တရုတ်ပြည်သူ့သမ္မတနိုင်ငံ တာဝန်ရှိသူများနှင့် တရုတ်ပြည်သူများသို့ မြန်မာပြည်သူလူထု၏ သဘောထားဆန္ဒနှင့် ပြည်သူ့တော်လှန်ရေးကြီး အခြေအနေမှန်ကို သိရှိနိုင်ပါရန် ပေးပို့သည့် အိတ်ဖွင့်ပေးစာ
●๑۩۩๑ ●

ရက်စွဲ။ ဒီဇင်ဘာလ (၁၇) ရက် ၂၀၂၃ ခုနှစ်။

သို့
မစ္စတာ ရှီကျင့်ဖျင်
အထွေထွေအတွင်းရေးမှူးချုပ်
တရုတ်ပြည်ကွန်မြူနစ်ပါတီ

သို့
မစ္စတာ ရှီကျင့်ဖျင်
နိုင်ငံတော်သမ္မတ
တရုတ်ပြည်သူ့သမ္မတနိုင်ငံ

သို့
မစ္စတာ ဝမ်ယိ
နိုင်ငံခြားရေးဝန်ကြီး
တရုတ်ပြည်သူ့သမ္မတနိုင်ငံ

သို့
ပြည်သူ၊ ပြည်သားများ
တရုတ်ပြည်သူ့သမ္မတနိုင်ငံ

“ဖက်ဆစ် အကြမ်းဖက် စစ်အုပ်စု အသက်ဆက်ရေး ဆွေးနွေးပွဲများ . . . အလိုမရှိ-အလိုမရှိ”

“တရုတ်-မြန်မာ အနာဂတ်အတွက် အဖိနှိပ်ခံ ပြည်သူများနဲ့ အတူရပ်ပါ”

“ဖက်ဆစ်တပ်နဲ့ပေါင်းပြီး မြန်မာပြည်သူတွေကို သတ်နေတာ ချက်ချင်းရပ်”

{တရုတ်-မြန်မာ နှစ်နိုင်ငံ ချစ်ကြည်ရေး၊ ဘုံအကျိုးစီးပွားများကို ထိန်းသိမ်းမြှင့်တင်ရေး၊ စစ်မှန်သည် “ဆွေမျိုး-ပေါက်ဖော်” ဆက်ဆံရေးတို့ကို တည်ဆောက်နိုင်ရန် မျှော်ရည်လျက် မြန်မာပြည်သူလူထုတရပ်လုံး၏ သဘောထားဆန္ဒနှင့်အညီ ဤအိတ်ဖွင့်ပေးစာကို အထွေထွေသပိတ်ပေါင်းစပ်ညှိနှိုင်းရေးအင်အားစု (General Strike Coordination Body - GSCB) အပါအဝင် အောက်ဖော်ပြပါ မြန်မာလူထုအခြေပြုနှင့် တော်လှန်ရေး အဖွဲ့အစည်းပေါင်း (၂၅၅) ဖွဲ့က ပေးပို့ပါသည်}

အိတ်ဖွင့်ပေးစာကို သိမ်းဆည်းဖတ်ရှုရန်နှင့် ပြန်လည်မျှဝေရန် >>> https://tinyurl.com/2cnf6mcs

#GSCB #BESYA

◼️လူငယ်
-ကိုအောင်ကျော်

(‌ဗိုလ်အောင်ကျော် ကျဆုံးခြင်း ၈၅နှစ်မြောက်နေ့ {ဝါ} မြန်မာ့ကျောင်းသားနေ့ကို ဂုဏ်ပြုသောအားဖြင့် ဗိုလ်အောင်ကျော် ရေးသားခဲ့သော ဤဆောင်းပါးကို ကောက်နုတ်ဖော်ပြအပ်ပါသည်။ )

ဤနေ့ကား မြန်မာပြည် ကျွန်သက် (၅၃) နှစ် တင်းတင်းပြည့်သော နေ့ပေတည်း။ အချိန်ကား (၉) နာရီခန့် ရှိပေမည်။ မိုးကား တဖွဲဖွဲနှင့် ရွာလျက်ရှိ၏။ အသက် (၁၆) နှစ်ခန့်ရှိသော လူငယ်တယောက်သည် အဆောင်းလည်းမပါ၊ မိုးရွာသည်ကိုလည်း ဂရုစိုက်ဟန် မတူ၊ တယောက်တည်း ခပ်ဖြည်းဖြည်းပင် သမဂ္ဂရုံးသို့ ရောက်လာပေပြီ။ တံခါးဝသို့ရောက်သောအခါနောက်သို့တချက်ငဲ့၍ ကြည့် လိုက်၏။ ထို့နောက် ခုံဘိနပ်ကို ချွတ်လိုက်၏။ ကုတ်အင်္ကျီကို စက္ကန့်အနည်းငယ်မျှ စိုက်ကြည့်နေ၏။ ကြည့်ရင်းမျက်နှာ၌ သဘော မကျသော အခြင်းအရာတို့ ပေါ်လာ၏။ ချက်ခြင်းအင်္ကျီကို ချွတ်လျက် ဘေးသို့ချလိုက်၏။ ထို့နောက် အသင်းရုံးရှေ့မြက်ခင်းပေါ်သို့ ဆင်းသွားလေ၏။ ဒေါင်းအလံကြီးက မိုးရေထဲတွင် တိုင်တဝက်၌ တည်လျက်ရှိ၏။ ခြေကိုစုံရပ်၍ ခေါင်းငုံ့လျက် (၂) မိနစ်ခန့် အလံကို အရိုအသေပေးနေ၏။ မိုးပေါက်တို့က သူ၏ခေါင်းပေါ်သို့ ကျလျက်ရှိ၏။ ဒေါင်းအလံကို တချက်မျှမော်ကြည့်ပြီးနောက် အသင်းရုံး ထဲသို့ဝင်ကာ ချွတ်ထားသော အင်္ကျီနှင့် ဘိနပ်ကို ဝတ်လျက် အပေါ်ထပ်သို့ တက်သွားလေ၏။

