Надыйшоў час крыху распавесці пра навіны ініцыятывы 🤩
З красавіка па травень мы ўдзельнічалі ў стартап-школе беларускіх сацыяльных праектаў у "Imagine Y" і ўвайшлі ў тройку пераможцаў! 🎉🎉🎉
Сёння быў першы працоўны сазвон, на якім абмяркоўваліся акалічнасці і ўмовы супрацы. Перамовы прайшлі паспяхова: мы атрымаем метадычную, рэсурсную і медыйную падтрымку.
Вядома, ёсць што яшчэ дапрацавать (у асноўным - тэхнічныя і бюракратычныя пытанні), але праца над першым нашым перакладам ужо скончана. На беларускую мову былі перакладзены 9 апавяданняў Говарда Філіпса Лаўкрафта з "Цыкла Сноў". Іх спісам і ўрыўкамі перакладаў мы падзелімся крыху пазней.
У наступным допісе мы распавядзем пра нашыя планы, наступныя крокі і ўмовы ўдзелу ў абранні на пераклад будучых твораў 💪😎

На гэтым этапе прапануем далучыцца да нашай супольнасці на Патрыёне (https://www.patreon.com/BelRead) і падтрымаць нас. Патроны будуць атрымліваць пераклады (напрыклад, асобнік перакладаў Лаўкрафта) і шэраг іншых бонусаў 🤝
Далучайцеся да супольнасці на Патрыён - там таксама публікуюцца і безкаштоўныя пераклады ✅

Прыемнай пятніцы, сябры! 🌞

Як і абяцалі, сёння нагадаем аб тым, як паўдзельнічаць у працэдуры абрання перакладаў замежнай літаратуры.
1 Этап: вы прапануеце творы для пераклада
2 Этап: праводзіцца галасаванне сярод прапанаваных твораў *
3 Этап: (пры неабходнасці) атрыманне аўтарскіх правоў
4 Этап: пераклад
5 Этап: атрыманне перакладаў ахвочым **

* важна дадаць, што абранне твора адбываецца пасля таго, калі твор першым дасягне мінімальны парог у 1.000 Еўра для друкаваных накладаў, таму далучайце сяброў, знаёмых і калег: разам справа пойдзе хутчэй 🤗
** паўдзельнічаць можна і ў якасці перакладчыка. Звычайна, за працу над +20% агульнага аб'ёма кнігі можна атрымаць асобнік пераклада ✍️

Зараз ужо перакладзены творы Лаўкрафта (урыўкі з якіх мы будзем публікаваць цягам часу), і вы зможаце атрымаць асобнік (калі пажадаеце) па перадзамове праз падпіску тут: https://www.patreon.com/BelRead

Калі ласка, напішыце ў каментарах, якія творы вы хацелі б прачытаць на беларускуй Мове?
(і пакідайце любыя пытанні, удакладненні, каментары - мы ўсё чытаем) 🤗

Сёння яшчэ адзін цудоўны дзень, сябры! Дзень Нараджэння чалавека, які, можна сказаць, "зрабіў" нашае дзяцінства, ці, прынамсі, многіх з нас:
Аляксандру Ждановічу, Маляванычу спаўняецца 60 год! 🥳🎂🎊
Не гледзячы на ўсе выпрабаванні, якія выпалі на лёс гэтага СВЕТЛАГА чалавека, ён захаваў цеплыню, чалавечнась і веру ў людзей. Шчыра жадаем Аляксандру доўгіх гадоў жыцця, плёну і здзяйснення мар! 🎉🎉🎉
Некалкі фактаў: акрамя знакамітай Батлейкі і акторскай працы, у Аляксандра ёсць 2 каналы на Ютуб. Запрашаем падпісацца - вам не складана, а чалавеку прыемна:
Маляваныч: https://www.youtube.com/@malyavanych_official 👈
Бэйбус: https://www.youtube.com/@baybusby 👈

Акрамя таго, у Маляваныча выйшла 2 кнігі: "Кропля ў космасе" і "Ровар Байсік" (пакуль на перадзамове, замовіць можна тут: https://slowianka.edu.pl/produkt/rovar-bajsik/). Вельмі цікавыя і шчырыя кнігі для дзетак і іх дарослых 🤗

