ሀዉቲ 4 መርከቦችን አወደማቸዉ

ቀይ ባሕርን በእሳት ያጠራት በኢራን የሚደገፈው ሃውቲ ከእስራኤል እና አሜሪካ ጋር ግንኙነት አላቸው ያላቸውን 4 የንግድ መርከቦች በባለስቲክ ሚሳኤል እና በድሮን መደብደቡን ሁሉም ይወቅልኝ ብሎ በሰበር ዜና ከተፍ ብሏል። አንደኛው መርከብ ለእስራኤል ዘይት ጭኖ ወደ ሃይፋ ወደብ ሲጓዝ የነበረ ነው ተብሏል።

የየመኑ በቀይ ባህር እና በሜዲትራኒያን ባህር ላይ በአራት የንግድ መርከቦች ላይ ጥቃት ማድረጋቸውን የንቅናቄው ወታደራዊ ቃል አቀባይ ያህያ ሳሪያ ተናግረዋል። እንደ ሳሪያ ገለጻ ጥቃቱ የተፈጸመው በሃውቲ ብቻ ሳይሆን በኢራቅ በሚገኙ እስላማዊ ሃይሎች ድጋፍ ጭምር ነው።

እንደ ያህያ ሳሬ ገለጻ የሁቲዎች እና የኢራቅ እስላማዊ ተቃውሞ የሜዲትራኒያን ባህርን አቋርጦ ወደ እስራኤል ሃይፋ ወደብ ይሄድ የነበረውን ዋለር ዘይት ጫኝ መርከብ ላይ ጥቃት አድርሰዋል። "መርከቧ የተጠቃችው በተያዘችዉ ፍልስጤም ወደቦች ላይ የሚደረገውን መንገድ በመተላለፉ ነው" ሲሉ ያህያ ሳሬ የሃውቲ ንብረት ለሆኑት አል ማሲራህ የቴሌቭዥን ጣቢያ ተናግሯል።

ከዚህ ውጪ ሃውቲዎች በሜዲትራኒያን ባህር ዮሃንስ ማርስክን ኮንቴይነር መርከብ ላይ፣ እንዲሁም ዴሎኒክስ የተሰኘውን ፈሳሽ ኬሚካሎች እና በቀይ ባህር ውስጥ የሚገኘውን አዮኒስ የጅምላ ተሸካሚ መርከብ ላይ ጥቃት አድርሰዋል። ዮሃንስ ማርስክ እና ዴሎኒክስ የሚሳኤል ጥቃት ሲደርስባቸው የተቀሩት በውሃ ውስጥ በሚምዘገዘጉ ሰው አልባ ድሮኖች ጥቃቱ ተፈጽሞባቸዋል።

ሃውቲ በአንድ ግዜ አራት መርከብ መምታቱን ተከትሎ እስራኤል ሲጠብቃት የነበረው የአሜሪካ ግዙፍ የጦር መርከብ ከቦታው ጥሎ መውጣቱ ለጥቃት እንዳጋለጣት አመላክቷል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

የቻይናው ዩኒቨርሲቲ በአማርኛ ቋንቋ ያሰለጠናቸውን ተማሪዎች አስረመቀ

የቤጂንግ የውጭ ቋንቋዎች ጥናት ዩኒቨርሲቲ በአማርኛ ቋንቋ ያስተማራቸውን የመጀመሪያዎቹን ተማሪዎች አስመርቋል።

በቻይና የአማርኛ ቋንቋን በብቸኝነት የሚሰጠው ዩኒቨርሲቲው የመጀመሪያዎቹን ተማሪዎች በይፋ አስመርቋል።

ዩኒቨርሲቲው እየሰጠው ያለው የአማርኛ ቋንቋ ትምህርት የሃገራቱን የህዝብ ለህዝብ ግንኙነት ለማጠናከር ያግዛል ተብሏል።

በዩኒቨርሲቲው ምክትል ፕሬዚዳንት ዶክተር ጂያ ዴዦንግ የተመራ ልዑክ የፊታችን ማክሰኞ በኢትዮጵያ የስራ ጉብኝት እንደሚያደርግ በቻይና የኢትዮጵያ ኤምባሲ መረጃ ያመላክታል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

1 ሺህ 169 ኢትዮጵያውያን ከሳዑዲ ወደ ሀገራቸው ተመለሱ

በሳዑዲ ዓረቢያ በአስቸጋሪ ሁኔታ ውስጥ የነበሩ 1 ሺህ 169 ኢትዮጵያውያን ዛሬ ወደ ሀገራቸው መመለሳቸውን የሴቶችና ማኅበራዊ ጉዳይ ሚኒስቴር አስታወቀ፡፡