တဖက်ခန်း၌ကား ဘယ်သူမျှမရှိပေ၊ လူငယ်သည် အခန်းထဲသို့ဝင်ကာ ဟိုဟိုသည်သည် လျှောက်၍ကြည့်လေ၏။ လူငယ်၏ မျက်လုံးတို့သည် အလင်းသတင်းစာဆီသို့ ရောက်သွား၏။ မျက်လုံးနှင့် အတူတူပါသွားပြီးလျှင် သတင်းစာကိုယူလျက် ကုလားထိုင် တလုံးတွင်ဝင်၍ ထိုင်လိုက်၏။ စာရွက်တရွက်ပြီး တရွက်လျှောက်၍ လှန်လာရာ အလယ်နားသို့ ရောက်၍လာတော့၏။ စာရွက်က အခြားစာရွက်များနှင့်မတူ၊ စာလုံးတို့က အစိမ်းရောင်တို့ဖြင့် နှိပ်ထားကုန်လေ၏။ လူငယ်၏လက်သည် ရပ်၍ သွားလေ၏။ မျက်လုံးတို့သည် စာကိုစူးစိုက်၍ နေကြတော့၏။ တခန်းလုံးကား တိတ်လျက်ရှိ၏။ သူကား စာမျက်နှာလေးမျက်နှာခန့် ဖတ်ပြီးသည့်နောက်တွင်ကုလားထိုင်ပေါ်တွင် ခေါင်းကိုငဲ့၍ မလှုပ်မယှက်နေတော့လေ၏။

အခန်းဘေးရှိ အမှုဆောင်ဟောင်းများ၏ ပုံတို့သည် သူ့အားစိုက်ကြည့်လျက်ရှိ၏။ မျက်တောင်ကား အနည်းငယ်မျှ မခတ်၊ ရှေ့တွင်ရှိသော သတင်းစာကို ဝါးစားမတတ်စိုက်၍ ကြည့်နေလေ၏။ ကြည့်ရင်းကြည့်ရင်း မျက်နှာမှာ ပြောင်း၍ လာတော့၏။ တဖြည်းဖြည်း ဒေါသရောင်လွှမ်း၍ လာတော့၏။ မျက်လုံးသည် ကျယ်၍ကျယ်၍ လာတော့၏။ လူလည်းရှေ့သို့ ကိုင်း၍လာပေ၏။ ထို့နောက် “တောက်”ဟု ခပ်ပြင်းပြင်းခေါက်ခါ နေရာမှထလိုက်၏။ ထပြီးနောက် ဘေးပတ်လည်ကို ကြည့်လိုက်၏။ အမျိုးသားနေ့ တွင် ကိုင်ရန်၊ လျှောက်ရန် စာတမ်းများမှာ အုတ်များနှင့်ကပ်လျက် နံရံတွင်ထောင်၍ထားပေသည်။ စာတမ်းတခုသည် သူ့အားရှေးဦးစွာ ဆီး၍နှုတ်ဆက်လေသည်။ လူကားတွေလည်း ရှိပေ၏။ နဂိုက ဒေါသရောင်လွှမ်းသော မျက်နှာသည် ပို၍တင်းမာလာပေ၏။ မျက်လုံးများမှာ ထိုစာတမ်းကို စိုက်ကြည့်နေရာမှ သတင်းစာဘက်သို့ တဖန်ပြန်၍ ရောက်လာပြန်သည်။ သတင်းစာထဲရို ဓါတ်ပုံတို့သည် သူ၏ရှေ့တွင် မလှုပ်မယှက် တည်လျက်ရှိနေ၏။ မျက်လုံးထဲမှ မျက်ရည်တို့သည် မျက်တောင်နှစ်ချက် အခတ်၌ သတင်းစာပေါ်သို့ ကျကာ ဓါတ်ပုံများကို သွား၍ကန်တော့ကြလေ၏။ ခေါင်းသည် တဖန်ပြန်၍ ထောင်လာပြန်၏။ မျက်လုံးတို့ကား နေရာပြောင်း၍ ကျက်စားနေကြပြန်လေ၏။ လူတကိုယ်လုံး ခေါင်းနှင့် မျက်လုံးများသာ လှုပ်လျက် ရှိပေ၏။

