Белсат
43.5K subscribers
42K photos
13.7K videos
34 files
30.6K links
Тэлеканал Белсат

Даслаць навіну, фота ці відэа: @BelsatBot

Расейскамоўны рэгіянальны ТГ @BelsatRu
Download Telegram
Media is too big
VIEW IN TELEGRAM
📞 Азаронак пазваніў Святлане Ціханоўскай

Размова доўжылася каля 10 хвілін. Гэтым разам з боку Азаронка абыйшлося без абразаў, якімі ён звычайна сыпле на адрас Святланы. У Офісе Ціханоўскай адзначылі, што звычайна ніколі не запісваюць званкі беларусаў, якія тэлефануюць з пытаннямі, але тут узнікла асаблівая сітуацыя:

«Мы ніколі не запісваем размовы з беларусамі, аднак у выпадку з Рыгорам мы папярэдзілі яго аб тым, што запіс вядзецца ў мэтах бяспекі. З улікам таго, што мы чакалі, што гэтую размову выкарыстае рэжымнае тэлебачанні і Рыгор ужо анансаваў у сябе ў канале выхад матэрыялу пра званок, мы перадаем поўны запіс незалежным медыям для таго, каб выключыць магчымасць маніпуляцыі праўдай».

Крыніца: Офіс Святланы Ціханоўскай
Галоўнага калабаранта Херсоншчыны Уладзіміра Сальда шпіталізавалі, рыхтуюць перавозку спецбартом у Маскву

Учора кіраўніка створанай акупантамі часовай адміністрацыі Херсонскай вобласці пераправілі з больніцы на Херсоншчыне ў адну з медустановаў Крыму. Сёння Сальда стала горш, яго падключылі да штучнай вентыляцыі лёгкіх і пагрузілі ў кому. У такім стане яго пераправяць на лекаванне ў Маскву (так пастанавіў кансіліум маскоўскіх і крымскіх дактароў).

Цікава, што ў тэлеграм-канале Уладзіміра Сальда працягваюць з'яўляцца новыя допісы, у адным з якіх раптоўныя праблемы са здароўем тлумачацца «ускладненнямі пасля перанесенага каронавірусу».

Крыніца: @bazabazon
Паглядзець, якія татуіроўкі беларусы робяць сабе пасля падзеяў 2020 года, можна будзе на фотавыставе

У аснову выставы паклаліся 11 гісторыяў беларусаў, якія зрабілі сабе тату, прысвечаную падзеям у Беларусі.

📌ВОСЬ ТУТ можна пачытаць іх гісторыі.

📌 Выстава адкрываецца сёння а 18:00 у Цэнтры беларускай салідарнасці ў Варшаве па адрасе Oleandrów, 6.

Арганізатаркі: журналістка Яўгенія Доўгая і фатографка Ірына Арахоўская.
🔹У Ваўкавыску маці трох дзяцей тэрарызуюць мясцовыя сілавікі

Спачатку супрацоўнікі мясцовага РАУС ламіліся да Людмілы Шрубок у кватэру каля апоўначы. У гэты момант па адрасе, куды яны прыйшлі, знаходзілася толькі старэйшая дачка (Людміла разам з малодшымі дзецьмі былі па адрасе прапіскі).

На наступны дзень ДАІшнікі канфіскавалі аўтамабіль Людмілы для праверкі па надуманай падставе. Пазней жанчыну выклікалі ў РАУС, дзе на яе ціснулі супрацоўнікі з прозвішчамі Сухоцкі і Літаш.

Цяпер Людмілу змясцілі ў ІЧУ Ваўкавыска, прычыну затрымання паведамляць адмаўляюцца. Усе дзеці жанчыны (19, 16 і 5 гадоў) знаходзяцца дома адны, бо муж Людмілы працуе ў Польшчы.

Раней на Людмілу Шрубок ужо ціснулі за актыўную грамадзянсую пазіцыю. Сёлета, напрыклад, сілавікі затрымлівалі яе за пратэсты ў дзень «рэферэндуму».

