Сябры!
Правядзем гульню на легендарным фестывалі "Басовішча". 🎼Дарэчы, арганізатары кажуць, што сёлета фэст будзе праводзіцца апошні раз( Сумна...

📍Чакаем вас 20 ліпеня а 15-й гадзіне на Басмежжы.

📝Рэгістрацыя адкрыта ўжо зараз: https://docs.google.com/forms/d/e/1FAIpQLSef7INaZDIBRNsyYXbv7ej2oh0Bwg-iEFSsRQPQGT4olBrheQ/viewform

Ці збіраецеся наведаць фестываль у гэтым годзе?

✍ Чвэрць стагоддзя таму, у 1994 годзе, на "Славянскім базары" адбылася прэмʼера знакамітай песні "Малітва" на словы Янкі Купалы і музыку Алега Моўчана.

Да 25-годдзя "Песняроў" Уладзімір Мулявін шукаў песню, якая б стала своеасаблівым гімнам, сімвалам. З закладкай на старонцы з вершам у зборніку Купалы ён прыйшоў да кампазітара. Спачатку А. Моўчан сказаў, што яго непакоіць вялікі абʼём тэксту. Тады пясняр пажартаваў, што калі будзе добрая музыка, то зможа спяваць доўга 🎤.

"Малітва" атрымала водгук у сэрцах беларусаў (і не толькі) ❤. З таго часу кожны канцэрт "Песняроў" з У. Мулявіным завяршаўся гэтай песняй.

https://youtu.be/s_MFnZXICTQ

8 верасня 1514 года войска ВКЛ пад камандаваннем Канстанціна Астрожскага атрымала перамогу над маскоўскім у бітве каля Оршы.
⠀
✔️Гісторыкі ацэньваюць падзею як самую значную перамогу войска ВКЛ над расійскім.
⠀
✔️Бітва прыгожа апяваецца ў Валынскім летапісе "Пахвала князю Астрожскаму", а таксама ў народнай песні "У нядзельку, параненьку..." і інш.
⠀
✔️У канцы 80-ых гадоў шматлікія беларусы пачалі святкаваць 8 верасня як «Дзень беларускай вайсковай славы».
⠀
✔️8 верасня 1992 г. на Плошчы Незалежнасці ў Мінску беларусы-афіцэры прынялі ваенную прысягу на вернасць Беларусі. У мерапрыемстве ўдзельнічалі Васіль Быкаў, Зянон Пазняк, Анатоль Грыцкевіч і інш.
⠀
✔️У гонар святкавання пяцісотгоддзя перамогі была выдадзена эпічная настольная гульня «1514».
⠀
#беларускаяінтэлектуальнаягульня #біг #факты_біг

Пацір

Знайшлі пацір слязамі поўны,
ніхто не ведае чыймі.
Сярэбранае ў срэбным —
поўню
пакутнік нейкі расчыніў.

Ад зла, спакус, грахоў замову
гугнявіў голас за сцяной...
Знайшлі на дне паціра слова,
з малітвы выпала яно:

Кахаю —
вочы прачыталі,
Кахаю —
вусны прашапталі,
Кахаю —
душы прастагналі,
Кахаю —
людзі закрычалі.

Каго?

Паэт сказаў: Айчыну!
Жаўнер: дзяўчыну!
Хтось: сябе!
I сталі дружна, шчыра, шчыльна,
як на касьбе ці на сяўбе.

А ён канчаўся у знямозе —
ніхто яго не пакахаў,
з паціра выплюхнулі слёзы,
і налілі праз край віна,

і сталі дружна, шчыра, шчыльна,
як на касьбе ці на сяўбе,
паэт сказаў: п’ем за Айчыну!
I кожны выпіў: за сябе...

Рады паведаміць!

Чарговая БІГ#29 адбудзецца 2 снежня!
Чакаем у клубе "Corset" (Старажоўская, 15А) а 19-ай гадзіне!
Рэгістрацыя пачнецца 29 лістапада.

Раскінем розумам па-беларуску!😉
#беларускаяінтэлектуальнаягульня #беларускаяiнтэлектуальнаягульня #біг #біг29

Сёння ў Вільні адбываецца перапахаванне нацыянальнага героя Кастуся Каліноўскага і яго паплечнікаў!

Шчыры дзякуй, што Вы былі і змагаліся за нашу з Вамі Беларусь! Цяпер наш абавязак –
захаваць і зберагчы Бацькаўшчыну. Ваша барацьба ніколі не стане дарэмнай.

Героі не паміраюць!
Яны заўсёды ў нашых сэрцах!❤️

✨Няхай усё добрае множыцца і свята прыносіць толькі радасць ды шчасце!

Калядных прыгод і здзяйснення мараў!

Ад нашай хаты да Вашай хаты
Няхай iмчыць кавалак свята.
Жывiце ў шчасцi Вы ды ў згодзе
І не хварэйце ў гэтым годзе!
Хай чарка ходзiць, хай бульба родзiць,
Хай патэльня трашчыць, на ёй скварка пiшчыць.
Будзьце здаровыя, як дубы стагадовыя!
З Раством Хрыстовым, са святам! Шчасця i дабрабыту!

Увага!
💰Кошт гульні трошкі павышаецца – 7 р. з чалавека.
Збірайце грошы і прыходзьце адзначыць стары Новы год разам!

​​🎄Запрашаем на святочную Беларускую інтэлектуальную гульню #30, што пройдзе 13 студзеня ў бары "Corset" (Старажоўская, 15А).