“သည်းညည်းခံလျှင် သူ့ကျွန်ဖြစ်"

ဟူသောစာတမ်းသည် သူ၏မျက်လုံးကိုဆီး၍ ဧည့်ခံပြန်၏။ လူငယ်၏စိတ်နှင့်စာတမ်းသည် သဘောချင်း တိုက်ဟန်တူ၏။ မျက်လုံးတို့သည် ပိုမို၍စူးစိုက်လာ၏။ မျက်နှာမှာပိုမို၍ ခက်ထန်လာပေ၏။ အံသွားတို့ကို ကွဲသွားမတတ်ကြိတ်လိုက်၏။ ကျစ်ကျစ် ပါအောင် ဆုတ်ထားသောလက်မှာ အထက်သို့ အနည်းငယ်မြောက်လာ၏။ မျက်စေ့ကား … သတင်းစာသို့ လည်ပြန်လေ၏။

မရှေးမနှောင်းပင် “ဟင်း” ဟု သက်မကိုချလိုက်၏။ သတင်းစာထဲရှိဓါတ်ပုံတို့မှာ ယခင်အတိုင်းပင်ရှိသေး၏။ စာများကား လူငယ် ၏ စိတ်နှင့် အမူအရာကိုသိကြဟန်မတူ၊ ဤအကြိမ်ခေါင်းလှည့်လိုက်သောအခါ “ကြောက်မွေးပါ ဇာဂနာနဲ့နှုတ်” ဟူသော စာတမ်းဆီသို့ မျက်မှန်းတမ်း၍ သွားလေ၏။ သူငယ်မျက်နှာသည် အနည်းငယ် ပြုံးယောင်ယောင်ရှိလာပြီးနောက် မျက်စေ့ကို နေရာရွှေ့ သွားပြန်လေ၏။ “သွေးစုပ်ကောင်တွေ သတ်ပစ်” အစရှိသဖြင့် ရေးထားသည့်စာတမ်းကြီးအား ပေါက်၍သွားမတတ် စိုက်၍ ကြည့်နေပြန်လေ၏။ သူ့မျက်နှာသည် မှောင်မဲ၍လာကာ လူလည်းအနည်းငယ် တုန်လာပေ၏။ မျက်နှာကား ဘီလူးဝင်သကဲ့သို့ ထင်ရ၏။ တဖန်သတင်းစာကို စူးစိုက်ကြည့် နေပြန်လေ၏။ ကြည့်လေကြည့်လေ ပို၍ ကြောက်စရာ ကောင်းလာပေတော့၏။ မရှေးမနှောင်းပင် “ဒုံး” ဟု စားပွဲကို လက်သီးနှင့်ထုလျက် “ရိုင်းလိုက်လေကွာ” ဟုဆိုကာ အခန်းတွင်းမှ ရုတ်တရက် ထွက်သွားတော့၏။ အခန်းတွင်းကား ပိုမိုတိတ်ဆိတ်လျက် ကျန်ရစ်လေ၏။ စာအုပ်များမှာ ဖတ်သူကို မျှော်လျက် ရှိကြကုန်၏။ အမှုဆောင်များ၏ ဓါတ်ပုံများကား နံရံပေါ်တွင် မလှုပ်မယှက် တည်မြဲတည်လျက် နေပေ၏။

“အမျိုးအတွက် အသက်စွန့်လော့” ဟူသောစာတမ်းလေးမှာ လေတိုက်သဖြင့် အနည်းငယ်လှုပ်၍သွားပေတော့၏။ အပြင်တွင် မိုးကားရွာလျက်ပင်။

- ကိုအောင်ကျော်

#မီးဒုတ်စာစဉ် #အခြေခံပညာကျောင်းသားလူငယ်များအစည်းအရုံး #BESYA #ဗိုလ်အောင်ကျော် #မြန်မာ့ကျောင်းသားနေ့

"၂၀၂၄ခုနှစ် နိုင်ငံတကာနှစ်သစ်ကူးနေ့အထိမ်းအမှတ် သဝဏ်လွှာ"

အကလ (ဗဟို) ၊ ရုံးဌာန၊ ရန်ကုန်မြို့
၁၃၈၅ခုနှစ်၊ နတ်တော်လပြည့်ကျော် ၅ရက်
(၂၀၂၄ခုနှစ်၊ ဇန်နဝါရီလ ၁ရက်)