Крыніца: @volkovysk4life_news
🇱🇻🇷🇺 Латвія спыніла выдачу віз расейцам

Крыніца: Latvia in Russia
🔻СБУ расказала пра затрыманне экс-высокапасадоўца Мінабароны Украіны, якога падазраюць у дзяржаўнай здрадзе

Былы намеснік кіраўніка Галоўнага ўпраўлення выведкі Мінабароны ў званні генерал-маёра перадаваў расейскім спецслужбам інфармацыю з грыфамі «сакрэтна» і «зусім сакрэтна». Яго выкрылі і затрымалі неўзабаве пасля пачатку поўнамаштабнай вайны. Падчас вобшуку на працоўным месцы мужчына спрабаваў забіць з пісталета Макарава супрацоўнікаў следча-аператыўнай групы СБУ.

Паводле СБУ, генерал-маёр займаў пасаду намесніка ГУР з 2008 па 2010 годы. Пазней ён уваходзіў у склад кіраўніцтва Дзяржаўнага касмічнага агенцтва Украіны.

Крыніца: @SBUkr
На рэлакацыю супрацоўнікаў з Беларусі і Расеі EPAM выдаткаваў больш за 33 млн долараў

Яшчэ 11,6 млн сышло на дапамогу супрацоўнікам з Украіны.

Такія дадзеныя ўтрымліваюцца ў справаздачы EPAM за другі квартал 2022 года.

У красавіку EPAM сышоў з расейскага рынку праз вайну ва Украіне. У Беларусі кампанія афіцыйна застаецца, але работнікаў больш не наймаюць, а агульная колькасць скарачэнняў у Беларусі і ва Украіне складае каля 6 тыс рабочых.

Зараз EPAM застаецца ў больш чым 50 краінах, а агульны штат кампаніі – 61,3 тыс чалавек.
🔹Кіраўнік Мікалаеўскай абладміністрацыі Віталій Кім паведаміў пра ахвяры і параненых у выніку абстрэлу горада

Абстрэл адбыўся ўдзень. Паводле звестак Кіма, 10 чалавек параненыя, ёсць і загінулыя (дакладную лічбу ён не напісаў).

Крыніца: @mykolaivskaODA
Media is too big
VIEW IN TELEGRAM
🔹«Спасибо, вам. Я никогда больше не была так счастлива, как рядом с вами. Плечом к плечу. И я плачу. До конца жизни не забуду. Мой народ, с 16 августа, я так безумно вас люблю. Пушкинская».

🔹«Спасибо. Невероятно трогательный фильм. Смотреть невозможно, эти раны еще свежи».

🔹«Складана было глядзець з-за болю ў сэрцы. Але ж гэта было неабходна, каб у чарговы раз выплакаць гэты боль, які назапасіўся за гэтыя 2 гады. Дзякуй вялікі!»

Такія каментары пад фільмам "Галасы" на ют'юбе.

Адзначылі фільм і на ботаферме ябацяк, вось, што ім пішуць нашыя гледачы: "Боты, дзякуй за комменты. Вы продвигаете видео в тренды. Не забывайте, чтобы алгоритмы ют двигали видео в рекомендации, комментарий должен содержать минимум семь слов".

Калі вы яшчэ не пабачылі фільм - варта яго паглядзець. Ён пра наш шлях ад жыцця ва ўнутранай эміграцыі, праз вір адраджэння нацыі і спробы адбіць сваю свабоду, па сённяшнюю цёмную ноч, якая злу як яснае сонейка. Але ноч мае адметнасць - яна сканчаецца.

Трымаемся, памятаем, глядзім добрае! Фільм "Галасы" на ют'юб БЕЛСАТ DOC
Белсат
У прапагандыстаў «бамбанула» ад песні «Океану Ельзи» на Зыбіцкай. Спявачка, якая яе выконвала, не выходзіць на сувязь Аматары гурту «Любэ», Алега Газманава і гімну «Боже, царя храни» кшталту Азаронка і «жоўтасліўнікаў» абурыліся, што днямі на Зыбіцкай гучала…
🔻Спявачку Мэрыем Герасіменку сапраўды затрымалі. Але прапагандысты кажуць, што не за песню

Праўладныя ТГ-каналы сцвярджаюць, што частку прыбыткаў ад сваёй творчай дзейнасці яна накіроўвала на патрэбы ўкраінскай арміі і данаціла на набыццё «Байрактару».