ለተመላሽ ወገኖችም ድጋፍ እየተደረገና ከቤተሰብ ጋር የማቀላቀል ሥራ እየተከናወነ መሆኑን የሚኒስቴሩ መረጃ አመላክቷል፡፡

ከሚያዝያ 4 ቀን 2016 ዓ.ም ጀምሮ እየተከናወነ በሚገኘው ዜጎችን ወደ ሀገር የመመለስ ሥራ ከ52 ሺህ 800 በላይ ኢትዮጵያውያን ተመልሰዋል፡፡

(ኤፍ ቢ ሲ)

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

አትሌት በላይ ዝቁ አስፋው እና መቅደስ ሽመልስ የ"መቻል ለ ኢትዮጵያ" የ10 ኪሎ ሜትር የጎዳና ላይ ሩጫን አሸነፉ

የ"መቻል ኢትዮጵያ" የ10 ኪሎ ሜትር የጎዳና ላይ ሩጫን በወንዶች አትሌት በላይ ዝቁ አስፋው እና በሴቶች አትሌት መቅደስ ሽመልስ አሸነፈዋል፡፡

በግሉ የተዋዳደረው አትሌት በላይ ዝቁ አስፋው የ"መቻል ለ ኢትዮጵያ" የ10 ኪሎ ሜትር የጎዳና ላይ ሩጫን አሸነፏል፡፡

ጠንካራ ፉክክር ያደረገው ሌላኛው አትሌት ጌታነህ ሞላ ሁለተኛ ሆኖ አጠናቋል፡፡ ደሞዝ በቀለ በሦስተኛነት ውድድሩን ጨርሷል፡፡

በሴቶች የ10 ኪሎ ሜትር የጎዳና ላይ ሩጫን አትሌት መቅደስ ሽመልስ አንደኛ በመውጣት አሸንፋለች፡፡
እንዲሁም አትሌት መብራት ግደይ ሁለተኛ ሆና አጠናቃለች፡፡

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

አሜሪካ ለእስራኤል በሺዎች የሚቆጠሩ አውዳሚ ቦምቦች መላኳ ተገለጸ

አሜሪካ ለእስራኤል በሺዎች የሚቆጠሩ ባለ2000 ፓውንድ ክብደት ያላቸው አውዳሚ ቦምቦች መላኳ ተገለጸ

የፕሬዝዳንት ጆ ባይደን አስተዳደር የጋዛ ጦርነት ከተጀመረ ወዲህ 10000 ባለ 2000 ፓውንድ ክብደት ያላቸውን አውዳሚ ቦምቦችና በሺዎች የሚቆጠሩ ሚሳይሎችን ጨምሮ በርካታ ተተኳሾችን ለእስራኤል መላኩን ሁለት የአሜሪካ ባለስልጣናት ተናግረዋል።

እንደባለስልጣናቱ ከሆነ ጦርነቱ ከተጀመረት ከባለፈው ጥቅምት እስከ ቅርብ ቀናት ባለው ጊዜ ውስጥ አሜሪካ፣ ቢያንስ 14000 ኤምኬ-84 ባለ 2000 ፓውንድ ቦምቦችን፣ 6500 ባለ 500 ፓውንድ ቦምቦችን፣3000 ከአየር ወደ መሬት የሚተኮሱ ሚሳይሎችን፣ 1000 ከመሬት በታች ያለ ምሸግ የሚያፈርሱ ቦምቦችን፣ 2600 ከአየር ላይ የሚወረወሩ ቦምቦችን እና ሌሎች መሳሪያዎችን ሰጥታለች።

እኝህ ባለስልጣናት የጦር መሳሪያዎቹ ወደ እስራኤል የተላኩበትን ቀን በዝርዝር ባይጠቅሱም፣ አሜሪካ ለአጋሯ እስራኤል የምታደርገውን የጦር መሳሪያ ድጋፍ እንድታቆም ብትጠየቅም አለመቀነሷን ያሳያል ተብሏል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

"የኢትዮጵያ ከሱማሌላንድ ጋር የገባችውን ስምምነት ካቋረጠች የሆብዮ ወደብ እንድትጠቀም እፈቅዳለሁ" የሞቃዲሾ አስተዳደር

በኢትዮጵያ እና በሶማሊያ መካከል የተፈጠረውን አለመግባባት ለመፍታት በቱርክ አስታራቂነት ሁለቱን ሀገራት በአንካራ የድርድር ጠረጴዛ ላይ መቀመጣቸው ተሰምቷል።

በኢትዮጵያ እና በሞቃዲሾ አስተዳደር መካከል በሚካሄደው ውይይት የጋራ ስምምነት ላይ ለመድረስ ሲሆን የውይይቱ አጀንዳ የኢትዮጵያና የሶማሌላንድ ስምምነት እና በቀጠናው ያለውን ዲፕሎማሲያዊ ቀውስ ያካትታል ተብሏል።