#BESYA #နိုင်ငံတကာနှစ်သစ်ကူးနေ့ #သဝဏ်လွှာ

📑 📑 📑
ပြည်ပသို့ ပေးစာ

သို့/
ချစ်ခင်ရသော ပြည်ပရောက် မိဘပြည်သူများ။

ဒီဇင်ဘာလအတွင်း ကြေငြာချက်ထုတ်ထားတဲ့ နိုင်ငံတကာရှိ စစ်ကောင်စီရဲ့ အာဏာရှင် သံရုံးများမှ မြန်မာနိုင်ငံသားများရဲ့ လစာဝင်ငွေအပေါ် ဝင်ငွေခွန် ကောက်ခံမည့် ကြေငြာချက်များကို နည်းအမျိုးမျိုးဖြင့် အပြင်းအထန် ကန့်ကွက်ကြောင်း ထုတ်ဖေါ်ပြသကြရန်နှင့် အကြမ်းဖက် စစ်အုပ်စုထံ သွေးစွန်းငွေ၊ သွေးစွန်းခွန်များ ဖြတ်တောက်ရာမှာ ပူးပေါင်းပါဝင်ပေးကြဖို့ ပြည်ပရောက် မြန်မာနိုင်ငံသားများထံ ပြည်တွင်းမှ ပြည်သူများက ချစ်ခင်ရင်းနှီးစွာဖြင့် စာရေးသား တောင်းဆိုလိုက်ပါတယ်။

စစ်ရာဇဝတ်ကောင် မင်းအောင်လှိုင်ရဲ့ စစ်အာဏာသိမ်းမှု ကြိုးစားနေခြင်း နောက်ကွယ်မှာ မြန်မာနိုင်ငံဟာ ဆိုးရွားစွာ မှောင်မိုက် ပျက်စီးလာခြင်းနှင့်အတူ လူငယ်တွေရဲ့ အနာဂတ်၊ အိမ်မက်များစွာဟာ ပျောက်ဆုံးလာခြင်းကြောင့် လမ်းသစ်ဖောက်ရန် အိမ်ကို စွန့်ခွာပြီး စွန့်စားနေကြရသော မိဘ ပြည်သူများ၊ လူငယ်များ တစ်နေ့ထက် တစ်နေ့ များပြားလာသည်ကို အားလုံးသိရှိပြီး ဖြစ်ပါတယ်။

လက်ရှိအချိန်တွင် နိုင်ငံတကာသို့ ရောက်ရှိနေသော မြန်မာနိုင်ငံသား လူဦးရေသည်လည်း ယခင်ကထက် စစ်အာဏာသိမ်းရန်ကြိးစားပြီး နောက်ပိုင်းတွင် အလုပ်၊ ကျောင်း နှင့် နိုင်ငံရေးခိုလှုံမှုများကြောင့် တိုးသည်ထက်တိုး များပြားလာလျက်ရှိပါတယ်။

မိမိတို့ရောက်ရှိနေတဲ့ နိုင်ငံတစ်နိုင်ငံနှင့် တစ်နိုင်ငံ စည်းမျဉ်း၊ စည်ကမ်းများ၊ လုပ်ကိုင်ပုံများ မတူညီခြင်း၊ အကြောင်းအမျိုးမျိုးကြောင့် ယခုလက်ရှိ နေထိုင်နေတဲ့ နိုင်ငံရဲ့ တရားမဝင် အာဏာလု စစ်သံရုံးထံ ပတ်စပိုစ့် (Passport) သက်တမ်းတိုးရန် သွေးစွန်းခွန်များ ဆောင်မှသာလျှင် ထိုနိုင်ငံများတွင် ဆက်လက် နေထိုင်ခွင့် (သို့) အမိမြန်မာနိုင်ငံကို ပြန်လာခွင့် (ဗီဇာသက်တမ်း) ရရှိကြရမည့် အကျပ်အတည်းကိုလည်း သိရှိပြီးဖြစ်ပါတယ်။

သို့ပေမယ့် ပတ်စပိုစ့်သက်တမ်း ကုန်ဆုံးနေသော်လည်း ဗီဇာ (Visa) သက်တမ်း ထုတ်ပေး၊ တိုးပေးသော နိုင်ငံများတွင် ရောက်ရှိနေကြသော မြန်မာနိုင်ငံသားများအနေဖြင့် ကလေးငယ်များနှင့် ပြည်သူများကို နေ့စဉ် သတ်ဖြတ်နေတဲ့ အကြမ်းဖက် စစ်အုပ်စု ထံ ပြည်သူလူထုရဲ့ အသက်သွေးများဖြင့် သွေးစွန်းခွန်များ မစီးဆင်းစေရေး နှင့် ဖြတ်တောက်စေရေးအတွက် အတူတူ တိုက်ပွဲဝင် ပါဝင်စေလိုပါတယ်။

ပြည်ပရောက် မြန်မာများအနေဖြင့် မိမိတို့ရဲ့ ဥာဏ်အားသင့်သလို မျက်စိဖွင့်၊ နားစွင့်ပြီး အမြန်ဆုံး သွေးစွန်းခွန်များ ဖြတ်တောက်မှ နွေဦး တော်လှန်ရေး အမြန်ဆုံး အပြီးသတ်နိုင်မှာ ဖြစ်ပြီး အမိမြန်မာပြည်မှာ အောင်တံခွန်စိုက် အတူတကွ ပြန်လည်ဆုံစည်းကြရမှာ ဖြစ်ပါတယ်။

