📅 30 верасня 1892 года нарадзілася Зоська Верас - пісьменніца, перакладчыца і грамадская дзяячка 🙏

Аўтарка «Беларуска-польска-расейска-лацінскага батанічнага слоўніка», кнігі вершаў і апавяданняў для дзяцей «Каласкі», напісала ўспаміны пра М. Багдановіча («Пяць месяцаў у Менску»), У. Галубка, Ядвігіна Ш., іншых. Для дзіцячага тэатра пераклала п’есы Р. Завадовіча «Князь Марцыпан», Ю. Ігарава «Сірата», «Лясныя хаткі» В. Біянкі 📚

У свае 98 гадоў Зоська Верас начамі рабіла пераклад кнігі аб лекавых раслінах на беларускую мову 💐

📅 Сёння нарадзіўся яшчэ адзін тытан беларускай літаратуры - Ніл Сымонавіч Гілевіч (30 верасня 1931) — паэт, перакладчык, празаік, драматург... 📚

🌞 Чалавек з бясконцай энергіяй і любоўю да роднай мовы. Колькасць уласных твораў гэтага таленавітага і вельмі глыбокага літаратара перасягае ўсе ўяўныя межы: пералічваць яго раманы, зборнікі, творы, паэмы, навуковыя працы па літаратуразнаўстве - не прыстойна доўга. Да таго, Ніл Сымонавіч пераклаў на беларускую мову творы звыш 400 паэтаў і пісьменнікаў (балгарскіх, славенскіх, сербскіх, украінскіх, польскіх, рускіх, лужыцкіх...) 🤯

✍️ Як дэпутат Вярхоўнага Савета БССР, быў кіраўніком працоўнай групы па падрыхтоўцы праекту Закона Беларускай ССР аб мовах, паводле якога беларуская мова вызначалася адзінай дзяржаўнай мовай у Беларусі ❤️
Крытыкаваў рэжым, за што трапляў у «чорныя спісы». На нашым Ютуб-канале ёсць агучаны верш "Замірае, сціхае..." Ніла Гілевіча, пераасэнсаваны на падзеі канца 2020-пачатка 2021 гадоў 🥰

📆 Хутка ў продажы: новая кніга Вінцэся Мудрова

🕊 "Контуры душы" - гэта глыбокая проза пра маладосць і пошукі сябе. Тонкае псіхалагічнае даследаванне душы, напоўненай здарэннямі і недарэчнасцямі мінулых гадоў
📌 Шукайце на Kniger.by

📅 2 кастрычніка 1961 нарадзіўся Сяргей Шупа — перакладчык, журналіст, грамадскі дзеяч 🔥

🌎 Ведае не менш за 15 моў. Пераклаў асобныя творы больш за 25 пісьменнікаў, у тым ліку  Борхеса, дэ Мапасана, Маркеса, Оруэла, По, кнігу прарока Ёны.
📖 Аўтар кнігі «Падарожжа ў БНР», дзе ў гістарычным кантэксце паказаны дакументы і матэрыялы, захаваныя ў фондах Мінска і Вільні 🤍❤️🤍

1️⃣ Літаратурная прэмія імя А. Адамовіча Беларускага ПЭН-цэнтра (2000)
2️⃣ Медаль «100 гадоў БНР» Рады Беларускай Народнай Рэспублікі
3️⃣ Прэмія імя Карласа Шэрмана Беларускага ПЭН-цэнтра (2019)

Як чалавек становіцца катам? Выйшаў дэбютны раман «Патибулум»

Дэбютны раман Дзяніса Дудзінскага - гэта гісторыя-даследаванне пра тое, як беспакаранасць і страх руйнуюць мараль
Аўтар задае жорсткія пытанні: ці можа баязлівец стаць героем, і як хутка мірныя гараджане ператвараюцца ў натоўп лінчавальнікаў? Што выбіраюць жыхары горада: смерць ці ганьбу?
Замовіць можна на Knihauka.com

Паэзія, філасофія, музыка: выйшаў калектыўны зборнік паэзіі «Круцель-Трава»

Творы Ігара Бабкова, Дзяніса Мацешы і іншых аўтараў аб'яднаны любоўю да хараства беларускай мовы.
Гэта творы аўтараў, аб’яднаных любоўю да хараства мовы як сродку мыслення, дзе паэты, філосафы і музыкі даследуюць мову
Замовіць можна ў Kniger.by

