15 жніўня 1927 нарадзіўся беларускі мовазнавец Аляксандр Антонавіч Крывіцкі 🎉

Пачаў вывучэнне беларускіх народных гаворак яшчэ ў студэнцкія гады ў Магілёўскім педінстытуце. У сектары дыялекталогіі інстытута мовазнаўства ён працягваў ездзіць у дыялекталагічныя экспедыцыі, складаў карты для «Дыялекталагічнага атласа беларускай мовы» 📚

Арганізатар даследавання лексікі беларускіх народных гаворак. Па яго ініцыятыве Інстытут мовазнаўства АН Беларусі падрыхтаваў і выдаў лексікаграфічныя зборнікі: «З народнага слоўніка», «Народная лексіка», «Жывое слова» і іншыя 📖

Таксама шчыра раім звярнуць увагу на наступныя кнігі Крывіцкага (у суаўтарстве):
1️⃣ Учебник белорусского языка. Для самообразования
2️⃣ Белорусский язык. Для говорящих по-русски
(можна спампаваць) 🥰

(распрацавана ў межах праекта ImagineY пры фінансавай падтрымцы Еўрапейскага Звязу)

А ўчора - 14 жніўня - быў дзень памяці польскага паэта, перакладчыка і нобелеўскага лаўрэата Чэслава Мілаша (мы пра яго пісалі тут). І да гэтага дня сапраўдны Майстар Слова, паэт, пісьменнік, перакладчык, рок-зорка сучаснай беларускай культурнай плыні, Андрэй Хадановіч напісаў артыкул пра вялікага творцу і зрабіў новую падборку перакладаў тэкстаў, якія неўзабаве з'явяцца ў кнізе выбраных вершаў "Чалавек шматпавярховы" ў беларускім выдавецтве Gutenberg.

🥳 На гэтым тыдні свой дзень нараджэння адзначыла Лера Сом - паэтэса, бард і адна з першых фантастак незалежнай Беларусі 🤍❤️🤍

Шчырая патрыётка, узор настаўніцтва. Лічыць, што ў беларускай адукацыі не хапае менавіта Беларускага складніка. Яе былыя вучні згадваюць Леру Сом як шчырага і натхняльнага настаўніка, якая запальвае ў дзецях жаданне вучыцца. Ці не такімі мусяць быць настаўнікі? 📖

Раім пачытаць «Некалькі гісторый з жыцця Руніты Магі» (1993) і аповесці «Суполка Вогнішча» (2001) ☺️

(распрацавана ў межах праекта ImagineY пры фінансавай падтрымцы Еўрапейскага Звязу)

16 жніўня 1874 нарадзіўся Аляксандр Мікітавіч Уласаў — грамадска-палітычны і культурны дзеяч, выдавец, публіцыст 📖

Друкаваўся на старонках газеты «Наша ніва». Садзейнічаў распрацоўцы беларускай літаратурнай мовы («Пакуль беларус спаў векавечным сном…», 1908; «Хаўрусныя балячкі», 1910, «Якая палітыка патрэбна для Беларусі?», 1911. У 1917—1918 у газеце «Вольная Беларусь» пісаў пра развіццё харчовай прамысловасці, апублікаваў эканамічны нарыс «Беларусь. Літва» 🤝

У заходне-беларускі перыяд жыцця і дзейнасці (1921-39) у друку, актыўна выступаў у абарону мясцовага насельніцтва ❤️

(распрацавана ў межах праекта ImagineY пры фінансавай падтрымцы Еўрапейскага Звязу)

🥳 18 жніўня 1891 года нарадзіўся Макар Краўцоў - сябра Рады БНР, упаўнаважаны Міністэрства беларускіх спраў пры літоўскім урадзе. Прымаў актыўны ўдзел у Слуцкім збройным чыне 1920 года. Аўтар слоў гімна «Мы выйдзем шчыльнымі радамі» (апублікаваны пад назвай «Ваяцкі гімн») 😎

Пераклаў на беларускую мову творы Гогаля, Лермантава, Міцкевіча, Талстога, Сянкевіча, Тараса Шаўчэнкі і інш. Пераклаў з польскай мовы Версальскі трактат 📚

У канцы 1939 года арыштаваны разам з дзеячамі беларускага вызваленчага руху (Антонам Луцкевічам, Янкам Пазняком, Вінцэнтам Грышкевічам,...) 😡
Дакладныя звесткі пра абставіны смерці Краўцова Макара не высветлены. Найбольш верагодна, ён быў закатаваны ў часе допытаў у савецкай турме 😢

(распрацавана ў межах праекта ImagineY пры фінансавай падтрымцы Еўрапейскага Звязу)

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)

Ніколі не чытайце Начную Газету. Частка VІ: КАНЕЦ СУСВЕТУ
Дзіўная газета, якая з'яўляецца роўна апоўначы.
Працяг містычнай гісторыі дасяжны на нашым Патрыёне! 🎉

(распрацавана ў межах праекта ImagineY пры фінансавай падтрымцы Еўрапейскага Звязу)

🎉 19 жніўня - дзень нараджэння Барыса Міхайлавіча Мікуліча — беларускага пісьменніка, празаіка, крытыка.