ዛሬ በአንካራ እየተካሄደ ይገኛል በተባለው ዉይይት የሶማሊያ ባለስልጣናት ኢትዮጵያ ከሶማሌ ላንድ ጋር የገባችውን ስምምነት ካቋረጠች ኢትዮጵያ በ ጋልሙዱግ ግዛት የሚገኘውን የሆብዮ ወደብ እንድትጠቀም አቅደዋል ነዉ የተባለዉ።

በሁለቱም ሀገራት የውጭ ጉዳይ ሚኒስትሮች አማካኝነት በጠረጴዛ የተቀመጡት ሀገራቱ ኢትዮጵያ ከሞቃዲሾ አስተዳደር ጋር ስምምነት ላይ ከደረሰች እና ወደ የሆብዮ ወደብ ካቀናች በቀጣናው ያላትን ተፅዕኖ የበለጠ እንደምታሳድግ ይጠበቃል።
Capital

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

ሰሜን ኮሪያ በዛሬው እለት ሁለት ባለስቲክ ሚሳኤሎችን ማስወንጨፏን የደቡብ ኮሪያ መከላከያ አስታወቀ።

ፒዮንግያንግ ለአሜሪካ፣ ደቡብ ኮሪያ እና ጃፓን የጋራ ወታደራዊ ልምምድ “ከባድ ምላሽ” እሰጣለሁ የሚል ዛቻ ባሰማች ማግስት ነው ሚሳኤሎቹን ያስወነጨፈችው።

በ10 ደቂቃ ልዩነት የተወነጨፉት አጭር ርቀት ተምዘግዛጊ ሚሳኤሎች ወደ ሀገሪቱ ሰሜን ምስራቃዊ አቅጣጫ መተኮሳቸውን ደቡብ ኮሪያ ገልጻለች።

የመጀመሪያው ሚሳኤል 600 ኪሎሜትሮችን ከተጓዘ በኋላ ቾንግጂን በተባለው አካባቢ የውሃ ዳርቻ ውስጥ መውደቁ የተነገረ ሲሆን፥ ሁለተኛው ግን 120 ኪሎሜትሮችን ከተጓዘ በኋላ ሳይፈነዳ እንዳልቀረ ተገምቷል።

ሴኡል በዛሬው እለት ፒዮንግያንግ ያደረገችውን የሚሳኤል ሙከራ “ጸብ አጫሪና የኮሪያ ልሳነ ምድርን ውጥረት የሚያባባስ ነው” ያለችው ሲሆን፥ ከአሜሪካ ጋር የመሰረተችውን ወታደራዊ ትብብር ለሚያውክ ማንኛውም ድርጊት ለመመከት አጻፋዊ እርምጃ እንደምትወስድ ዝታለች።

አሜሪካ፣ ደቡብ ኮሪያ እና ጃፓን “የነጻነት ጥግ” የሚል ስያሜ የሰጡትና የአሜሪካ አውሮፕላን ተሸካሚ መርከብ (ቲወዶር ሩዝቬልት) ጭምር የተሳተፈችበን ግዙፍ ወታደራዊ ልምምድ ተጠናቋል።


አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

ኢትዮጵያ እና ሶማሊያ በአንካራ እየመከሩ እየመከሩ ነው

በቱርክ መንግስት አመቻችነት ኢትዮጵያ እና ሶማሊያ በአንካራ ተገናኝተው በመምከር ላይ እንደሚገኙ በርካታ የሶማሊያ እና የቱርክ መገናኛ ብዙሃን በመዘገብ ላይ ይገኛሉ።

በሶማሊያ ውጭ ጉዳይ ሚኒስትር የተመራ ልዑክ አንካራ መግባቱን የጠቀሙት መገናኛ ብዙሃኑ የልዑኩ ዋነኛ አላማ በቱርክ መንግስት አመቻችነት ከኢትዮጵያ መንግስት ጋር ለሚደረገው ንግግር ለመታደም መሆኑን አስታውቀዋል።

በኢትዮጵያ ይሁን በሶማሊያ መንግስታት በኩል ስለሁኔታው በይፋ የተገለጸ ነገር የለም።

የሶማሊያ መገናኛ ብዙሃን ዘገባ እንደሚያሳየው በአንካራ የሚገኘው የሁለቱ ሀገራት ልዑክ በኢትዮጵያ እና ሶማሊላንድ መካከል የተደረሰውን የመግባቢያ ስምምነት ዋነኛ አጀንዳው መሆኑን ገልጸዋል።

በተመሳሳይ ቢቢሲ ምንጮቹን ዋቢ በማድረግ ባሰራጨው ዘገባ የሁለቱ አገራት የውጭ ጉዳይ ሚኒስትሮች ቱርክ መግባታቸውን አስታውቋል።

ዛሬ ሰኔ 24/2016 ዓ.ም. በሚደረው ውይይት ላይ ለመሳተፍ የሶማሊያ የውጭ ጉዳይ ሚኒስትር አሕመድ ፊቅ እና የኢትዮጵያ የውጭ ጉዳይ ሚኒስትር አምባሳደር ታዬ አጽቀሥላሴ አንካራ ገብተዋል ብሏል።

