❗️Следчы камітэт завяршыў расследаванне ў дачыненні да анархіста Мікалая Дзядка – яго абвінавачваюць па 3-х крымінальных артыкулах:

🔻ч. 1 арт. 342 (актыўны ўдзел у дзеяннях, якія груба парушаюць грамадскі парадак і спалучаных з відавочным непадпарадкаваннем законным патрабаванням прадстаўнікам улады, што пацягнула парушэнне працы транспарту);

🔻ч. 2 арт. 361 (распаўсюд матэрыялаў, якія змяшчаюць заклікі да здзяйснення дзеянняў, накіраваных на прычыненне шкоды нацыянальнай бяспецы Рэспублікі Беларусь, з выкарыстаннем глабальнай сеткі Інтэрнэт);

🔻ч. 1 арт. 295-3 (незаконныя дзеянні ў дачыненні да прадметаў, якое дзівіць дзеянне якіх заснавана на выкарыстанні гаручых рэчываў) Крымінальнага кодэкса Рэспублікі Беларусь •

Паводле версіі следства, Дзядок некалькі гадоў «адміністраваў радыкальны тэлеграм-канал, дзе размяшчаў матэрыялы, накіраваныя на дэстабілізацыю абстаноўкі ў краіне»

Крыніца: Следчы Камітэт

⚡️Паўлу Севярынцу прысудзілі 7 гадоў узмоцненага рэжыму за нібыта арганізацыю масавых беспарадкаў!

Крыніца: @radiosvaboda

❗️Актывісты «Еўрапейскай Беларусі» таксама атрымалі тэрміны ў калоніі

Яўген Афнагель – 7 гадоў;
Андрэй Войніч – 7 гадоў;
Павел Юхневіч – 5 гадоў;
Максім Вінярскі – 5 гадоў

Рэдактарцы Telegram-каналу «Мая краіна Беларусь» Ірыне Шчаснай далі 4 гады.

Крыніца: @radiosvaboda

❗️15 асобаў, затрыманых у справе TUT.by праваабаронцы прызналі палітвязнямі

Гэта Людміла Чэкіна, Марына Золатава, Вольга Лойка, Ірына Рыбалка, Алена Талкачова, Анжэла Асад, Марыя Новік, Ала Лапатка, Аляксандра Дайнека, Андрэй Аўдзееў, Сяргей Павалішаў, Дар'я Данілава, Юлія Чарняўская, Кацярына Ткачэнка і Ірына Касцючэнка.

Цяпер у Беларусі колькасць палітвязняў дасягнула 421 чалавека

Крыніца: @viasna96

Павел Севярынец у судзе: «Беларусь будзе вольнай!».

Відэа: @radiosvaboda

Бацька Рамана Пратасевіча пра відэа з сынам: «У яго зламаны нос, уся левая частка твару ў пудры»

«Гэта не ягоныя словы, не ягоная інтанацыя. Ён паводзіць сябе нервова», – сказаў спадар Дзмітрый у інтэрв'ю Reuters.

Крыніца: Reuters

🔥А вось і моцны адказ мэра Рыгі на заяву Рэнэ Фазэля:

«Прэзідэнт IIHF патрабуе, каб ў Рызе павесілі ранейшыя сцягі замест беларускіх сцягоў свабоды. У адваротным выпадку ён патрабуе зняць сцягі IIHF. Кожны павінен абраць, на якім ён баку: на баку народу, які прагне свабоды, або на баку крывавага дыктатара. На просьбу Фазэля здымем сцягі IIHF».🤍❤️🤍

Крыніца: Mārtiņš Staķis (Twitter)

Жорсткае ДТЗ адбылося ў Менску на мосце паміж праспектам Незалежнасці і вуліцай Маскоўскай

Паводле інфармацыі ДАІ, а 5:35 раніцы экіпаж заўважыў на праспекце Ford Focus з адчыненымі падчас руху дзвярыма. Кіроўцу падалі сігнал аб спыненні, аднак замест гэтага ён стаў уцякаць.

Скончылася ўсё тым, што аўтамабіль занесла на мосце і ён перакуліўся.

Крыніца: @gaiminsk

❗️Самалёты іспанскай авіякампаніі Iberia таксама будуць пазбягаць паветранай прасторы Беларусі

Крыніца: @rian_ru

☝️ Расейская генпракуратура заяўляе, што гатовая абараняць затрыманую на лайнеры Ryanair дзяўчыну Рамана Пратасевіча Сафію Сапегу, калі будуць парушацца ейныя правы.

Крыніца: @rian_ru

Сёння ў судзе Глыбоцкага раёну адбыўся суд над журналістам Змітром Лупачам

Суддзя Андрэй Тарасевіч цягам 14 хвілін разгледзеў справу, у якой журналіста абвінавачвалі ў выстаўленні на YouTube сюжэту пра «адукаванасць» беларускай міліцыі. Лупач атрымаў штраф 30 базавых (870 рублёў).

Таксама сёння а 14:30 Змітра Лупача будуць судзіць і ў судзе Браслаўскага раёну. Гэтым разам за размяшчэнне на YouTube сюжэту пра псіхіятрычную больніцу ў Слабодцы.

Крыніца: @belsat

☝️Амбасада Беларусі ва Украіне назвала пастанову ўкраінскага боку спыніць авіязлучэнне з Беларуссю «абсурднай» і заявіла, што пацярпяць праз гэта ў першую чаргу ўкраінцы

Крыніца: @tass_agency

❗️Маці Рамана Пратасевіча пасля прагляду відэа сказала, што ейнага сына збівалі:

«Рома вельмі моцна збіты. Я выдатна ведаю свайго сына. У яго паламаны нос. Я не хірург, але мы моцна прыбліжалі відэа, перагародка ссунутая, відаць чарнату на ёй. Таксама выбітыя зубы, калі прыглядзецца. Вывернуты клык, скрыўлены, а за ім дзірка. Сінякі замазаныя грымам. Твар перакошаны, шчака апала».

Таксама, яна ўпэўненая, што з яго выбіваюць прызнанні.

Падрабязней тут: https://3beltv.eu/news/25-05-2021-matsi-ramana-pratasevicha-vyglyadae-shto-yamu-palamali-nos-i-vybili-zuby/

Ала Касабуцкая сталася першаю беларускаю жанчынаю, якая скарыла найвышэйшую гару Зямлі – Эвэрэст!

Гэта адбылося 23 траўня. На здымку відаць, што ў Алы з сабою наш нацыянальны сцяг ⚪️🔴⚪️

Крыніца: Facebook

Зянон Пазняк: «Амерыка ўцерлася. Утрэцца і Еўропа»

Лідар беларускай апазіцыі 90-х гадоў у сваім допісе прыгадаў выпадак са збіццём над Беларуссю амерыканскага паветранага шара. Ён не верыць у рашучыя дзеянні Еўропы і мяркуе, што «толькі беларусы могуць расквітацца з бандытам»

Крыніца: Facebook

❓Ці маглі б паступіць інакш пілоты «Ryanair» з Раманам Пратасевічам на борце, пачуўшы патрабаванне развярнуцца?

Паслухайце каментар пілота «Аэрафлоту» пра экстраную пасадку самалёта ў менскім аэрапорце:https://www.youtube.com/watch?v=3PRzvV9HwF8

☝️Прадстаўнікі Міжнароднай арганізацыі грамадзянскай авіяцыі, Міжнароднай асацыяцыі паветранага транспарту, авіяцыйныя ўлады ЕЗ і ЗША запрошаныя ў Беларусь для вывучэння сітуацыі з лайнерам Ryanair

Крыніца: @tass_agency