Ад вясны да зімы: «Крокі над дахамі» беларускіх гарадоў 🕊

📚 Абвяшчаецца папярэдняя замова на зборнік вершаў Сяржука Ляснога «Крокі над дахамі»
Гэтая лірыка, працятая натхненнем і бульбяным пахам араллі, прысвечана каханню і беларускім прасторам
👉 Замовіць са зніжкай можна на Kniger.by

😎 Бунтар, забаронены на дзесяцігоддзі: Марэк Гласка ўпершыню па-беларуску

📖 Выйшла кніга «Першы крок у аблоках» Марэка Гласкі. Яго героі кахаюць, змагаюцца за сэнс у бязлітасных абставінах і не чакаюць шкадавання
Гэтая жорсткая і кранальная проза, напісаная «з агнём і на нервах», стала голасам расчараванага пакалення 1950-х
📌 Шукайце ў «Логвінаў»

📅 7 кастрычніка 1788 нарадзіўся Іван Іванавіч Насовіч — беларускі мовазнавец-лексікограф, фалькларыст і этнограф ✍️

Іван Іванавіч склаў першы гістарычны слоўнік беларускай мовы (каля 13 тыс. слоў), тлумачальна-перакладны «Слоўнік беларускай гаворкі» (больш за 30 тыс. слоў) - да гэтага часу застаецца ўнікальным зборам беларускай лексікаграфіі 📚

Фальклорна-этнаграфічныя працы: «Зборнік беларускіх прыказак» (каля 3,5 тыс. прыказак, прымавак, прыгаворак, праклёнаў, скорагаворак), «Беларускія прыказкі і прымаўкі», «Беларускія прыказкі і загадкі», «Беларускія песні» (больш за 350 тэкстаў) ⚡️⚡️⚡️

Пераклаў з лацінскай мовы 3-томную працу А. Тэйнера «Старажытныя помнікі, што асвятляюць гісторыю Польшчы і Літвы», у якой адлюстраваны ўзаемадачыненні Польшчы і ВКЛ, асветлена гісторыя беларускіх зямель з 1217 да 1696 г. 🥰

🎉 PRADMOVA ў Вільні: Тры дні беларускага натхнення

📆 Фестываль PRADMOVA ў Вільні ўжо зусім хутка: 10–12 кастрычніка! Гэта галоўная пляцоўка для літаратурных, мастацкіх і гістарычных размоў
📌 Не прапусціце кніжны кірмаш у клубе “Paviljonas” (Pylimo g. 21B)

📅 Паэтэса і перакладчыца Эдзі Агняцвет нарадзілася 11 кастрычніка 1913 (або 1916) 🤔

Пісала пераважна для дзяцей. Выдала зборнікі паэзіі, кнігі паэзіі для дзяцей, паэмы. Аўтар лібрэта опер для дзяцей «Джанат», «Марынка» 🔥

Пераклала на беларускую мову паасобныя творы Барто, Украінкі, Бажана, Судрабкална, Османіса, Беранжэ, Экзюперы, Апалінэра, Элюара 📚

Прыгажосць нашай мовы ў вершах Дануты Бічэль 🥰

📚 Дзіцячая серыя «Ветрачок» папоўнілася зборнікам выбраных вершаў «Радзіма». Гэта найлепшыя творы старэйшыны беларускай літаратуры, якія напоўнены цікавосткамі навакольнага свету
📌 Замовіць можна ў Kniger.by

📅 Сёння адзначаецца 126 год з дня нараджэння Адама Бабарэкі — літаратуразнаўцы, кpытыка, празаіка, паэта, філосафа 📖

Стаў суарганізатарам літаратурных аб'яднанняў «Маладняк», «Узвышша». Працаваў выкладчыкам беларускай мовы і літаратуры 📚

Пісаў прозу, артыкулы, займаўся метадалогіяй літаратуразнаўства, гісторыяй беларускай літаратуры 🥰

Арыштаваны ў 1930, у 1931 прыгавораны да 5 гадоў ссылкі. Тэрмін быў падоўжаны на 2 гады. Паўторна арыштаваны ў 1937. Па дакументах НКУС, памёр у лагернай бальніцы 😢

Даражэнькія!
⚠️ Па інфармацыі, пацверджанай з розных крыніц, 9 кастрычніка судом Докшыцкага раёна нашыя рэсурсы ў сацсетках былі прызнаны экстрэмісткамі.

Усе хто лічыць, што гэта можа быць небяспечна, ці часта бывае ў Беларусі, настойліва раім адпісацца 🛑
Больш нічога дадаць пакуль не можам
Беражыце сябе! 😢