Ыам ыйын 9 күнэ дойдубут хас биирдии олохтооҕор ураты суолталаах, дириҥ өйдөбүллээх. Улуу Кыайыы күнэ – элбэх омуктаах норуот сүдү күүһүн уонна модун санаатын кэрэһитэ буолар. 1941-1945 сс. Аҕа дойду Улуус эриитэ 1418 күннээх түүн салҕанан барбыта. Бу сэриигэ 27 мөлүйүөн сэбиэскэй дьон сырдык тыыннарын толук уурбуттара.
Улууспут урдунэн барыта Аҕа дойду Улуу сэриитигэр 1070 ыҥырыллыбыта, кинилэртэн 531 киһи сэрии хонуутугар охтубуттара, 429 киһи тыыннаах эргиллэн кэлбитэ, 182 киһи сураҕа суох сүппүтэ, үлэ фронугар 110 киьи кыттыбыта. Онон бэрт ыараханан сыананан ситиһиллибит, ол Улуу кыайыы хайдах курдук киһи муҥура суох үөрүүтүн, олох өрөгөйдөөһүнүн, сырдык эрэллэри үөскэппитэ буолуой?! Арассыыйа олохтоохторун сомоҕолуур ытык бырааһынньыкка аан дойдуга эйэни уонна көҥүл олоҕу түстээбит аҕа көлүөнэ дьон үтүө ааттарыгар, холооно суох хорсун быһыыларыгар сүгүрүйүөхтээхпит, өйдүү-саныы сылдьыахтаахпыт.

Ыам ыйын 8 кунугэр Аҕа Дойду бэтэрээннэрин музей дьиэтигэр Беларусь Өрөспүүбүлүкэтин Кормянскай оройуонун босхолооһун иһин кыргыһыыга 83 сыл анараа өттүгэр сырдык тыынын толук уурбут биир дойдулаахпыт Илья Петрович Прокопьев көмүс уҥуоҕа көмүллэ сытар буоруттан балта Саха Республикатын Ытык кырдьаҕаһа, тыыл бэтэрээнэ Елена Антоновна Прокопьева төрөөбүт дойдутугар кэриэстээн аҕалбыт, үйэлээх өйдөбүнньүк, үүнэр көлүөнэ төрөөбүт дойдуларын, историятын, дьонун сэргэтин үйэтиитигэ анаммыт «Тыыннаах өйдөбүл» диэн олус долгутуулаах тэрээhин буолла.

🚩Улуу Кыайыы 81 сылын көрсө

⭐️Ыам ыйын 8 күнүгэр Кыайыы болуоссатыгар Аан дойдуну аймаабыт, кыа хаанынан ийэ сири ытаппыт, алдьархайдаах Аҕа дойду улуу сэриитигэр сэбиэскэй норуот – биһиги эһэлэрбит, аҕаларбыт, убайдарбыт Улуу Кыайыыны аҕалбыттара 81 сылыгар анаммыт үөрүүлээх тэрээһин ыытылынна.

🚩Бу күн ураты бэлиэтин – 81 сыл устата үтүө өйдөбүлү үйэтиппит биһиги модун күүспүт, киэн туттуубут буолбут КЫАЙЫЫ ЗНАМЯТЫН Бэрдьигэстээх нэһилиэгин үөрэнээччилэрэ, эдэр ыччата, бойобуой дьайыылар бэтэрээннэрэ, анал байыаннай дьайыы кыттыылаахтара уонна олохтоохторо сүгүрүйэн, сүһүөхтэригэр туран көрүстүлэр.
КЫАЙЫЫ ЗНАМЯТЫН Бэрдьигэстээхпит үрдүнэн өрө көтөҕөргө бочуоттаах чиэс бэрилиннэ «Мохсоҕол» байыаннай-патриотическай кулууп эдэр байыастарыгар, Волгоградка ыытыллыбыт Бүтүн Россиятааҕы «Зарница 2.0» байаыннай-патроитческай оонньуу финалистарыгар Тихон Винтонякка, Анатолий Павловка, Дьулус Екечьямовка, Даниил Антоновка.

🕊️Кыайыы күнүн ураты тыына, Аҕа дойду сэриитин кыттыылаахтарын сырдык ааттарыгар сүгүрүйүү ытык күнэ көлүөнэттэн көлүөнэҕэ маннык суолталана турарыгар баҕа санааларын этэн, бэйэлэрин эҕэрдэлэрин улуус баһылыга Н.В.Андреев, Бэрдьигэстээх нэһилиэгин баһылыга А.Г.Аргунов тириэртилэр.