💡БІГ – гэта асветніцка-забаўляльная камандная гульня, якая дапаможа цікавава і з карысцю правесці час. Пераможцаў чакаюць цудоўныя прызы. 🎁

Удзел у гульні могуць узяць:

✔️дарослыя людзі абсалютна любой прафесіі і ўзросту;
✔️ тыя, хто мае кампанію, і тыя, хто хоча яе знасці;
✔️ людзі, якія імкнуцца спасцігаць і даведвацца новае;
✔️ тыя, хто любіць і шануе беларускую культуру.

⏰Працягласць — 2–2,5 гадзіны.
💰Кошт квітка — 7 рублёў за 1 чалавека.

Кароткая інструкцыя:

1. Збярыце каманду ад 2 да 10 чалавек, зарэгіструйце яе ў суполках vk.com/belaruski_pab_kviz і facebook.com/groups/bel.int.fest (пачатак рэгістрацыі 10 студзеня).
2. Прыходзьце 13 студзеня а 19-й гадзіне ў бар "Corset" (Старажоўская, 15А).
3. Калі не маеце каманды, усё роўна прыходзьце. Абавязкова знойдзем для вас кампанію!

Раскінем розумам па-беларуску!

Рэгістрацыя на святочную выніковую гульню сезона!

https://forms.gle/toH4DV3nYUtY3siN6

Калі вы маеце жаданне, але па нейкіх прычынах засталіся без кампаніі, не хвалюйцеся, таксама праходзьце рэгістрацыю.
У полі "Назва каманды" пазначце сваё імя, у полі "Колькасць чалавек" — 1, у каментарыях — "Шукаю каманду".
Усіх "адзінокіх" жадаючых аб'яднаем у «Стыхійную».

Вось і завяршыўся наш трэці сезон!
Дзякуй усім, хто наведваў гульні!
⠀
🎉Бясспрэчным пераможцам сезоннага спаборніцтва стала каманда 🥇Зэдлік. Імбрык. Жырандоля!
Наконт срэбра і бронзы інтрыга трымалася да сённяшняй гульні.
У выніку 2 месца ў каманды 🥈Імбрыкі ды Імбрычкі, а з трэцім віншуем 🥉Сінюю Пярліну.
⠀
🏆Прызёры сённяшняй гульні: Імбрыкі ды Імбрычкі, Менавіта Dolce Vita і Не будзь скотчам.
⠀
❤️Да хуткай сустрэчы, сябры!
⠀
Чым больш гульняў і перамог, тым вышэй верагоднасць стаць прызёрамі чацвёртага сезона!

4️⃣Чацвёрты сезон Беларускай інтэлектуальнай гульні распачнецца ў першы дзень вясны, 1 сакавіка!
⠀
31-ая гульня традыцыйна адбудзецца на пляцоўцы бара Corset (вул. Старажоўская, 15 А).
⠀
❗Але, увага: час зменіцца. ⏰Пачатак а 17-й гадзіне! (17:00)
⠀
🥳Прыходзьце па добры настрой!
⠀
#беларускаяiнтэлектуальнаягульня #біг31 #біг

Глядзі, вось-вось накрые 🌊

📢 ЗБС шчыра запрашае студэнтаў і студэнтак 21 лютага ў вельмі цёплым атачэнні адсвяткаваць Дзень Роднай Мовы.
Гэтым вечарам мы прапануем сабрацца разам ды наўпрост файна пабавіць час.

Вас чакаюць не толькі цёплая гарбата, утульная атмасфера з прыемнай музыкай ды знаёмствы з неверагоднымі людзьмі, але і

🎁 анлайн-квіз з падарункамі,
🎎 захапляльная камандная гульня,
🎙 невялічкія прамовы і прэзентацыі,

карацей, гэткая вечарына сапраўднага панавання беларускай мовы😎

❗Абавязковая рэгістрацыя па спасылцы http://bit.ly/2SMeBAL
бо колькасць месцаў абмежаваная.

Бяры сваю мову і сустрэнемся ў пятніцу а 19:00 у Prastory ZBS 🤗

Калі кожны ў нашай краіне пачне з сябе і штодня будзе любіць ці сварыцца, кахаць ці ненавідзець, радавацца ці сумаваць па-беларуску, родная мова хутка стане адзінай дзяржаўнай.

Яна гэтага заслугоўвае!

Рэгістрацыя на БІГ#31
1 сакавіка (нядзеля), 17:00

https://forms.gle/MisvHozyqy9dT9Zn9


💡Калі вы маеце жаданне, але па нейкіх прычынах засталіся без кампаніі, не хвалюйцеся, таксама праходзьце рэгістрацыю.
У полі "Назва каманды" пазначце сваё імя, у полі "Колькасць чалавек" — 1, у каментарыях — "Шукаю каманду".
Усіх "адзінокіх" жадаючых аб'яднаем у «Стыхійную».

Сябры, пасля вымушанага перапынку мы зноўку праводзім гульню.
⠀
Гэтым разам у нас сапраўдны юбілей: БІГ адзначае пяцігоддзе! 🎂
⠀
Паколькі пандэмія яшчэ не скончылася, святочны турнір адбудзецца на свежым паветры ў "Пясочніцы". Памятайце пра маскі і антысэптыкі.
⠀
Будзе весела і не абыйдзецца без сюрпрызаў!
⠀
Чакаем вас 16 ліпеня а 19-й гадзіне.❤
⠀
Увага❗ Колькасць каманд абмежаваная.