ኢትዮጵያ እና ሶማሊያ በቱርክ የሚያደርጉት ንግግር “ድርድር” እንደሆነ የሶማሊያ የውጪ ጉዳይ ሚስቴር አመልክቷል ያለው ዘገባው የውጭ ጉዳይ ሚስቴሩ ዘግይቶ ከኤክስ ገጹ ላይ በሰረዘው ጽሑፍ የአገሪቱ የውጭ ጉዳይ ሚኒስትር በቱርክ አደራዳሪነት ለሚደረገው ንግግር አንካራ ገብተዋል ማለቱን ጠቁሟል።

በሁለቱ አገራት መካከል ስለሚደረገው ንግግር ከኢትዮጵያ መንግሥት በኩል የተሰጠ ማረጋገጫ ባይኖርም አምባሳደር ታዬ አጽቀሥላሴ ከሶማሊያው አቻቸው ቀደም ብለው ቱርክ መግባታቸውን የቢቢሲ ምንጮቹን ዋቢ በማድረግ አስታውቋል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

የመንግስት ግዥና ንብረት ባለስልጣን የነዳጅ አጠቃቀም ብዝበዛን ለመቆጣጠር የሚረዳ ሲስተም  በ13 ተቋማት ላይ ሊጀምር መሆኑን አስታወቀ

የኢፍሊት ማኔጅመንት ሲስተም የነዳጅ አጠቃቀም ብዝበዛን ለመቆጣጠር፣ ጊዜን ለመቆጠብ ፣ተጠያቂነትን ለማስፈን እና መሰል ጠቀሜታዎች  ያሉት ሶፍተዌር መሆኑን የመንግስት ግዢና ንብረት ባለስልጣን አስታዉቋል፡፡

የባለስልጣኑ ዋና ዳይሬክተር አቶ ሀጂ ኢብሳ ለብስራት ሬዲዮና ቴሌቪዥን እንደተናገሩት ለሙከራ ትግበራዉ የተመረጡ ተቋማት 13 መሆናቸውን እና  የኢፍሊት ማኔጅመንትን ምንነትና ጠቀሜታ በማስቀደም ሶፍትዌር በማልማት ተግባሩን ለማከናወን ባለስልጣኑን ያነሳሳዉ በኢጂፒ ሲስተም የተገኘዉ የሚታይ ዉጤትና በሃገር ሃብት ላይ የሚያበረክተዉ ጉልህ አስተዋጽዖ መሆኑን ተናግረዋል፡፡

ከፍተኛ ሃብት የሚፈስበትን የተሸከርካሪና መለዋወጫ አስተዳደር አሰራር ሂደትን በማዘመን የተሽከርካሪ ስምሪትና አጠቃቀምን በማሻሻል የሚባክነዉን ሃብት መቆጠብና በተገቢዉ መንገድ ለመጠቀም የሚያስችለዉን ሲስተም ከዓለም ባንክ በተገኘ ድጋፍ የኢፍሊት ማኔጅመንት ሶፍትዌር የማልማት ስራ በባህር-ዳር ዩኒቨርሲቲ ተጠናቅቆ ለሙከራ ትግበራ ዝግጁ ሆኖ ለዉይይት ቀርቧል፡፡

ሲስተሙን ያለማዉ ባህር- ዳር ዩንቨርሲቲ መሆኑን በማስታወስ ሙከራዉ በ13 ተቋማት ላይ እንደሚጀምርና ቀስ በቀስ ሁሉንም የፌደራል ተቋማት የሚያካትት እንደሆነ እና   ዋና ዓላማዉም የሃገርን ሃብት  ከብክነት ለመከላከል የሚረዳ ብሎም የቁጠባ ባህልን የሚያበረታታ እና ሙስናን የሚዋጋ አዋጭ ሲሲተም ነዉ ብለዋል፡፡

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

#አልተሳካም‼️
#በኢትዮጵያ አየር መንገድ እና በናይጀሪያ መንግስት በሽርክና ሊቋቋም ታስቦ የነበረው አየር መንገድ አለመሳካቱ ተጠቆመ‼️
የኢትዮጵያ አየር መንገድ ባለስልጣናት እና የናይጄሪያ መንግስት ባለስልጣናት መካከል በሽርክና የጋራ አየር መንገድ ለመመስረት ያደረጉት ውይይት አለመሳካቱ ተገለጸ።