Пісаў пра падзеі грамадзянскай вайны, паслякастрычніцкая рэчаіснасць, складанасць барацьбы новага і старога ў тагачаснай вёсцы. У пасляваенны час у Ашгабадзе напісаў раман «Адвечнае», першую частку з задуманай эпапеі пра руска-французскую вайну 1812. Твор быў надрукаваны толькі праз 18 год пасля забойства пісьменніка ў Сібірскіх лагерах 😡
Напісаў у жанры дзённікавых запісаў «Аповесць для сябе», у якой змясціў успаміны пра беларускіх пісьменнікаў, літаратурнае і тэатральнае жыццё Беларусі ў 1920—1950-я гады, сваё жыццё ў лагерах і турмах 😔

Арыштаваны 26 лістапада 1936 года, асуджаны пазасудовым органам НКУС 5 кастрычніка 1937. Арыштаваны паўторна 28 красавіка 1949 г., высланы ў Сібір, дзе і памёр 😢

(распрацавана ў межах праекта ImagineY пры фінансавай падтрымцы Еўрапейскага Звязу)

🎂 20 жніўня 1847 года нарадзіўся Аляксандр Главацкі (Баляслаў Прус) — польскі пісьменнік.

💪 Актыўны ўдзельнік паўстання 1863—1864 гадоў. Быў паранены і трапіў у рускі палон. 20 студзеня 1864 года арыштаваны за ўдзел у паўстанні і да красавіка знаходзіўся ў турме. Таксама вайсковы суд пастанавіў пазбавіць яго шляхецкага звання 😡

Ёсць шмат перакладаў твораў Баляслава Пруса на беларускую мову: апавяданне «Міхалка» (Міхал Чарнецкі), зборнік «Грахі маленства» (Янка Брыль), «На канікулах» (Пятро Бітэль), «Лялька» (Галіна Жарко і Мікола Хаўстовіч) 📚

(распрацавана ў межах праекта ImagineY пры фінансавай падтрымцы Еўрапейскага Звязу)

🥳 21 жніўня 1906 года нарадзіўся Макар Трафімавіч Паслядовіч — беларускі празаік і перакладчык

З 1927 года выдаў больш за 70 кніг і апавяданняў. Для дзяцей выдаў кнігі «Вучоны верабей» (1938), «Зялёны канверт» (1964) 📖

Пераклаў на беларускую мову некаторыя творы А. Пушкіна, А. Чэхава, аповесць М. Гогаля «Тарас Бульба» (з А. Бачылам), раман Р. Джаваньёлі «Спартак», аповесць П. Бажова «Зялёны конік», раман М. Астроўскага «Народжаныя бурай», творы ўкраінскіх, польскіх і іншых пісьменнікаў 🙏

(распрацавана ў межах праекта ImagineY пры фінансавай падтрымцы Еўрапейскага Звязу)

З’явілася мабільная праграма MOVA 2.0 для вывучэння беларускай мовы ❤️

Лексіка, граматыка, цікавыя тэсты 🔥

‌Спампаваць MOVA 2.0 можна ў App Store & Google Play Market https://taplink.cc/mova2.app

🎉 23 жніўня 1917 года нарадзіўся Пімен Панчанка — народны паэт Беларусі, публіцыст, крытык і перакладчык

😢 Апошнія 15 год свайго жыцця моцна дакараў сябе за той незайздросны стан беларускай мовы, які склаўся ў 80-х гадах, хоць асабіста не быў вінаваты, а нават наадварот (згадаць толькі верш "Родная мова" 1964 года ці "Беларуская мова" 1986 года), аднак такое сама цкаванне моцна адбілася на здароўі паэта

💥 Пераклаў на беларускую мову паасобныя творы Ф. Шылера («Разбойнікі»), А. Міцкевіча, Я. Райніса, А. Пракоф’ева, А. Суркова, Т. Масэнкі, Б. Чалага, паэму М. Нагнібеды «Матулям з Расой» і шмат іншых... 📖

(распрацавана ў межах праекта ImagineY пры фінансавай падтрымцы Еўрапейскага Звязу)

🇺🇦 Сёння, 24-га Жніўня, адзначаецца Дзень незалежнасці Украіны! 🤝

24 жніўня 1991 года быў прыняты акт абвяшчэння незалежнасці краіны. Да гэтага дня ўсю сваю гісторыю Украіна змагалася за сваю самастойнасць 🫡

Сябры, шчыра віншуем вас са святам, зычым моцы ў адстойванні і абароне сваёй незалежнасці! Няма абсалютна ніякіх сумневаў у тым, што вы пераможаце акупантаў – адвечных ворагаў нашых продкаў. Ніколі больш вольная Украіна не будзе пад акупацыяй маскаля 💪😎
💙💛 Слава Украіне! Героям слава! 💙💛

(распрацавана ў межах праекта ImagineY пры фінансавай падтрымцы Еўрапейскага Звязу)

