Працягваем знаёміць вас з праграмай фестывалю #pradmova, які адбудзецца ў Вільні ўжо на гэтых выходных!

Аматарам паэзіі прапануем звярнуць увагу на наступныя імпрэзы:

🍁 5 кастрычніка, субота, 12.30-13.00
Прэзентацыя зборніка Славаміра Адамовіча “Адрэналін”(імпрынт “Skarynycy”)

“Адрэналін” — восьмы зборнік вершаў Славаміра Адамовіча, і другі з паэтычных. Падзагаловак кнігі даволі іранічны – “вершы пасля пяцідзесяці”. Тэксты, сабраныя ў кнізе, канкрэтныя і часам нават жорсткія, як і час, у якім тут і цяпер мы жывем.

🍁 5 кастрычніка, субота, 20.00-21.30
Міжнародныя паэтычныя чытанні

Удзельнікі: Маар'я Кангра, Ігар Коцюх, Каця Новак, Юлія Фінкоўская, Андрэй Хадановіч. Музыка — Віктар Сямашка.

🍁 6 кастрычніка, нядзеля, 13.20-14.20
“Там, за пісьмом”: прэзентацыя новых паэтычных кніг ад выдавецтва hochroth minsk

Таццяна Нядбай, Марына Хоббель і Андрэй Хадановіч прадставяць свае кнігі. Дыскусія і чытанні з удзелам выдаўца Дзмітрыя Строцава.

📅 2 кастрычніка 1961 нарадзіўся Сяргей Шупа — перакладчык, журналіст, грамадскі дзеяч 🔥

🌎 Ведае не менш за 15 моў. Пераклаў асобныя творы больш за 25 пісьменнікаў, у тым ліку  Борхеса, дэ Мапасана, Маркеса, Оруэла, По, кнігу прарока Ёны.
📖 Аўтар кнігі «Падарожжа ў БНР», дзе ў гістарычным кантэксце паказаны дакументы і матэрыялы, захаваныя ў фондах Мінска і Вільні 🤍❤️🤍

1️⃣ Літаратурная прэмія імя А. Адамовіча Беларускага ПЭН-цэнтра (2000)
2️⃣ Медаль «100 гадоў БНР» Рады Беларускай Народнай Рэспублікі
3️⃣ Прэмія імя Карласа Шэрмана Беларускага ПЭН-цэнтра (2019)

“Попаль-Вух” — эпас народа майя-кічэ выйшаў па-беларуску 📓

У выдавецтве Рамана Цымберава выйшаў пераклад на беларускую мову мезаамерыканскага міфалагічна-эпічнага твору “Попаль-Вух: Кніга Супольнасці і Роду”. Аўтар перакладу — Лявон Баршчэўскі.

Кніга ўключае разгорнутыя каментары і ўступнае слова да беларускіх чытачоў, напісанае літаратуразнаўцам з ЗША доктарам Аленам Крыстэнсанам.

Дзе купіць ⬅️

✍️ Сённяшні выраз - Storm in a teacup: перабольшваць, драматызаваць.

📖 Беларускі адпаведнік: З блыхі вала рабіць
(Крыніца: Фёдар Янкоўскі, "Беларуская фразеалогія")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

📅 3 кастрычніка адзначае Дзень Нараджэння Віктар Жыбуль — беларускі паэт і літаратуразнавец.

🎉 Першае прызнанне атрымаў на мінскім гарадскім паэтычным конкурсе «Родны горад» у 1994, пасля чаго, паводле ўласных слоў, зразумеў, што «пісаць па-беларуску атрымоўваецца лепей, вось так пачаў пісаць толькі на роднай мове». Набыў вядомасць як паэт-эксперыментатар, аўтар некалькіх паліндромных паэм.
Разам з Верай Бурлак пераклаў кнігу Арнольда Макміліна «Беларуская літаратура дыяспары» (2003) 🌎

📚Сабраў і выдаў спадчыну адметнага, але заўчасна памерлага паэта Дзяніса Хвастоўскага, двухтомнік Адама Бабарэкі.
Удзельнік праекта «(Не)расстраляныя» (з 2017). Вершы Віктара Жыбуля перакладаліся на англійскую, балгарскую, латышскую, літоўскую, нямецкую, польскую, рускую, украінскую, чэшскую мовы 🤯

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)

🗞 Ніколі не чытайце Начную Газету. Частка ХII: ЗВЫЧАЙНАЯ МАЦІ
Дзіўная газета, якая з'яўляецца роўна апоўначы...
👁👁 Сачыце за працягам містычнай гісторыі - на нашым Патрыёне

✍️ Выраз дня: on one's high horse - Заганарыцца.