የናይጄሪያ መንግስት ከውጭ አየር መንገድ ጋር በመተባበር በሽርክና ለመስራት አውጥቶት የነበረውን እቅድ ትቶታል ሲሉ የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው እንደነገሩት አፍሪካን ፕሬስ ኤጀንሲ በዘገባው አስታውቋል።

ከናይጀሪያ አየርመንገድ ጋር የነበረው ሂደት አለመሳካት የኢትዮጵያ አየር መንገድ በአህጉሪቱ ከሚገኙ አየር መንገዶች ጋር ፍትሀዊ በመሆነ ድርሻ በሽርክና ለመስራት የየዘውን ስትራተረጂ አያስቆመውም ሲሉ ስራ አስፈጻሚው አቶ መስፍን ጣሰው እንደገለጹለት ዘገባው አመላክቷል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

ሁሉም ተሽከርካሪዎች በአስቸኳይ ወደ ማዳበሪያ ማጓጓዝ እንዲገቡ ታዘዘ

አራት ማዳበሪያ የጫኑ መርከቦች ተደራርበው ጅቡቲ መግባታቸው ታውቋል።

ካፒታል ከምንጮችዋ እንደተረዳችው ከትላንት እሁድ ሰኔ 23 ጀምሮ የትኛውም ከጅቡቲ የሚነሳ የጭነት መኪና ከማዳበሪያ ውጭ መጫን እንደማይች መንግስት ለትራንስፖርት ማህበራት እና የግል አንቀሳቃሾች አስታውቋል።

ማዳበሪያ የማጓጓዝ ዘመቻ መታወጁን የገለፁት ምንጮች። በቀጣዩ 15 ቀን ተሽከርካሪዎች በሙሉ ማዳበሪያ ወደ መሃል አገር ያጓጉዙ መባሉን ጠቅሰዋል።

ትእዛዙ የመጣው በተመሳሳይ ቀን ማለትም ትላንት ሰኔ 23 ቀን እንደሆነ የታወቀ ሲሆን።

ሌላ ጭነት የያዙ ተሽከርካሪዎች ጭነቱን በማውረድ ማዳበሪያ እንዲያጓጉዙ መታዘዙ ታውቋል።

ከማዳበሪያ ውጭ ይዘው ወደ አገር ለመግባት የሚሞክሩ ተሽከርካሪዎች ካሉ ጉምሩክ እንደማያስተናግዳቸው ይወቁት መባሉን ምንጮች ጨምረው ገልፀዋል።

ካፒታል ባገኘችው መረጃ ባለፈው ሳምንት በCIF ግዥ የተፈፀመበት ማዳበሪያ የያዙ 4 መርከቦች ተደራርበው ጅቡቲ ገብተዋል።

ይህም የጭነት ማጓጓዝ ሂደቱ ላይ ጫና የሚፈጥር ነው የሚሉት ምንጮች ባለፉት ጥቂት አመታት የመርከቦች አገባብ የተናበበ መሆኑ በርከቦች ቆይታ እና ጭነት ወደ አገር ውስጥ የማስገባት ሂደት ከፍተኛ መሻሻል ታይቶበት ነበር።(Ethiopian business)

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

20 ሮኬቶች የእስራኤል ከተሞች ላይ ተርከፈከፉ፡፡

የፍልስጠየም ታጣቂ ቡድን ዛሬ ሰኞ ማለዳ ላይ ወደ እስራኤል ከተሞች ከ7 ወራቶች ወዲህ ግዙፍ ነዉ የተባለ የሮኬት ጥቃት መፈፀማቸዉን ታይምስ ኦፍ እስራኤል ዘግቧል፡፡

በተወነጨፉት 20 ሮኬቶች አንድ ወታደር ሲገደል ሌሎች 9 ከፍተኛ ሻለቃዎች ጉዳት አስተናግዷል፡፡ ወታደሮቹ ህንፃ ዉስጥ ባሉበት ነዉ ሰለባ የሖኑት እንደ ዘገባዉ፡፡

ታዲያ በጥቃቱ ወታደሩ መገደሉ በጋዛ ዘመቻ እስራኤል ያጣቻቸዉን ወታደሮች ቁጥርን 319 አድርሶታል፡፡የእስራኤል እስላማዊ ታጣቂ ቡድን ለጥቃቱ ሀላፊነቱን ወስዷል፡፡

እንደ እስራኤል መከላከያ ሃይል ገለጻ፣ ወታደሮቹ ቀደም ብለው ይንቀሳቀሱበት ከነበረው በደቡባዊ ጋዛ ሰርጥ ከካን ዮኒስ አካባቢ ቢያንስ 20 ሮኬቶች መወርወራቸዉንና ጉዳት ማድረሳቸዉን አረጋግጧል፡፡


አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

ቀለብ ላለመቁረጥ ሲል ትምህርት ቤት ድረስ ሄዶ የአራት አመት ልጁ ላይ የግድያ ሙከራ የፈጸመው አባት በጽኑ እስራት ተቀጣ

በምስራቅ ሀረርጌ ዞን በደኖ ወረዳ ኮዬ ቀበሌ ነዋሪ የሆነዉ ከድር አህመድ የተሰኘዉ ግለሰብ ለልጁ ወርሃዊ ተቆራጭ ላለማድረግ ሲል የአራት አመት ህጻን ልጁ ላይ የግድያ ሙከራ መፈጸሙ ተሰምቷል።ግለሰቡ በፍቺ ካጠናቀቀዉ የትዳር ህይወቱ ላገኘዉ አንድ የአራት አመት ህጻን ልጅ ላይ ነዉ መርዝ በመስጠት የግድያ ሙከራዉን ያደረገዉ።

የምስራቅ ሀረርጌ ዞን ከፍተኛ ፍ/ቤት የኮሚኒኬሽን ጉዳዮች ጽ/ቤት ሃላፊ አቶ ሳሊም ቱጂሃን ለብስራት ራዲዮና ቴሌቪዥን እንደተናገሩት ፥ ግለሰቡ ጥር 4 ቀን 2016 ዓ.ም ከጠዋቱ 4 ሰዓት አክረም ከድር የተሰኘዉ የአራት አመት ህጻን ልጅ ላይ አደገኛ ነዉ ፥ የሰዉልጅንም በፍጥነት ይገድላል የተባለዉን ለጫት ተክል ተባይ ማጥፊያነት የሚገለግል መርዝን በምግብ አድርጎ የሰጠዉ።ተከሳሽ ህጻን አክረም የሚማርበት ብሪቱ አንደኛ ደረጃ ትምህርት ቤት በመሄድ ከጓደኞቹ ጋር ሲጫወት የነበረዉን ጨቅላ በመጥራት እና ከትምህርት ቤቱ በማስወጣት በሚወደዉ ምግብ ዉስጥ መርዙን እንደሰጠዉ ፖሊስ በምርመራው አረጋግጧል ብለዋል።

መርዙ የጣፋጭነት ባህሪ አለዉ ያሉት...ከዚህ ቀደምም በዞኑ ይህንኑ የተባይ ማጥፊያ ጠጥተዉ አምስት ህጻናት ህይወታቸው ማለፉን አስታዉሰዋል።የአረም ማጥፊያ የተቀላቀለበትን ምግብ የተመገበዉ ህጻን ወደ ትምህርት ቤቱ ቢመለስም በግማሽ ሰዓት ዉስጥ ማስመለስ እና መሬት ላይ ወድቆ መንፈራፈር ይጀምራል።ህጻናት ጓደኞቹ የአክረምን ህመም ተመልክተዉ ለመምህራን በሰጡት ጥቆማ ህጻኖ ወደ በደኖ ጤና ጣቢያ ተልኮ የህክምና እርዳታ አግኝቶ ህይወቱ ተርፏል ብለዉናል።

ከዚህ በመቀጠል ፖሊስ በምርመራዉ ወላጅ አባቱ ባደረገዉ ድርጊት በቁጥጥር ስር አዉሎ ፥ ህጻኑ የግድያ ሙከራ እንደተፈጸመበት በሰዉና በህክምና ማስረጃ አረጋግጧል። የካቲት 14 2016 ዓ.ም በዐቃቤ ህግ በወንጀለኛ መቅጫ ህግ ቁጥር 27 ንዑስ አንቀጽ 1 መሰረት በግድያ ሙከራ ክስ እንደመሰረተበት ገልጸዋል።

ምስራቅ ሀረርጌ ዞን ከፍተኛ ፍ/ቤት ሰኔ 13 ቀን 2016 ዓ.ም በዋለዉ ችሎት ተከሳሽ ከድር አህመድ በገዛ ልጁ ላይ የግድያ ሙከራ በመፈጸሙ በ 7 አመት ጽኑ እስራት እንዲቀጣ ወስኖበታል ሲሉ የምስራቅ ሀረርጌ ዞን ከፍተኛ ፍ/ቤት የኮሚኒኬሽን ጉዳዮች ጽ/ቤት ሃላፊ አቶ ሳሊም ቱጂሃን ለብስራት ራዲዮና ቴሌቪዥን ተናግረዋል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

"በዓለም ላይ ዝቅተኛው የመብራት ታሪፍ ኢትዮጵያ ውስጥ ስለሆነ ከዓለም ጋር እኩል ለመሰለፍ  የታሪፍ ጭማሪ እናደርጋለን "  [መብራት ኋይል]‼️
እነሱ:-  የነዳጅ ዋጋ ኬንያ ላይ፣ የወኋ ዋጋ ጅቡቲ ላይ፣ የኢንተርኔት ዋጋ ኤርትራ ላይ፣ የመብራት ታሪፍ በዓለም ላይ ውድ ነው። ከዓለም እኩል ለመሆን የዋጋና የታሪፍ ጭማሪ እናደርጋለን። አዳዲስ የግብር ዓይነቶች ማለትም እንደ ፕሮፐርቲና የተሽከርካሪ ታክስ ያሉትን ሁሉም ሀገራት ስለሚያስገብሩ እናንተም ትገብራላችሁ