ထို့အတွက်ကြောင့် တစ်နိုင်ငံချင်းအလိုက် သွေးစွန်းငွေများ၊ သွေးစွန်းခွန်များ မစီးဆင်းနိုင်သည့် နည်းလမ်းများကိုလည်း ဆက်တိုက် ဖော်ပြပေးသွားမှာဖြစ်ပြီး မိမိတို့ ပါဝင်နိုင်မည့် နည်းလမ်းပေါင်းစုံ၊ ဘက်ပေါင်းစုံမှ အလျင်းသင့်သလို ပါဝင်ပေးကြဖို့ ပြည်တွင်းရှိ အာဏာရှင် တော်လှန်ရေးအင်အားစုများနှင့် ပြည်သူများမှ ပြည်ပရောက် မြန်မာနိုင်ငံသားများထံ လေးစားစွာ အထူးမေတ္တာရပ်ခံ တိုက်တွန်း တောင်းဆိုအပ်ပါတယ်။

ပြည်တွင်းမှ အာဏာရှင် တော်လှန်ရေး အင်အားစုများနှင့် ပြည်သူများ

‘’ သွေးစွန်းခွန်တွေ ဖြတ်တောက်ဖို့
တို့တွေအားလုံး ပူးပေါင်းစို့ ‘’

#သွေးစွန်းခွန်တွေဖြတ်တောက်ပစ်
#StopPayingTaxtoJunta
#StopBloodTaxation
#BESYA

"၂၇၆၃နှစ်မြောက် ကရင်အမျိုးသားနှစ်သစ်ကူးနေ့ အထိမ်းအမှတ် သဝဏ်လွှာ"

အကလ (ဗဟို) ၊ ရုံးဌာန၊ ရန်ကုန်မြို့
၁၃၈၅ခုနှစ်၊ ပြာသိုလဆန်း ၁ရက်
(၂၀၂၄ခုနှစ်၊ ဇန်နဝါရီလ ၁၁ရက်)

#BESYA #ကရင်အမျိုးသားနှစ်သစ်ကူးနေ့ #သဝဏ်လွှာ

ပြည်သူ့နွေဦးတော်လှန်ရေးကြီး (၃) နှစ်ပြည့် လူထုတိုက်ပွဲခေါ်သံ

▬▬▬▬▬▬▬▬▬▬▬▬▬▬▬▬▬▬▬▬

ပြည်သူ့နွေဦးတော်လှန်ရေးကြီးသည် မကြာမီမှာ (၃) နှစ် ပြည့်ချေတော့မည်။

အခုနှစ် (၂၀၂၄ ခုနှစ်) ကတော့ ကျွန်ုပ်တို့ ပြည်သူလူထုတရပ်လုံးအနေနဲ့ တော်လှန်တိုက််ပွဲမှာ “တက်စုံဖွင့် ရွက်ကုန်လွှင့်” ရမယ့် နှစ်ပဲ။ လူမျိုးပေါင်းစုံ၊ ဒေသပေါင်းစုံ ပြည်တွင်းပြည်ပ ပြည်သူအားလုံး “အဆုံးသတ်တိုက်ပွဲ” ကို နွှဲဆင်ရမယ့်ကာလပဲလို့ အပြည့်အဝ ခံယူထားကြပါတယ်။

ဒီတော်လှန်ရေးက “ပြည်သူ့တော်လှန်ရေး” ပါ။ ကျွန်ုပ်တို့ ပြည်သူတွေအနေနဲ့ တော်လှန်ရေးကို “ထောက်ခံပါတယ်” ဆိုတာထက် ပိုတဲ့ “လက်တွေ့ပူးပေါင်းပါဝင်မှု” များနဲ့ သက်သေပြရမယ့်အချိန်ပါ။

စစ်ရေးအရှိန်၊ လက်နက်ကိုင်တိုက်ပွဲ (Armed Resistance) ကတော့ အားလုံးသိကြတဲ့အတိုင်း တလှိုင်းပြီး တလှိုင်းဆိုသလို မြှင့်သထက် မြင့်၊ တက်သထက် တက်လာဖို့ပါပဲ။ ဒီအချိန်မှာ ကျွန်ုပ်တို့အနေနဲ့လည်း ပြည်သူအားလုံး ပါဝင်နိုင်တဲ့ အာဏာရှင်စနစ် တိုက်ဖျက်ရေး လူထုတိုက်ပွဲ၊ လူထုလှုပ်ရှားမှု တော်လှန်လူထုလှိုင်းတွေကို အရှိန်တိုးမြှင့် ဖော်ဆောင်ကြဖို့ မဖြစ်မနေ လိုအပ်ပါမယ်။ ဒီပြည်သူ့တော်လှန်ရေးကြီးမှာ လူထုတိုက်ပွဲ၊ လူထုလှုပ်ရှားမှု (Civil Resistance) သည် အဓိကတိုက်ပွဲမဏ္ဍိုင်ကြီးတရပ်အဖြစ် ရှိနေတာကို ပြည်သူများ သဘောပေါက်၊ နားလည်ထားကြပြီးလည်း ဖြစ်ပါတယ်။ လက်နက်ကိုင်တိုက်ပွဲနဲ့ လူထုတိုက်ပွဲ (၂) ရပ်ကို မဟာဗျူဟာမြောက် ဟန်ချက်ညီညီ ပေါင်းစပ်ဆင်နွှဲကြတဲ့ (Total Resistance) အားဖြင့်ပဲ တော်လှန်ရေးရဲ့ အဆုံးသတ်တိုက်ပွဲကို ဖော်ဆောင်နိုင်မှာလည်း ဖြစ်ပါတယ်။

