြဖို့ရန် တိုက်တွန်းလိုက်ရပါသည်။

"၇.၇.၆၂ မမေ့ကြနဲ့"

#7_July
#၇_၇_၆၂မမေ့ကြနဲ့
#အကလ_ဗဟို
#အခြေခံပညာကျောင်းသားလူငယ်များအစည်းအရုံး

၁၉၄၇ ခုနှစ်၊ ဇူလိုင်လ ၁၉ရက်နေ့တွင် ရန်ကုန်မြို့ရှိ ဝန်ကြီးများရုံးရဲ့ အနောက်ဘက်ဆောင်မှာရှိတဲ့ ဗိုလ်ချုပ်ရုံးခန်းမှာ အစည်းအဝေးတစ်ရပ် ကျင်းပနေခဲ့ကြသည်။ ထိုအစည်းအဝေးတွင် ဗိုလ်ချုပ်အောင်ဆန်း နှင့် တကွ ဒီးဒုတ်ဦးဘချို၊ သခင်မြ၊ ဦးရာဇတ်၊ ဦးဘဝင်း၊ မန်းဘခိုင်၊ မိုင်းပွန်စော်ဘွားကြီး စဝ်စံထွန်း၊ ဦးအုန်းမောင်၊ ဦးအောင်ဇံဝေ၊ ဦးရွှေဘော်၊ ပျော်ဘွယ် ဦးမြ၊ ပုဂံ ဦးဘဂျမ်း၊ ဦးကျော်ငြိမ်း နှင့် စောစံဖိုးသင်းတို့ ပါဝင်ခဲ့သည်။
မြန်မာစံတော်ချိန် ၁၀ နာရီ ၃၇ မိနစ်တွင် စစ်ယူနီဖောင်း အပြည့်အစုံဝတ်ဆင်ထားသော လူတစ်စုသည် မောင်းပြန်သေနတ်များကိုင်ဆောင်ကာ အနောက်တောင်ဘက် လှေကားမှတဆင့် ရုံးခန်းတွင်းသို့ ဝင်ရောက်ပစ်ခတ်ခဲ့သည်။ ပစ်ခတ်သူများမှာ ရန်ကြီးအောင်၊ သက်နှင်း၊ မောင်စိုး၊ စိန်ကြီးတို့ဖြစ်၍ ကားမောင်းသူမှာ သုခ ဖြစ်သည်။

၁၀ နာရီ ၃၇ မိနစ် ထိုလုပ်ကြံမှုမှာ ဗိုလ်ချုပ်အောင်းဆန်း နှင့် တကွ မန်းဘခိုင်၊ ဦးဘဝင်း၊ သခင်မြ၊ ဦးရာဇတ်၊ ဦးအုန်းမောင် တို့ အသက်ဆုံးရှုံးခဲ့ရသည်။ လုပ်ကြံသူတို့ ပြန်လည်ထွက်ခွာရာ၌ လှေကားတွင် ရဲဘော်ကိုထွေး (ဦးရာဇာတ်၏ သက်တော်စောင့်) ပတ်ခတ်ခံခဲ့ရသည်။ ဒီးဒုတ်ဦးဘချို မှာ မွန်းလွဲ ၁ နာရီ ၄၅ မိနစ် တွင် လည်းကောင်း၊ မိုင်းပွန်စော်ဘွာကြီး စဝ်စံထွန်း သည် ၁၉၄၇ ခုနှစ်၊ ဇူလိုင်လ ၂၀ရက်နေ့တွင် လည်ကောင်း ကွယ်လွန်ခဲ့ပါသည်။

ယခုအချိန်တွင် အာဇာနည်နေ့ဆိုတာ ဝမ်းနည်းစရာလား၊ သင်ခန်းစာယူစရာလား ဟူ၍ မေးခွန်းထုတ်စရာ ရှိလာခဲ့သည်။

အာဇာနည်နေ့ဆိုတာ ဝမ်းနည်းစရာလား၊ သင်ခန်းစာယူစရာလား။
ကျွန်တော်တို့ အာဇာနည်နေ့ဆိုတာ ဗိုလ်ချုပ်အောင်ဆန်းနှင့် အာဇာနည်တွေကို ဆုံးရှုံးခဲ့ရတဲ့နေ့လို့ ဝမ်းနည်းစရာနေ့တစ်နေ့အဖြစ် သင်ကြားခဲ့ရတာပဲဖြစ်ပါတယ်။နိုင်ငံတည်ဆောက်ဆဲကာလမှာ ယခုလို လုပ်ကြံသတ်ဖြတ်မှုတွေဟာ အဆန်းအကျယ်ကိစ္စရပ်မဟုတ်ပေမယ့် မြန်မာနိုင်ငံနေနဲ့ လူတစ်ဦးတစ်ယောက်အပေါ် အလွန်အမင်း မှီခိုအားထားခဲ့ကြတဲ့အတွက် နိုင်ငံအတွက်အရေးပါတဲ့ ကိစ္စရပ်များ ဆက်လက်ဆောင်ရွက်နိုင်ခြင်းမရှိတော့တဲ့အတွက် တိုင်းရင်းသားစည်းလုံးညီညွတ်မှုကို မတည်ဆောက်နိုင်ခင် ပြိုကွဲခဲ့ရသလို မဖြစ်လာသင့်တဲ့ ပြဿနာမြောက်များစွာပေါ်ပေါက်ခဲ့ရတာကို သင်ခန်းစာယူပြီး ယခုပြန်လည်တည်ဆောက်ရေးကာလမှာ  မတူကွဲပြားတဲ့ အဖွဲ့အစည်းတွေအနေနဲ့ စည်းလုံးညီညွတ်ရေးနှင့် ပုဂ္ဂိုလ်စွဲနိုင်ငံရေးကို တိုက်ဖျက်ရန်အတွက် အာဇာနည်၉ဦးသည် ဝမ်းနည်းဖွယ်ရာ သင်ခန်းစာတစ်ခုအနေနဲ့တည်ရှိနေမှာပဲဖြစ်ပါတယ်။

"အာဇာနည်စိတ်ဓာတ်စွဲကိုင် တိုက်ပွဲဝင်ကြ"

#အာဇာနည်နေ့
#၇၇ကြိမ်မြောက်
#19th_July
#အကလ_ဗဟို
#BESYA
#အခြေခံပညာကျောင်းသားလူငယ်များအစည်းအရုံး