Паважаныя сябр_оўкі!
Просім вас прайсці караценечкае апытанне на 10-12 хвілін. Гэтае апытанне праводзіцца ініцыятывай BelRead для таго, каб абгрунтаваць ці абвергнуць гіпотэзу аб патрэбах беларусаў замежжа у літаратуры на беларускай мове (далей - Мове) і чаго не хапае для задавальнення патрэбаў, калі яны ёсць:

https://forms.gle/1T3bLuZNffiE5GPFA

Вітаем, сябры!
Учора быў яшчэ адзін адметны дзень для беларускай культуры - Дзень Нараджэння Пятруся Броўкі. На жаль мы не паспелі ўчора скласці абвестку аб гэтым неадназначным чалавеку, таму выпраўляемся сёння. У апошнія гады мабыць самым вядомым вершам Пятруся Броўкі з'яўляецца «Пахне чабор», апублікаваны ў 1957 годзе.
Па магчымых падзеях, якія сталі ўжо легендарнымі, у актыўны ўжытак беларускіх карыстальнікаў Facebook выраз "Пахне чабор!" прыйшоў у пачатку-сярэдзіне 2021 года: «Пахне чабор!» сказаў сустракаючым чалавек, які выйшаў з Акрэсціна. Яму нібыта адказалі: "Пахне вечна!".

Паслухаць геты верш можна на нашым канале ў Ютуб: https://www.youtube.com/watch?v=2mmlQsrHPH0

(Таксама можна падпісацца і пакінуць каментар 😅)

Сучасная містыка і жахі гарадскіх паданняў: ніколі не чытайце Начную Газету... 🗞
Другая частка ўжо дасяжная безкаштоўна на нашым Патрыёне. Усё толькі пачынаецца 😈

Вітаем сябры!
Сягодня - яшчэ адна значная старонка для беларускай мовы. 35 год таму, 27 чэрвеня 1989 года было створана Таварыства беларускай мовы імя Францішка Скарыны. Ініцыятарам стварэння ТБМ лічыцца Ніл Гілевіч. З’езд прыняў «Зварот да грамадзян Беларускай ССР, да беларусаў, якія жывуць за межамі Рэспублікі, да ўсіх прыхільнікаў беларускага слова», дзе, у прыватнасці, адзначалася:
"Горача заклікаем з разуменьнем і адчуваньнем гістарычнай адказнасьці паставіцца да катастрафічнага становішча беларускай мовы ў Беларусі — падтрымаць шматлікія прапановы грамадскасьці аб неадкладным наданьні ёй дзяржаўнага статуса ў рэспубліцы"

Крыху больш чым праз 7 месяцаў беларуская мова атрымала статус дзяржаўнай мовы.

Больш падрабязна пра тыя падзеі можна прачытаць тут: https://dziejaslou.by/old/www.dziejaslou.by/inter/dzeja/dzeja.nsf/htmlpage/hil2302ec.html?OpenDocument
(лонгрыд, таму калі няма часу - шукайце ў апошняй траціне)

Вітаем,даражэнькія!
Некалькі дзён таму мы распачалі апытанне на конт літаратуры на Мове.Ужо ёсць некалькі пытанняў да нас,якія можна абагульніць і адказаць зараз

1.Як з намі звязацца?
Камунікацыю прасцей за ўсё рабіць праз гэты акаўнт: @Weterlemon (спасылка ёсць у апісанні суполкі),ці ў каментарах да допісаў

2.Як гэта працуе?
ВЫ прапануеце творы.Потым з прапанаваных твораў ВЫ абіраеце адзін, дзе будзе 100+ (умоўна) перадзамоў. Потым мы перакладаем. Потым па перадзамовах ВЫ атрымліваеце твор (папяровы ці электронны - на Ваш выбар).
У залежнасці ад аб'ёма, кошт можа вагацца. Апавяданні Лаўкрафта ў 300 старонак кніжнага тэкста па 1.500 знакаў на старонцы - 10 еўра за экземпляр

3.Як паўдзельнічаць?
Можна паўдзельнічаць як перакладчык. Ці як перадзамоўца (з атрыманнем пераклада - перадзамовы). Ці як донар (Patreon)

Наступны твор можаце абраць ВЫ (мова - пажадана ангельская, пакуль). Прапановы збіраем у АПЫТАНЦЫ ВОСЬ ТУТ, праз каментары і праз кантакт вышэй

Далучайцеся і шэрце сябрам, знаёмым і ўсім ахвочым!

І адразу ж сумная навіна, сябры...

Выдавецтва "Янушкевіч" паведаміла, што беларускамоўнага "Гары Потэра не будзе"

З праваўладальнікамі не ўдалося дамовіцца, бо Беларусь знаходзіцца пад заходнімі санкцыямі.

"Яны не хочуць звязвацца ні з чым беларускім, пакуль Рэспубліка Беларусь пад санкцыямі, — зазначае выдавецтва. — Усе нашы тлумачэнmні, што мы зараз пад польскай юрысдыкцыяй, не далі выніку, мы зрабілі што маглі. Мы ацэньваем тое, што адбылося, як акт дыскрымінацыі нацыянальнай культуры. І гэта адбываецца ў Эўропе..."