ဒါ့ကြောင့်၊ အခု တော်လှန်ရေးကြီး (၃) နှစ်ပြည့်တဲ့ (၂၀၂၄) ခု၊ ဖေဖော်ဝါရီလ (၁) ရက်နေ့ မှာ လှည်းနေ လှေအောင်း မြင်းဇောင်းမကျန် ပြည်သူတရပ်လုံး ပါဝင်ဆင်နွှဲနိုင်ကြတဲ့ အောက်ပါလူထုတိုက်ပွဲလှုပ်ရှားမှုများကို ဖော်ဆောင်ကြပါမယ်ခင်ဗျား။

❐ အပြင်မထွက်၊ အသံတိတ်သပိတ် (Silent Strike)

(ဖေဖော်ဝါရီ ၁ ရက်နေ့၊ မနက် ၁၀ နာရီ မှ ညနေ ၄ နာရီအတွင်း)

Silent Strike (အပြင်မထွက်၊ အသံတိတ်သပိတ်) ဟေ့ဆိုရင် ပြည်သူအားလုံး ရင်းနှီးကျွမ်းဝင်ကြပြီးသားပါပဲ။ နေရာဒေသမရွေး လူထုအားလုံး ပါဝင်နိုင်တဲ့ တိုက်ပွဲနည်းနာကြီးဖြစ်သလို စစ်အာဏာရူးတွေ ဒူးတုန်အောင်ကြောက်တဲ့ သပိတ်ကြီးပါ။ မြန်မာလူထုရဲ့ တော်လှန်စိတ်၊ ဇွဲသတ္တိနဲ့ စုစည်းညီညွတ်မှုကို တကမ္ဘာလုံးက အသိအမှတ်ပြု၊ အံ့ဩကြရတဲ့ တိုက်ပွဲနည်းနာကြီးလည်း ဖြစ်ပါတယ်။ ဒီနည်းနာက အသံတိတ်ပေမယ့် အလံလိပ်တာ လုံးဝ မဟုတ်ပါဘူး။ ငါတို့ မြို့၊ ငါတို့ ဒေသ ငါတို့ ပိုင်တယ်။ ငါတို့ ငြိမ်ချင် ငြိမ်မယ်၊ ငါတို့ လှုပ်ချင် လှုပ်မယ်ဆိုတာ ပြည်သူ့သတင်းစကားပဲ။ စစ်အာဏာရူးတွေ ငါတို့ကို “လုံးဝ အုပ်ချုပ်ခွင့်မရစေရ” ဆိုတာ ကျွန်ုပ်တို့လူထုကြီးရဲ့ ကြွေးကြော်သံ။

ဒီ Silent Strike ရဲ့ ဆိုလိုရင်းက အဲ့ဒီရက်၊ အဲ့ဒီအချိန်တွင်း လမ်းမတွေမှာ၊ အများပြည်သူဆိုင်ရာ နေရာတွေမှာ တိတ်ဆိတ် ခြောက်ကပ်နေဖို့ပဲ။ ပြည်သူတွေက အပြင်ကို မထွက်ကြဖို့ပဲ။ ကိုယ့်အိမ်၊ ကိုယ်ဈေးဆိုင်၊ ကိုယ့်ရုံး၊ ကိုယ့်အမိုးအကာအောက်မှာပဲ နေကြဖို့ပါပဲ။ Silent Strike ကို ပညာသားပါပါနဲ့ ဖော်ဆောင် ဆင်နွှဲကြမယ်နော်။

❐ အဖြူရောင် လှုပ်ရှားမှု (White Campaign)

မြန်မာနိုင်ငံမှာ စစ်အာဏာရှင်ဆန့်ကျင်ရေး အဖြူရောင်လှုပ်ရှားမှုကို (၂၀၀၇) ရွှေဝါရောင််တော်လှန်ရေးမတိုင်ခင် ကာလများကတည်းက ဖော်ဆောင်ခဲ့ကြဖူးပါတယ်။ လူထုနဲ့ မစိမ်းလှပါဘူး။ အက်ျီအဖြူ၊ ဖဲကြိုးအဖြူ၊ လက်ပတ်အဖြူအစရှိတဲ့ အဖြူရောင် အဝတ်အစား၊ အသုံးအဆောင်တွေကို ပြည်သူအားလုံးက အဆင်ပြေသလို ဝတ်ဆင်ကြတဲ့ လှုပ်ရှားမှုပါ။