እኛ:- ኬንያ ውስጥ አማካይ ዝቅተኛ ግብር የማይከፈልበት የደሞዝ መጠን 111.5 ዶላር ወይም 6438 ብር ነው። የገቢ ግብር ደግሞ አራት እርከን ብቻ ያለው ሲሆን ዝቅተኛው የደሞዝ ግብር የሚጀምረው ከ10% ነው። ከፍተኛው የደሞዝ ግብር ደግሞ 32.5 % ሲሆን በዶላር 2326 ወይም በብር 132,558 በላይ የሚያገኝ ሰራተኛ ላይ ይጣላል። 

ኢትዮጵያ ውስጥ ዝቅተኛው ግብር የማይከፈልበት ደሞዝ 600 ብር ወይም 10.5 ዶላር በታች ሲሆን 10% ይከፈልበታል። ከፍተኛው የደሞዝ ገቢ ግብር 35 % ሲሆን ደሞዝህ  ከ10,000 በላይ ወይም 175.4 ዶላር ከሆነ ጀግሞ 35% ትገብራለህ። ቫት፣ ቲኦቲና ወዘተን ሳይጨምር ማለት ነው።
ከኬንያና ከዓለም ልምድ በመቅሰም የመብራት፣ የወኋ፣ የፕሮፐርቲ ታክስና የተሽከርካሪ ግብር በመጨመር ከዓለም ጋር እኩል እንዳደረጋችሁን ሁላ የደሞዝ እድገት፣ የገቢ ግብርና ዝቅተኛ የደሞዝ መጠንንም በልምድ ልውውጡ አካታችሁ ከዓለም ሕዝብ ጋር እኩል አድርጉን።
ሙሼ ሰሙ የፃፉት ነው

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

እያንዳንዱ የፍልስጤም እስረኛ በአማካይ 30 ኪሎ ግራም ያህል መቀነሱን የአል-ሺፋ ሆስፒታል ዋና ሃላፊ አስታወቁ

የአል-ሺፋ ሆስፒታል ዋና ኃላፊ አቡ ሳልሚያ በእስራኤል ማረሚያ ቤት ስላለው ሁኔታ መረጃን አፋርተዋል፡፡በምርመራ ክፍል ውስጥ በርካታ እስረኞች የተገደሉ ሲሆን በሺዎች የሚቆጠሩ እስረኞችን በእስራኤላውያን ወታደሮች ስር ይገኛሉ፡፡የእስራኤላውያን ዶክተሮች እና ነርሶች የፍልስጤም እስረኞችን ይደበድባሉ ፤ ያሰቃያሉ እንዲሁም የታሳሪዎችን እንደ ግዑዝ እቃ አድርገው ይቆጥሩታል ብለዋል።በእስራኤላውያን ወታደሮች የተያዘ እያንዳንዱ እስረኛ ወደ 30 ኪሎ ግራም በአማካይ ክብደት ቀንሷል፣ ምግብም ተከልክሏል።

የአል-ሺፋ ሆስፒታል ዋና ሃላፊ ሶስት ጊዜ ፍርድ ቤት ብቀርብም ምንም አይነት ክስ አልቀረበብኝም ይህ ማለት በፖለቲካ ምክንያት እንደያዙኝ ያሳያል ሲሉ ተደምጠዋል፡፡ከባድ ስቃይ ደርሶብናል፤ የእስራኤል ወታደሮች የእስረኞቹን ክፍል በኃይል በየቀኑ በመዉረር ጥቃት ያደርሱብን ነበር ሲሉ ተደምጠዋል።ከጠበቆች ጋር አልተገናኘንም፣ ወይም የትኛውም ዓለም አቀፍ ተቋም አልጎበኘንም።ለሁለት ወራት ያህል አንድም እስረኛ በቀን ከአንድ ዳቦ በላይ አልተመገበም ሲሉ አክለዋል፡፡

በሌላ በኩል የእስራኤል ጦር ቢያንስ 16 ፍልስጤማውያንን በዌስት ባንክ በሙሉ ማሰሩን ዋፋ የዜና ወኪል ዘግቧል።ከመኖሪያ ቤታቸው እና በወታደራዊ ኬላዎች የታሰሩትን፣ በጭቆና እጃቸውን የሰጡ እና ታግተው የተወሰዱት ሰዎች መኖራቸዉ ተሰምቷል፡፡የእስራኤል ጠቅላይ ሚኒስትር ቤንያሚን ኔታንያሁ የአል-ሺፋ ሆስፒታል ዳይሬክተር መሃመድ አቡ ሳልሚያን ጨምሮ የፍልስጤም እስረኞች ከጋዛ እንዴት እንደተፈቱ አፋጣኝ ምርመራ እንዲደረግ ማዘዛቸውን ከቢሮአቸው የወጣዉ መግለጫ አመላክቷል።