🤍❤️🤍 25 жніўня 1991 года «Дэкларацыя аб дзяржаўным суверэнітэце Беларускай ССР» набыла статус канстытуцыйнага закона 💪😎
253 дэпутата выказаліся «За» наданне такога статусу. Дэкларацыя аб дзяржаўным суверэнітэце захоўвала юрыдычную сілу да 15 сакавіка 1994 г., даты прыняцця Канстытуцыі Рэспублікі Беларусь 🤗

(распрацавана ў межах праекта ImagineY пры фінансавай падтрымцы Еўрапейскага Звязу)

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)

26 жніўня 1962 года нарадзілася Таццяна Сапач — журналістка, паэтэса,

Была адной з заснавальніц суполкі «Талака» у Гомелі. У час змагання літоўцаў за незалежнасць выходзіла ў радыё- і тэлеэфір, заклікаючы беларусаў Літвы падтрымаць імкненне да выхаду з імперыі. Ад 1991 яна дваццаць гадоў рыхтавала беларускую тэлепраграму «Віленскі сшытак». Супрацоўнічала з Радыё Свабода і «Балтыйскія хвалі».
Загінула ў аўтакатастрофе паблізу г. Алітус, Літва. Пахаваная на радзіме ў в. Маркава.

Як заўважыў пісьменнік Уладзімір Арлоў, у напісаных ёю паэтычных творах будзённае, штохвіліннае, мімалётнае яе талент нязменна ператвараў у нябеснае й касмічнае.

(распрацавана ў межах праекта ImagineY пры фінансавай падтрымцы Еўрапейскага Звязу)

27 жніўня 1906 нарадзіўся паэт і празаік, чалавек з неверагодна складаным лёсам - Сяргей Новік-Пяюн.

У 1926 арыштаваны польскімі ўладамі. Пасля вяртання ў родныя мясціны ў 1931, зноў арыштаваны і высланы пад нагляд паліцыі ў Слонім.
У 1943 арыштаваны СД, адпраўлены ў лагер смерці Калдычэва, дзе падчас расстрэлу групы вязняў быў паранены і прыкінуўся мёртвым, што яго і выратавала.
У 1944 арыштаваны органамі НКУС за «здраду радзіме». На 14 гадоў адпраўлены ў ГУЛАГ на Калыму. Вызвалены і рэабілітаваны ў 1958 годзе.

Аўтар зборнікаў вершаў «Заўсёды з песняй» (1984), «Песні з-за кратаў» (1993). Некаторыя песні на словы С. Новік-Пяюна лічацца народнымі, найбольш вядомыя з іх «Зорачкі» і «Над Шчарай» («Слонімскі вальс»).

(распрацавана ў межах праекта ImagineY пры фінансавай падтрымцы Еўрапейскага Звязу)

28 жніўня 1936 года нарадзіўся Генадзь Бураўкін - паэт, публіцыст, перакладчык, палітычны дзеяч.

У 2000 годзе, сумесна з Р. Гарэцкім і Р. Барадуліным, ініцыятар і арганізатар Усебеларускага з’езда за незалежнасць.
Член Беларускага ПЭН-Цэнтра, Рады беларускай інтэлігенцыі, Савета заснавальнікаў Грамадскага навукова-аналітычнага цэнтра «Беларуская перспектыва». З 2008 года з’яўляўся кіраўніком назіральнага савета тэлеканала Белсат.

На вершы Г. Бураўкіна напісана шмат папулярных песень. «Калыханку» на словы Бураўкіна кожны вечар слухалі дзеці Беларусі.

Перакладаў на беларускую мову вершы рускіх, украінскіх, малдаўскіх, балгарскіх паэтаў.

(распрацавана ў межах праекта ImagineY пры фінансавай падтрымцы Еўрапейскага Звязу)

Ніколі не чытайце Начную Газету. Частка VІІ: ДЗЕ ЎСЕ?
Дзіўная газета, якая з'яўляецца роўна апоўначы.
Працяг містычнай гісторыі дасяжны на нашым Патрыёне! 🎉

(распрацавана ў межах праекта ImagineY пры фінансавай падтрымцы Еўрапейскага Звязу)

31 жніўня нарадзіўся Аляксандр Шыманоўскі — беларускі этнограф, фалькларыст і педагог.

У час паездак па Беларусі сабраў матэрыял па беларускаму фальклору і этнаграфіі, склаў зборнік «Мінская губерня і яе народная творчасць у сувязі з апісаннем народных свят і абрадаў» (песні, казкі, загадкі, прыказкі, гаспадарча-этнаграфічныя назвы...). У зборніку выклаў і свае погляды на народную творчасць. Матэрыялы зборніка выкарыстоўваюцца навукоўцамі пры вывучэнні і публікацыях беларускага фальклору па сённяшні дзень.

Забіты бальшавікамі каля свайго дому.

(распрацавана ў межах праекта ImagineY пры фінансавай падтрымцы Еўрапейскага Звязу)

#годнаяцытата
(распрацавана ў межах праекта ImagineY пры фінансавай падтрымцы Еўрапейскага Звязу)