အခု ပြည်တွင်းပြည်ပ လူထုတရပ်လုံး ပူးပေါင်းဖော်ဆောင်ကြမယ့် အဖြူရောင်လှုပ်ရှားမှုကနေ အဓိက ရည်ရွယ်တောင်းဆိုချက် (၃) ခု ရှိပါတယ်-

(၁) အာဏာသိမ်းစစ်အုပ်စုကို လေယာဉ်လောင်စာဆီ ရောင်းချ၊ သယ်ယူပေးနေကြတဲ့ နိုင်ငံတွေ၊ အဖွဲ့အစည်းတွေအနေနဲ့ အမြန်ဆုံး ရပ်တန်းက ရပ်ကြဖို့၊

(၂) အာဏာသိမ်းစစ်အုပ်စုက နိုင်ငံတကာရောက် မြန်မာနိုင်ငံသားတွေကို အတင်းအဓမ္မ ကောက်ခံနေတဲ့ “သွေးစွန်းအခွန်အခ” တွေ လုံးဝ မပေးဆောင်ကြဖို့၊

(၃) အာဏာသိမ်းစစ်အုပ်စုရဲ့ အစတေးခံ၊ ထိုးကျွေးခံ ဘဝ ရောက်နေပြီဖြစ်တဲ့ မြေပြင်တပ်မှူးတပ်သားများအနေနဲ့ အမြန်ဆုံး ပြည်သူ့ရင်ခွင် ခိုလှုံကြဖို့၊ အလင်းဝင်ကြဖို့၊ “အလံဖြူ” ထောင်ကြဖို့။

White Campaign ကိုတော့ တော်လှန်ရေး (၃) နှစ်ပြည့် တရက်တည်းအတွက်သာမကဘဲ ရှေ့ဆက်လည်း အပတ်စဉ် တနလ်ာနေ့တိုင်း ဖော်ဆောင်သွားကြဖို့ပါ။ အထူးသဖြင့် နိုင်ငံတကာရောက် ရဲဘော်တွေနဲ့ တော်လှန်ရေးအင်အားစုတွေကလည်း White Campaign ကို ပြည်ပမှာ အစွမ်းကုန် ဆင်နွှဲကြဖို့ အားခဲပြင်ဆင်နေကြပါတယ်။ ပြည်တွင်းပြည်ပ ဟန်ချက်ညီ ပူးပေါင်းဆောင်ရွက်ကြဖို့ပါပဲ။

ကျွန်ုပ်တို့ ပြည်သူတရပ်လုံး မျှော်ရည်တဲ့ အဆုံးသတ်အောင်ပွဲဆီကို လူထုတော်လှန်လှိုင်းလုံးကြီးတွေနဲ့အတူ “တက်စုံဖွင့် ရွက်ကုန်လွှင့်” ချီတက်ကြပါစို့။

#အဆုံးသတ်အောင်ပွဲဆီ_လူထုလှိုင်းတွေနဲ့တက်စုံဖွင့်ရွက်ကုန်လွှင့်ချီ #SpringRevolution_3rdAnniversary #SilentStrike #WhiteCampaign #BESYA

ရန်ကုန်မြို့တွင် "အာဏာရှင်အလိုကျ ကြိုးဆွဲရာကမင်းတို့ဘဝ" ဟူသောစာသားဖြင့် သရုပ်ပြသပိတ်လှုပ်ရှားမှုပြုလုပ်

၂၀၂၄ခုနှစ်၊ ဇန်နဝါရီလ (၂၈)ရက်၊ အကလ(မြေပြင်)

ရန်ကုန်တွင် "အာဏာရှင်အလိုကျ ကြိုးဆွဲရာက မင်းတို့ဘဝ" ဟူသောစာသားပါ ဘန်နာအား ဖြန့်ခင်းလျက် သရုပ်ပြသပိတ်လှုပ်ရှားမှုပြုလုပ်ခဲ့သည်။

ယင်းသရုပ်ပြ၊ သပိတ်လှုပ်ရှားမှုတွင် လူထုကြား၌ ဘီလူးခေါင်းဆောင်းထားသော သွေးစွန်းနေသည့်ဝတ်စုံဝတ်ထားသည့် Non-CDM ကျောင်းဆရာမှ ဆုတံဆိပ်ကိုင်ထားသော Non-CDM ကျောင်းသားအား ရုပ်သေးရုပ်ကဲ့သို့ ကြိုးများဖြင့် ထိန်းချုပ်နေသကဲ့သို့ ပုံရိပ်ဖြင့် ကြွေးကြော်သံအော်ပြီး သရုပ်ပြလှုပ်ရှားခဲ့ကြခြင်းဖြစ်သည်။ ယင်းလှုပ်ရှားမှုသည် အာဏာရှင်လက်အောက်မှ ထိန်းချုပ်ခံနေသည့် အဖြစ်ကို စစ်ကောင်စီဘက်တော်သားများနှင့် Non-CDM ကျောင်းသားများအား ကျွန်အဖြစ်မှ ရုန်းထွက်ကြရန်ဆိုလိုပြီး ရက်စက်သောအာဏာရှင်၏ သရုပ်မှန်ကိုဖော်ပြထားခြင်းဖြစ်သည်။