📖 Беларускі адпаведнік: На сто коней сесці
(Крыніца: Алесь Зайка. "Фразеалагічны слоўнік Косаўшчыны")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)

11 кастрычніка: лекцыя Уладзіміра Арлова пра беларускіх жанчын 👩‍🦰🧑‍🦰

11 кастрычніка ў Вільні пройдзе сустрэча з пісьменнікам і папулярызатарам гісторыі Уладзімірам Арловым, на якой ён прачытае лекцыю “Ад Рагнеды да Ларысы Геніюш: роля жанчын у гісторыі Беларусі”.

Падрабязней 👈

А ў нас для вас гарачая навіна! 🎉

Кагосьці так пераўзбудзіла беларуская мова, што мы атрымалі страйк у Інстаграм за выяву аголенага цела і дзеянні сэксуальнага характару. Але ўжо ўсё добра. На скрыншотах - страйк, арыгінальны пост і паведамленне, што ўсё добра 🤗

Мы выдатна разумеем, што беларуская мова - гэта сэксі, а беларускі і беларусы - наогул краш, але трэба трымаць сябе ў руках 🤍🍓🤍
(І падпісвацца на наш Інстаграм...🥰)

📅 7 кастрычніка 1788 нарадзіўся Іван Іванавіч Насовіч — беларускі мовазнавец-лексікограф, фалькларыст і этнограф ✍️

Іван Іванавіч склаў першы гістарычны слоўнік беларускай мовы (каля 13 тыс. слоў), тлумачальна-перакладны «Слоўнік беларускай гаворкі» (больш за 30 тыс. слоў) - да гэтага часу застаецца ўнікальным зборам беларускай лексікаграфіі 📚

Фальклорна-этнаграфічныя працы: «Зборнік беларускіх прыказак» (каля 3,5 тыс. прыказак, прымавак, прыгаворак, праклёнаў, скорагаворак і інш.), «Беларускія прыказкі і прымаўкі», «Беларускія прыказкі і загадкі», «Беларускія песні» (больш за 350 тэкстаў) ⚡️⚡️⚡️

Пераклаў з лацінскай мовы 3-томную працу А. Тэйнера «Старажытныя помнікі, што асвятляюць гісторыю Польшчы і Літвы», у якой адлюстраваны ўзаемадачыненні Польшчы і ВКЛ, асветлена гісторыя беларускіх зямель з 1217 да 1696 г. 🥰

✔️8 кастрычніка: OPEN MIC NIGHT — адкрыты мікрафон у Вільні.
📍08.10 (аўт), 18.30, CreateCulture Space, Karmelitų gatvė 5. Уваход: free donation.

✔️8 кастрычніка: прэзентацыя кнігі Уладзіміра Арлова ў Беластоку.
Гісторыя і сучаснасць беларускай лацінкі, вершы з кнігі ŚVIECIACCA VOKNY DY NIKOHA ZA JIMI.
📍08.10 (аўт), 19.00, Хаб Новая Зямля (ul.Wyszyńskiego 6A). Уваход вольны.

✔️8 кастрычніка: прэзентацыя кнігі #IMBY. 1991-2005 і сустрэча з Паўлам Валатовічам у Варшаве.
Кніга расказвае найноўшую гісторыю Беларусі праз асабістыя ўспаміны аўтара.
📍08.10 (аўт), 18.30, Witryna Domu Wschodniego, Plac Konstytucji 6. Уваход вольны.

