Мінамётчыкі Батальёну «Тэрор» Палка імя Кастуся Каліноўскага эфектыўна адпрацавалі па рашысцкім пазіцыям. 💥

Вынікі іх працы глядзіце ў відэа. 🔥

@BelWarriors

26 чэрвеня Батальён «Волат» Палка Кастуся Каліноўскага прымаў удзел у стрымліванні танкавага прарыву акупантаў у раёне Лісічанска…

Невялікая група нашых байцоў распачала няроўны бой з пераўзыходзячымі сіламі ворага. Пасля некалькіх гадзінаў кантакту сілы акупантаў былі адкінутыя, тэхніка падбітая з ручных процітанкавых сродкаў, а сярод нашых хлапцоў толькі адзін быў лёгка паранены.

Толькі другой хваляю, кінуўшы на наш невялікі атрад значныя сілы, у тым ліку – танкі, байцоў Палка Кастуся Каліноўскага пачалі адціскаць. І нават тады нашыя хлопцы не здаліся і навялі ўкраінскую артылерыю на жывую сілу і тэхніку ворага. Да жалю, у пэўны момант сувязь з нашымі ваярамі перарвалася…

Можна сказаць упэўнена, што дзякуючы асабістаму гераізму і самаахвяраванасці нашыя беларускія хлопцы змаглі спыніць наступ танкавай калоны, тым самым даўшы магчымасць бяспечна адысці асноўным сілам УСУ на тым напрамку.

У першыя дні не было разумення таго, дзе знаходзяцца некаторыя нашыя байцы, і мы спадзяваліся на свядомасць СМІ, бо ў такія моманты вельмі важна захоўваць цішыню, каб у беларускіх дабраахвотнікаў у выпадку палону застаўся шанец патрапіць на абмен як іншыя байцы Узброеных Сіл Украіны – ды вярнуцца дадому. Менавіта з гэтай прычыны Полк вытрымліваў паўзу, каб не нашкодзіць нашым хлапцам.

Але цяпер мы перарываем маўчанне, каб з болем у сэрцы паведаміць, што выконваючы свой баявы абавязак гераічна загінуў камандзір батальёна «Волат» Палка Каліноўскага з пазыўным Брэст.

З першых дзён вайны ён стаяў на абароне Украіны ад расейскай агрэсіі і быў у вытокаў заснавання Палка Каліноўскага. Мы яго ведалі як мужнага, рашучага і самаадданага чалавека, які за кожнага свайго байца быў гатовы на ўсё. Брэст меў выключны аўтарытэт сярод ваяроў Палка. Акрамя гэтага ён быў адданым сынам беларускай зямлі і верыў у будучыню вольнай Беларусі. Гэта вельмі вялікая і балючая страта для нас усіх.

Ад імя ўсіх ваяроў і камандавання Палка Каліноўскага выказваем спачуванні сям’і, блізкім і сябрам Брэста і падтрымку родным нашых зніклых без вестак хлопцаў.

Да нашага суму, падчас той аперацыі яшчэ некалькі нашых ваяроў зніклі без вестак.

Вядуцца пашуковыя дзеянні ў іх дачыненні. Полк Каліноўскага трымае сувязь з родзічамі і блізкімі нашых зніклых хлопцаў. Мы прыкладаем усе магчымыя сродкі і намаганні, каб павярнуць нашых хлопцаў назад і не спынімся ані перад чым, бо мы б’ёмся за кожнага і верым, што яны жывыя.

На бягучы момант вядома толькі, што адзін з нашых байцоў Ян Дзюрбейка з поклічам «Тромблі» знаходзіцца ў палоне. У адпаведнасці з загадам атрыманым нашымі ваярамі, у выпадку трапляння ў палон, каб захаваць сваё жыццё і здароўе, яны павінныя казаць тое, што хоча ад іх пачуць вораг.

Асабліва звяртаем увагу: паколькі наш баец з'яўляецца кантрактным вайсковаслужбоўцам, а не наймітам, ён афіцыйна зʼяўляецца вайсковапалонным.

Звяртаем вашу ўвагу, што на дадзены момант у віртуальнай прасторы распаўсюджваецца шмат фэйкаў, якія не маюць пад сабой дасканалых фактаў. Наш Полк праводзіць дзеянні па высвятленні і праверцы ўсёй надыходзячай інфармацыі. Пры з’яўленні дадатковай інфармацыі і праверкі яе дасканаласці, мы будзем асвятляць у наступных афіцыйных прэс-рэлізах падрабязныя дэталі здарэння.