ከተለያዩ የእስራኤል የፖለቲካ ሰዎች ውግዘት ያስከተለው ከእስር መፈታት በኔጌቭ ሳዴ ቴማን ካምፕ መታሰራቸውን በመቃወም በጠቅላይ ፍርድ ቤት በተደረገው ውይይት ላይ መሆኑን የኔታንያሁ ጽህፈት ቤት አስታውቋል። አቤቱታውን ማን እንዳቀረበው አልታወቀም።ጽህፈት ቤቱ “የተፈቱት እስረኞች ማንነት በጸጥታ ኃላፊዎች ሙያዊ ግምት ውስጥ በማስገባት ማንነት የሚወሰን ነው” ብሏል።


አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

Update‼️
በቱርክ አደራዳሪነት ትናንት አንካራ ውስጥ የተነጋገሩት ኢትዮጵያና ሱማሊያ ነሃሴ 27 በድጋሚ ለመነጋገር መስማማታቸውን የቱርክ ውጭ ጉዳይ ሚንስትር ሐካን ፊዳን ትናንት ማምሻውን በሰጡት መግለጫ አስታውቀዋል።

የቱርክ ውጭ ጉዳይ ሚንስቴር ባወጣው መግለጫም፣ የኢትዮጵያ ውጭ ጉዳይ ሚንስትር ታዬ አጽቀሥላሴ እና የሱማሊያው አቻቸው አሕመድ ፊቂ በኹለቱ አገሮች ልዩነት ዙሪያ በተናጥል ግልጽነት የተሞላበት ውይይት እንዳደረጉና ልዩነቶችን በሰላማዊ መንገድ በንግግር ለመፍታት እንደተስማሙ ገልጧል።

የኹለቱን የውጭ ጉዳይ ሚንስትሮች ንግግር የመሩት፣ የቱርኩ ውጭ ጉዳይ ሚንስትር ሐካን ፊዳን ናቸው።


አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja

ለጥበቃ በተሰጠዉ የጦር መሳሪያ የስራ ባልደረባዉን የገደለዉ ግለሰብ በእስራት ተቀጣ

የኢሉባቡር ዞን ፖሊስ መምሪያ ፤ ታረቀኝ አለማየሁ የተባለዉ ግለሰብ በያዩ ወረዳ የያዩ ከፍተኛ ሁለተኛ ደረጃ ትምህርት ቤት ጥበቃ ሰራተኛ ሆኖ እያገለገለ እያለ በስራዬ ጣልቃ እየገባ ነዉ በሚል የስራ ባልደረባዉን መግደሉን ፖሊስ መምሪያዉ ለብስራት ራዲዮና ቴሌቪዥን የላከዉ መረጃ ያመላክታል።

ግለሰቡ ህዳር 3 ቀን 2016 ዓ.ም ከምሽቱ 1 ሰዓት አስቦና አቅዶ የስራ ባልደረባዉን ለመግደል ተዘጋጅቶ ተኩሶ መግደሉን በማስረጃ መረጋገጡን ያገኘነዉ መረጃ ጠቁሟል።

ፖሊስ ምርመራዉን አጠናቅቆ ፤ ዐቃቢ ህግ በወንጀለኛ መቅጫ ህግ ቁጥር 32 ንዑስ በአንቀጽ 1 እና 540 መሰረት በግድያ ወንጀል ክስ የመሰረተበት መሆኑም ተገልጿል።

በዐቃቢ ህግ የተመሰረተዉን ክስ ሲመለከት የቆየዉ የኢሉባቡር ዞን ከፍተኛ ፍ/ቤት ፤ ተከሳሽ ታረቀኝ አለማየሁ የቀረበበት ክስ በማስረጃ በመረጋገጡ እና መከላከል ባለመቻሉ ሰኔ 6 ቀን 2016 ዓ.ም በዋለዉ ችሎት በ 10 አመት እስራት እንዲቀጣ መወሰኑን የኢሉባቡር ዞን ፖሊስ መምሪያ ለብስራት ራዲዮና ቴሌቪዥን የላከዉ መረጃ ያመላክታል።

አዳዲስ አለማቀፍ ሰበር ዜናዎችን ለማግኘት በነዚህ አማራጮች ይጠቀሙ 👇👇👇

👉👉Telegram :- https://t.me/berbirmereja

👉👉Facebook--› https://www.facebook.com/berbirmereja/

👉👉YouTube: -, https://youtube.com/@BerbirMereja