У выдавецтве лічаць, што "нашым палітыкам і культурным дыпламатам" трэба працаваць над вырашэньнем "важнай, надзённай і канкрэтнай праблемы".

Сённяшнім днём 97 гадоў таму нарадзілася Зора Кіпель. Чалавек захапляльнага лёсу і нястомнай ініцыятывы. Вы толькі ўявіце:
1. Стварыла беларускі дзявочы скаўтынг і беларускія бібліятэкі у Заходняй Германіі.
2. Была адной з ініцыятарак увядзення камп’ютарнай каталагізацыі ў бібліятэчнай сістэме ЗША.
3. Сабрала ўнікальную калекцыю беларускай эміграцыйнай перыёдыкі.
4. Адна са старшынь рэдкалегіі аднаго з першых буйных англійска-беларускіх слоўнікаў...

І гэта толькі самыя гучныя яе дасягненні. Знаёмячыся з такімі гісторыямі мацнее адчуванне, што нашая моц - у нас саміх.

2 ліпеня 1981 года пайшоў з жыцця Сцяпан Казіміравіч Майхровіч - чалавек, які сабраў, захаваў і сістэматызаваў значную частку беларускага фальклора («Прыказкі і прымаўкі: Гістарычны нарыс») у кантэксце парэмій шумераў, егіптян, грэкаў і нават знайшоў эквівалентныя паняцці.
Прааналізаваў заснаваная на беларускіх народных паданнях і легендах творчасць А. Баршчэўскага. Манаграфіі гэтага досыць сціплага чалавека пра Янку Лучыну, Дуніна-Марцінкевіча, Максіма Багдановіча, Багушэвіча і некаторых іншых пісьменнікаў былі пакладзены ў аснову школьных праграм вывучэння беларускай літаратуры.

3 ліпеня 1660 года войскі пад кіраўніцтвам Паўла Сапегі вызваліла Мінск з-пад акупацыі маскоўскага войска.
Пад час гэтай распачатай Масквой 13-гадовай вайны, Мінск прабыў пад акупацыяй 5 гадоў. Гэтую перыяд гісторыі досыць доўга выкрэслівалі з падручнікаў і архіваў. Вядома пра яе стала дзякуючы гісторыку Генадзю Сагановічу (цыкл «Невядомая вайна»), папулізаваў Алесь Краўцэвіч.
Наступствы той навалы для ВКЛ і земляў Беларусі былі больш катастрафічныя, чым наступствы II Сусветнай: была забіта ці звезена ў рабства амаль палова насельніцтва. Да вайны насельніцтва Мінску складала прыкладна 7.000+ чалавек. Пасля вайны, у 1667-м налічвалася каля 900-1.200 чалавек (300 двароў). Даваенную колькасць насельніцтва ўдалося аднавіць Мінску толькі праз 100 год. Тое, што на ўсходней частцы Беларусі ў разы меньш гістарычных помнікаў у параўнанні з заходняй часткай Беларусі - таксама наступствы "Крывавага Патопа". У гэтым плане мы не аднавіліся па сённяшні дзень...

Сёння дзень нараджэння Юльяна Крыжагоўскага.
Не гледзячы на тое, што гэта - вядомы польскі літаратуразнавец і фалькларыст, для нас ён цікавы сваімі даследаваннямі беларускіх народных казак, прымавак, анекдотаў і апавяданняў з ваколіц Навагрудка. Да таго ж ён вывучаў беларускія фальклорныя матывы ў творчасці А. Міцкевіча, а яшчэ - вылучыў ўжываныя прыказкі і прымаўкі ў польскай мове, якія паходзяць з беларускай. Дарэчы: на колькі нам вядома, ніводная з яго прац яшчэ не перакладзена на беларускую... 😉

Паважаныя сябр_оўкі!
Просім вас прайсці караценечкае апытанне на 10-12 хвілін. Гэтае апытанне праводзіцца ініцыятывай BelRead для таго, каб абгрунтаваць ці абвергнуць гіпотэзу аб патрэбах беларусаў замежжа у літаратуры на беларускай мове (далей - Мове) і чаго не хапае для задавальнення патрэбаў, калі яны ёсць:

https://forms.gle/1T3bLuZNffiE5GPFA

Сёння хочацца павіншаваць з днём нараджэння Людмілу Рублеўскую. Спадарыня Людміла з'яўляецца аўтаркай серыі гістарычна-фэнтэзійных раманаў "Авантуры Пранціша Вырвіча", якія заваявалі вялікую папулярнасць па-за межамі Беларусі. Першая кніга выйшла яшчэ ў 2012 годзе, а ў 2013 была намінавана на прэмію Ежы Гедройца.
Нагадаем, што Людміла Рублеўская звольнілася з "СБ" у жніўні 2020 года.