👑 Bekalar Uchun 💕

Бир оз ўтиб, яраларини қўшнининг
ҳамшира келини боғлай бошлади.
Кундан-кун жароҳат излари битиб
борар, қалбдагиси эса алам-ла ачитар,
малҳами топилмаётганди.
Ожиз қолган дамларда Қувон “нима
қилсам экан?” деб хаёлга ботарди.
Лобарнинг тирик эканлигига ишончи
сўниб бўлаёзганди. Жодугар Кэтрина
кўз олдида отиб ташлади-ку. Наҳотки
Лобарнинг ўлимига тўлиқ ишонмаса?
Қартабоз аёлнинг ўлмай қолиши
ёинки жодугар маҳв этувчи фикридан
қайтиб, касалхонага юбориши,
шифокорлар Лобарнинг ҳаётини
сақлаб қолиши мумкинми? Кэтрина
раҳм-шафқат қиладими?..
Қўшни келин ярасини боғлаётиб,
сўради:
– Бола, Россияга кетганлар ўрис
хотинларга уйланиб олаётганмиш,
ростми?
“Вадуд бовани топиб бўлармикан?”
деб ўйлаб ўтирган Қувон ихтиёрсиз
тарзда елка қисди. Сўнг жавоб
кутаётган янгасига тикилди. Эрининг
Россияга жўнаганига бир йилдан
ошган, анча мунғайиб қолибди.
– Эшакўлдининг қизлари
куёвларини олдириб қўярмиди, –
деди ҳазиллашиб.
Бу жувон Эшакўлди қишлоғидан
келин бўлиб тушганди. Овсинлар
ҳазиллашиб бир-бирини қишлоқ номи
билан чақиришарди: Молтопнинг
қизи, Калтепанинг қизи...
Янга ним жилмайди.
– Овсинларнинг ҳазили сизга
ярашмайди. Айтасизми, йўқми?
– Аввал айтинг, акамни
соғиндингизми?
– Кунига “Вир ва Зара”нинг
қўшиғини эшитиб, йиғлаб олмасам
кўнглим тинчимайди. Ишқилиб, “двд”
ўлгур бор бўлсин.
– Ҳа, соғинибсиз. Лекин хавотир
олманг. Бизнинг акалар унақа иш
қилмайди.
– Қанақа? – талмовсиради янга.
– У ёқдаги хотинлар билан оёқ
алмаштириш...
Янга лоладай қизариб, Қувоннинг
елкасига оҳиста урди.
– Ўлинг-е, уялмайсизми!? Сиздан
тўғрисини сўраяпман.
– Қизиқ экансиз, менам ростини
айтаяпман. Бизнинг ака битта хотинни
эплаб юрсаям катта гап. У ёқдаги11
жононлар Эшакўлдининг қизларига
ўхшаган эмас. Эркакдан талаб қилади
романтик эркак бўлишни.
– Айниманг, бола, шприц тиқиб
оламан.
Кўчадан букчайган, сап-сариқ йигит
ўтиб қолди.
– Абдибайматни чақиринг,
сўраймиз, – деди Қувон. – У Россияда
икки йил юриб келди.
– Қўйинг ўшани, – истамади янга. –
Дўхтирга қатнаб юрибди. Қўтир
бузовларнинг касалини орттириб
келган.
– СПИД эмасми?
– Енгилроғи.
Жимиб қолишди. Ҳамшира охирги
ярани боғлаб, малҳамларни
йиғиштирди.
– Биламан, одамнинг ўзига боғлиқ,
– деди у хўрсиниб. – Тўғри юрган
киши чет элдаям тўғри юради.
Акангизга ишонаман.
Қувон бош қимирлатди.
– Худога шукр, бу дунёда расво
одамлардан яхшилар кўп, янга. Ёмон
кўп бўлганида дунё мувозанатни
сақлаёлмасди.
– Бола, гап келганда сўрасам
ростини айтасизми?
– Аввал сўранг-чи.
Янга атрофга ўғринча аланглагач,
паст товушда:
– Самарқандда хотинингиз борлиги
чинми? – деди.
Қувоннинг Лобар ҳақида сўзлаб
бергиси келди. Аммо нима қилади гап
кўпайтириб! Шундоқ ҳам марҳума
келинчагининг акалари гумонсираб
юрибди. “Синглимизни Қувоннинг ўзи
ўлдириб қўймадимикан”, деганмиш.
– Хотин... йўқ, – Қувон қуруққина
жавоб қайтарди.
Шу он уч уй наридан дод-вой,
чуввос солиб йиғлаганлар овози
оламни тутди. Янга ҳам, Қувон ҳам
кўчага шошилди. Бояги сариқ йигит
ўпкаси тўлиб, шошиб қайтиб
келмоқда эди.
– Нима гап, Абдибаймат? – сўради
Қувон.
– Бердимурод ўлибди, – деди у
тўхтаб.
– Бердимурод? Ийе, ўтган ҳафта
Россияга кетганди-ку! Иши яхши
дейишганди...
– Тожикистонлик йигитнинг ўрнига
ўтган экан. Ичиб келиб сўйиб
ташлабди. Ўша жойда, квартирасида
жон берибди, бечора.
Олти кундан сўнг тобутни
келтиришди. Пайвандчилар темир
кесаётганда Қувон ҳам борди.
Дорилаб ташланган мурда
бузилмаганди. Негадир Қувоннинг
тўйиб-тўйиб йиғлагиси,
Бердимуродни қучиб, бор дардини
тўкиб солгиси келди.
Одамлар жанозада гапиришди:
Бердимуроднинг тобути келган
самолётдан яна олтита тобут
туширилганмиш, у ёқда – Москвада
йигирмадан зиёд тобут рейс
кутаётганмиш.
Қувон жанозадагилар ўзига синчков
назар ташлаб қўяётганини сезиб,
четроққа ўтди. Қишлоқда иғвогарлар,

5.5K viewsShalola, 04:19