Таксама прапагандысты напісалі, што дзяўчына «даўно была на кантролі» сілавікоў.

Крыніца: @viasna96
Белсат
Украіна абураная справаздачай Amnesty International Арганізацыі закідаюць стварэнне фальшывай рэчаіснасці і маніпуляцыі на карысць агрэсара. Чаму ж абаронцы Украіны апынуліся ў гушчары населеных пунктаў ды якія з высноваў Amnesty International разыходзяцца…
Актывісты Amnesty International пікетуюць польскі офіс Еўракамісіі

Яны патрабуюць спыніць «расісцкія метады» і «негуманную палітыку» Еўразвязу ў дачыненні мігрантаў, якія спрабуюць патрапіць у Польшчу з боку Беларусі. Частка актывістаў трымае вялікі плакат з надпісам «Межы ЕЗ забіваюць людзей».

Пра акцыю паведаміў у сваім Twitter украінскі журналіст Яўген Прыходзька, які жыве ў Варшаве.

Крыніца: Yevhen Prykhodko
«Карта беларуса»? Прыбалтам і палякам з беларускімі каранямі хочуць спрасціць атрыманне віду на жыхарства

Як паведамляе МУС (якому мы ўсе верым), пасля ўвядзення бязвізу з Літвой, Латвіяй і Польшчай у Беларусь прыехалі 164 тыс. чалавек і «адначасова ўзрасла колькасць зваротаў у раённыя АУС па пытаннях пастаяннага пражывання ў Беларусі».

Часцей за ўсё такія запыты прыходзяць ад замежнікаў з беларускімі каранямі, якія раней ці мелі наша грамадзянства, ці маюць падставы для яго атрымання. Па беларускім законе ў такіх асобаў ужо ёсць магчымасць атрымаць дазвол для пастаяннага пражывання ў нашай краіне.

Але МУС хоча ўсё спрасціць і скараціць тэрмін працэдуры да аднаго месяца.

🙄 «Гэта створыць больш спрыяльныя ўмовы для ўезду, доўгатэрміновага знаходжання і інтэграцыі грамадзян гэтых краін у нашай рэспубліцы».
🇮🇱 Армія абароны Ізраілю (ЦАХАЛ) абвесціла пра пачатак контртэрарыстычнай аперацыі ў сектары Газа

Былі нанесеныя ракетныя ўдары па жылым квартале, дзе жыў адзін з камандзіраў арганізацыі «Ісламскі джыхад». Ён загінуў (паводле некаторых звестак, ракета прыляцела акурат у ягоную кватэру).

Прадстаўнікі «Ісламскага джыхаду» паабяцалі біць у адказ па цэнтры Тэль-Авіва.

Крыніца: Reuters
🧐 Фотафакт. Як маглі б выглядаць гербы гарадоў Беларусі, калі б на іх былі фэнтэзійныя героі

Гэтыя гербы стварыў з дапамогай штучнага інтэлекту #Midjoyrney беларускі дызайнер Павал Пілавец. Шрыфт – беларускага дызайнера шрыфтоў Дзяніса Серабракова.
Белсат
«Карта беларуса»? Прыбалтам і палякам з беларускімі каранямі хочуць спрасціць атрыманне віду на жыхарства Як паведамляе МУС (якому мы ўсе верым), пасля ўвядзення бязвізу з Літвой, Латвіяй і Польшчай у Беларусь прыехалі 164 тыс. чалавек і «адначасова ўзрасла…
Ці ўбачым мы чэргі на атрыманне беларускага віду на жыхарства?

Пачытайце меркаванне журналіста польскай газеты «Rzeczpospolita» пра тое, ці будуць палякі, літоўцы, латышы ды эстонцы карыстацца магчымасцю спрошчанага атрымання беларускага ВНЖ.

Падкажам адказ цытатай:
«Лукашэнка не мае сваёй уласнай ідэалогіі і адзінае, што можа прапанаваць, – рабства».

Чытаць ПА СПАСЫЛЦЫ