Жыве Беларусь!
Слава Украіне!
@BelWarriors

“Самы складаны бой – гэта той, у якім я памру…”

Камандзір Батальёну “Волат” Палка імя Кастуся Каліноўскага Іван “Брэст” Марчук – нешматлікія кадры й словы героя, што аддаў жыцьцё за ўкраінскую зямлю, бо верыў, што бяз вольнай Украіны ня будзе вольнай Беларусі.

⬜️🟥⬜️ ГЕРОІ НЕ ПАМІРАЮЦЬ!
🟦🟨 ГЕРОЯМ – СЛАВА!
@BelWarriors

Паглядзець ролік на Youtube
Цалкам тое інтэрвію “Брэста” можна глянуць тут

Гібель Брэста і нашыя байцы ў палоне: афіцыйны прэс-рэліз Палка Каліноўскага

Глядзець на YouTube: https://youtu.be/IeJqt6t84us

Афіцыйны каментар адносна гібелі нашага пабраціма Івана Марчука з пазыўным Брэст і з’яўлення відэа з палоненнымі байцамі Палка Каліноўскага.
У першыя дні не было ўпэўненнасці аб тым, дзе знаходзяцца некаторыя нашыя байцы і кожнае наша слова магло паўплываць на іх лёс. Менавіта з гэтай прычыны Полк вытрымліваў паўзу, каб не нашкодзіць нашым хлапцам.

Цяпер, калі нашыя пабрацімы знаходзяцца ў варожым палоне, мы лічым неабходным нагадаць, што загінулы камандзір батальёна Волат Палка ім. Каліноўскага Брэст, служыў не толькі ўзорам вайсковай доблесці, але і сваім стаўленнем да паланонных супернікаў.

Пра што сведчыць у гэтым відэа адзін з расейскіх ваеннапалонных, захоплены пэўны час таму байцамі нашага палка.

@BelWarriors

“Нашы ж хлопцы едуць сюды з адзінай мэтай: вызваліць Украіну і далей у надзеях вызваляць Беларусь ад рэжыму Лукашэнкі”.

Дзяніс “Кіт” даў інтэрв’ю ўкраінскаму сайту “НВ”, у якім распавёў, што адбываецца цяпер у Беларусі, чаму беларусы едуць ваяваць за Украіну, а таксама адказаў, што будзе, калі лукашэнкаўская армія войдзе ва Украіну:

“Скажу так: полк Каліноўскага першым будзе стаяць дзеля таго, каб знішчаць гэтыя сілы лукашэнкаўскага рэжыму. За намі трэба будзе ставаць у чаргу, таму што мы першыя будзем бараніць Украіну ад гэтых не сыноў Беларусі. Гэта для нас мае вельмі вялікую каштоўнасць і важнасць, каб украінцы ў далейшым разумелі, што ёсць сапраўды беларусы, а ёсць — прыхвастні рэжыму”.

Глядзець на Youtube:
https://youtu.be/HSzCs_aLZL0

Афіцыйная заява Палка ім. Кастуся Каліноўскага стасоўна апошніх навін, у сувязі з інфармацыйным рэзананасам адносна лёсу байцоў батальёну Волат Палка Каліноўскага, зніклых без вестак пад час бою 26.06.2022.

Кантакты для СМІ і іншых асоб:
@PressBelWar - тэлеграм-канал
@BelarusAndUkraineBot - чат-бот
battalion.of.kastus.kalinouski@gmail.com - пошта для вашых пытанняў.

Апошняе інтэрв’ю Васіля “Атама” Грудовіка

Атам 26 чэрвеня атрымаў раненні, несумяшчальные з жыццём. У нас няма ягонага цела, але шанцы выжыць былі мінімальныя.

Вось ягонае апошняе інтэрв’ю:

“Проста цяпер я больш перажываю за ўкраінцаў, якіх забіваюць, а не за сваякоў у Беларусі, у якіх і так усё добра. Украінцы вымушаныя сёння бегчы са сваіх дамоў, іх забіваюць — усё іх жыццё разбурана. Хаты маіх сваякоў ніхто не бамбіць — і ў гэтым заключаецца розніца. А тым, хто лічыць, што ва Украіне ідзе не вайна, а «спецаперацыя», я б хацеў пажадаць гарэць у пекле. Магчыма, я пакажуся жорсткім, але літасці і апраўдання тым, хто творыць тое, што я бачыў у Бучы, няма і быць не можа”.