طرح‌سوال از :
#حاج‌اسدالله_لطیفی 👇
مرداد ۱۴۰۰

شای افراسیاو فرار رو و کو
ویش تک و تنیا بی جم و گرو
هر و او کوه یه مرد دیندار
او هم واو کوه گرده بی قرار
یه ناله شنفت در هنگام خاو
ناله کس نیه جز افراسیاو
نامم رواج بی جهان سراسر
پنام برد وی غار بی در و پیکر
افراسیاوش دی او مرد دیندار
و تند و حیبت آما پری غار
هوا دا پریش سر حلقه کمن
او شاه جنگی گیر آورد و بن
دانا ی خردمن پر عقل و باهوش
ای مرد کیه نام ای غار بوش ؟؟
ــــــــ

جواب منصوررضایی‌سرونوی
متخلص به : #بهمرد_هرمزدیار 👇

عرضِ سلامم و خزمت استاد
خدالَم بِکی عمرت نچوه باد
ار وه جسارت نزانین بوشم
جواو سوالِت روی وژ بپوشم !
شرمم ها وه روی ، وه بین کَلینَل
مِ بامه زوان ، ملرزم چیو مَل
عارضم گِ "هوم" زاهد خداتِرس
روژگار ار اَفِر کردیه شووه پِرس
اَر غاری وه نام "هنگ افراسیاو "
بالل بستیه‌وه بیدون قال و راو
اگر راسم وت جواو کلامت
چپمی پَی بکو ، خوَش وه مرامِت
بنده بویچکتم ، بهمرد هرمزدیار
بنیشه خیر و داوِد نگه دار !
ــــــــ

تایید استاد #درویش‌علی_تتری👇

احسنت وحاجی پیر نکته دان
صد احسنت منصور دانای خوش بیان

لطیفی سرور فرزانه زمان
جواب درست بهمرد کرد عیان

درویش علی تتری
👏👏👏

▶ @Behmard60042
▶ @BHormozdyar