💫Үөрүүлээх тэрээһин биир ураты суолталаах түгэнинэн саха саллаата, Аҕа дойду сэриитин кыттыылааҕа, биир дойдулаахпыт Прокопьев Илья Петрович Белоруссия Республикатыгар көмүс уҥуоҕа түһэриллибит сириттэн, төрөөбүт ийэ дойдутугар көмүллүбүт сирин буорун бииргэ төрөөбүт балта Елена Антоновна Прокопьева уонна күтүөтэ Иннокентий Иннокентьевич Кычкин музейга анаан, Бэрдьигэстээх нэһилиэгин баһылыгар Алексей Григорьевич Аргуновка туттарыылара буолла.
Саха буойун албан аатыгар бүгүн, биһиги, биир дойдулаахтара сүгүрүйэбит, махтанабыт.

🌷Кыайыы күнүгэр анаммыт тэрээһин кыайыы, дьол иһин кыргыспыт дойдубут албан ааттаах буойуннарыгар сүгүрүйэн, махтанан, паамытынньыктарга, стеллаларга венок, сибэкки дьөрбөтүн ууруутунан түмүктэннэ.

Нэһилиэк баһылыга Алексей Аргунов Улуу Кыайыы күнүнэн нэһилиэкпит бэтэрээннэрин эҕэрдэлиир.

Убаастабыллаах нэһилиэкпит олохтоохторо, ыалдьыттара!
 
🕊️Сарсын Улуу Кыайыы күнүн көрсө күнүс 12 чаастан Кыайыы параада «Чыпчаал» стадиоҥҥа ыытыллыаҕа.
Барыта 1350 киһи кыттыыны ылыаҕа. Нэһилиэкпит олохтоохторун, ыалдьыттарын бука барыгытын кэлэн көрүҥ, сэҥээрин диэн ыҥырабыт🙌🏽🙌🏽🙌🏽🙌🏽
 
🎖️Параад иннигэр Өлбөт үйэлээх полк киириэҕэ. Бу акция кыттыылаахтара Кыайыы болуоссатыгар мустабыт уонна аа-дьуо хааман стадиоҥҥа сэлэлии хааман тиийэбит. Мустуу – 10.45 ч.
 
Нэһилиэкпит олохтоохторуттан көрдөһүө этибит:
-         бу күн ыттаргытын булгуччу баайаргытыгар.
-         төрөппүттэр параад кэмигэр кыра о5олору стадион хонуутугар  сүүрбэттэрин гына көрөргүтүгэр
 
🎗️Бары Кыайыы күнүн өрө көтөҕүүлээхтик ылыаххайыҥ.
 
Бэрдьигэстээх нэһилиэгин дьаһалтата.

Ытыктабыллаах Бэрдьигэстээх нэһилиэгин олохтоохторо, күндү бэтэрээннэр!

Барыгытын бүгүҥҥү ытык-мааны, кэрэ-бэлиэ күнүнэн – Улуу Кыайыы күнүнэн ис сүрэхпиттэн итиитик-истиҥник эҕэрдэлиибин!

Бу күн – биһиги дойдубут историятыгар саамай улуу, ыараханнык кэлбит Кыайыы күнэ. Бу күн биһиги Аҕа дойду Улуу сэриитигэр олохторун толук уурбут, кыргыһыы хонуутугар хорсуннук охтубут дьоруойдарбытын, тыылга күүһү-күдэҕи мунньан үлэлээбит бэтэрээннэрбитин, оҕо саастара сэрии ыар кэмигэр ааспыт тыыл кырдьаҕастарбытын умнубаппыт, кинилэриэнэн куруук киэн туттабыт, сүгүрүйэбит.

Эһиги дьикти хорсун быһыыгыт, чиҥ күүскүт-күдэххит, төрөөбүт дойдуга бэриниигит хаһан да умнуллуо суоҕа. Эһиги бу орто дойдуга Эйэни, Дьолу уонна Кэскили түстээбиккит - хорсун биэлэргитин, дьикти дьулуургутун көрдөрөр. Эһиги иннигитигэр сүгүрүйэбит, барҕа махталбытын тиэрдэбит.

Баҕарабын эһиэхэ барыгытыгар чэгиэн доруобуйаны, дьиэ кэргэҥҥитигэр эйэни, дьолу, сырдык түгэннэри. Ытык Кыайыы күнэ хаһан да умнуллубатын!

Улуу Кыайыы өрүү биһиги сүрэхпитигэр!

Ытыктабылы кытта
«Бэрдьигэстээх нэһилиэгэ» тыа сирин түөлбэтин баһылыга Алексей Аргунов.