І якіх жа аўтараў чыталі нашыя апрошаныя (можна было ўзгадаць некалькі):
Абсалютная рок-зорка - гэта, вядома, Уладзімір Караткевіч 58 узгадванняў).Васіль Быкаў на другім месцы (33). Альгерд Бахарэвіч - на 3 месцы (25 узгадванняў). Цудоўная Ева Вежнавец шануецца апрошанымі чытачамі на ўзроўні Рэмарка (па 13 узгадванняў), крыху абыйшоўшы паважанага Прафесара Толкіена. Спадара Марціновіча ж ўзгадвалі столькі разоў, як і Мележа (8, крыху меньш, чым Дж.Роўлінг). Спадар Андрэй Горват займае ганаровае месца сярод класікаў - Коласа і Багдановіча. А спадаррыня Святлана Алексіевіч і спадар Аляксандр Філіпенка карыстаюцца не меньшай павагай, чым Акунін, Оруэл, Маркес, Герберт і Сапкоўскі. *
————————————————————
* вядома, што вынікі апытанкі рэлевантны толькі для тых 178 чалавек, якія яе прайшлі. З іншым складам апытваемых, безумоўна, у нас атрымаліся б іншыя вынікі.
Усім дзякуй за увагу! Падпісвайцеся на астатнія нашыя сацсеткі. Спасылкі можна знайсці ў апісанні суполкі 🤗

https://budzma.org/news/7-gado-na-peraklad.html

Як стваралася беларускамоўная версія гульні S.T.A.L.K.E.R.?
Вялікая размова з перакладчыкамі (і малюнкі)

Ёсць так шмат рэчаў, якія немагчыма патлумачыць! Чаму пэўныя акорды музыкі павінны прымушаць мяне думаць пра карычневыя і залацістыя адценні восеньскай лістоты? Чаму Імша Святой Сесіліі гоніць мае думкі блукаць сярод пячор, сцены якіх палаюць срэбнымі пацеркамі чыстай расы? Што прымушае змяніць выявы груката і мітусні Брадвея а шостай гадзіне перад маімі вачыма, выявай ціхага брэтонскага лесу, дзе сонечнае святло прасочваецца праз веснавую лістоту і Сільвія, напалову з цікаўнасцю, а напалову з пяшчотай, схіліўшыся над маленькай зялёнай яшчаркай мармуча: «Падумаць толькі, такая маленькая істота таксама пад апекай Божай!»…

Урывак з апавядання "Жоўты знак" Роберта Чэмберса.

Над гэтым, а таксама над некаторымі іншымі творамі мы працуем апошнім часам для выдання кішэннай кнігі з зборам жудасных гісторый. Цягам чау будуць падрабязнасці. Не пераключайцеся 😈

Радыё Свабода падрыхтавала цікавы тэст на памяць
Яны папануюць праверыць, гучаць вершы, якія вы калісьці завучвалі ў школе або чулі пакладзенымі на музыку - ў галаве:

https://www.svaboda.org/a/32940051.html

Колькі словаў па-беларуску вы ўжываеце?
Праверце свой уласны слоўнік праз цікавы тэст ад Свабоды!

https://www.svaboda.org/a/movatest/27932512.html

Сённяшні пост асобна для аматараў творчасці Лаўкрафта 😅

Апошнія тыдні выдаліся складанымі, але досыць паспяховымі і нашыя намаганні прынеслі добрыя вынікі. Аднак аб гэтым - крыху пазней 😉
Яшчэ наша каманда пашырылася на 1 чалавека, які будзе займацца сацсеткамі. Таму хутка нашыя рэсурсы напоўняцца карыснай і, спадзяемся, цікавай інфармацыяй. Будзем старацца рабіць гэта не надакучліва 😅
Адным словам, на перадзе нас (і вас) чакае шмат чаго новага. Таму, як той кажа, "не пераключайцеся"!...

У гэты дзень у 1936 годзе нарадзіўся пісьменнік, перакладчык, журналіст Мікола Гіль (Гілевіч) - родны брат Ніла Гілевіча.
Вось невялікі ўрывак з аповеда "Дамова" Міколы Гіля:
"...Калі мы беларусы, завіравалі ў галаве думкі, дык між сабою нам і наканавана, належыць боскім лёсам зносіцца пры дапамозе беларускае мовы. Паўсюль у свеце гэтак і ёсць: немцы між сабою – па-нямецку, французы – па-французску, палякі – па-польску. І толькі ў адных беларусаў усё не як у людзей. І толькі мы быццам саромеемся сваёй мовы і ахвотна, пры першай жа магчымасці цураемся яе..."
(Цалкам аповед можна прачытаць на https://dziejaslou.by/hil-117/)

Як перакладчык, ён пераклаў вялікую колькасць твораў з літоўскай, шведскай, венгерскай моў на беларускую. Аднак у гэты час мы хочам асобна адзначыць, што менавіта ён пераклаў на Мову творы Святланы Алексіевіч "Зачараваныя смерцю" і "Чарнобыльская малітва".
Ці чыталі вы гэтыя творы?

На нашым Патрыёне на безкаштоўным тарыфе даступны пераклад першай часкі таямнічай гісторыі пра Начную Газету на Мове. Што гэта? Адкуль яна ўзялася? Якія навіны яна ў сабе нясе? Давайце адкрываць таямніцы разам:
https://www.patreon.com/posts/nikoli-ne-gazetu-106348648?utm_medium=clipboard_copy&utm_source=copyLink&utm_campaign=postshare_creator&utm_content=join_link

У гэты выдатны цёплы дзень мы адзначаем дзень нараджэння Валянціна Акудовіча - беларускага філосафа, эсэіста, літаратурнага крытыка.
Асаблівую ўвагу раім звярнуць на яго манаграфію «Код адсутнасці. Асновы беларускай ментальнасці» — гістарычны нарыс беларускага і беларускасці, які быў упершыню апублікаваны ў 2007.
Галоўная тэма манаграфіі — пытанне аб беларускай ідэнтычнасці ў гістарычнай перспектыве. У кнізе аўтар разглядае праблемы функцыянальнасці беларускага этнанацыяналізму, якой спецыфікай яўляецца стратыфікацыя на некалькі культурных ніш і фактараў кансалідацыі грамадства. Цалкам тэкст манаграфіі можна прачытаць тут: https://kamunikat.org/kod-adsutnastsi-akudovich-valyantsin