ယင်းလှုပ်ရှားမှုကို အခြေခံပညာကျောင်းသားလူငယ်များအစည်းအရုံး (အကလ-မြေပြင်)မှ ဦးဆောင်ထားပြီး ရေဘဝဲ (ပြည်သူ့အကျိုးပြုလူငယ်အဖွဲ့အစည်း)၊ Owl Community တို့၏ ညီညွတ်သောမဟာမိတ်လှုပ်ရှားမှုဖြင့် ပြုလုပ်ခဲ့ကြပြီး Youth Scout for Democracy မှ ကင်းထောက်ပံ့ပို့ပေးခဲ့ခြင်းဖြစ်သည်။

ထိုသပိတ်လှုပ်ရှားမှုပြုလုပ်ရာတွင် အကြမ်းဖက်စစ်တပ်၏ အရပ်သားဟန်‌ဆောင်ထားသော စစ်ကျွန်များမှ လိုက်လံဖမ်းဆီးခြင်းရှိပြီး မြေပြင်သပိတ်ရဲဘော်များအနေဖြင့် ဘေးကင်းလွတ်မြောက်ခဲ့ပါသည်။

#အာဏာရှင်အလိုကျ_ကြိုးဆွဲရာက_မင်းတို့ဘဝ #BESYA #အခြေခံပညာကျောင်းသားလူငယ်များအစည်းအရုံး #အကလ_မြေပြင် #OCTOPUS #ရေဘဝဲ #OwlCommunity

အခြေခံပညာကျောင်းသားလူငယ်များအစည်းအရုံး (အကလ - ဗဟို) နှင့် အမျိုးသားညီညွတ်ရေးအစိုးရ ပညာရေး၀န်ကြီးဌာန နှင့် ပူးပေါင်းပြုလုပ်သော Civics Education အတန်းအား လျှောက်ထားရန် registration form -
https://surveyheart.com/form/65aa6f41952a15150468b08a


*confidential အတန်းဖြစ်ပါသဖြင့် အပြင်ကို မဖြန့်မိရန်။
မေးမြန်းလိုသောအ‌ကြောင်းအရာများရှိပါက telegram contact @moekaung_besya , @edensellel တို့အား မေးမြန်းနိုင်ပါသည်။

"Owl Community ဖွဲ့စည်းတည်ထောင်ခြင်း (၂)နှစ်ပြည့် အထိမ်းအမှတ် သဝဏ်လွှာ"

အကလ (ဗဟို) ၊ ရုံးဌာန၊ ရန်ကုန်မြို့
သဝဏ်လွှာအမှတ် - ၀၂/သဝဏ်လွှာ-အကလ/၂၀၂၄
၁၃၈၅ခုနှစ်၊ ပြာသိုလပြည့်ကျော် ၅ရက်
(၂၀၂၄ခုနှစ်၊ ဇန်နဝါရီလ ၃၀ရက်)

#OwlCommunity #၂နှစ်ပြည့် #သဝဏ်လွှာ #BESYA

"မီးဒုတ်စာစဥ် အတွဲ-၂ ၊ အမှတ်စဥ်-၁၇ ထွက်ပြီ။"
____

"အခြေခံပညာကျောင်းသားလူငယ်များအစည်းအရုံး(အကလ-ဗဟို)မှထုတ်ဝေသည်။"

မီးဒုတ်စာစဥ် အတွဲ (၂) ၊ အမှတ်စဥ် (၁၇) မှာတော့ -

မီးဒုတ်စာစဉ် ဝိုင်းတော်သားများမှ ပြည်သူလူထုအားတိုက်တွန်းချက်

ရဲဘော်တို့ တိုက်ပွဲကိုသာ အောင်မြင်အောင် တိုက်ကြပါ
_ခွန်သု၀ဏ္ဏ

ကျွန်တော်လိုချင်သည့် နိုင်ငံ
_ခွန်ဇော်

အိမ်
_ဇေယျာနိုင်

ပြန်မလာသူ့တေး
_ရည်ရွယ်

အညာကတိ
_ပဲခူးကဝေ ( Phys )

အမေ့အိမ်အို ပြက္ခဒိန်ထဲက ပြဿဒါးကောင်
_ကိန်း ( ခရမ်း )

အစရှိတဲ့ ကဗျာကောင်းများ၊ ဆောင်းပါးကောင်းများ၊ သတင်းတိုများကို စုံစုံလင်လင် ဖတ်ရှုရမှာဖြစ်ပါတယ်။

Ebook link - https://drive.google.com/file/d/1nh-dU94oM7ATha66lTA4rWh-VMz1B4Y-/view?usp=sharing

#မီးဒုတ်စာစဥ်
#အတွဲ၂အမှတ်စဥ်၁၇ #စစ်အာဏာသိမ်း၃နှစ်ပြည့်အထူးထုတ်

https://www.facebook.com/100082951436247/posts/pfbid09Njjpr1m2vg3NjZpg6wGJkd1g53Tdj5igSbxwrv1wFf2ozapnAyhVSKTRmzXa2w5l/