✔️14 кастрычніка: прэзентацыя зборніка "Пра словы і цішыню між імі" ў Варшаве.
Гэта зборнік сучаснай украінскай паэзіі ў беларускіх перакладах, якія публікаваліся ў часопісе TAUBIN ад лютага 2022 года. Сярод гасцей — Паўло Карабчук, Олеся Мамчыч, Барыс Херсонскі, Андрэй Хадановіч.
📍14.10 (пн), 18.30, Free Belarus Center, Mokotowska 24-64. Уваход вольны.
#афіша

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)

13 кастрычніка: сустрэча з Уладзімірам Арловым і Яраславам Іванюком у Стакгольме 📘

У нядзелю 13 кастрычніка адбудзецца творчая сустрэча з пісьменнікам Уладзімірам Арловым і кіраўніком фонда KAMUNIKAT.ORG Яраславам Іванюком.

Што будзе на імпрэзе:
1. Дыскусія на тэму "Ці дапаможа еўрапейская гісторыя Беларусі ўвайсці ў еўрапейскую будучыню?"
2. Прэзентацыя кніг "Ад Еўфрасінні, ад Скарыны", "Імёны свабоды", "Айчына. Ад Агінскага да Багушэвіча", "Ордэн Белай Мышы".
3. Кніжны кірмаш і аўтограф-сесія.

📍Кнігарня Interbok, Hantverkargatan 32, Stockholm
🗓 13 кастрычніка, 18:00. Уваход вольны.

Пераклад рамана Евы Вежнавец (сапраўднае імя Святлана Курс) «Па што ідзеш, воўча?» намінаваны на шведскую літаратурную прэмію Kulturhuset Stadsteatern, паведамляецца на сайце прэміі.

➡ https://kamunikat.com/raman-evy-vezhnavets-naminavany-na-shvedskuyu-premiyu

#навіны_kamunikat

✍️ Выраз дня: On The Breadline - за мяжой беднасці

📖 Беларускі адпаведнік: Хварэць на кішэнь (на кішэню)
(Крыніца: "Фёдар Янкоўскі. Беларуская фразеалогія")

Калі ласка, пакідайце свае прыклады ў каментарах. Таксама вы можаце прапанаваць вашыя любімыя выразы на ангельскай ці беларускай - будзем спрабаваць шукаць адпаведнікі разам 🤗

#устойлівыявыразы

🥰Пост пра цудоўнае мерапрыемства ад цудоўных людзей: сябры з Вільні, звярніце ўвагу 👇👇👇

Сябры, запрашаем на квэст «Філаматы і філарэты» 13 кастрычніка ў Вільні!

А ці ведаеце вы, што ў Вільні існавалі таемныя студэнцкія таварыствы, сябры якіх называлі сябе “аматарамі навук” і “аматарамі дабрачыннасці”? Першае пасяджэнне Філаматаў адбылося 1 кастрычніка 1817 года.

З нагоды гадавіны ўтварэння запрашаем вас на таемны сход. А каб знайсці месца збору, давядзецца прайсці квэст і разгадаць загадкі ад нашых герояў.

❗️Удзел у квэсце бясплатны, у камандах ад 1 да 6 чалавек. Напрыканцы вас чакае філамацкая вечарынка а 16-й ў таемным месцы збору, а пераможцаў – каштоўныя прызы🎁

📱Вам спатрэбяцца тэлефон з інтэрнэтам і, магчыма, паўэр-банк. Гугліць будзе не толькі можна, але патрэбна!
🕘 13 кастрычніка ў 14:00📝
📍Вільня, Базыльянскія муры па вул. Вастрабрамскай (Aušros Vartų g. 7B).
✅ Рэгістрацыя па спасылцы.
Чакаем вас! 🤗

Імпрэза адбудзецца ў межах Эдзьютона грамадзянскай адукацыі ад EENCE, і фундацыі Flying Bags пры падтрымцы BPB (Нямеччына).
—
Instagram | Tik-Tok | Telegram
🌻 Падтрымаць праект

📅 Паэтэса і перакладчыца Эдзі Агняцвет нарадзілася 11 кастрычніка 1913 (або 1916) 🤔

Пісала пераважна для дзяцей. Выдала зборнікі паэзіі, кнігі паэзіі для дзяцей, паэмы. Аўтар лібрэта опер для дзяцей «Джанат», «Марынка» 🔥

Пераклала на беларускую мову паасобныя творы Барто, Украінкі, Бажана, Судрабкална, Османіса, Беранжэ, Экзюперы, Апалінэра, Элюара 📚